ئەڤرۆ نیوز:

فراکسیونا پارتی دیموکراتی کوردستان ل پەرلەمانێ کوردستانێ د راگەھاندنەک دا دەربارەی رەوشا خراب یا کارەبا پارێزگەھا دھۆکێ و خزمەتگوزاریان بۆ خەلکێ پارێزگەھێ بەلاڤ کر.

ل دووڤ وێ راگەھاندنا ھاتیە بەلاڤ کرن ئاماژە ب وێ چەندێ ھاتیە کرن فراکسیونا پارتی ئاگەھداری رەوشا خرابیا کارەبا گشتی یا پارێزگەھا دھۆکێ ھەیە و ئەو دێ ھەموو ھەولێن خوە ئێخنە کاری بۆ چارەسەرکرنا ڤێ کێشێ.

ل ھەمان دەم ھاتیە ئاشکرا کرن دگەل لایەنێن پەیوەندیدار و ھەتا سەرۆکێ ھەرێمێ نێچیرڤان بارزانی ل سەر ھێلێ نە بۆ چارەسەکرنا ڤێ رەوشا خراب یا کارەبێ ل زووترین دەم و بۆ ڤێ مەبەستێ ژی نامەیەک خستیە بەردەستێ سەرۆکێ ھەرێمێ.

ئه‌ڤرۆ نیوز:

راسپاردیێ پێكئینانا كابینا نوو یا حوكمه‌تا هه‌رێما كوردستانێ مه‌سرور بارزانى ئه‌ڤرۆ سێشه‌مبى 2/7/2019 پێشوازى ل (جینین هینیس بلاسخارت) نوونه‌را تایبه‌ت یا سكرتێرێ گشتیێ نه‌ته‌وێن ئێكگرتى ل عیراقێ وشاندێ د گه‌لدا كر.

د دیداره‌كێ دا، مه‌سرور بارزانى روناهى خسته‌ سه‌ر رۆلێ نه‌ته‌وێن ئێكگرتى ب ئاراسته‌ىیا چاره‌سه‌ركرنا پرسێن هه‌لاویستى، ژ وان ئاساییكرنا ره‌وشا كه‌ركووكێ وئاڤه‌دانكرنا ده‌ڤه‌رێن زیانڤێكه‌فتیێن شه‌رێ تیرۆرستێن داعشێ وراگه‌هاند” چاڤدێرى وسه‌رپه‌رشتیا پرۆسێ ژ لایێ نه‌ته‌وێن ئێكگرتى ڤه‌ ب پێدڤى دزانین”.

ژ لایێ خوه‌ڤه‌ نوونه‌را تایبه‌ت یا شكرتێرێ گشتیێ نه‌ته‌وێن ئێكگرتى ل عیراقێ خوه‌شحالیا خوه‌ ب گاڤێن پێكئینانا كابینا نوو یا حوكمه‌تا هه‌رێما كوردستانێ وپێشڤه‌چوونێن په‌یوه‌ندیان د ناڤبه‌را هه‌رێمێ وبه‌غدا ده‌ربرى وپشته‌ڤانیا نه‌ته‌وێن ئێكگرتى ژى بۆ بزاڤ وبه‌رنامێن حوكمه‌تا داهاتى یا هه‌رێما كوردستانێ د وارێ چاكسازیێ وچاره‌سه‌ركرنا كێشه‌ وپرسێن هه‌لاویستى نیشان دا.

ئەڤرۆ نیوز:

بریارە ل رۆژا ئێکشەمبیا بھێت پەرلەمانێ کوردستانێ راستڤەکرنێ بۆ قانوونا جڤاتێن پارێزگەھان بکەت و تەمەنێ وان ژی درێژ بکەت.

ل دووڤ زانیاریێن ھاتینە ئاشکرا کرن پەرلەمانێ کوردستانێ یا ئامادەکاریان دکەت ل دەسپێکا حەفتیا بھێت کومبیت و ھاتیە پێشنیارکرن رۆژا ئێکشەمبیا حەفتیا بھێت د کومبوونا ئاسایی یا پەرلەمانێ کوردستانێ دا راستڤەکرن بۆ قانوونا جڤاتێن پارێزگەھان بھێتەکرن و ب تایبەتێ ئەو ماددەیێن گرێدای ب کاندیدکرنا وی کەسی یێ دبیتە پارێزگار زێدەباری درێژکرنا تەمەنێ جڤاتێن پارێزگەھان.

دیسان ھاتیە ئاشکرا کرن کو سەرۆکاتیا پەرلەمانی پرۆژێ قانوونا نوو یا جڤاتێن پارێزگەھان وەرگرتیە و رادەستی لژنا قانوونی کریە بۆ راستڤەکرنا شاشیێن قانوونی د ڤی پرۆژێ نوو دا.

ئەڤرۆ نیوز:

ئەڤرۆ رۆژا سێشەمبی ٢-٧-٢٠١٩ سەرۆکێ ھەرێما کوردستانێ پێشوازی ل شاندەکێ نەتەوێن ئێکگرتی ل عیراقێ ب سەرپەرشتیا جێنین ھێنس کر و چەند پرسێن گرنگ ژی ھاتنە گوتوبێژکرن.

د کومبوونەکێ دا ناڤبەرا سەرۆکێ ھەرێمێ نێچیرڤان بارزانی و شاندێ نەتەوەیێن ئێکگرتی دا بەحس ل رولێ نەتەوەیێن ئێکگرتی کر کو دشیان وان دایە رولەکێ مەزنتر بینن بۆ چارەسەرکرنا کێشەیێن ناڤبەرا ھەولێر و بەغدا دا زێدەباری کێشەیێن مادێ ١٤٠ یێ دستوردێ عیراقێ.

ژلایێ خوە ڤە نوونەرا تایبەتا سکرتێرێ گشتی یا نەتەوەێن ئێکگرتی دیارکر سەرەدانا سەرۆکێ ھەرێمێ بۆ بەغدا ل ماوێ بوری و کومبوونا دگەل ھەر پازدە نوونەرێن جڤاتا ئاسایشا نێڤدەولەتی داکو ژ نێزیک ئاگەھداری کێشەیێن عیراقێ ب گشتی بن بباشی دبینت و دیتنا نەخشە رێیەکێ بۆ چارەسەرکرنا کێشەیێن ھەولێر و بەغدا.