ئەڤرۆ نیوز:
ناسر هەرکی ئەندامێ فراکسیۆنا پارتی ل پەرلەمانێ عیراقێ راگەهاند کو نها تێگەهشتنەکا باش د ناڤبەرا ئالیێن سیاسی یێن عیراقێ دا هەیە و ئەگەرێ لادانا عادل عەبدولمەهدی یا لاواز بووی و گۆت: (ئالۆزیێن نها یێن عیراقێ تنێ سەرۆک وەزیر ژێ بەرپرسیار نینە و ئاریشە یێن کابینێن بەری نها نە و هەکە گوهۆرینەک ل پۆستێ سەرۆک وەزیران بهێتە کرن ئەگەرێ لادانا سەرۆک کۆمار و سەرۆکێ پەرلەمانی ژی یا هەی).
ئه‌ڤرۆ نيوز، نيوار محه‌مه‌د سه‌ليم:
د هه‌يڤا 12 يا ئه‌ڤ ساله دا، ماوێ قانوونى يێ كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ دێ ب دووماهى هێت و بۆ ڤێ مه‌ره‌مێ ژى داخوازا چاره‌سه‌ريان ژ حوكمه‌تێ دهێته كرن.
سه‌باح كوره‌چى، ئه‌ندامێ جڤاتا كۆميساران بۆ باسنيوز گۆت: “ب گۆره‌ى وێ قانوونى كۆمسيۆن پێ هاتيه دامه‌زراندن، پێنج سالان جاره‌كێ دڤێت سه‌رۆك و ئه‌ندامێن جڤاتا كۆميساران بهێنه هه‌لبژارتن، كۆمسيۆنێ نها نێزيكى هه‌يڤه‌كێ ل به‌ره و پاشان ماوێ وێ يێ قانوونى دێ ب دووماهى هێت.
روون ژى كر كو ماوه‌كى به‌رى نها ب نڤيسار په‌رله‌مانێ كوردستانێ ئاگه‌هدار كريه كو چاره‌سه‌ريا كێشا قانوونى يا كۆمسيۆنێ بكه‌ن، به‌لێ هه‌تا نها به‌رسڤا نڤيسارا وان نه‌هاتيه دان.
ب گۆره‌ى قانوونێ، رۆژا 23ى كانوونا ئێكێ 2019 دێ ماوێ قانوونى يێ كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ ب دووماهى هێت كو پێشتر سه‌رۆك و جڤاتا كۆميساران ب گۆره‌ى رێكه‌فتنه‌كێ د ناڤبه‌را (پارتى، ئێكه‌تى، گۆڕان، ئێكگرتوو و كۆمه‌ل) دا هاتبوو پارڤه‌كرن.
ئه‌ڤرۆ نيوز:
نڤيسينگه‌ها راگه‌هاندنێ يا به‌شير حه‌داد سه‌رۆكێ جڤاتا نوونه‌رێن عيراقێ راگه‌هاند كو ب بزاڤێن جێگرێ سه‌رۆكێ په‌رله‌مانى و هه‌موو فراكسيۆنێن كوردستانى ژمارا ئه‌ندامێن كورد يێن ناڤ لژنا نڤيسينا دستوورى ژ سێ كه‌سان بۆ شه‌ش كه‌سان هاتنه زێده‌كرن.
د راگه‌هاندنێ دا هاتيه: “رۆژا شه‌مبى د. به‌شير حه‌داد، جێگرێ سه‌رۆكێ جڤاتا نوونه‌رێن عيراقێ نڤيسينه‌كا فه‌رمى ئاراسته‌ى سه‌رۆكاتيا جڤاتا نوونه‌ران كر بۆ زێده‌كرنا ئه‌ندامێن كورد يێن ناڤ لژنا راستڤه‌كرنا دستوورى ژ سێ كه‌سان بۆ شه‌ش كه‌سان”.
نها ئه‌ندامێن كورد يێن ناڤ لژنا نڤيسينا دستوورى پێك دهێن ژ هه‌ر ئێك ژ د. ڤيان سه‌برى، د. جوان ئيحسان، د. يوسف محه‌مه‌د، د. عه‌بدولبارى موده‌رس، د. جه‌مال كۆچه‌ر و سه‌رۆكێ لژنا قانوونى رێبوار هادى.
ئه‌ڤرۆ نيوز:
شڤدێى نێچيرڤان بارزانى سه‌رۆكێ حوكمه‌تا هه‌رێما كوردستانێ ب سه‌ره‌دانه‌كا فه‌رمى گه‌هشته ئه‌بۆ زه‌بى ل ئيمارات و بڕياره ئه‌ڤرۆ ل گه‌ل محه‌مه‌د بن زائيد جهنشينێ ئه‌بۆ زه‌بى كۆم ببيت.
ب گۆره‌ى راگه‌هاندنه‌كا سه‌رۆكاتيا هه‌رێما كوردستانێ، نێچيرڤان بارزانى سوبه‌هى دێ ل گه‌ل محه‌مه‌د بن زائيد، جهنشينێ ئه‌بۆ زه‌بى و جێگرێ گشتى يێ هێزێن چه‌كدار ل ئيمارات و سه‌رۆكێ جڤاتا راپه‌راندنێ ل ئيماراتا ئه‌بۆ زه‌بى كۆم بيت.
ئەڤرۆ نیوز،عەلی حاجی :
جوتیار سالم، ئاكنجەیكێ ناحیا باتیفا یە ل قەزا زاخۆ بۆ ئەڤرۆ نیوز دیار كر د هەوەكا تایبەت دا هه‌تا نوكە 350 دارێن بەریان چاندينه و ده‌مێ چەندین سالە ب وى كاری رادبيت و دبێژيت وى پێدڤی ب پشكداریا وه‌لاتیان هەيه د ڤێ هه‌وێ دا.
جوتیار سالم گوت ژى : نێزیكی شەش سالایە ئەز ب كارێ چاندنا بەریان رادبم ل ئاقارێ ناحیا باتیڤا و من هەوەك راگەهاندنیە كو ئەز زێدەتری هزار دارێن بەریا ل سنورێ ناحیا باتیڤا بچینم بەلێ ب هاریكاریا دو هەڤالان هەتا نوكە من شیایە 350 داران بچینم ، هەكە خەلك و كارگێریا ناحیا باتیفا دگەل من پشكدار بان، دا شێم زێدەتری هزار دارێن بەریان چینم، بەلێ چو كەس هاریكار نەبوو د گەل من و ئەز ڤی كاری ب خوە بەخشی دكەم و هەكە خەلك یێ هاریكار بیت دێ بەردەوام دارێن بەریا چینم داكو ئوكسجینا ناحیا باتیڤا پاقژتر بیت و هه‌روه‌سا رێژەیا داران ژی زێدەتر بیت ژبەر وێ چەندێ من دارێن بەریا هەلبژارتن ژبەر كو زێدەتر خوە ل بەر هروبایی و هەر تشتەكێ ب هێز دگریت و ژناڤچوونا وێ یا ب زەحمەتە و زێدەتر سەرنجا گەشتیاران ژی رادكێشیت .
خوياكر: برینا داران ئێدی بوويه بازرگانی و ب مخابنی ڤە خەلك فێر بوویە ڤێ چەندێ و من پێزانین هەنە كو كەسەكێ 80 پیكه‌پێن داران برینە و فروتنیە جهێن بازرگانی ئەڤجا پێدڤیە ئەڤ بازرگانیە بهێتە راوەستاندن و حوكمه‌ت ژی رێگریێ ل ڤێ بازرگانیێ بگریت و پێدڤیە حوكمه‌ت ل شوونا گازێ وەكو وەلاتێن دی غازێ بینیتە د ناڤ مالان دا، دا كو ئەو ئاریشەیا نوكە یا برینا داران هەی بهێتە كێمكرن و ئێدی وه‌لاتی ژی برینا داران بوه خوە ب دەلیڤە نەبینن .
ئه‌ڤرۆ نیوز:
سه‌رۆكێ جڤاتا پارێزگه‌ها هه‌ولێرێ راگه‌هاند، ل رۆژا دوشه‌مبیا داهاتى 11/11/2019 ب مه‌ره‌ما دانوستاندنێ ده‌رباره‌ى هژماره‌ما پرس و داخوازیان ژ حوكمه‌تێ، هه‌رسێ سه‌رۆكایه‌تیێن جڤاتێن پارێزگه‌هێن هه‌ولێرێ و سلێمانیێ و دهۆكێ دێ ل گه‌ل سه‌رۆكێ حوكمه‌تا هه‌رێما كوردستانێ كۆم بن.
عه‌لى ره‌شید، سه‌رۆكێ جڤاتا پاریزگه‌ها هه‌ولێرێ گۆت” ل سپێده‌یا رۆژا دوشه‌مبى، ل سه‌ر داخوازیا مه، دێ ل گه‌ل سه‌رۆكێ حوكمه‌تا هه‌رێمێ كۆمب بین كو تێدا دێ دانوستاندنان ل دۆر هنده‌ك پرسان و هه‌روه‌سا مه چه‌ند داخوازى ژى یێن هه‌ین دێ ئاراسته‌ى سه‌رۆكێ حوكمه‌تێ كه‌ین”.
ناڤبرى زێده‌تر بۆ مالپه‌رێ فه‌رمى یێ پارتى دیموكراتى كوردستان گۆت” داخواز دكه‌ین قانوونا هژمار 3 بهێته راستڤه‌كرن، كو گه‌له‌ك گرفت یێن تێدا و دێ به‌حسێ رۆلێ جڤاتێن پاریزگه‌هان كه‌ین كو گرنگیه‌كا زێده‌تر پێ بهێته دان، تا كو بشێن زێده‌تر رۆلێ چاڤدێریێ بگێرن”.
خویاكر ژى” رۆژا دوشه‌مبى به‌رى كۆمبوونا جڤاتا وه‌زیران ل گه‌ل هه‌رسێ جڤاتێن پارێزگه‌هێن هه‌ولێرێ و سلێمانیێ و دهۆكێ، دێ ل گه‌ل هه‌موو فراكسیۆنێن په‌رله‌مانى كۆمبوونه‌كا راوێژكارى كه‌ین بۆ وێ چه‌ندێ بۆچوونا وان ژى وه‌رگرین و دێ بۆچوونێن وان ب گرنگ وه‌رگرین، تاكو د كۆمبوونێ دا به‌رچاڤ بكه‌ین”.
ئه‌ڤرۆ نيوز:
ل دووڤ ئاژانسا فرانس پرێس، لايه‌نێن عيراقى رێككه‌فتنل سه‌ر وێ چه‌ندێ كو عادل عه‌بدولمه‌هدى د پۆستێ خوه دا وه‌كو سه‌رۆك وه‌زيران بمينيت.
ئاژانسا ناڤبرى پشت به‌ستن ب دو ژێده‌رێن سياسى يێن ئاگه‌هدار به‌لاڤكر” د كۆمبوونا سه‌ركردێن پتريا حزبێن سياسى يێن عيراقى، رێككه‌فتن ل سه‌ر مانا عادل عه‌بدولمه‌هدى د پۆستێ سه‌رۆك وه‌زيران دا، د به‌رامبه‌ر دا عه‌بدولمه‌هدى چاكسازيان د دۆسێيێن گه‌نده‌ليێ و راستڤه‌كرنا دستوورى بكه‌ت”.
وان ژێده‌ران بۆ ئاژانسا فرانس پرێس دیاركریه كو لایه‌نێن سیاسى یێن عیراقى بریار دایه كو پشتى ب دووماهى هاتنا خوه‌نیشادانان، ب هه‌موو شێوازه‌كى پشته‌ڤانیێ ل حوكمه‌تا عه‌بدولمه‌هدى بكه‌ن.
دیاركرن ژى كو رێككه‌فتنا لایه‌نێن سیاسى كو (لیستا سائیرون و ره‌وتێ حیكمه) تێدابوون، هاته كرن پشتى كۆمبوونا ل گه‌ل قاسم سلێمانى فه‌رماندێ فه‌یله‌قێ قودس یێ ب سه‌ر له‌شكرێ پاسدارێن ئیرانێ ڤه و محه‌مه‌د ره‌زا سیستانى كورێ ئایه‌توللا عه‌لى سیستانێ مه‌رجه‌عێ بلند یێ شیعان.
ئاماژه به‌وه‌شكراوه، رێككه‌وتنی لایه‌نه‌كان، كه “كوتله‌ی سائیروون و ره‌وتی حیكمه‌ی” تێدابووه، دوای كۆبوونه‌وه‌یان دێت له‌گه‌ڵ قاسم سوله‌یمانی، فه‌رمانده‌ی فه‌یله‌قی قودسی سوپای پاسدارانی ئێران و محه‌مه‌د ره‌زا سیسیتانی، كوڕی ئایه‌توڵڵا عه‌لی سیستانی، مه‌رجه‌عی باڵای شیعه‌كانی عێراق.
نيشاندان