ئەڤرۆ نیوز:
ئەڤرۆ وەزیرا بەرەڤانیێ یا ئەلمانیا ئینگریت کرامپ ل گەل وەزیرێ ناڤخوە یێ هەرێما کوردستانێ رێبەر ئەحمەد کۆمبوو و د کۆمبوونێ دا بەحسێ رەوشا هەرێما کوردستانێ و عیراقێ و شەرێ ل دژی تیرۆرێ هاتە کرن.
د کۆمبوونێ دا وەزیرا بەرەڤانیێ یا ئەلمانیا دیار کر کو دێ هێزێن وان ل عیراقێ و هەرێما کوردستانێ مینن و دێ بەردەوام بن د هاریکاریکرنا پێشمەرگەی دا.
ژ ئالیێ خوە ڤە وەزیرێ ناڤخوە یێ هەرێما کوردستانێ ژی سوپاسیا حوکمەتا ئەلمانیا کر بۆ هاریکاریا وان یا بۆ هێزێن پێشمەرگەی د شەرێ ل دژی داعشێ دا.
ئەڤرۆ نیوز، عەلی حاجی:
د داخویانیەکێ دا چیا ئەمین رێڤەبەرێ گەشت وگوزارێ ل زاخۆ،بۆ ئەڤرۆ نیوز ئاشکەرا کر ل سالا 2013 مە 49 پروژە وەکو ماستەر پلان بۆ جھێن پەیوەندیدار رەوانە کر بون،بەلێ ژئەگەرا قەیرانی دارایی ئەو پروژەێین گەشتیاری راوەستیان و دێ جارەکادی ھەولا جێبەجێ کرنا وان پروژەیان دەین .
زێدەتر چیا ئەمین گوت : ل سالا 2013 ژ وان 49 ماستەر پلانێن ھاتینە رەوانە کرن بۆ جھێن پەیوەندیدار ، ھەکە ھاتبانە جێبەجێ کرن ،دا کوژمەیەکێ مەزن یێ داھاتی ژ وان پروژەیان بۆ حکومەتێ ڤەگەریت،زێدەبرای وێ چەنندێ ژی دا رێژەیا ھاتنا گەشتیاران بۆ زاخۆ گەلەک زێدەتر بیت ژ نوکە، ئەو ماستە پلان ھات بوونە رەوانە کرن داکو دماوەیێ 25 سالان دا بھێتە بجە ئینان، ژوان پروژەیان ژی، سێ پروژەیێن دەست پێکی ھات بونە دەست نیشان کرن دا کو دقوناغا ئێکێ دا بھێنە جێبەجێ کرن ، ژوان ژی پروژەیێ ھنداڤی پرا دەلال،سیلاڤا شەرانشێ،کەشانێ،کو ژدناز پروژەیان دا خانیێن گەشتیاری و ئوتێلێن پێنچ ستێر و چەندین جھێن تشتێن دی دا ھێنە دروست کرن و رووبەرەکێ مەزن ب خوەڤە گرت بوو.
و گوت ژی : ل گوندێ کەشانێ ھەتا مە رازی بونا خەلکی ژی وەگرت بوو،بەلێ ل شەرانشێ مە ئاریشەیا مولکان ھەبوو،خەلک ئامادە نەبوو مولکێن خوە رادەست بکەت،بەلێ ھەکە رازی بون ل سەر وان مستەر پلانا بھێتە دان،دێ خەلک ژ رازی بیت، ژ بەر کو پروژەیێ شەرانشێ ئێک ژ مەزنترین پروژەێن گەشتیاری یێ مەزن بوو،دا بیتە ئەگەر نێزیکی 500 دەلیڤێن کاری ژی پەیدا کەت،بەریا سالەکێ مە ھندەک تشتێن دی ژی ل وان پروژەیان زێدە کرینە و داخازا جێبەجێ کرنا وان پروژەیان دکەین .
ئه‌ڤرۆ نيوز:
ئانگريت كرامپ، وه‌زيرا به‌ره‌ڤانيا ئه‌لمانيا گه‌هشته هه‌ولێر و ژ لايێ سه‌فين دزه‌يى، به‌رپرسێ فه‌رمانگه‌ها په‌يوه‌نديێن ژ ده‌رڤه يا هه‌رێما كوردستانێ هاته پێشوازيكرن.
بڕياره وه‌زيرا به‌ره‌ڤانيا ئه‌لمانيا ل گه‌ل به‌رپرسێن بلندێن هه‌رێما كوردستانێ كۆم ببيت و سه‌ره‌دانا شيره‌تكارێن له‌شكرى يێن وه‌لاتێ خوه بكه‌ت كو د چارچۆڤێ هه‌ڤپه‌يمانيا نێڤده‌وله‌تى يا دژى داعش دا ب سه‌ركرداتيا ئه‌مريكا، ل هه‌ولێر مه‌شق و راهێنانێن له‌شكرى ب هێزێن پێشمه‌رگه‌ى دكه‌ن.
ئانگريت كرامپ، وه‌زيرا به‌ره‌ڤانيا ئه‌لمانيا، دوهى 21ى ته‌باخا 2019ێ ب سه‌ره‌دانه‌كێ گه‌هشته به‌غدا يا پايته‌ختێ عيراقێ و ل گه‌ل عادل عه‌بدولمه‌هدى سه‌رۆك وه‌زيرێن عيراقێ و به‌رپرسێن بلندێن له‌شكرى يێن عيراقێ كۆمبوو.
ئەڤرۆ نیۆز، ئەمیر ئەترووشی
دەست ب قێرکرنا جۆتسایدێ باتێلێ بۆ گەلیێ زاخۆ ب درێژیا 13 کیلۆمەتران دھێتە کرن و بریارە د ماوێ چەندێ رۆژێن بھێت دا ب تمامی ب داوی بھێت و بکەڤیتە د خزمەتا ھاوولاتیان دا.
خەدیجا محەمەد ئەحمەد، رێڤەبەرا رێک و پرا ل پارێزگەھا دھۆکێ بۆ ئەڤرۆ نیۆز دیار کر، د ڤان رۆژێن بۆری دا قاتێ سیێ یێ قێرکرنا جۆتسایدێ باتێل بۆ گەلیێ زاخۆ ھاتیە کرن و ب قێرێ (ستونماستیک) ھاتیە کرن کو بۆ جارا ئێکێ یە ئەڤ جۆرێ قێری ل سەر ئاستێ ھەرێما کوردستانێ ھاتیە بکارئینان و ئەڤ قێرە دشێت بەرگریا گەرمێ بکەت و تەمەنێ پرۆژەی ژی درێژ بکەت و رەنگە د ماوێ 10 رۆژێن بھێت دا قاتێ سیێ ژی ب دووماھی بھێت.
ئاشکرا ژی کر کو ئەڤ پرۆژە ل سالا 2013 دەستپێکربوو، بەلێ ژ ئەگەرێ قەیران دارایی ب دووماھی نەھاتبوو و نھا بەرە ب دووماھیێ یە و کۆژمێ 63 ملیار دیناران بۆ پرۆژەی ھاتبوونە تەرخانکرن و ژلایێ کۆمپانیا دارین گرۆپ ڤە دھاتە ئەنجامدان و گۆت: پێنچ جۆرێن قێری د ڤی پرۆژەی دا ھاتینە بکارئینان بۆ ھندێ جادە ب باشترین شێواز بکەڤیتە د خزمەتا ھاوولاتی و شۆفێران دا.
ئەڤرۆ نیوز:
حوكمەتا هەرێما كوردستانێ به‌رهه‌ڤیان دكه‌ت بۆ ئامادەكرنا بودجا سالا 2020 یا هەرێما كوردستانێ بۆ پەرلەمانی.
جۆتیار عادل، پەیڤدارێ حوكمەتا هەرێما كوردستانێ راگەهاند، بەری نوكە ژ بەر نەهنارتنا بودجێ ژ بەغدا، حوكمەتا هەرێمێ پرۆژە قانوونا بودجێ نە د هنارتە پەرلەمانێ كوردستانێ، لێ نوكە لێكتێگەهشتن د ناڤبەرا هەولێر و بەغدا دا دروست بوویە، لەورا حوكمەت دێ بودجێ هنێریتە پەرلەمانی و گۆت:(بودجە د دەمێ خوە دا دێ هێتە هنارتن، دا كو حوكمەت ل دووڤ بودجا پەسەندكری پلانا خوە دابرێژیت).
ئه‌ڤرۆ نيوز:
د نڤيساره‌كێ دا، مه‌سرور بارزانى سه‌رۆك وه‌زيرێن هه‌رێما كوردستانێ رادگه‌هينيت پشت به‌ستن ب ئه‌حكامێن مادێ هه‌شت ژ قانوونا جڤاتا وه‌زيرێن هه‌رێما كوردستانێ هژمار 3 سالا 1992 يا راستڤه‌كرى، ل به‌ر رۆناهيا نڤيسارا ده‌سته‌يا ده‌ستپاكيێ ل هه‌رێما كوردستانێ، و ل به‌ر رۆناهيا كونووسا كۆمبوونا جڤاتا وه‌زيران هژمار 2 ل 22/7/2019 بريار هاته دان:
1- پێدڤيه هه‌موو وه‌زير وخودان وه‌زيفێن بلند يێن كابينا نه‌هێ يا حوكمه‌تا هه‌رێما كوردستانێ ل به‌ر رۆناهيا قانوونا ده‌ستپاكيێ ل هه‌رێما كوردستانێ هژمار 3 سالا 2011 يا راستڤه‌كرى، فۆرما ئاشكراكرنا به‌رژه‌وه‌نديێن دارايى داگرن.
2- وه‌زاره‌ت ولايه‌نێن په‌يوه‌نديدار ڤێ فۆرمێ دێ داگرن.
ئه‌ڤرۆ نيوز:
ل دووڤ نڤيساره‌كا ده‌سته‌يا ده‌ستپاكيێ ل هه‌رێما كوردستانێ، كو ل هه‌يڤا بۆرى ده‌رچوويه ئاماژه ب برياره‌كێ بۆ فه‌رمانبه‌ران هاتيه كرن.
د وێ نڤيسارێ دا هاتيه” نابيت فه‌رمانبه‌ر ل ده‌مێ ده‌واما فه‌رمى كاره‌كێ دى بكه‌ت، ب تايبه‌ت ئه‌وێن هه‌لگرێن باوه‌رنامێن بلند”.
وه‌كو پشكا قانوونى ل ده‌سته‌يا ده‌ستپاكيێ ئاماژه بۆ كرى، ئه‌و برياره ب رامانا قه‌ده‌غه‌كرنا كاركرنا فه‌رمانبه‌رى نينه، به‌لكو بۆ وى هه‌يه پشتى ده‌واما فه‌رمى كارێ تايبه‌ت يێ خوه بكه‌ت. دووپات كريه ژى كو ل ده‌مێ فه‌رمى دا پێدڤيه فه‌رمانبه‌ر پێگير بيت ب كارێ ده‌واما فه‌رمانگه‌ها خوه.
ئەڤرۆ نیوز ، زنار تۆڤی:
ئەڤرۆ سێشەمبی 20 تەباخا 2019 ێ فرۆکێن سۆپایێ تورکی ترۆمبێلەکا بیکاب یا گەریلایێن پەکەکێ ل نێزیک گوندێ بابیرێ کرە ئارمانج و د ئەنجامدا زیانێن مەزن گەھاندنە وێ بیکابێ و ھەروەسا ئاگر بەردایە ھندەک زەڤیێن گوندیان ژی.
سەلمان وەلاتیەکێ گوندێ بابیرێ یە بۆ ئەڤرۆ نیوز گۆت: بەری نیڤرۆیا ئەڤرۆ سێشەمبی فرۆکێن سۆپایێ تورکی ھێرش کرە سەر ترۆمبێلەکا بیکاب یا گەریلایێن پەکەکێ و د ئەنجامدا زیانێن مەزن گەھاندنە ترۆمبێلا وان، لێ ئەو نەشیاینە بچنە جھێ روودانێ ژ ترسا بۆمبەبارانکرنا فرۆکان و زیانێن وێ بۆمبەبارانێ نەھاتینە زانین، لێ ئاگر یێ بەربوویە ترۆمبێلێ و ھندەک زەڤیێن گوندیان.
ھەروەسا ئەو جھێ ترۆمبێل لێ ھاتیە بوردۆمانکرن نێزیکی خانیێن وەلاتیانە و ڤێ چەندێ ترس ل دەف خەلکێ دەڤەرێ پەیدا کریە.
ئه‌ڤرۆ نيوز:
وەزارەتا دارایی یا حۆکمەتا ھەرێما کوردستانێ بریارا خەرجکرنا 30% ژ دەرمالەیێن مەترسیێ ژ مۆچەیێ بنەرەت بۆ ھژمارەکا فەرمانبەرێن وەزارەتا شارەوانی و گەشتۆگۆزار دەرکریە.
ل گۆرەی نڤیسارەکا وەزارەتا دارایی و ئابووری یا حۆکمەتا ھەرێما کوردستانێ کو ل حەفتیناما (باس) بلاڤبوویە، بریارا خەرجکرنا 30% ژ دەرمالەیێن مەترسیێ ژ مۆچەیێ بنەرەت بۆ فەرمانبەرێن (ئەندازیارێن چاندنێ و ڕابەرێ چاندنێ و چاڤدێران و باخچەڤانان) ئەوێن گرێدای وەزارەتا شارەوانی و گەشتۆگۆزار یا حۆکمەتا ھەرێما کوردستانێ.
ل گۆرەی زانیاریان، ئەڤ دەرمالە بەری نھا ژی ئەڤ دەرمالەیە بۆ باخچەڤانان ھەبوویە، بەلێ ب تنێ ئەو فەرمانبەر بخۆڤەدگرتن ئەوێن دناڤا پرۆژەیان دا و ئەوێن دی ڤەنەدگرتن، بەلێ ژ نھا و وێڤە دێ ھەموویان بخۆڤەگریت و ئەڤ دەرمالەیە دێ ژ 1/1/2019 بۆ وان کەسێن مفادار ھێتە خەرجکرن و ئاشکرا ژی بوویە، ئەگەر بۆ نموونە مۆچەیێ فەرمانبەرەکی 500 ھزار دینار بیت، واتە دێ 150 ھزار دینار ل سەر مۆچەیێ وی زێدەبن.
ئه‌ڤرۆ:
ئەندامەکێ پەرلەمانێ کوردستانێ راگەھاند، خواندنا دوویێ دێ پرۆژەقانوونا خانیێن زێدەگاڤی ل ھەرێما کوردستانێ ھێتە کرن و ل گۆرەی برگێن وێ قانوونێ ب تنێ دێ وان وەلاتیان ڤەگریت ئەوێن چو مۆلک و مال ل سەر ناڤێ وان نەبیت و گۆت: ئەگەر ئەڤ پرۆژە قانوونە سەربگریت دێ ب تنێ خانیێن وان وەلاتیان ھێنە تاپۆکرن ئەوێن ھیچ مۆلک و مال ل سەر ناڤی نەبیت و د راستی دا مرۆڤەکێ دەستکورت بیت و ئاشکرا ببیت کو ژ دەستکورتیا خوە ناچاربوویە ئەو خانیە ب شێوەیەکێ زێدەگاڤی ئاڤاکریە و بریار ب تنێ بۆ خەلکێ ھەژار و دەستکورتە.
ھیڤیدار ئەحمەد، ئەندامێ پەرلەمانێ کوردستانێ بۆ رۆژناما ئه‌ڤرۆ دیار کر، ل ھەرێما کوردستانێ ب ھزارەھا خانیێن زێدەگاڤی ھەنە و فراکسیونا پارتی ل پەرلەمانێ کوردستانێ ژی پرۆژە قانوونەک بەرھەڤکریە بۆ تاپۆکرنا وان خانیان و خواندنا ئێکێ بەری ھەیڤەکێ بۆ ھاتیە کرن و بزاڤ دھێنە کرن د ھەیڤا بھێت دا خواندنا دوویێ ژی بۆ ڤی پرۆژە قانوونێ بھێتە کرن و ئەڤ بابەتە بھێتە رێکخستن و چارەسەرکرن.
ئاشکرا ژی کر، ئەگەر ئەڤ پرۆژە قانوونە سەربگریت دێ ب تنێ خانیێن وان وەلاتیان ھێنە تاپۆکرن ئەوێن ھیچ مۆلک و مال ل سەر ناڤی نەبیت و د راستی دا مرۆڤەکێ دەستکورت بیت و ئاشکرا ببیت کو ژ دەستکورتیا خوە ناچاربوویە ئەو خانیە ب شێوەیەکێ زێدەگاڤی ئاڤاکریە و بریار ب تنێ بۆ خەلکێ ھەژار و دەستکورتە و ب تنێ دێ وان خانیان ڤەگریت ئەوێن ل ژێر دەستھەلاتا حۆکمەتا ھەرێما کوردستانێ.
خویاژی کر کو ئەڤ پرۆژەقانوونە خزمەتگۆزاریە و پێدڤی ب گەنگەشێ یە و ھەردەمێ پەرلەمانێ کوردستانێ ب شێوەیەکێ فەرمی ئەڤ پرۆژەیە پەسەند کر، دێ دەست ب تاپۆکرنا وان خانیێن زێدەگاڤی ل گۆرەی رێنمایان ھێتە کرن.
مافپەروەر سەرکار سبغەتۆللا، بەرپرسێ مولک و زەڤیان ل رێڤەبەریا گشتیا باژێرڤانیان ل پارێزگەھا دھۆکێ دیار کر، ل گۆرەی پرۆژەیاسایا پەرلەمانێ کوردستانێ ئەوا گرێدای تاپۆکرنا خانیێن زێدەگاڤی ل ھەرێما کوردستانێ ئەو خانیێن ھەتا سالا 2018 ب زێدەگاڤی ھاتینە چێکرن دێ ھێنە تاپۆکرن.
سەرکار سبغەتوللا ئاشکرا ژی کر، ھژمارەکا خانیێن زێدەگاڤی کو نێزیکی چوار ھزار خانیانە ل گۆرەی یاسایەکێ بەری نوکە ھاتینە چارەسەرکرن، بەلێ نێزیکی 21 ھزار خانیێن زێدەگاڤی چو یاسا ژێ نەگرتینە و ھەتا نوکە نەھاتینە تاپۆکرن و گۆت: ل سالا 2018 یاسایا ژمارە 3 ژ پەرلەمانێ کوردستانێ دەرچوویە ژ بۆ مەرەما رێگرتنێ ل زێدەگاڤیان و نھا پرۆژەیاسایەکا دی ل پەرلەمانێ کوردستانێ دھێتە گەنگەشەکرن ژ بۆ مەرەما تۆمارکرنا وان خانیێن ب زێدەگاڤی ھاتینە ئاڤاکرن بەری دەرچوونا یاسایا ژمارە 3 یا سالا 2018 و ھەردەمێ ئەڤ پرۆژە یاسایە ھاتە پەسەندکرن و کەفتە د بوارێ جێبەجێکرنێ دا، دێ کار ھێتە کرن ژ بۆ تۆمارکرنا خانیێن ب زێدەگاڤی ھاتینە ئاڤاکرن.
نيشاندان