ئه‌ڤرۆ نيوز:
دژه تيرۆرا كوردستانێ ئه‌ڤرۆ شه‌مبيێ 20/7/2019 ده‌سته‌سه‌ركرنا كه‌سه‌كێ دى ژ تۆمه‌تبارێن ته‌قه‌كرنا د ناڤ رێستۆرانته‌كا باژيرێ هه‌ولێرێ يێ ناڤدار ب ( دژوار مامه‌ند يوسف) راگه‌هاند.
دژه تيرۆرا كوردستانێ د به‌ياننامه‌كێ دا دياركر” ئێك ژ هه‌ڤكارێن (مه‌لووم داغ) يێ تاوانبار ب كريارا تيرۆرستى يا ته‌قه‌كرنێ ل رێستۆرانته‌كا باژێرێ هه‌ولێرێ ب ناڤێ ( محه‌مه‌د بيسكسز) كو يێ ناڤداره ب ( دژوار مامه‌ند، يوسف).
ئەڤرۆ نیوز:
دژە تیرورا کوردستانێ بەلاڤکر کو بکوژێ سەرەکی و سەرپەرشتێ دو کەسێن دی یێن پەیوەندیدار ب ئەنجامدەرێن کریارا تیرورستیا سەر خارنگەھەکا ھەولێرێ ھاتە دەستەرسەر کر.
زێدەتر د راگەھاندنەکێ دا دەستەسەرکرنا بکوژێ سەرەکی یێ کریارا تیرورستیا سەر خارنگەھەکا ھەولێرێ راگەھاند کو ئەو ژی تاوانبار (مەزلوم داغ)ە، و سوپاسیا خەلکێ ھەرێما کوردستانێ کر کو ھاریکاریا وان کریە ھەتا شیاین ڤی تاوانباری دەستەسەر بکەن کو د ڤێ ھێرشی دا جێگرێ قونسلێ تورکیا و دو وەلاتیێن ھەرێما کوردستانێ تێدا کوشت بوون.
ل ماوێ بھیـَ دێ زانیاریێن زێدەتر ھێنە بەلاڤ کرن.
ئەڤرۆ نیوز، عەلی حاجی :
پشتی کێمتری 24 دەمژمێران 9 ھاولاتیێن پارێزگەھا دھوکێ ل باژێرێ ترابزون ھاتینە دەستە سەرکرن ، ب شیوەیەکێ فەرمی ژلایێ بەرپرسێن زاخۆ ڤە ، پێشوازی ل وان ھاولاتیان ھاتە کرن ل دەروازا نێڤ دەولەتی یا ئیبراھیم خەلیل.
عەبدولوەھاب محەمەد ، بەرپرسێ ئاسایشا ئیبراھیم خەلیل بۆ ئەڤرۆ نیوز دیار کر پشتی وێ روودانا ل وەلاتێ تورکیا روویدایی ل دور ئالایێ کوردستانێ و کو تێدا 9 ھاولاتیێن کوردستانێ ھاتینە دەستەسەر کرن ، پشتی ھەولێن بەردەوامێن سەروکێ حکومەتا ھەرێما کوردستانێ، ئەو ھاولاتی ھاتنە ئازاد کرن و ھەر شەڤێدی گەھشتنە ئاخا کوردستانێ ، ل دوویڤ راسپاردێن سەروکێ حکومەتا ھەرێما کوردستانێ مە پێشوازی ل وان ھاولاتیان کر ، خەلکێ دەڤەرێ ژی وەکو ھەلویستەکێ نیشتیمانی پێشوازییەکا گەرم ل وان ھاولاتیان کر ب ئالایێ کوردستانێ، ھەر ھاولاتیەکێ ل وەلاتێ تورکیا توشی نەحەقیەکێ بیت وەکو سەروکێ حکومەتێ دێ ل سەر خەتی بیت ھەتا کو مافێ وان نەھێتە بەرزە کرن.
ناڤھاتی گوت ژی : چو راستیەک بۆ وێ چەندێ نینە کو دبێژن سوزنامەیەک ژلایێ حکومەتا تورکیا ڤە ب وان ھاولاتیان ھاتیە پرکرن دا کو ئێدی قەستا وەلاتێ تورکیا نەکەن ، بەروڤاژی پشتی ئەو کەسە چووینە بنگەھێ پولیسان رێزەکا تایبەت ل وان ھاتیە گرتن و ھەکە پولیس ئامادە نەبان ل جھێ روودانێ دبیت روودانەکا نەخوەشتر روویدابا ل وی باژێری .
ئه‌ڤرۆ نيوز:
ئاخفتنكه‌رێ ب ناڤێ وه‌زاره‌تا ئه‌وقاف و كاروبارێن ئاينى ل هه‌رێما كوردستانێ ده‌رباره‌يى رۆژا ئێكێ يا جه‌ژنا قوربان ئاماژه ب وێ چه‌ندێ كر كو 10 رۆژا به‌رى جه‌ژنێ وه‌لاتێ سعودى دێ رۆژا ئێكێ يا جه‌ژنا قوربان ئاشكه‌را كه‌ت.
نه‌به‌ز ئيسماعيل، ئاخفتنكه‌رێ ب ناڤێ وه‌زاره‌تا ئه‌وقاف و كاروبارێن ئاينى بۆ كوردستان 24 راگه‌هاند: “10 رۆژان به‌رى جه‌ژنێ وه‌لاتێ سعودى دێ رۆژا ئێكێ يا جه‌ژنا قوربان راگه‌هينيت”.
ل دووڤ گۆتنا هنده‌ك زانايێن ئاينێ ئيسلامێ جه‌ژنا قوربان دكه‌ڤيته 11 يان 12ى هه‌يڤا بهێت، به‌لێ هه‌تا نها رۆژ ب دروستى ژ لايێ سعودى ڤه نه‌هاتيه دياركرن.
ب گۆره‌يى داتايێن وه‌زاره‌تا ئه‌وقافێ ئه‌ڤ ساله 713 كه‌سان ل هه‌رێما كوردستانێ د رێيا هه‌ردو فرۆكخانێن نێڤده‌وله‌تى يێن هه‌ولێر و سلێمانى دا ب مه‌ره‌ما فه‌ريزا حه‌جێ سه‌ره‌دانا باژێرێ مه‌دينێ ل سعودى كريه.
ئه‌ڤرۆ نيوز، عه‌زيز هه‌ورامى:
25ى ڤێ هه‌يڤێ ماوێ شه‌رعى يێ كارێ رێكخراوه‌ى و سياسى يێ هه‌ردو جڤاتێن گشتى و نشتيمانى و خانا راپه‌راندنا بزاڤا گۆڕان دێ ب سه‌رڤه چيت و ئه‌ندامه‌كێ جڤاتێ ژى دبێژيت: “نه‌شێين ل 25ى تيرمه‌ها 2019ێ كۆنگره و كۆنفرانسى گرێده‌ين”.
چالاك موهه‌ندس، ئه‌ندامێ جڤاتا نشتيمانى يا بزاڤا گۆڕان بۆ ئه‌ڤرۆ نيوز گۆت: “بڕيارا جڤاتا نشتيمانى يا هه‌ى مه پشتى پرۆسا پێكئينانا كابينا نه‌هێ يا حوكمه‌تا هه‌رێما كوردستانێ، پێنگاڤێن گرێدانا كۆنگرێ سيێ و كۆنفرانسێ بزاڤێ ده‌ست پێ بكه‌ن”.
زێده‌تر گۆت: “ل 25ى ڤێ هه‌يڤێ ئه‌م وه‌كو بزاڤا گۆڕان نه‌شێين كۆنگره و كۆنفرانسى گرێده‌ين و رێكخه‌ر و خانا راپه‌راندنێ و هه‌ردو جڤاتا هه‌لبژێرين، به‌لێ كرنفرانسان ل جڤاتا نشتيمانى دێ ده‌ست پێ كه‌ين ل گه‌ل نڤيسينا په‌يره‌وێ ناڤخۆ يێ بزاڤێ، دێ ل بن رۆناهيا په‌يره‌وێ نوو يێ بزاڤێ هه‌لبژارتنێن ناڤخۆيى كه‌ين و بزاڤێ كه‌ين به‌رى سالا نوو كۆنگرێ خوه ژى بكه‌ين”.
ده‌رباره‌ى گوهۆڕينا هه‌يكه‌ل و ناڤێ دامه‌زراوێن گۆڕان دا زانين كو هه‌موو ئه‌و گوهۆڕينێن دێ هێنه كرن، دێ ل كۆنگره‌يى بڕيار ل سه‌ر هێته دان و گۆت: “هێشتا يا ديار نينه كا رێكخه‌رێ گشتى دێ خوه بۆ خوله‌كا دى هه‌لبژێريت يان ژى نه”.
ئه‌ڤرۆ نيوز:
وه‌زاره‌تا به‌رگريا توركيا كوشتنا دو له‌شكر و برينداربوونا هه‌شتێن دى ل هه‌رێما كوردستانێ و باكوورێ كوردستانێ راگه‌هاندن.
وه‌زاره‌تا به‌رگريا توركيا د راگه‌هاندنه‌كێ دا ئاماژه ب وێ چه‌ندێ كريه كو ژ ئه‌گه‌رێ شه‌ر و پێكدادانا هێزێن وان ل دژى په‌كه‌كێ ل چيايێ خواكورك ل ناڤ ئاخا عيراقێ له‌شكره‌كێ وان هاتيه كوشتن و شه‌شێن دژى بريندار بووينه.
وه‌زاره‌تا به‌رگريا توركيا ئاشكه‌را ژى كريه كو ژ ئه‌گه‌رێ راسته‌كرنا گوله‌كێ نارنجۆكێ ژ لايێ په‌كه‌كێ ڤه بۆ بنكه‌كێ له‌شكرى يێ هێزێن سۆپاى ل باژێرێ به‌دليسا باكوورێ كوردستانێ، ئه‌فسه‌ره‌ك هاته كوشتن و دو يێن دژى بريندار بوون.
ئه‌ڤرۆ نيوز:
موراد عه‌فيفى پۆر، رێڤه‌به‌رێ ده‌رياڤانى ل هه‌رێما هورمزگان يا ئيرانێ راگه‌هاند كو گه‌شتا په‌ترۆل هه‌لگر يا بريتانيا “ستينا ئيمپێرۆ” بۆ ڤه‌كۆلينێ گه‌هشته به‌نده‌ر عه‌باس.
پۆر گۆت: “په‌ترۆل هه‌لگرێ 23 ده‌رياڤان تێدانه، 18 كه‌س ژ تيما په‌ترۆل هه‌لگرێ خه‌لكێ هندستانێ نه، ئه‌ڤێن دژى وه‌لاتيێن رۆسى و فليپينى و ليتۆانى و وه‌لاتێن دى نه، هه‌تا ڤه‌كۆلين ب دووماهى دهێت پێدڤيه د گه‌شتيێ دا بمينن”.
رۆژا ئه‌ينى 19ى تيرمه‌ها 2019ێ سۆپايێ پاسدارێن ئيرانێ راگه‌هاند كو په‌ترۆل هه‌لگره‌كا بريتانى د گه‌رويا هۆرمز دا راگرتيه، چونكو گرێدايى رێنمايێن ده‌رياڤانى يێن نێڤده‌وله‌تى نه‌بوويه.
ده‌سته‌لاتدارێن بريتانى ژى ده‌رباره‌يى ده‌ست ب سه‌رداگرتنا په‌ترۆل هه‌لگرێ گۆت: “بۆ ڤه‌گه‌ريانا گه‌شتيێ دێ رێ بۆ چاره‌سه‌ريێن دبلۆماسى به‌ين نه‌ك يێن له‌شكرى”.
ئه‌ڤرۆ نیوز:
حوكمه‌تا هه‌رێما كوردستانێ راگه‌هاند، پێدڤیه ده‌واما فه‌رمى یا هه‌موو وه‌زاره‌ت وفه‌رمانگه‌هان ژ 8 سپێدێ ده‌ست پێ بكه‌ت هه‌تاكو 3 پشتى نیڤرۆ.
جوتیار عادل، په‌یڤدارێ حوكمه‌تا هه‌رێما كوردستانێ گۆت” ب بریارا جڤاتا وه‌زیرێن هه‌رێما كوردستانێ، ده‌وام ل هه‌موو وه‌زاره‌ت وفه‌رمانگه‌هێن حوكمه‌تا هه‌رێمێ ل ده‌مژمێر 8 سپێدێ ده‌ست پێ دكه‌ت هه‌تاكو 3 پشتى نیڤرۆ”.
ئه‌ڤرۆ نیوز:
جێگرێ سه‌رۆكێ په‌رله‌مانێ عیراقێ، به‌شیر حه‌داد، راگه‌هاند، مووچێ حه‌فت هه‌یڤان یێ پێشمه‌رگه‌ى دێ ب زووترین ده‌م ژ لایێ وه‌زاره‌تا دارایى یا عیراقێ هێته مه‌زاختن.
به‌شیر حه‌داد بۆ رووداو گۆت” هه‌موو پێرابوونێن گرێداى مه‌زاختنا مووچێ حه‌فت هه‌یڤان یێ ئه‌ڤ ساله یێ هێزا پێشمه‌رگه كو دبیته 476 ملیار دینار ژلایێ وه‌زاره‌تا دارایى یا عیراقێ یێن ب دووماهى هاتین وتنێ یا ماى بهێته ڤرێكرن”.
گۆت ژى”ل گه‌ل وه‌زاره‌تا دارایى یا عیراقێ ئاخڤتم وئه‌ز ئاگه‌هداركرم كو ب زووترین ده‌م ئه‌و پاره دێ هێته ڤرێكرن بۆ هه‌رێمێ”.
ل دووڤ قانوونا بودجا سالا 2019 یا عیراقێ، پێدڤیه به‌غدا هه‌یڤانه 68 ملیار دیناران بۆ مووچێ پێشمه‌رگه‌ى ڤرێكه‌ت، به‌لێ هه‌تا نوكه چو گۆژمه‌كێ پاره‌ى بۆ پێشمه‌رگه‌ى نه ڤرێكربوو.
ئه‌ڤرۆ نیوز:
ئه‌و گه‌شتیارێن خه‌لكێ هه‌رێما كوردستانێ كو ل باژێرێ ترابزۆنێ توركى ژ به‌ر ئالایێ كوردستانێ هێرش ل سه‌ر هاتیه كرن وپاشى ده‌سته‌سه‌ركرن، هاتنه ئازادكرن.
عه‌بدولوه‌هاب محه‌مه‌د بارزانى، به‌رپرسێ ئاسایشا گۆمركا ئیبراهیم خه‌لیل بۆ كوردستان 24 گۆت” پشتى به‌یانناما نه‌رازیبوونێ یا حوكمه‌تا هه‌ریما كوردستانێ، ئه‌م ژ لایێ ده‌ستهه‌لاتدارێن توركى ل ده‌رگه‌هێ خابوور هاتینه ئاگه‌هداركرن كو هه‌موو ده‌سته‌سه‌ركرى یێن هاتینه ئازادكرن”.
ئه‌و 9 گه‌شتیاره ل گه‌ل هژماره‌كا گه‌شتیارێن دى د پاسه‌كا گه‌شتیارێن هه‌رێما كوردستانێ دابوون، كو پتریا وان خه‌لكێ پارێزگه‌ها دهۆكێ بوون، ژ به‌ر راكرنا وان بۆ ئالایێ كوردستانێ وگرتنا وێنان ل به‌ر، تووشى هێرشه‌كا ره‌گه‌زپه‌رستێن تورك ببوون وپاشى ژلایێ پۆلیسێن توركى ڤه هاتبوونه ده‌سته‌سه‌ركرن.
پشتى وێ روودانێ، حوكمه‌تا هه‌رێما كوردستانێ به‌یاننامه‌ك به‌لاڤكربوو وزێده‌بارى نه‌رازیبوونێ ل دۆر وێ روودانێ، سه‌رۆكێ حوكمه‌تا هه‌رێمێ لایه‌نێن په‌یوه‌ندیدار راسپاردبوون كو ب زووترین ده‌م ئه‌و گه‌شتیار بزڤرن بۆ هه‌رێما كوردستانێ.
د پشكه‌كا به‌یانناما حوكمه‌تا هه‌رێمێ دا هاتبوو” ئالایێ هه‌رێما كوردستانێ، ئالایه‌كێ دستووریه د ناڤ عیراقێ دا وپێشتر ژى ل فرۆكخانان وهۆلێن پێشوازیێ ل توركیا هاتیه دانان بۆ پێشوازیكرنا شاندێن هه‌رێما كوردستانێ”.
نيشاندان