ئەڤرۆ نیوز:
سپێدێ رۆژا چارشەمبیێ جڤاتا وەزیرێن هەرێما کوردستانێ دێ ب سەرۆکاتیا مەسرور بارزانی سەرۆکێ جڤاتا وەزیران و ب ئامادەبوونا قوباد تالەبانی جێگرێ سەرۆکێ جڤاتا وەزیران دێ کۆمبیت.
هاتە زانین کو د کۆمبوونێ دا دێ بەحسێ رەوشا نها ل عیراقێ و دەڤەرێ ب تایبەتی ژی ئالۆزیێن ڤێ دووماهیێ یێن د ناڤبەرا ئیرانێ و ئەمریکا دا هێتە کرن.
ئه‌ڤرۆ نیوز:
به‌رپرسێ پشكا یاسایی یا ده‌زگه‌هێ هه‌لبژارتنێن پارتی دیموكراتی كوردستان ل سه‌ر هه‌لبژارتنان گۆت: نه‌یا ب ساناهی یه هه‌لبژارتنێن عیراقێ د ره‌وشه‌كا هوسا دا بهێنه‌كرن.
هاوار محه‌مه‌د به‌رپرسێ یاسایی یا ده‌زگه‌هێ هه‌لبژارتنان یا پارتی راگه‌هاند هه‌لبژارتنان پێدڤی ب ره‌وشه‌كا ئارام و سه‌قایه‌كێ سیاسیێ ئارام دا هه‌یه، له‌ورا هه‌لبژارتنێن پێشوه‌خت گرێدایی سه‌قامگیرێ ڤه نه، هه‌لبژارتنێن پێشوه‌خت یێن عیراقێ نه‌یا ب ساناهی یه و پرانیا لایه‌نان تانه ل وێ یاسایا نوو یا په‌سندكری دایه.
به‌رپرسێ پشكا یاسایی یا ده‌زگه‌هێ هه‌لبژارتنێن پارتی دیموكراتی كوردستان ل سه‌ر هه‌لبژارتنان گۆت: دادگه‌ها فیدرالی ده‌م دیاركریه بۆ ئه‌وێ چه‌ندێ ئه‌و یاسایه جاره‌كا دی بهێته راستڤه‌كرن، بڤێ چه‌ندێ ل گه‌ل دستورێ عیراقێ ناگۆنجیت، له‌ورا هه‌لبژارتنێن پێشوه‌خت ناهێنه‌كرن.
هاوار محه‌مه‌دی ئه‌و چه‌نده ژی دیاركر ئه‌و یاسایا ل ڤێ دوماهیێ هاتیه په‌سندكرن ده‌لیڤه‌یا ئه‌وێ چه‌ندێ تێدا نینه هه‌لبژارتنێن پێش وه‌خت پێ بهێنه‌كرن، چونكو ئالوزی یێن زۆر تێدانه ب تایبه‌تی ل سه‌ر قه‌زا و بازنێن هه‌لبژارتنان ژبلی وێ چه‌ندێ ژی حه‌ز و هیڤێن سیاسی ل سه‌ر ئه‌وێ چه‌ندێ نینه.
ئه‌ڤرۆ نیوز:
په‌یڤدارێ وه‌زاره‌تا به‌ره‌ڤانیا ئه‌لمانیا راگه‌هاند: پشكه‌كێ ژ هێزێن خۆ ژ عیراقێ ڤه‌كێشین و ئه‌وان هێزان ڤه‌گۆهێزینه كوێت و ئوردنێ.
په‌یڤدارێ وه‌زاره‌تا به‌ره‌ڤانیا ئه‌لمانیا راگه‌هاند: ئه‌لمانیا پشكه‌كێ ژ هێزێن خۆ ژ هه‌ڤپه‌یمانیا نێڤ ده‌وله‌تی دژی داعشێ ل عیراقێ ڤه‌دكێشیت كۆ هژمارا ئه‌و سه‌ربازێن ئه‌لمانیا ل عیراقێ 30 سه‌ربازن كۆ نوكه ل به‌غدا و بنگه‌هێ سه‌ربازی یێ تاجی بنه‌جیهن و بریاره ب زووترین ده‌م ده‌ست ب ڤه‌گۆهاستنا وان بهێته‌كرن.
ڤه‌كێشانا پشكه‌كێ ژ هێزێن ئه‌لمانیا ل به‌غدا و بنگه‌هێ سه‌ربازی یێ تاجی دانه، ل ده‌مه‌كی دایه هه‌ڤركیێن ناڤبه‌را ئه‌مریكا و ئیرانێ ل دڤرێ گه‌هشتیه بلندترین ئاست و گه‌فێن راسته راستێن ئیرانێ هێرشێ كه‌ته سه‌ر هێزێن هه‌ڤپه‌یمانان ل ده‌ڤه‌رێ.
ئه‌ڤرۆ نیوز:
په‌یڤدارێ وه‌زاره‌تا بازرگانیا حوكمه‌تا هه‌رێما كوردستانێ راگه‌هاند ب ئه‌گه‌رێ زێده‌بوونا هژمارا كۆمپانیان ل هه‌رێما كوردستانێ و خواستا خه‌لكی بۆ كه‌ل و په‌للان ژ كۆمپانیان كۆ دگه‌هته 30 هزار كۆمپانیێن بیانی و ناڤخویی لڤینا بازاری زێده‌تر كریه.
فه‌تحی مه‌جید په‌یڤدارێ وه‌زاره‌تا بازرگانیا حوكمه‌تا هه‌رێما كوردستانێ ئه‌و چه‌نده ژی راگه‌هاندیه كۆ رۆژ بۆ رۆژێ لڤینا بازرگانیێ ل زێده‌بوونێ دایه كۆ رۆژانه كۆمپانیێن بیانی و ناڤخو دهێنه توماركرن و هه‌موو هێسانكاری بۆ دهێنه‌كرن، بۆ نمونه هه‌یڤا 12 لچاڤ هه‌یڤا 11 لڤینا بازرگانیێ 10% زێده‌كریه و هه‌كه بڤێ شێوه‌یی به‌رده‌وام بیت دێ زێده‌تر بن.
په‌یڤدارێ وه‌زاره‌تا بازرگانیا حوكمه‌تا هه‌رێما كوردستانێ گۆت ژی ئه‌گه‌رێ زێده‌بوونا لڤینا بازرگانیێ بۆ ئه‌وێ چه‌ندێ ڤه‌دگه‌ریت، كۆ خواستا خه‌لكی بۆ كه‌ل و په‌لان ژ كۆمپانیان زێده‌كریه، چونكو نها بیانی و خۆمالی ڤه 29 هزار و 400 كۆمپانی ل هه‌رێمێ هه‌نه، كۆ ژ وان چار هه‌زار و 100 كۆمپانی بیانین ئه‌ڤێن دی خۆمالین.
ئه‌ڤرۆ نیوز:
سوپایێ ژاپونێ هێزه‌كێ دهنێریته رۆژهه‌لاتا ناڤین و به‌رپرسه‌كێ ئه‌وی وه‌لاتی ژی رادگه‌هینیت كوشتنا قاسم سلێمان ئه‌م نه پالداینه هێزێ روانه بكه‌ین.
یوشیهید سوغا راوێژكارێ جڤاتا وه‌زیرێن ژاپونێ راگه‌هاند: ژ نێزیكڤه چاڤدێریا پێشهاتێن رۆژهه‌لاتا ناڤین پشتی كوشتنا قاسم سلێمانی دكه‌ین و چ گوهورینه‌ك ب سه‌ر پلانا هنارتنا هێزێن سه‌ربازی یێن ژاپونێ بۆ رۆژهه‌لاتا ناڤی نه‌هاتیه.
ل دوماهیا هه‌یڤا نه‌ها سالا 2019 حوكمه‌تا ژاپونێ راگه‌هاندبوو هێزكێ ب فرۆكه‌یێن شه‌ری ره‌وانه‌ی رۆژهه‌لاتا ناڤین بۆ پاراستنا پاپورێن پترۆلهه‌لگر و ریێن كه‌شتیڤانیی ل كه‌نداڤێ عه‌ره‌بی كو ژاپون 90% یا پترۆلا ئه‌وێ ده‌ڤه‌رێ دكریت.
ئەڤرۆ نیوز:
د پەیوەندیەکا تەلەفۆنیدا عادل عەبدولمەهدی و سەرۆک بارزانی دوماهی پێشهات و روودانێن عێراقێ گوتۆبێژ کرن.
لدووڤ راگەهاندنەکا نڤێسینگەها سەرۆکوەزیرێن عێراقێ، عادل عەبدولمەهدی سەرۆکوەزیرێن کاربرێکەر یێ عێراقێ پەیوەندیەکا تەلەفۆنی ب سەرۆک بارزانی کریە و گوتۆبێژ دەربارەی دوماهی پەرەسەندنا روودانێن ڤێ دەڤەرێ و عێراقی کرینە.
هەر د وێ پەیوەندیا تەلەفۆنیدا، سرووشتێ پەیوەندیێن نوکە و هەلویستێ عێراقێ و بەردەوامبوونا کارێ هەڤبەش یێ نیشتمانی و هاریکاریا ب هێز بۆ پاراستنا ئاسایشا عێراقێ و بەرژوەندی و سەروەریا نیشتمانی گوتۆبێژ کرینە.
ئەڤرۆ نیوز:
د پەیوەندیەکا تەلەفۆنیدا عادل عەبدولمەهدی و سەرۆک بارزانی دوماهی پێشهات و روودانێن عێراقێ گوتۆبێژ کرن.
لدووڤ راگەهاندنەکا نڤێسینگەها سەرۆکوەزیرێن عێراقێ، عادل عەبدولمەهدی سەرۆکوەزیرێن کاربرێکەر یێ عێراقێ پەیوەندیەکا تەلەفۆنی ب سەرۆک بارزانی کریە و گوتۆبێژ دەربارەی دوماهی پەرەسەندنا روودانێن ڤێ دەڤەرێ و عێراقی کرینە.
هەر د وێ پەیوەندیا تەلەفۆنیدا، سرووشتێ پەیوەندیێن نوکە و هەلویستێ عێراقێ و بەردەوامبوونا کارێ هەڤبەش یێ نیشتمانی و هاریکاریا ب هێز بۆ پاراستنا ئاسایشا عێراقێ و بەرژوەندی و سەروەریا نیشتمانی گوتۆبێژ کرینە.
ئه‌ڤرۆ نیوز:
ب هه‌لكه‌فتا ژ دایكبوونا حه‌زره‌تى مه‌سیح، نێچیرڤان بارزانى سه‌رۆكێ هه‌رێما كوردستانێ پیرۆزباهى ل په‌یره‌وێن كه‌نیسا ئه‌رمه‌نى ئورتودوكس ل كوردستانێ و عیراقێ و جیهانێ كر و رژدى ل سه‌ر وێ یه‌كێ كر كو كوردستان لاندكا پێكڤه‌ژیان و لێبوورین و ماف و ئازادیێن هه‌موو پێكهاتێن نه‌ته‌وه‌یى و ئاینى یه.
نێچیرڤان بارزانى د په‌یاما خوه‌دا ئاماژه ب وێ یه‌كێ كریه كو ئه‌و رژدیێ ل سەر پاراستن و بهێزكرنا بنه‌مایێن ڤى كلتورى و بهایان دكه‌ن و هه‌موو پێكڤه بۆ پاراستن و كووركرنا ڤان بنه‌مایان كار دكه‌ن.
ئەڤرۆ نیوز:
مەحمود ئۆسمان سیاسەتمەدارێ ناڤدار یێ کوردستانێ راگەهاند کو نها رەوشا عیراقێ و دەڤەرێ ب گشتی گەلەک ئالۆزە، هێشتا دیار نینە کا دێ ئالۆزیێن نها چ کارتێکرنا خوە ل کوردستانێ کەن، ژ بەر هندێ ژی دڤێت سەرکردایەتیا سیاسی یا کوردستانێ کۆم ببیت و ل دۆر رەوشا نها و کارتێکرنا وێ ل سەر کوردستانێ دانوستاندنان بکەت.
ناڤهاتی دیار دکەت کو دڤێت هێزێن سیاسی یێن هەرێما کوردستانێ ل دۆر ئالۆزیێن ل عیراقێ خوەدان ئێک هەلویست بن و بەرەڤانیێ ل بەرژەوەندیێن نەتەوی یێن گەلێ کورد ل هەرێما کوردستانێ بکەن.
ئه‌ڤرۆ نیوز:
حوكمه‌تا هه‌رێما كوردستانێ سێ ملیارن دینار بۆ خیزانێن شه‌هیدێن شه‌رێ داعشێ ته‌رخانكرن، ئه‌مینداری وه‌زاره‌تا پێشمهرگهی گۆت: سوبه‌هی ده‌ست ب پارڤه‌كرنا ئه‌وی پاره‌ی هێته‌كرن.
فه‌ریق جه‌بار یاوه‌ر ئه‌میندارێ وه‌زاره‌تا پێشمهرگهی یا حوكمه‌تا هه‌رێما كوردستانێ راگه‌هاند: به‌ریا نها وه‌زاره‌تا پێشمهرگهی داخازا دابینكرنا پێنج ملیون دیناران بۆ خێزانێن هه‌ر شه‌هیده‌كێ شه‌رێ داعشێ بهێته ته‌رخانكرن، لێ ب ئه‌گه‌رێ قه‌یرانا دارایی نه‌شیان بجه بكه‌ت و هه‌تا دوماهیێ، ئه‌وی كۆژمێ پاره‌ی بۆ خێزانێن شه‌هیدیێن شه‌رێ داعشێ بده‌ن، نوكه ره‌وش باشتره و ل سه‌ر داخازیا وه‌زاره‌تا پێشمهرگهی سێ ملیار دینار بۆ ئه‌وێ مه‌به‌ستێ هاتینه ته‌رخانكرن.
ئه‌مینداری وه‌زاره‌تا پێشمه‌رگه‌یێ ئه‌و چه‌نده ژی گۆت: سوبه‌هی رۆژا سێ شه‌مبی 7/1/2020 پێنج ملیۆن دینار بۆ هه‌ر خێزانه‌كا شه‌هێدێن شه‌رێ داعشێ هێته‌دان كۆ به‌ریا نها ئه‌و پاره وه‌رنه‌گرتین.
فه‌ریق جه‌بار یاوه‌ر ئه‌میندارێ وه‌زاره‌تا پێشمهرگهی یا حوكمه‌تا هه‌رێما كوردستانێ دازانین لیستا شه‌هیدان به‌رهه‌ڤه و هه‌ر شه‌هیده‌كێ ل وه‌زاره‌تا پێشمهرگهی هاتیه توماركرن به‌ریا نوكه خێزانێن وان وه‌رنه‌گرتین ئه‌و پاره سوبه‌هی دشێن بهێن وی پاره‌یی وه‌ربگرن.
نيشاندان