ئه‌ڤرۆ نيوز:
د كۆمبوونا ئه‌ڤرۆ يا جڤاتا پارێزگه‌ها هه‌ولێر دا، ژ سه‌رجه‌مێ 28 ده‌نگان، ب ده‌نگێن 27 ئه‌ندامان، د. فه‌رسه‌ت سۆفى بۆ پارێزگارێ نوو يێ هه‌ولێر.
فه‌رسه‌ت سۆفى وه‌كو پارێزگارێ نوو يێ هه‌ولێر هاته هه‌لبژارتن
نووترين نووچه
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
- دستووری رێك یا دایە هەرێما كوردستانێ پەترۆلا خوە بفرۆشیت
- نە هنارتنا پارەیان و ئاریشەیا مووچەی بۆ هەرێما كوردستانێ، ئێك ژ كارتێن بەغدایێ یە
- بێی مادەیێ 140 بەغدا نەشێت تاكلایەنە رەفتارێ ب پەترۆلا كەركووكێ بكەت
سهرهكى نوچێن گرنگ
دیمەن زەندی: دڤێت دەرھێنەرێن کورد پشت بەستنێ ل سەر ئەکتەرێن کورد بکەن
ئەڤرۆ نیوز ، زنار تۆڤی:
خانما ئەکتەر دیمەن زەندی، کو خەلکا رۆژھەلاتێ کوردستانێ یە، ل سالا 2013 ب رەنگەکێ پرۆفشنال پشکداری د کارێن سنیەمایی دا کریە، د دیدارەکێ دا بۆ ئەڤرۆ نیوز گۆت: وەکو ئەکتەر وێ ل گەل دەرھێنەرێن کورد حسێن حەسەنی و شەوکەت ئەمین کورکی و شەھرام عەگیدی، پشکداری د چەندین کورتە فلمان دا کریە، وان فلمان چەندین خەلات وەرگرتینە، دیسان سالانە ئەو پشکداریێ د فلمەکێ دا دکەت، لێ ھەردەم وێ ڤیایە ئەو کارێ ئەو تێدا پشکدار بیت یێ نموونە بیت، ھەروەسا ھەتانوکە وێ پشکداری د چار فلمێن درێژ و چار کورتە فلمان ژی دا کریە.
ناڤھاتیێ گۆت ژی: رۆلێ ژنێ د سینەما کوردی دا گرنگیەکا تایبەت ھەیە، ژن شیایە ھەبوونا خوە د سینەمایێ دا ب سەلمینیت، چونکی ھەکە ژن نەبیت، سینەما ژی نینە، دیسان ژنا کورد شیایە سەد دەر سەد وەکو زەلامان رۆلێ خوە د سینەمایێ دا ب بینیت، پتریا فلمان ژنان رۆل تێدا گێرایە و د حەفتەمین فلمە فیستەڤالا دھۆکێ دا رۆلێ ژنان پترە ژ یێ زەلامان د سینەمایێ دا، ھەر چەندە دەرھێنەرێن ژن کێمتر دھێنە دیتن، چونکی ترسەک ل دەف ژنان ھەیە د وارێ دەرھێنانێ دا، دەمێ ئێکەم فلم چێدکەن، لێ پشتی ھنگێ کارێن ئەنجام ددەن، نوکە سینەما کوردی د ئاستەکێ باش دایە، ل رۆژھەلاتێ سینەمایێ پێشڤەچوونەک ب خوە ڤە دیتیە.
ناڤھاتیێ گۆت ژی: وەکو ئەکتەرەکا کورد دخوازیت ئێدی دەرھێنەرێن کورد پشت گرێدانێ ل سەر ئەکتەرێن کورد بکەن و ئێدی ئەکتەرێن بیانی د فلمێن خوە دا ب کار نەئینن، چونکی مە ژ ھەردو رەگەزان ئەکتەرێن خودان شیان ھەنە، لەوما دڤێت ئەم باشتر ئەکتەرێن خوە بدەینە نیاسین و ستیرێن سینەمایی دروست بکەین، لێ دەرھێنەرێن کورد دچن وان ئەکتەرێن بیانی یێن بەرنیاس دئینن، ژ پێخەمەت ب وێ رێکێ بشێن فلمێ خوە پێ بفرۆشن، ئەڤە خەلەتیەکا مەزنە، لەوما دڤێت ئێدی ئەم پشت گرێدانێ ل سەر ئەکتەرێن کورد بکەین.
په‌روه‌ردا رۆژهه‌لات پێدڤى ب 10 قوتابخانێن نوو هه‌يه
ئه‌ڤرۆ نيوز، نيوار محه‌مه‌د سه‌ليم:
لژنا پەروەردێ ل جڤاتا پارێزگەھا دھۆکێ سەرەدانا پەروەردا رۆژھەلات دا و تێدا ھەر ئێک ژ بابەتێن رەوشا قوتابی و قوتابخانا و چاوانیا وەرگرتنا فرۆشگەھێن قوتابخانا و دووڤچوونا رێنمایێن وان ھاتنە گەنگەشە کرن.
جمبەد شوکری، سەرۆکا لژنا پەروەردە و خواندن و ئەوقاف و کاروبارێن ئاینی، د داخۆیانیەکێ دا بۆ ئه‌ڤرۆ نيوز راگەھاند کو ئەوان سەرەدانا پەروەردا رۆژھەلات ل دھۆک دا و ژ نێزیک ھایداری رەوشا سالا نوو یا خواندنێ بوون.
جمبەد شوکری گۆت: “چوونا مە بۆ پەروەردا رۆژھەلات ل دھۆکێ د درێژاھیا وان سەرەدانێن مە دایە یێن بۆ پەروەردێن قەزایا ب مەرەما ھایداربوون ل سەر رەوشا خواندنێ بەری دەستپێکرنا دەواما فەرمی یا قوتابیان”.
زێدەتر گۆت:“د روونشتنا خوە دا ل گەل رێڤەبەرا پەروەردا رۆژھەلات مە تەکست ل سەر کێماسیێن کەرتێ پەروەردێ کر ل ھەمبەر وان ئاریشێن دکەڤنە د رێیا وان ل گەل دەستپێکرنا سالا نوو یا خواندنێ”.
ئاشکەرا ژی کر کو رێڤەبەرا پەروەردا رۆژھەلات ئەو ھایدار کرینە کو ل سنورێ پەروەردا وان ئەوان پێدڤی ب 10 قوتابخانێن نوو ھەیە بۆ وان دەڤەرێن ژنۆ دھێنە ئاڤاکرن وەکو بێسرێ و نزارکێ.
نەڤەشارت ژی کو ل دووڤ ئەو پێزانینێن وان وەرگرتین، رێکخراوێن نێڤدەولەتی ژی ھاریکاریا وان د ئاڤاکرنا قوتابخان دا ناکەن، ب تنێ ئەو نووژەن دکەن و داخواز ژ رێکخراوێن نێڤدەولەتی یێن تایبەتمەند کر کو چەند قوتابخانەکان ل وی سنوری ڤەکەن ل گۆرەی پێدڤیاتیێ چ ب شێوازێ ئاڤاکرن بن یان ژی دانانا کەرڤانان.
ھەردیسان سەرۆکا لژنا پەروەردە و خواندن و ئەوقاف و کاروبارێن ئاینی دا زانین ژی کو ئەوان دووڤچوونا چاوانیا گرتنا فرۆشگەھێن قوتابخان کرن و گۆت: “مە داخواز ژێ کر کو ل دووڤ رێنمایێن نوو یێن وەزارەتا پەروەردێ بن و ئەم ب خوە ژی ژ لایێ خوە ڤە دێ دووڤچوونا بجھئینانا وان رێنمایان کەین”.
لژنا پەروەردە و خواندن و ئەوقاف و کاروبارێن ئاینی لژنەکا ھەردەمی یا جڤاتا پارێزگەھا دھۆکێ یە و کارێ وێ دووڤچوونا رەوشا پەروەردە و خواندنێ یە ل سنورێ پارێزگەھا دھۆکێ ژ لایەکی ڤە و ژ لایەکێ دی ڤە دووڤچوونا رەوشا کاروبارێن ئاینی ل سنورێ پارێزگەھا دھۆکێ دکەت.
بەرنامێ رۆژا پێنجشەمبی یێ نیشاندانا فلمان ل حەفتەمین فلمە فیستەڤالا دھۆکێ
ئەڤرۆ نیوز، زنار تۆڤی:
ژ چالاکیێن رۆژا چارێ یێن فلمە فیستەڤالا دھۆکێ ئەڤرۆ پێنجشەمبی 12 ئیلۆنا 2019 ل ھەر سێ ھۆلێن سینەماکس و ھۆلا کۆنفرانسان ل دھۆکێ 21 فلم دێ ھێنە نیشاندان و پانێلەک ژی دێ ھێتە ئەنجامدان.
ل دەم ژمێر 11:00 سپێدێ ئەڤ فلمە دێ ل ھۆلێن سینەماکس ل دھۆک مۆل ھێنە نیشاندان، ئەو ژی کورتە فلمێن ” ئار یۆ لسنینگ مازەر، فلاینگ فیشز ، سەنسێت، دارک ، سایلنسد” و فلمێ ” فلمێن درێژ ” ئە گاز ھاوس ، ساز” و ل ھۆلا کونفرانسان ژی دێ پانەلێ ” کو پرۆدێشکن بتوین کەی ئار جی ئەند زە سێنترال گۆڤەرمێنت” ھێتە گێران.
ل دەمژمێر 3:00 ی نیڤرۆ دێ فلمێن ” ژیرلە” و ” گۆلد رەننەر” و فلمێ ” سۆلۆ” ل ھۆلێن سینەماکس ل دھۆک مۆل ھێنە نیشاندان.
ل دەمژمێر 05:00ئێڤارى دێ فلمێن درێژ ” تێنت ئۆف ژە پاشا” و “زە رێد فاللۆس” و ” زە دیس ئەپرێنس ئۆف مای مازەر ” ل ھۆلێن سینەماکس ل دھۆک مۆل ھێنە نیشاندان و فلمێ ” دێس ریسێپشن” دێ ل ھۆلا کونفرانسان ھێتە نیشاندان.
ل دەمژمێر 07:00ى مه‌غرەب دێ فلمێن درێژ ” ھۆمێنست” و ” لاند ئۆف ئەشیس” و ” کورنەرەد ئین مۆلێنبیک” ل ھۆلێن سینەماکس ل دھۆک مۆل ھێنە نیشاندان، ل ھۆلا کۆنفرانسان دێ فلمێ” بیلێڤ” ھێتە نیشاندان.
ھەروەسا ل دەمژمێر09:00 شەڤ دێ فلمێن درێژ یێن جیھانی ” واجب” و ” فلیش ئاوت” و ” ئەلێکزاندریا وای” ل ھۆلێن سینەماکس ل دھۆک مۆل ھێنە نیشاندان.
حەشدا شەعبی كاروانێ ترۆمبێلێن جێگرێ پارێزگه‌رێ نه‌ینه‌وا گولەبارانكر
ئەڤرۆ نیوز،بارزان مزووری:
عیماد باجەلان، ئەندامێ لقا 14 مووسل یا پارتی دیموكراتی كوردستان بۆ ئەڤرۆ نیوز دیاركر مه‌غره‌بیا ئه‌ڤرۆ چارشه‌مبى 11/9/2019 كاروانه‌كا ترۆمبێلێن “شێروان دوبەردانی”ئەندامێ پەرلەمانێ عێراقێ ژ لیستا پارتى و “سیروان رۆژبیانی” جێگرێ پارێزگه‌رێ نه‌ینه‌وا كو ژ حەفت ترۆمبێلان پێك دهات ل مووسل ڤەگەریان بۆ هەڤلێرێ و ل دوماهى زالگەها حەشدا شەعبی یا لیوا/30 ل خازر شەش ترومبێلێن شاندی د بورن به‌لێ ترومبێلا دووماهیێ ژلایێ حەشدێ ڤە رێگری لێ دهێت كرن ئەو ترۆمبێل ب زێرەڤان ڤە دهێتە دەستەسەركرن، شاند ب شەش ترۆمبێل ڤە دۆر دكەڤن وده‌مێ دزانن كۆ ترۆمبێلەكا وان نەهاتیە ڤەدگەرن بۆ زالگەهێ، به‌لێ ژلایێ حەشدێ ڤە گوله ئاراسته‌ى ترۆمبێلێن سیروان رۆژبیانی و شێروان دوبەردانی دهێنە كرن.
ناڤهاتی خویاكر” بۆ ده‌مێ دو دەمژمێران ئەو ترومبێل ب زێرەڤان ڤە ژ لایێ حەشدێ ده‌ست ب سه‌ر دا هاته گرتن و پشتی چەندین پەیوەندیان ژلایێ سیروان رۆژبیانی د گەل فەرماندێ ئۆپه‌راسیۆنێن نه‌ینه‌وا ئەو ترومبێل ب زێرەڤان ڤە هاته ئازادكرن”.
زەرفێن کاغەزی ل نانپێژی وسەمونخانان دێ هێنە بکارئینان
ئه‌ڤرۆ نیوز:
قایمقامێ قەزا دهوکێ جه‌وهه‌ر عه‌لى، سەرپەرشتیا كۆمبونەکێ کرل دۆر بکارئینانا زەرفێن کاغەزی ل سەمونخانا ونانپێژیان ل شوونا زەرفێن نایلونی.
قایمقامیا قه‌زا دهۆكێ د به‌رپه‌رێ خوه ل سه‌ر تۆرا جڤاكى یا فه‌یسبووكى به‌لاڤكر كو سەگڤان حەسەن، رێڤەبەرێ کاروبارێن خوه‌پاراستنا ساخلەمیێ ل دهۆکێ ب وەکالەت ئاشکراکر كو ئەڤرۆ چارشه‌مبى 11/9/2019 ل ئاڤاهیێ قایمقامیا قەزا دهۆکێ ب ئامادەبوونا نوونەرێن رێڤەبەریێن پەیوەندیدار بەحسێ نڤێسارا جڤاتا وەزیران ل دۆر قەدەغەکرنا کیسێن نایلونی بۆ کەرستێن خوارنێن گەرم وەک ( سەمون ونان) کر.
ناڤبرى دیارکر ژى” ژبەر کو نانێ گەرم ل دەمێ دهێتە داگرتن ل ناف زەرفێن نایلونی زیانێن مەزن دگەهینتە ساخلەمیا مروڤی، لەورا بریار هاتە دان زەرفێن کاغەزی ل سەمونخانا ونانپێژیێن دهۆکێ بهێنە بکارئینان و پێدڤیە هه‌موو سەمونخانە ونانپێژی پێگریێ ب ڤێ بریارێ بکەن ژ بۆ پاراستنا ساخلەمیا وەلاتیان ژ نەخوه‌شیان”.
ل دهۆكێ بیرەوەریا شورەشا ئەیلوولێ هاتە ساخکرن
ئه‌ڤرۆ نیوز:
ل بیره‌وه‌ریا سالیادا 58 یا شوره‌شا ئه‌یلوولێ، ئه‌ڤرۆ چارشه‌مبى 11/9/2019 ب ئاماده‌بونا سەربەست تروانشی بەرپرسێ لقێ ئێک یێ پارتی دیموکراتی کوردستان و فه‌رهاد ئه‌مین پارێزگه‌رێ دهوك وهژمارەکا به‌رپرسێن حزبى وئیدارى وله‌شكرى وجه‌ماوه‌رى وپێشمه‌رگێن شورەشا ئه‌یلوولێ وئه‌ندام ولایه‌نگرێن پارتى دیموكراتى كوردستان ل سنورێ لقێ ئێك ئاهه‌نگه‌كا تایبه‌ت هاته گێران.
سه‌ربه‌ست تروانشى، ئه‌ندامێ جڤاتا سه‌ركردایه‌تیا پارتى دیموكراتى كوردستان وبه‌رپرسێ لقێ ئێك ب ڤێ هه‌لكه‌فتێ په‌یڤه‌ك پێشكێشكر وگوت” ئه‌ڤرۆ بۆمه شانازیه‌كا مه‌زنه ئه‌م د رۆژه‌كا پیرۆز دا 58 سالیا شوره‌شا ئه‌یلوولا مه‌زن د گێرین كو مه‌زنترین شوره‌ش بوو ل سه‌ر ئاستێ كوردستانێ وئه‌ڤ هه‌لكه‌فته ل سه‌رۆك بارزانى وهه‌موو ئه‌ندام وكادرێن پارتى وخه‌لكێ كوردستانێپیرۆز بیت”.
هه‌روه‌سا گوت”ده‌مێ شوره‌شێ ده‌ست پێكرى زورداریێ هه‌موو كوژیێن كوردستانێ تاری كربون وبارزانیێ نه‌مر هزركر خول دۆزا كوردى خودان ده‌ركه‌ڤیت وپیڤه‌رێ شه‌رێ ئازادیێ دروستكر وملله‌تێ كورد ب هه‌موو شیانێن خوه بوو پشته‌ڤان بۆ بارزانى وه‌كو رێبه‌ره‌ك بۆ شوره‌شا ئازادیخوازا كوردستانێ” .
گۆت ژى” ل وى سه‌رده‌مى بارزانیێ نه‌مر ب شیانێن كێم مه‌زنترین سه‌ركه‌فتن ل سه‌ر داگیركه‌ران توماركرن وهه‌رده‌م خزمه‌تا خه‌لكێ كوردستانێ دكر وداكوكى ل سه‌ر ئێكرێزیا ملله‌تێ كورد دكر وئه‌ڤرۆ ژى سه‌رۆك مسعود بارزانى به‌رده‌وامى دایه وێ رێبازێ وداكوكیێ ل ئێكرێزى وئێك ده‌نگیا هه‌موو خه‌لكێ كوردستانێ دكه‌ت”.
هه‌روه‌سا گوت” ده‌ستكه‌فتێن مه‌زن بده‌ست مه‌ڤه یێن هاتین وئه‌م هه‌موو قه‌ردارێن خوینا شه‌هیدا وسه‌رۆك مسعود بارزانى نه ودڤێت ئه‌م هه‌موو بزاڤێ بكه‌ین ڤان ده‌ستكه‌فتان ب پارێزین”.
هه‌ر ب وێ هه‌لكه‌فتێ، سه‌ربه‌ست تروانشى ئه‌ندامێ به‌رپرسێ لقێ ئێك وفه‌رهاد ئه‌مین پارێزگه‌رێ دهۆكێ خه‌لاتێن رێزگرتنێ ل سه‌ر هژماره‌كا شه‌هیدێن زیندى په‌كه‌فتیێن پێشمه‌رگه به‌لاڤكرن.
نێچیرڤان بارزانى داخواز ژ كادرێن پارتى كر پشته‌ڤانیێ ل كابینا نوو بكه‌ن
ئه‌ڤرۆ:
جێگرێ سه‌رۆكێ پارتی، داخواز ژ ئالیگرێن حزبا خوه كر، پشته‌ڤانیێ ل كابینا نوو یا حكومه‌تا هه‌رێما كوردستانێ بكه‌ن.
نێچیرڤان بارزانی سه‌رۆكێ هه‌رێما كوردستانێ و جێگرێ سه‌رۆكێ پارتییا دیموكرات یا كوردستان د كۆنفرانسه‌كێ سه‌نته‌رێ دیراسات و لێكۆلینێن ئه‌كادیمی یا پارتی دا په‌یڤه‌ك پێشكێش كر و تێدا رۆل و كاریگه‌ریا رێكخستنێن جه‌ماوه‌ری یێن قوتابی، لاو و ئافره‌تان بلند نرخاند و گۆت: پارتی دشێت پاشه‌رۆژه‌كا باشتر بۆ گه‌لێ كوردستانێ بده‌ستڤه بینیت.
نێچیرڤان بارزانی، دوپاتی ل خورتكرنا گیانێ پێكڤه‌ژیان و لێبۆرینێ د ناڤبه‌را هه‌موو پێكهاتێن هه‌رێما كوردستانێ كر و داخواز ژ كادرێن حزبا خوه كر پشته‌ڤانیێ ل كابینا نه‌هێ یا حكومه‌تێ بكه‌ن و خوه بكه‌ن خزمه‌تكارێن خه‌لكێ كوردستانێ.
ئاماژه ب وێ چه‌ندێ ژى دا كو پارتى وه‌كو حزبه‌كا حوكمران و كاریگه‌ر ل سازیێن فه‌رمى یێن هه‌رێما كوردستانێ، دڤێت په‌یوه‌ندیێن خوه ل ناڤ حزبێ و سازیێن فه‌رمى رێكبئێخیته‌ڤه ب جوره‌كێ كو خزمه‌تا به‌ره‌ڤ پێشچوونا حوكمرانیا سه‌رده‌میانه و سه‌ركه‌فتى دا بیت ل كوردستانێ و ببیته نموونا حوكمرانیا مه‌ده‌نى یا پێشكه‌فتى كو جهێ رازیبوونا هه‌موو خه‌لكێ كوردستانێ بیت.
دڤێت ئەڤ پارە بۆ ھاولاتیان ڤەگەریت
ئەڤرۆ نیوز،عەلی حاجی :
د داخویانیەکێ دا سەروکێ لژنا موه‌لیدەیان ل زاخۆ بۆ ئەڤرۆ نیوز ئاشکەرا کر ئەو پارێ زێدە ژلایئ خودانێن مالیدەیان ل زاخۆ ژ ھاولتیان ھاتیە وەرگرتن پێدڤی یە ب چو رەنگێ ھەبیت بۆ ھاولاتی ڤەگەریت.
ئەندازیار خالد سالح گوت : ئەو پارێ زێدە ھاتیە وەرگرتن بوویە ئەگەر ھژمارەکا خودانێن موه‌لیدەیان بھێنە دەستەسەرکرن، ئەوا هاتیه کرن ژلایێ خودانێن موه‌لیدەیان ل زاخۆڤە ب تنێ ل زاخۆ ئەڤ چەندە ھاتیە کرن و ل چو باژێران، ئەڤ چەندە نەھاتیە کرن و لژنەیا بلند ل پارێزگەھا دھوکێ ب دروستی مافێ خودانێن موه‌لیدەیان دایە، لەورا ئەم وەکو حکومەت ژی د رژدین ئەو پارێ زێدە ھاتیە وەرگرتن دڤێت بۆ ھاولاتیان ب زڤریتەڤە و دێ پێرابوون بەردەوام بن ھەتا ئەو پارە دھێتە ڤەگەراندن و ھەر دیسان ژ نێزیک ڤە ژی دێ چاڤدێریێ و دووڤچوونا بابەتی کەین ھەتا بھێتە چارەسەر کرن.
نافھاتی گوت ژی : ئەم وێ چەندێ رەت دکەین کو دەمژمێرێن کارەبا زێدەتر ب ھاولاتیان بهێته دان ژلایێ خودانێن موه‌لیدەیان ڤە ل زاخۆ،بھا ژی ب شێوەیەکێ باش ھاتیە دانان، نابیت چو تشتەک ژ بریارا حکومەتێ مەزنتر بیت،بریار ژی بۆ دادگەھێ دێ مینیت ل دور ئازادکرن و نەئازادکرنا وان کەسێن ھاتینە گرتن و دێ رێزێ ژی ل بریارا دادگەھێ گرین.
په‌یڤدارێ حوكمه‌تێ: به‌غدا ب 80 ملیار دۆلاران قه‌ردارا هه‌رێمێ یه
ئه‌ڤرۆ نیوز:
حوكمه‌تا هه‌رێما كوردستانێ راگه‌هاند كو ئه‌و دخوازیت ل گه‌ل حوكمه‌تا عیراقێ رێكبكه‌ڤیت و دیاركر حوكمه‌تا عیراقێ 80 ملیار دۆلاران قه‌ردارا هه‌رێمێ یه.
جوتیار عادل، په‌یڤدارێ حوكمه‌تا هه‌رێما كوردستانێ ئه‌ڤرۆ چارشه‌مبى 11/9/2019 د كۆنگره‌كێ رۆژنامه‌ڤانى دا راگه‌هاند كو ل هه‌فتیا بهێت شانده‌كێ حوكمه‌تا هه‌رێمێ دێ سه‌ره‌دانا به‌غدا كه‌ت.
ل دۆر كۆمبوونا جڤاتا وه‌زیران ل گه‌ل سه‌رۆكێن فراكسیۆنێن كوردستانى ل به‌غدا، جوتیار عادل گۆت” مه داخوازكر و هاته پێشنیازكرن كۆمبوونا سه‌رۆك فراكسیۆنان و ئه‌و لژنێن په‌رله‌مانى كو ئه‌ندامێن كورد تێدانه ل په‌رله‌مانێ عیراقێ ل گه‌ل سه‌رۆكایه‌تیا حوكمه‌تا هه‌ریمێ، وه‌كو كۆمبوونا ده‌ورى به‌رده‌وام بیت.
گۆت ژى” لژنا ناڤبرى ب سه‌رۆكاتیا وه‌زیرێ پلاندانانێ یه و هه‌ر ئێك ژ خالد شوانى وه‌زیرێ هه‌رێمێ، هه‌روه‌سا وه‌زیرێ ڤه‌گوهاستنێ ل حوكمه‌تا هه‌رێمێ و چه‌ند لایه‌نێن دى ئه‌ندامن د وێ لژنێ دا”.
په‌یڤدارێ حوكمه‌تا هه‌رێمێ دیاركر” ئارمانج ژ سه‌ره‌دانێ به‌حسێ پرسا بودجه‌ى و دێ كێشا بوبودجه‌ى ل گه‌ل به‌غدا ئێكلاكه‌ین”.
هه‌روه‌سا گۆت” ئارمانجا هه‌رێما كوردستانێ چاره‌سه‌ركرنا كێشانه ل گه‌ل حوكمه‌تا عیراقێ د چارچۆڤێ دستوورى دا”.
ئاماژه كر ژى كو ب گۆره‌ى وان به‌لگه‌نامێن ل به‌رده‌ست، حوكمه‌تا عیراقێ 80 ملیار دۆلاران قه‌ردارا هه‌رێما كوردستانێ یه.
په‌یڤدارێ حوكمه‌تێ به‌رچاڤكر كو د كۆمبوونا ئه‌ڤرۆ یا جڤاتا وه‌زیران دا به‌حسێ دابینكرنا گازا سپى هاته كرن و بریاره 259 ملیۆن لترێن گازا دێ هێنه به‌لاڤكرن”.
جوتیار عادل گۆت ژى” دامه‌زراندنا ئێكه‌مێن زانكۆیان وگرێبه‌ستان یا گرێدایه ب بودجه‌ى ڤه و وه‌زاره‌تا دارایى یا ڤه‌خواندنێ ل سه‌ر دكه‌ت”.
هه‌ڤده‌م دیاركر كو حوكمه‌تا هه‌ریمێ پلان بۆ پێداچوونێ د سیسته‌مێ باجێ ل هه‌رێما كوردستانێ یا هه‌ى و ل ده‌مه‌كێ نێزیك دێ ده‌ست ب بجهئینانا گاڤان د ڤى وارى دا كه‌ن.
نيشاندان
WP Facebook Auto Publish Powered By : XYZScripts.com