ئەڤرۆ نیوز:
سەرۆک وەزیرێن راسپاردی یێ ھەرێما کوردستانێ راگەھاند ھەو ھەست ل دەف ھەموو لایەنێن سیاسی ھەیە یێن ئەڤرۆ دگەل دا کومبووین پێخەمەت پێکئینانا کابینەیا نوو یا حوکمەتێ بەری دەمێ وێ یێ قانوونی، و سوپاسیا تەڤگەرا گۆران ژی کر.
بەری دەمەکێ کێم ئەڤرۆ رۆژا دوشەمبی ١٧-٦-٢٠١٩ پشتی بدووماھی ھاتنا کومبوونا مەسرور بارزانی راسپاردیێ پێکئینانا کابینەیا نوو یا حوکمەتا ھەرێمێ دگەلا تەڤگەرا گۆران د کونگرەکێ رۆژنامەڤانی دا دیارکر سوپاسیا ھەلویستێ تەڤگەرا گۆران دکەین د ڤی ماوێ بوری دا پێکڤە بووین و ھیڤیا مە ئەوە بەری دەسپێکرنا دەمێ بھێنڤەدانا پەرلەمانێ کوردستانێ ئەو پێکھاتەیا کابینەیا نوو پێشکێشی وان بکەت داکو رازەمەندیێ ل سەر بکەن.
ناڤھاتی ئەو چەندە ژی دیارکر ئەو ل وێ باوەرێ یە ھەڤالێن گۆران دێ سیڤیێن وەزیرێن خوە بزووترین دەم پێشکێشی حوکمەتێ کەن، دەربارەی ھەلویستێ لایەنێن سیاسی ژی گۆت: ئەو گەلەک خوشحالە پشتی ئەڤ دیدارە دگەل لایەنێن سیاسی ئەنجامداین و ھەموویان ب بەرپرسیارانە بەرامبەر زوو پێکئینانا کابینەیا نوو یا حوکمەتێ ھەستێ خوە دەربریە.
ئەڤرۆ نیوز، نەوزاد ھلوری:
دەمەکێ کێم بەری نوکە کچەکا دێرەلووکێ ژ ئەگەرەکێ نەدیار خوە ھاڤیتە د رووبارێ زێ دا،ھەتا نوکە چارەنڤیسێ وێ نەدیارە.
کەس و کارەکێ وێ کچێ، بو ئەڤرۆ نیوز گوت: (دەمەکێ کێم بەری نوکە کچەکا مە بناڤێ ھنداڤ فەرھاد دژیێ ١٦ سالیێ دا، خوە ھاڤێتە دناڤا رووبارێ زێ دا، خەندقی).
زێدەتر گۆت: (ھەتا نوکە چارەنڤیسێ وێ نەدیارە، پیچەکێ ژ روویێ دروونی نەیا دروستە).
میلازم ئێحسان سەنعان، بەرپرسێ بەرەڤانیا باژێری ل دێرەلوک بو ئەڤرو نیوز گوت: (ب گورەی پێزانێن کەسوکارێن کچێ، کچەکا وان ل مال دەرکەڤتیە و قەستا رووباری کریە و پاشان خوە ھاڤێتیە ئاڤێ دا، نوکە تیمێن مە گەھشتینە جھێ روودانێ و مژولێ لێگەریانێ نە).
ئه‌ڤرۆ نيوز:
مه‌سرور بارزانى، سه‌رۆك وه‌زيرێن هه‌رێما كوردستانێ ئه‌ڤرۆ رۆژا دوشه‌مبى 17ى خزيرانا 2019ێ دێ سه‌ره‌دانا سلێمانيێ كه‌ت و ل گه‌ل وان لايه‌نان كۆم ببيت يێن كو دێ پشكدارى حوكمه‌تێ بن.
بڕياره ئه‌ڤرۆ ل ده‌مژمێر 11:00ى به‌رى نيڤرۆ سه‌رۆك وه‌زيرێن راسپاردى يێ كابينا نوو يا حوكمه‌تا هه‌رێما كوردستانێ ل باره‌گايێ مه‌كته‌با سياسى يا ئێكه‌تى نشتيمانى كوردستان ل گه‌ل وێ حزبێ كۆم بيت.
ئێكه‌تيێ ب مه‌ره‌ما روونشتن ل گه‌ل مه‌سرۆر بارزانى، شانده‌كێ دانوستاندكار ب سه‌رۆكاتيا عيماد ئه‌حمه‌د، ئه‌ندامێ مه‌كته‌با سياسى يا حزبا خوه پێكئينايه، هه‌ر ئێك ژ قادر حه‌مه‌جان، عه‌دنانێ حه‌مه يێ مينا، ده‌رباز و شالاو كوسره‌ت ره‌سۆل ئه‌ندامێن شاندى نه.
بڕياره هه‌ر ئه‌ڤرۆ ل ده‌مژمێر 03:00ى پشتى نيڤرۆ سه‌رۆك وه‌زيرێ راسپاردى، ل گه‌ل بزاڤا گۆڕأن ل مه‌كۆيا سه‌ره‌كى يا بزاڤا گۆڕان ل سلێمانيێ كۆم ببيت و ژماره‌ك ژ ئه‌ندامێن خانا راپه‌راندنێ دێ پشكدارى كۆمبوونێ بن.
هه‌ر ئێك ژ دلشاد شه‌هاب، ئۆمێد خۆشناو، هێمن هه‌ورامى و فه‌رسه‌ت سۆفى هه‌ڤالينيا شاندێ مه‌سرور بارزانى راسپارديێ پێكئينانا كابينا نوو يا حوكمه‌تا هه‌رێما كوردستانێ كه‌ن.
دوهى رۆژا ئێكشه‌مبى 16ى خزيرانێ، مه‌سرور بارزانى، سه‌رۆك وه‌زيرێ راسپاردى راگه‌هاند كو پێدڤيه لايه‌نێن سياسى سى ڤى يێن به‌ربژارێن خوه بۆ پۆستان ئاماده بكه‌ن دا كو ب كێمترين ده‌م پێكئينانا كابينا نوو بده‌نه ده‌ست په‌رله‌مانى.
ئەڤرۆ نیوز، نەوزاد ھلوری:
ھەمبەری وان شاشیێن د ئەزموونێن ویزاری دا ل گەل قوتابیێن رێزا ١٢ێ ئامادەیی ھاتینەکرن، بریارە چەند رۆژێن بھێت خوەنیشاندانەکا سەرانسەری ل کوردستانێ ژلایێ قوتابیێن نەرازی بھێتە ئەنجامدان، ئەڤ راگەھاندنا قوتابیان ددەمەکێ دایە کو دوھی د کونکرەکێ روژنامەفانی دا شاشیێن پەروەردێ د ئەزموونان دا ئێکلاکرینە.
ب گورەی راگەھاندنەکێ کو ژلایێ دەستەیا قوتابیێن نەرازی یێن رێزا ١٢ێ ئامادەی ھاتیە بەلاڤکرن و دانەیەک دەست ئەڤرۆ نیوز کەفتیە، تێدا دبێژیت: (شەڤا بوری ئاخفتنکەرێ وەزارەتا پەروەردێ یا حوکمەتا ھەرێما کوردستانێ د کونگرەیەکێ رۆژنامەڤانی دا راگەھاند کو پشتی پێکئینانا لژنەکێ لسەر دوڤچون بۆ شاشیێن د ئەزموونان دا ھاتیەکرن، وان دیارکر کو چوار نمرە دێ بو بابەتێ کوردی و چوار نمرە ژی لسەر بوچونێن جودا بو وانەیا بیرکاری، دیسان چوار نمرە ژی بۆ وانەیا عەرەبی بۆ قوتابیان ھێنەدان، دیسان ئەو ھەرسێ پرسیارێن دوو بەرسڤێن دروست ژی ھاتینە دیارکرن کو قوتابیان کیش ژ وان ھەلبژارتبیت دێ بۆ ب دروست ھێتە ھژمارتن).
د راگەھاندنا وان دا زێدەتر ھاتیە، (ئەم وەکو دەستەیا نەرازی یا قوتابیان دژی بریارا وەزارەتا پەروەردێ نە و یا سەیرە زێدەباری ھەبوونا ھەموو ئەڤان شاشیان، چەوا ئاماژێ ب سەرکەفتنا پروسێ ددەن، ژبەرڤێ ئەم وەکو دەستەیا قوتابیێن نەرازی، رادگەھینین کو ب ئیمزا ٣٠ ماموستا و ب بەلگە ١٠ پرسیارێن شاش دوانەیا عەرەبی دا، د وانەیا کوردی دا قوتابی ژ ھەژی شەش دەرەجێن زێدەترە، ب بەلگە پتری ٣٥ پەرێن بەلگەیان لایێ مە ھەنە، ھەروەسا د وانەیا بیرکاریێ دا ب گورەی ئاخفتنێن ئاحفتنکەرێ وەزارەتا پەروەردێ ٤٥ پرسیار پێدڤی ب کاغەزا موسوەدە نەبویە، مەگرتی پرسیاڕەک بو جھێن بەتال مایە، دڤێت چوار پرسیار ژی وەکو قەرەبو، بۆ قوتابیان بھێنەدان کو دبنە ھەشت نمرە، ژبەرڤێ ئەم دبینین کو دووبارە غەدر ل قوتابیان ھاتەکرن، ل شونا چارەسەرکرنا کێشا قوتابیان، زێدەتر دەروونێ قوتابیان ھەرفاندیە، ئەم رژدێن ھەتاکو نمرێن تمام بو قوتابیان دھێنەدان و دێ بەردەوام بین لسەر داخوازیێن خوە).
د درێژاھیا راگەھاندنا دەستەیا قوتابیێن نەرازی دا ھاتیە ژی، کو (لژێر دروشمێ ماف ناھێتەدان، بەلکو دھێتە لێوەرگرتن، قوتابی نابیت ببنە نێچیرا زانکۆیێن ئەھلی، لرۆژا ٢٠-٦-٢٠١٩ دێ ل بەردەرگەھێ دیوانا وەزاڕەت و پەروەردێن باژێر و باژێرکێن کوردستانێ خوەنیشاندان ب رێڤەچیت).
ئەڤرۆ، سالار دۆسكی:
ئەندامەكێ لژنا سامانێن سرۆشتی ل پەرلەمانێ كوردستانێ دیاركر كو گازوایل بۆ وێزگەهێن كواشێ هاتیە زێدەكرن و دو دەمژمێرێن كارەبا گشتی ل پارێزگەها دهۆكێ هاتینە زێدەكرن، ئەڤە پشتی چەندین بزاڤێن رێڤەبەریا كارەبا گشتی و جڤاتا پارێزگەهێ و لق ئێك و ئەندامێن پەرلەمانێ كوردستانێ، سەرۆك وەزیرێن هەرێما كوردستانێ (نێچیرڤان بارزانی) بریار ل سەر زێدەكرنا گازوایلێ دا.
مەلا جیهاد حەسەن بێسفكی، ئەندامێ لژنا سامانێن سرۆشتی ل پەرلەمانێ كوردستانێ بۆ ئه‌ڤرۆ نیوز گۆت: ب دانا ڤێ گازوایلێ كارەبا پارێزگەها دهۆكێ ئەو 50 مێگاوات بووینە 150 مێگاوات و ددو دەمژمێرێن كارەبا گشتی زێدە بووینە و ئەڤە بوویە ئەگەر كو كارەبا مولیدەی كێمتر هەبیت و خەلكێ مە كێمتر پارێ مولیدەی بدەت.
گۆت ژى: نوكە 17 دەمژمێران كارەبا دهۆكێ یا هه‌ى ول كومبوونێن داهاتی دێ پتر داكوكیێ ل سەر چارەسكرنا كێشێن كارەبا دهۆكێ كەین، چنكو گەلەك كێشە یێن هه‌ین و گرنگە بهێنە چارەسەكرن و ئەڤە هەموو دێ بنە هاریكار دەمژمێرێن كارەبا دهۆكێ رۆژ بۆ رۆژێ بهێنە چارەسەركرن.
ئاماژه كر: پێدڤیه گرنگی ب وان ئامیران بهێتەدان كو ژ تیشكا رۆژێ كارەبێ دابین دكەن و ئەڤە دێ پتر رێ خوشكەربیت كو ژینگەه بهێتە پاراستن، دیسا ئەڤ دەنگێ دبیتە ئەگەرێ نەخوه‌شیێ ژی بۆ خەلكی ئێدی نه‌مینیت، لەوما ب گرنگی دبینین حوكمەتا داهاتی كار بكەت بۆ كێمكرنا مولیدان و وەك وەلاتێن جیهانێ ئامیرێن تیشكا رۆژێ بهێنە بكارئینان و كارەب ژێ بهێتە دابینكرن.
ئەڤرۆ نیوز:
ئه‌ڤرو سپێدێ 16-6-2019 فه‌رهاد ئه‌مین ئه‌تروشى پارێزگه‌رێ دهوكێ پێشوازیا (پیته‌ر رێنزل )پارێزگه‌رێ باژێرێ ئیسن ل ئه‌لمانیا وشاندێ دگه‌لدا كر.
دهه‌ڤدیتنه‌كێدا ب ئاماده‌بونا به‌رێزان به‌هزاد على ئاده‌م جێگرێ پارێزگه‌رێ دهوكێ وهاریكارێ پارێزگه‌رى بو كاروبارێن مروڤایه‌تى ورێڤه‌به‌رێ گشتى یێ ساخله‌میێ ل پارێزگه‌ها دهوكێ به‌حسێ په‌یوه‌ندیێن هه‌رێما كوردستانێ دگه‌ل وه‌لاتێ ئه‌لمانیا ورولێ حكومه‌تا ئه‌لمانیا بو پشته‌ڤانیكرنا پروژێن مروڤایه‌تى بو ئاواره وپه‌نابه‌ران ل سنورێ پارێزگه‌ها دهوكێ هاته كرن.
دته‌وه‌ره‌كێ دن دا به‌حسێ ره‌وشا سازیێن ساخله‌میێ ل پارێزگه‌هێ وچاوانیا خورتكرنا په‌یوه‌ندیان دگه‌ل سازیێن ساخله‌میێ ل ئه‌لمانیا ژپێخه‌مه‌ت باشتر خزمه‌تكرنا وه‌لاتیان ل ده‌ڤه‌رێ هاته كرن.
پارێزگه‌رێ دهوكێ خوشحالیا خو ب سه‌ره‌دانا شاندێ ناڤبرى دیاركر وپه‌سنا رولێ گه‌ل وحكومه‌تا ئه‌لمانیا كر كو ل سالێن ده‌ربازبوى سالێن قه‌یرانان گه‌له‌ك هاریكارى وپشته‌ڤانى دوارێ سیاسى وله‌شكرى وئابورى ومروڤایه‌تى دا پێشكێشى خوجهێن پارێزگه‌هێ وئاواره وپه‌نابه‌ران كریه وخواست كو ئه‌و هاریكارى به‌رده‌وام بهێنه كرن وبه‌رهه‌ڤیا پارێزگه‌هێ بو هه‌ر هه‌ڤكاریه‌كێ دگه‌ل سازى ورێكخراوێن ئه‌لمانى نیشان دا.
هه‌ژى گوتنێ یه دوهى 15-6-2019شاندێ ناڤبرى سه‌ره‌دانا چه‌ند كه‌مپێن ئاواره‌یان كریه وئه ڤرو ژى دگه‌ل تیمێ ساخله‌میا دهوكێ كومبویه ژبو خورتكرنا په‌یوه‌ندیێن ته‌ندورستى دناڤبه‌را سازیێن پارێزگه‌ها ئیسن ل ئه‌لمانیا وپارێزگه‌ها دهوكێ.
ئەڤرۆ نیوز، سالار دۆسکی:
رێڤەبەرێ گشتیێ باژێرڤانیان ل پارێزگەھا دھۆکێ ، سپێدەھی یا ئەڤرۆ ئێک شەمبی ئاشکراکر کو تەندەرێ پرۆژەیێ پاقژکرنا زاخۆ ب کۆژمێ ٩ ملیار و ٨٧٣ ملیۆن دیناران ژلایێ رێڤەبەرێ گشتیێ باژێرڤانیان ل پارێزگەھا دھۆکێ و کۆمپانیا ھیزل ڤە ھاتە ئیمزاکرن.
ئەندازیار دیار بەحری، رێڤەبەرێ گشتیێ باژێرڤانیان ل پارێزگەھا دھۆکێ بۆ ئەڤرۆ نیۆز گۆت: پرۆژەیێ پاقژکرنا قەزا زاخۆ ل ١٢-٦-٢٠١٩ بۆ کۆمپانیا ھیزل ھاتیە رەوانەکرن و ل ١-٧-٢٠١٩ دێ دەست ب ئەنجامدانا پرۆژەی ھێتە کرن و ٦٥ ترۆمبێلێن پاقژکرنێ بۆ پرۆژەی ھاتینە تەرخانکرن.
گۆتژی: پشتی تەندەر ژلایێ پارێزگارێ دھۆکێ ڤە بۆ کۆمپانیا ھیزل کەفتی، ئەڤرۆ رۆژا ئێکشەمبی ١٦-٦-٢٠١٩ ل کۆچکا رێڤەبەری یا گشتی یا باژێرڤانیان ل پارێزگەھا دھۆکێ ئیمزا ل سەر تەندەرێ پرۆژەیێ پاقژکرنا قەزا زاخۆ بۆ ماوێ سێ سالان ھاتە کرن و کۆژمێ ٩ ملیار و ٨٧٣ ملیۆن دیناران ھاتیتە تەرخانکرن و بۆ ھەر مەھەکێ ٢٧٤ ملیۆن دینارن.
ئاشکرا ژی کر کو بۆ زانین بەری نوکە ھەیڤانە ٣٨٨ ملیۆن دینار ل پاقژکرنا زاخۆ دھاتنە مەزاختن، بەلێ ئەڤرۆ کۆ ژمە نوکە کێمتر لێ ھاتیە و ئێدی ھەیڤانە دێ ٢٧٤ ملیۆن دینار ل پاقژکرنا زاخۆ ھێنە مەزاختن.
ئەڤرۆ نیوز:
وه‌زيرێ دارايى و ئابوورى ل عيراقێ راگه‌هاند كو په‌يوه‌نديێن هه‌ولێر و به‌غدا د ئاسته‌كێ باش دانه و كار بۆ وێ چه‌ندێ دكه‌ن د بوودجا سالا داهاتى دا، پشكا هه‌رێمێ د بوودجه‌ى دا بنه‌جهـ ببيت.
فوئاد حسێن، وه‌زيرێ دارايى و ئابوورى يێ عيراقێ بۆ مالپه‌رێ فه‌رميێ پارتى ديموكراتى كوردستان راگه‌هاند: “په‌يوه‌نديێن هه‌ولێر و به‌غدا د ئاسته‌كێ باش دانه، پێدڤى ب ديالۆگ و دانوستاندنێن زێده‌تر هه‌يه، بۆ چاره‌كرنا ئاريشێن پرسا په‌ترۆل و بوودجه و ده‌ڤه‌رێن كوردستانى، بزاڤ ژى بۆ ڤێ مه‌ره‌مێ د به‌رده‌وامن”.
ئاماژه ب وێ چه‌ندێ ژى كر كو كار ل سه‌ر هندێ دهێته كرن سالا بهێت ژى د بوودجه‌يێ عيراقێ دا، به‌ركه‌فتێن دارايى يێن هه‌رێما كوردستانێ بهێنه ره‌وانه‌كرن و چه‌ند كۆمبوونه‌ك ژى بۆ ڤێ مه‌ره‌مێ هاتينه ئه‌نجام دان”.
ئه‌و داخۆيانيا فوئاد حسێن د ده‌مه‌كى دايه كو چه‌ند ئه‌ندامێن فراكسيۆنێن كوردستانى ل جڤاتا نوونه‌رێن عيراقێ هوشدارى دابوو كو ژماره‌كا نوونه‌رێن عيراقێ كار بۆ بڕينا پشكا هه‌رێما كوردستانێ دكه‌ن.
فوئاد حسێن دبێژيت ژى: “مه هيڤى يا هه‌ى ئاستێ په‌يوه‌نديان باشتر لێ بهێت، ب دانوستاندن و لێكتێگه‌هشتنێن هه‌ڤپشك دشيان دايه چاره‌سه‌ريا هه‌موو كێشێن هه‌لاويستى بكه‌ن، پشتى پێكئينانا حوكمه‌تا هه‌رێمێ دانوستاندن دێ ده‌ست پێ كه‌ن”.
ئه‌ڤرۆ نيوز:
نڤيسينگه‌ها نه‌جمه‌دين كه‌ريم ئاشكه‌را كر كو نها ئه‌و ل باژێرێ هه‌ولێرێ يه و د ب رێڤه‌برنا كارێن خوه دا يێ به‌رده‌وامه، ئه‌ڤرۆ ژى چه‌ند ديداره‌ك ئه‌نجام داينه.
ژێده‌ره‌كى ژ نڤيسينگه‌ها نه‌جمه‌دين كه‌ريم، بۆ كوردستان 24 راگه‌هاند: “نه‌جمه‌دين كه‌ريم ڤه‌گه‌ريايه هه‌ولێر و د ب رێڤه‌برينا كارێن خوه دا يێ به‌رده‌وامه”.
نڤيسينگه‌ها پارێزگارێ كه‌ركووك راگه‌هاند ژى كو هه‌موو ئه‌و نووچێن به‌حس ل ده‌سته‌سه‌ركرنا پارێزگارێ كه‌ركووكێ دكه‌ن د دوورن ژ راستيێ”.
پێشتر چه‌ند ميديايێن هه‌رێما كوردستانێ و عيراقێ به‌لاڤكربوو كو نه‌جمه‌دين كه‌ريم ل سه‌ر دوسيا گه‌نده‌ليێ ژ لايێ پۆليسێن ئه‌نترپۆل ل لوبنانێ هاتيه ده‌سته‌سه‌ركرن و بڕياره راده‌ستى حوكمه‌تا عيراقێ بكه‌ن.
نيشاندان