ئه‌ڤرۆ نيوز:
سەرۆک مەسعود بارزانی، پێشوازی ل وەزیرێ دەرڤە یێ رۆسیا کر و پەیوەندیێن دوئالی و شەرێ دژی تیرۆرێ گۆتوبێژ کر.
پشتی گەھشتنا وی بۆ ھەولێرێ و کۆمبوون ل گەل سەرۆک وەزیرێن هه‌رێمێ کری، سێرگی لاڤرۆڤ وەزیرێ دەرڤە یێ رۆسیا ژ ئالیێ سەرۆک مەسعود بارزانی ڤە ھات پێشوازی کرن، د کۆمبوونەکێ دا ھەردو ئالیان بەحسا پەیوەندیێن ھەولێر و بەغدا و ھەروەسا پەیوەندیێن ھەولێر و مۆسکۆیێ کرن.
ئەڤرۆ نیوز،بارزان مزووری:
هەلکەفت سلێمان، ئێک ژ وەلاتیێن گوندێ مێرسیدا ئێک بۆ ئەڤرۆ نیوز گوت:ئەڤرۆ مەغرەب رێکەفتی 7/10/2019 فرۆکێن لەشکەری یێن تورکیا چیایێ خێرێ هنداڤی گوندێ مێرسیدا ئێک سەر ب ناحیا ئەترۆش ترۆمبێلەکا پەکەکەی وبارەگایێن وان سێ جاران بوردومان کر، ناڤهاتی خویاکر بۆ ئێکەم جارە فرۆکێن تورکیا ڤێ دەڤەرێ بوردومان دکەن لدوڤ زانیاریێن دەستپێکێ پەکەکەی زیانێن مادی و گیانی هەبوینە، ناڤهاتی گوت سەدان رەزێن وەلاتیان ژڤی چیاینە د نهادا ترسەک بو خەلکی دروست بویە و رەزێن خۆ هەموو هێلان.
ئه‌ڤرۆ نيوز:
دۆنالد ترامپی گه‌فا وێرانكرنا ئابۆرێ توركیا ل ئه‌نقه‌ره‌یێ كر و خواست ژی ئالییێن ده‌ڤه‌رێ ل گه‌ل ئێكه‌تییا ئه‌ورۆپا چاڤدیرییا داعشییان بكه‌ن.
سه‌رۆكێ ئه‌مریكا دۆنالد ترامپی د داخویانییه‌كا نوو دا هۆشداری ژبه‌ر هێرشا ل سه‌ر رۆژئاڤایێ كوردستانێ دانه توركیا و راگه‌هاند: گه‌ر توركیا زێده‌گاڤییێن ده‌رڤه سنۆرێن ده‌ستنیشانكری كرن ئه‌و دێ دوباره ئابوورێ وێ وێران كه‌ت.
ترامپی ده‌رباره‌ی تیرۆریستێن داعشێ و مالباتێن وان یێن د ده‌ستێ هه‌سه‌دێ دا گۆت: ئه‌ركێ ئه‌مریكا ل ده‌ڤه‌رێ ب دوماهى هاتییه و ده‌م هات ئالییێن ده‌ڤه‌رێ ل گه‌ل ئێكه‌تییا ئه‌ورۆپا چاڤدیرییا داعشی و مالباتێن وان بكه‌ن.
ئه‌ڤرۆ نيوز:
ئه‌ڤرۆ رۆژا دوشه‌مبى 7/10/2019 مه‌سرور بارزانى سه‌رۆكێ حوكمه‌تا هه‌رێما كوردستانێ و جێگرێ وى قوباد تاله‌بانى دگه‌ل ده‌سته‌يا بلندا وه‌به‌رهێنانا كوردستانێ كومبوو.
د ڤێ كومبوونێ دا محه‌مه‌د شوكرى سه‌رۆكێ ده‌سته‌يا وه‌به‌رهێنانێ راپورته‌ك ب داتا و زانيارى پێشكێشى كر و تێدا گرفت و پێدڤيێن ده‌سته‌يا وه‌به‌رهێنانێ به‌رچاڤ كرن.
ژلايێ خوه ڤه سه‌رۆكێ حوكمه‌تا هه‌رێمێ دوپاتى ل وێ چه‌ندێ كر و پێدڤيه وه‌به‌رهێنان ب شێوه‌يه‌كێ پلان و بێهته رێكوپێك كرن و حوكمه‌ت ژى به‌رنامه‌يه‌كێ پێدڤى دێ به‌رهه‌ڤ كه‌ت بۆ رێكخستنا پرۆژه‌يێن وه‌به‌رهێنانێ و ب شێوه‌يه‌كى ئه‌نجامدانا پرۆژه‌يان ل دووڤ پلان و پێدڤيێن هه‌رێما كوردستانێ بيت.
ئەڤرۆ نیوز:
ئەڤرۆ سەرۆک مەسعود بارزانی پێشوازی ل برۆنۆ ئۆبێر بالیوزێ فرەنسا ل عیراقێ کر و د هەڤدیتنەکێ دا بەحسێ رەوشا دەڤەرێ، عیراقێ و کوردستانێ هاتە کرن.
هەر د ڤێ کۆمبوونێ دا بەحسێ رەوشا سووریێ و کوردێن رۆژئاڤایێ کوردستانێ هاتە کرن و سەرۆک بارزانی دلگرانیا خوە ل هەمبەر پێشهاتێن دووماهیێ ل سووریێ و کارتێکرنا وێ ل سەر کوردێن رۆژئاڤایێ کوردستانێ دیار کر.
دهۆك، له‌زگین جۆقى:
رێڤه‌به‌رێ گشتی ساخله‌میا پارێزگه‌ها دهۆكی دیاركركو تیمه‌كا نۆشدارێن ئه‌مریكێ پتر ژ 50 نشته‌گه‌ریان بۆ وه‌لاتیان ل دهۆكێ ئه‌نجامدان ب سه‌دان نه‌خۆش هاتینه دیتن دی به‌رده‌وام بن لسه‌ر پێشكیشكرنا خزمه‌تێن ساخله‌میێ بۆ وه‌لاتیان و مه‌شقدانا ستافی ساخله‌میا دهۆكێ واری زانستی نوو یێ نۆشداری دا.
د. نزار عصمه‌ت، رێڤه‌به‌رێ گشتی ساخله‌میا پارێزگه‌ها دهۆكێ دیاركركو هه‌ڤكاریا ناڤبه‌را زانكۆیا ئه‌مریكی ل كوردستانێ و ساخله‌میا دهۆكێ ب پشته‌ڤانیا رێكخراوان GSMSG كو به‌رده‌وام پشته‌ڤانیا ساخله‌میی دكه‌ن ب هه‌ڤكاری دگه‌ل ده‌زگه‌هی بارزانی یێ خێرخوازی ئه‌ڤ چه‌ندین جارا تیمێ نۆشدارێن ئه‌مریكی سه‌ره‌دانا مه دكه‌ت بۆ وی چه‌ندی خزمه‌تا خه‌لكێ بكه‌ن و پشته‌ڤانیی ل كه‌رتی ته‌ندروستی بكه‌ن د وارێ فێركرنا زانستی نوشداری دا ژی هه‌ڤكاریا مه دكه‌ن ل ڤێ جار ژی 40 نۆشدار و په‌رستاران ژ ئه‌مریكا قه‌ستا كوردستانێ كرن ژوانا ژی 30 نۆشدار و په‌ستار ل دهۆكێ خزمه‌تی دكه‌ت ئه‌ڤه چه‌ند رۆژن خزمه‌تی ئه‌نجام ده‌ن.
ته‌كه‌ز كركو شاندی نۆشدارێن ئه‌مریكێ هه‌تا رۆژا 12/10/2019 دێ به‌رده‌وام بن ل سه‌ر پێشكیشكرنا خزمه‌تێن ته‌ندروستی بۆ وه‌لاتیان وچه‌ندێن نه‌خۆش چاره‌سه‌ر كرینه و نشته‌گه‌ری ئه‌نجامداینه ئه‌ڤ رێكه‌ڤتنا مه هه‌ی بۆ وی چه‌ندی یه بشین ئاستی په‌رستاری باشتر بكه‌ین وچه‌ندێن نه‌خۆشین دگمه‌ن یێن چاره‌سه‌ریا وان زۆر زه‌حمه‌ت بتایبه‌تی ژی نه‌خۆشین دلی و بربرا پشتی و نه‌خۆشین مێشكی و په‌نچه‌شیری چاره‌سه‌ر بكه‌ن و نۆشدارێن دهۆكێ ژی فێر بكه‌ن ل سه‌ر زانستی نوو یێ نۆشداری.
د. نزار گۆت: تیمێ ئه‌مریكێ ل سه‌ر هه‌موو نه‌خۆشخانێن دهۆكێ هاتینه دابه‌شكرن ل نه‌خۆشخانا ئازادی و ته‌نگاڤیان و هیڤی ونه‌خۆشخانا زارۆكبوونی هه‌روه‌سا سه‌نته‌رێن ساخله‌می و قه‌ستا ناڤ كه‌مپێن ئاواران كرینه چه‌ندین نه‌خۆش چاره‌سه‌ركرینه ل ناڤ كه‌مپان ب سه‌دان نه‌خۆش هاتینه دیتن و پتر ژ 50 نشته‌گه‌ریان بۆ وه‌لاتیان ئه‌نجامداینه وبه‌رده‌وام یێ راهینانا دكه‌ن بۆ په‌رستارێن دهۆكێ ل پاشه‌رۆژی ژی ل به‌ره كو هه‌ڤكاری دگه‌ل مه‌دا پتر ئاستی په‌رستاری باش بكه‌ین.
سه‌رۆكێ زانكۆیا ئه‌مریكێ و سه‌رۆكی شاندی نۆشدارێن ئه‌مریكی ژی په‌یڤ پێشكیشكرن وسوپاسیا هه‌ڤكاریا ساخله‌میا دهۆكێ كرن بۆ وی پشته‌ڤانیا ل نۆشدارین ئه‌مریكێ دكه‌ن پێخه‌مه‌ت گه‌هاندنا خزمه‌تێن ساخله‌میێ بۆ وه‌لاتێن ل دهۆكێ.
ئه‌ڤرۆ نيوز، نيوار محه‌مه‌د سه‌ليم:
لژنا پێشه‌سازى و وزێ و سامانێن سرۆشتى ل جڤاتا پارێزگه‌ها دهۆكێ ئه‌ڤرۆ رۆژا دوشه‌مبى رێكه‌فتى 7ى چريا ئێكێ 2019 مێڤانداريا هه‌رێ ئێك ژ قايمقامێ كۆچكا پارێزگه‌هێ و سه‌رۆكێ لژنا نه‌فت و كانزايان و رێڤه‌به‌رێ به‌لاڤكرنا به‌رهه‌مێن سۆته‌مه‌نيێ ل دهۆكێ كر.
عه‌بدولسه‌مه‌د تێلى، سكرتێرێ جڤاتا پارێزگه‌ها دهۆكێ كو د هه‌مان ده‌م دا سه‌رۆكێ لژنا پێشه‌سازى و وزه و سامانێن سرۆشتى يه، د داخۆيانيه‌كێ دا بۆ ئه‌ڤرۆ نيوز راگه‌هاند كو ئه‌ڤ كۆمبوونه ل دۆر ئاماده‌كاريێن پارێزگه‌ها دهۆكێ بوون ل دۆر به‌لاڤكرنا گازاسپى.
سه‌رۆكێ لژنا ناڤبرى زێده‌تر گۆت: “هه‌ر ديسان د ڤێ كۆمبوونێ دا به‌حس ل وێ چه‌ندێ ژى هاته كرن كا ئه‌و گازا ل ئه‌ڤ ساله ل سه‌ر مواليدان هاتيه به‌لاڤكرن ب چ ره‌نگ بوو”.
ئاماژه ب وێ چه‌ندێ ژى كر كو هه‌ر د وێ كۆمبوونێ دا، دووڤچوونا شێوازێ دانا مۆله‌تێن پانزينخان هاته كرن كا چاوان دهێنه دان، “ژ به‌ر كو ل دووڤ پێدڤياتيێ ناهێنه دانان، ل هنده‌ك جهان گه‌له‌ك يێن زێده بووين و هنده‌ك جهان ژى د پێدڤى نه و نه‌هاتينه دانان”.
ته‌وه‌رێ دووماهيێ ژى يێ ڤێ كۆمبوونێ ب گۆره‌يى داخۆيانيا عه‌بدولسه‌مه‌د تێلى ل دۆر بابه‌تێ پالاوگه‌هێن نه‌قانوونى بوو، پشتى ب گۆره‌يى بڕياره‌كا جڤاتا وه‌زيران هاتينه دايخستن كا چه‌ند پێگرى پێ هاتيه كرن سه‌ره‌راى وێ چه‌ندێ كو نها هێزه‌ك ژى بۆ رێگريكرنێ ل وێرێ بنه‌جهـ كريه.
د ڤێ كۆمبوونێ دا، ماجد سه‌يد سالح سه‌رۆكێ لژنا سۆته‌مه‌نيێ ل كۆچكا پارێزگه‌ها دهۆكێ ئاشكه‌را كر كو وه‌كو پارێزگه‌هـ ئه‌وان هه‌موو ئاماده‌كارى بۆ به‌لاڤكرنا گازا سپى كرينه و ب تنێ مايه گازا سپى گازا سپى بگه‌هيت”.
ئاشكه‌را ژى كر كو ئه‌ڤ ساله هه‌ر زوو لايه‌نێن شوله‌ژێ ئاگه‌هدار كرينه و به‌هرا پارێزگه‌هێ ل دووڤ پێدڤياتيێ بۆ وان دياركريه، به‌لێ دبيت دشيانێن حوكمه‌تا هه‌رێمێ دا نه‌بيت، “پێدڤيه حوكمه‌تا عيراقێ گازا سپى بۆ وه‌لاتيان دابين كه‌ت كا چاوان ل به‌غدا ژى بۆ وه‌لاتيان دابين دكه‌ت”.
نه‌ڤه‌شارت ژى كو ئه‌و پێشبينى دكه‌ن دڤێ حه‌فتيێ دا هه‌تا حه‌فتيا بهێت، بڕيار ل سه‌ر مه‌زاختنا گازێ بۆ هه‌رێما كوردستانێ بهێته كرن و پشتى وێ ب چه‌نده‌كا كێم بگه‌هيته هه‌رێما كوردستانێ و ده‌ست ب به‌لاڤكرنا وێ بهێته كرن.
ژ لايێ خوه ڤه محسن تاها، رێڤه‌به‌رێ به‌لاڤكرنا به‌رهه‌مێن سۆته‌مه‌نيێ ل پارێزگه‌ها دهۆكێ ئاشكه‌را كر كو نها گازا سپى ل به‌ر ده‌ست نينه ل سه‌ر وه‌لاتيان به‌لاڤ بكه‌ن و گۆت: “سالێن بۆرى رۆژانه تشته‌كێ كێم دهات و د هاتنه به‌لاڤكرن، به‌لێ ئه‌ڤ ساله وه‌سان ژى هێشت نه‌هاتيه”.
پارێزگه‌ها دهۆكێ پێدڤى ب 60 مليۆن ليترێن گازا سپى هه‌يه هه‌كه بۆ هه‌ر خێزانه‌كێ 200 ليترێن گازا سپى بهێنه دابينكرن.
ئه‌ڤرۆ نیوز، نه‌وزاد هلۆرى:
هێزێن ئه‌مریكا ل رۆژئاڤایێ كوردستانێ دێ هێنه ڤه‌كێشان و سه‌رۆكاتیا توركیا ژى به‌رده‌وامه ل سه‌ر هه‌ره‌شه‌یێن خوه بو هێرشكرنا لسه‌ر رۆژئاڤایێ كوردستانێ. شه‌ڤا بورى دونالد ترامپ سه‌رۆكێ ئه‌مریكا و ره‌جه‌ب ته‌یب ئه‌ردوگان سه‌رۆكێ توركیا د په‌یوه‌ندیه‌كا تێله‌فونى دا و به‌حس ل دوماهى گورانكاریێن باكوورێ سوریا (رۆژئاڤایێ كوردستانێ كر).
سكرتێرێ كوچكا سپى یا ئه‌مریكى به‌حس ل ناڤه‌روكا په‌یوه‌ندیا سه‌رۆكێ ئه‌مریكا و توركیا دكه‌ت و دیاركر كو هێزێن ئه‌مریكا دێ ل باكوورێ سوریا ل ده‌ڤه‌رێن سنوریێن دناڤبه‌را توركیا و سوریا ڤه‌كێشیت، ئه‌ڤه تایبه‌تى پشتى داوى هاتنا شه‌رێ ل گه‌ل تیرورستێن داعش، دێ هه‌موو هێزێن خوه ل باكوورێ سوریا(رۆژئاڤایێ كوردستانێ ) ڤه‌كێشیت، ئه‌مریكا پشته‌ڤانیا هێرشێن توركیا بو سه‌ر رۆژئاڤایێ كوردستانێ ژى ناكه‌ت.
ب گوره‌ى پێزانینێن چه‌ند میدیاێن توركیا، نوكه راهێنان ب هێزێن توركى بو سه‌ر رۆژهه‌لاتێ فوراتێ دكه‌ت، ئه‌ڤه دده‌مه‌كێ دایه كو هه‌رشه‌یێن توركیا بو سه‌ر باكوورێ سوریا و رۆژئاڤایێ كوردستانێ د به‌رده‌وامن. نه‌ته‌وه‌یێن ئێكگرتى دیاركر كو شه‌رێ ل باكوورێ سوريا دێ بیته سه‌ده‌ما پێله‌كا مه‌زن یا ئاواره و په‌نابه‌رێن ده‌ڤه‌رێ و كاره‌ساتێن مروى دێ هێنه ئه‌نجامدان.
نيشاندان