ئەڤرۆ نیوز:
ئەڤرۆ ل دهۆکێ تەقە ل قوتابخانەکێ هاتە کرن و قوتابیەک یێ بریندارە.
موقەدمێ ماف، هێمن سلێمن، بەرپرسێ راگەهاندنا پۆلیسێن دهۆکێ گۆت: “ئەڤرو سپێدێ ژئەگەرێ کێشەیەکا دوژمنداریێ تەقە ل قوتابیەکێ دەرەکی هاتە کرن کو ژیێ وی ۳٨سالن ل بەر دەرێ قوتابخانا مێردین ل تاخێ سەرهلدان و قوتابی ب سفکی بریندار بویە”.
ئەڤرۆ نیوز، نەوزاد ھلۆری:
پتری پێنج ھەیڤایە ژ بەر روودانێن کانونا دوویێ سا ئەڤ سالە ھەموو بازار و ھاڤینگەھـ و جھێن گەشتوگۆزاریێن ئاڤا مارک، گەلێ بالندا و نێروەورێکان ھاتینە گرتن، بەلێ نوکە کو وەرزێ گەرمێ یە و ھاڤینگەە ل دەڤەرێ بێ بەرامبەر نینن، بەشەکێ زور ژ خەلکی زێدەباری ھەبوونا مەترسیێ قەستا ئاڤا مارک دکەن.
مێھڤان بێزەلی، وەلاتیەکێ شێلادزێ یە بۆ ئەڤرۆ نیوز گۆت: (ئاڤا مارک و دەڤەرا نێروەورێکان کو نێزیکێ 20 جھێن گەشتوگۆزاری تێدا ھەنە، جھەکێ خوش و ھوینە و خەلکەکێ زور قەست دکەتێ داکو گەرماتیا ھاڤینێ بشێکنن، ژ ئەگەرێ رودانێن کانونا دویێ یا سالا 2019 ھاتینە دائێخستن و خەلک و گەشتیار نوکە نەشێن قەست بکەنێ).
زێدەتر گۆت: (بەلێ ژبەرکو دەڤەرا مە ھاڤینگەھێن بێ بەرامبەر نینن و رووبار ژی بوشە و کێم نەبوینە، ھژمارەکا زور یا خەلکی نوکە قەستا ئاڤا مارک دکەن ئەڤە زێدەباری وێ یەکێ کو رێیا گەھشتنا وێرێ ب فەرمی نەھاتیە ڤەکرن و مەترسی ھەیە، بەلێ خەلک ھەر دچن، ئەڤێ یەکێ مەترسی لسەر ژیانا وان دروستکریە و دخوازین خەلکێ مە خوە بپارێزن).
ب گورەی ئاخفتنێن بێزەلی، ئەگەر خەلک زور بچن دبیت نەبیتە مەترسی بو سەر ژیانا وان،بەلێ ئەگەر کێم بچن دبیت مەترسی ھەبیت و زێدەتر گۆت: (دەڤەرا مە رۆژ بو روژێ یا دبیتە ئاگر و بوردومان بەردەوامە، بەلێ ئەم ناخوازین جھێن خوە بو ھندەک لایەنێن حزبی و سوپایێ تورکیا چول بکەین کو چو پەیوەندی ب ھەرێما کوردستان و دەڤەرێ ڤە نەبیت، لەورا خەلکێ مە دێ ھەر چیتە دەڤەرا خوە، خوە ئەگەر بزانیت دێ بیتە قوربانی ژی).
ئه‌ڤرۆ نيوز:
ئه‌ندرۆ مورسن، وه‌زيرێ ده‌وله‌تا حوكمه‌تا بريتانيا بۆ كاروبارێن رۆژهه‌لاتا ناڤه‌راست و باكوورێ ئه‌فريقيا، ل هژمارا تايبه‌ت يا خوه يا تويته‌رى ده‌رباره‌ى سووندخوارنا نێچيرڤانى بارزانى وه‌كو سه‌رۆكێ هه‌رێما كوردستانێ و راسپاردنا مه‌سرور بارزانى بۆ پێكئينانا كابينا نوو په‌يامه‌ك به‌لاڤكر.
وه‌زيرێ ده‌وله‌تا حوكمه‌تا بريتانيا بۆ كاروبارێن رۆژهه‌لاتا ناڤه‌راست و باكوورێ ئه‌فريقيا نڤيسيه: “بريتانيا يا پابه‌نده ب هه‌رێما كوردستانێ د عيراقه‌كا سه‌قامگێر و خۆشگوزه‌ران دا”.
دبێژيت ژى: “خۆشحال بووم ب ئاخفتنا ل گه‌ل سه‌رۆكێ نوو يێ هه‌رێما كوردستانێ نێچيرڤان بارزانى و خۆشحال بووم ب هه‌لبژارتنا مه‌سرور بارزانى وه‌كو سه‌رۆكێ حوكمه‌تا نوو يا هه‌رێما كوردستانێ”.
ئه‌ندرۆ مورسن ئاماژه ب وێ چه‌ندێ ژى دا كو هيڤى دكه‌ن كار پێكڤه بكه‌ن بۆ بلند راگرتنا ئازادى و ئاينى و زێده‌كرنا ژمارا ژنان د ناڤ حوكمه‌تا نوو دا.
ئەڤرۆ نیوز ،بارزان مزووری:
ئەڤرۆ چارشه‌مبى 12/6/2019 ژ ئەگەرەكێ نەدیار ئاگر ب گەنمێن جوتیارێن سێ گوندێن شەبەكا دكەڤیت ل سنورێ ناحیا باشیك د ئەنجام دا سەدان دونەمێن گەنمی دهێنه سوتن و گەنجەك ژی دناڤ ئاگری دا دهێته سوتن و كەسەكێ دى ژی برینداردبیت.
نەشوان صالح، ئێك ژ وەلاتیێن گوندێ (عەمەر قامچی) بۆ ئەڤرۆ نیوز گوت:ئەڤرۆ ژ ئەگەرەكێ نەدیار ئاگر ب گەنمێن گوندێن”دەراویش،تلیارا،عەمەر قامچی”سەر ناحیا باشیك دكەڤیت تغارێن گەنمی دهێن سوتن و گەنجەكێ شەبەك بناڤێ”عەلی حەسەن” خەلكێ گوندێ دەراوێش ژیی وی 25 سالە كارێ وی پولیسە دناڤ ئاگری دهێتە سوتن وگیانێ خوه ژ دەست دا كەسەك ژی بریندار بوو”.
ناڤهاتی خویاكر ئەو گەنجێ هاتیە سوتن ژبۆ ڤەمراندنا ئاگری هاتبوو ژبەر هێزا مەزن یا ئاگری نەشیا خوه قورتال بكەت ودناڤ ئاگری دا دمینیت ودهێتە سوتن.
گوت ژى” ئەو كەسێ گیانێ خوه ژ دەست دای بۆ خێرا خوه هاتبوو ئاگری ڤەمرینیت، وى چو گەنم و ئه‌رد نەبوو، بتنێ وەكو هاریكار بۆ بوو خەلكێ وان گوندا”.
ئه‌ڤرۆ نيوز:
په‌رله‌مانێ كوردستانێ ل سه‌ر به‌خش نه‌كرنا سرودا نيشتمانى يا عيراقێ و سرودا ئه‌ى ره‌قيب ل رێ وره‌سمێن سويند خوارنا سه‌رۆكێ هه‌رێما كوردستانێ ل رۆژا 10/6/2019 رۆهنكرنه‌ك ده‌ركر.
راگه‌هاندنا په‌رله‌مانێ كوردستانێ د وێ رۆهنكرنێ دا به‌لاڤكر” وه‌كو عورفكێ په‌رله‌مانى سرودا نه‌ته‌وى تنێ ل ده‌مێ ڤه‌كرنا وه‌رزێ گرێدانا په‌رله‌مانى دهێته به‌خشكرن ول روونشتنێن ئاسايى يێن دى دا ناهێته به‌خشكرن، روونشتنا هژمار (7) ژى يا ئاسايى بوو وروونشتنا ڤه‌كرنا وه‌رزێ گرێدانێ نه‌بوو، له‌وما سرودا ئه‌ى ره‌قيب نه‌هاته به‌خشكرن.
ئەڤرۆنیۆز، سالار دۆسكی
ب رێپیڤانا ترۆمبێلێن خەملاندی ب ئامادەبوونا جەماوەرەكێ زۆر ژ خەلكێ پارێزگەهێ ئەڤرۆ ئێڤاری 12/6/2019 سال رۆژا پارێزگەهبوونا دهۆكێ ب چەندین چالاكیێن جودا هاتە ساخكرن.
پارێزگەرێ دهۆكێ ب هەلكەفتا یوبێلا زێرین یا پارێزگەهێ و بورینا 50 سالا ل سەر پارێزگەهبوونێ پەیڤەك پێشكێشكر و دیاركر كو پارێزگەهبوونا دهۆكێ دەستكەفتەكێ مەزنێ شورەشا ئەیلولا مەزن بوویە و بەرهەمێ خوینا شەهیدێن كوردستانێ بوویە، ناڤبری بەحسێ گرنگیا پارێزگەها دهۆكێ كر ژ روویێ چاندنێ و گەشتوگوزارێ و پێكڤە ژیانێ ڤە كو چەندین نەتەوە و ئاین تێدا دژین و ئەڤە ژی رەنگەكێ جوانتر نیشا هەموو خەلكێ كوردستانێ و عیراقێ دەت و ئەڤە نە تشتەكێ چێكریە، دەڤەرا بەهدینان لاندكا هەر دو شورەشێن ئەیلول و گولانێ بوویە و ژ بەهدینان بەر ب پارێزگەهَن دی چوویە.
فەرهاد ئەترۆشی دیاركر ژی كو پشتی سەرهلدانێ گەلەك هاتیەكرن و كەسەك نەشێت بەرزە بكەت لێ ڤیانێن كارگێری و خەلكێ پارێزگەهێ زێدەترن، پێنچ سالێن بووری گەلەك د نەخوش بوون و سەرمەدابوورین ل سنورێ پارێزگەها دهۆكێ و گەلەك گرفت بوو مە پەیدابوون و هێرشێن داعش و هەبوونا هەژمارەكا مەزن یا ئاواران هاتینە دهۆكێ، بورینا بودجێ ژ عیراقێ ڤە و نزمبوونا پەترۆلێ كارتێكرن هەبوو.
ناڤبریی دیاركر ژی كو پلانەكا باش هەبوو بۆ پارێزگەهێ لێ قەیران بوونە ئەگەر كو پلانێ نە هێتە بجهینان، سەرەررایی ڤێ چەندێ خزمەتێن باش ژلایێ باژێرڤانیێن (دهۆك، زاخۆ، ئاكرێ) هەموو باژێرڤانیان ڤە هاتینە پێشكێشكرن.
پارێزگەرێ دهۆكێ خواست سالێن خوەشتر و تەنا و ئارامتر ل سەر خەلكێ پارێزگەها دهۆكێ دەبازببن، پارێزگەری رۆلێ سەرۆك (مەسعود بارزانی) بلند نرخاند تایبەت ل سالێن سەرۆكاتیا هەرێمێ دا، ب ناڤێ هەموو خەلكێ پارێزگەهێ سوپاسی ئاراستەكرن، دیسا پیرۆزباهی ل هەر دو سەرۆكێن نوو یێ هەرێما كوردستانێ (نێچیرڤان بارزانی و مەسرور بارزانی) سەرۆكێ حوكمەتا هەرێما كوردستانێ كرن ب هەلكەفتا دەست بكاربوونا وان و هیڤی خواستن ل كار و ئەركێن خوە دا دسەركەفتی بن، هیڤی خواست پتر گرنگی ب پارێزگەها دهۆكێ بهێـتەدان و پتر پرۆژێن ستراتیجی بۆ پارێزگەهێ دروست بكەن، دئالیەكێ دی دا پارێزگەرێ دهۆكێ سوپاسیا رێكخەرێن كەرنەڤالێ كر كو رێڤەبەریا گشتی یا رەوشەنبیری و هونەری ل دهۆكێ یە و هەموو پشكدارێن كەرنەڤالێ.
پشتی پەیڤا پارێزگەری ئاهەنگا هونەری ب پشكداریا چەندین سترانبێژێن دەنگ خوەش دەسپێكر وهەتا نوكە برگێن هونەری دبەردەوامن.
ئەڤرۆ نیوز:
ژبو نێزیک ھایداربوون ل سەر رەوشا ساخلەمیێ ل قەزایێن سەر ب ساخلەمیا پارێزگەھا دھۆکێ ڤە و زانینا کێماسیان و چاوانیا پێشڤەبرنێ، د. نزار عسمەت، رێڤەبەرێ گشتیێ ساخلەمیا پارێزگەھا دھۆکێ ل گەل رێڤەبەرێن رێڤەبەری و کەرتێن ساخلەمیێ و ھژمارەکا سەرۆک پشکان کۆمبوو.
د. نزار عسمەت، رێڤەبەرێ گشتیێ ساخلەمیا پارێزگەھا دھۆکێ دیار کر، دڤێت ھەر رێڤەبەریەک کاودانێن خوە ب ھەلسەنگینیت و پلانەکا ستراتیژی بدانیت ل دۆر پێدڤیێن ھەر قەزایەکێ ژ ئاڤاھی و پێدڤیێن نۆشداری و ستافێ کاری بۆ ھندێ پتر پشتەڤانی لێ بھێتە کرن.
خویا ژی کر، ل دەمێ دەربازبووی کارەکێ باش دگەل کەرتێ تایبەت ھاتیەکرن و ھەتا رادەیەکێ مەزن شیاینە گەلەک جھان سزا بدەن و بگرن و گۆت: “پێدڤیە دووڤچوونا کەرتێ تایبەت یێ ساخلەمیێ بەردەوامی ھەبیت، مینا: نەخۆشخانە، کلینیکێن تایبەت یێن نۆشدار و کارمەندێن ساخلەمیێ، عمبار، دەرمناخانە و تاقیگەھان و ب چو رەنگەکی نابیت رێ ب سەرپێچیا بھێتەدان و ھەر جھەک پێگریێ ب پیڤەرێن قانوونا ساخلەمیا گشتی نەکەت و سەرپێچی بھێنە دیتن ژ سەرەدەریا دگەل نەخوشان و پاقژیێ، دڤێت پێرابوون دگەل بھێنە کرن و رێڤەبەرێن ساخلەمیێ ل قەزایان ھەموو دەستھەلات و ماف ھەنە بۆ دووڤچوونا کەرتێ تایبەت ژ سزادان و گرتنا وان”.
د. نزار عسمەت دوپاتی ل سەر بابەتێن خوەپاراستنا ساخلەمیێ کر، ب تایبەت ڤاکسیندانا زارۆیان و کونترۆلکرنا نەخۆشیێن ڤەگر و گۆت: “دڤێت رۆژانە ل ھەموو بنگەھێن ساخلەمیێ ڤاکسین بھێنەدان و چو زارۆ نەھێنە ڤەگەڕاندن ژ پێخەمەت کونترۆلکرنا نەخۆشیێن زارۆیان، دیسا نوکە وەرزێ ھاڤینێ یە و بۆ نەھێلانا نەخۆشیێن ڤەگر ل ڤی وەرزی، ب تایبەت نەخۆشیا کۆلێرایێ؛ فەرە ھەر ژ نوکە کۆمبوونێن بەرفرەە دگەل لایەنێن پەیوەندیدار بھێنە کرن ژ بۆی وەرگرتنا پێرابوونان و دانانا رێنمایان، داکو کۆلێرا پەیدا نەبیت”.
ئەڤرۆ نیوز:
بەری دەمەکێ کێم ئەڤرۆ رۆژا چارشەمبی ١٢-٦-٢٠١٩ ھێزێن ئاسمانی یێن تورکیا جارەکا دی ئەڤرۆ دەست ب بوردومانکرنێ سنورێن قەزا ئامێدیێ کر و ئەڤرۆ ب دووراتیا ٥٠ متران ل نزیک لەقا ١٨ یا پارتی ل سەر رێیا سەرەکی یا ناڤبەرا دھۆک و ئامێدیێ دا بوردومانکر.
ئسماعیل مستەفا قائیمقامێ قەزا ئامێدیێ دیارکر د ڤێ بوردومانێ دا چو زیانێن گیانی نەبووینە تنێ چەند زیانەکێن مادی ل جھێ روودانێ پەیدابووینە.
ئەڤرۆ نیوز:
بەری دەمەکێ کێم مەسروور بارزانی سەرۆک وەزیرێ راسپاردی بۆ پێکئینانا حوکمەتا ھەرێما کوردستانێ راگەھاندنەک بەلاڤ کر.
د ڤێ راگەھاندنێ دا مەسروور بارزانی دیارکر پشتی ئەو ھاتیە راسپاردن بۆ پێکئینانا حوکمەتا نوو یا ھەرێما کوردستانێ سوپاسیا رولێ سەرۆک مەسعود بارزانی و مەکتەبا سیاسی و جەماوەرێ پارتی و پەرلەمانێ کوردستانێ و لایەنێن دی یێن حزبی کر کو باوەری دایە وی بۆ پێکئینانا حوکمەتا نوو یا ھەرێما کوردستانێ.
ناڤھاتی ئەو چەندە ژی دیارکریە ئەو دێ ب ھەموو شیانێن خوە کارکەت ب زووترین دەم و کێمتر ژ ھەیڤەکێ کابینەیا حوکمەتێ ب دووماھی بینم و رادەستی سەرۆکاتیا پەرلەمانی بکەم داکو پەسەند بکەن.
ئەڤرۆ نیوز:
بەری دەمەکێ کێم ئه‌ڤرۆ رۆژا چارشه‌مبى 12-6-2019 نێچیرڤان بارزانی سەرۆکێ ھەرێما کوردستانێ مەسروور بارزانی بۆ پێکئینانا کابینەیا نوو یا حوکمەتا ھەرێما کوردستانێ راسپارد.
پشتی دوھی رۆژا سێشەمبی ١١-٦-٢٠١٩ ژلایێ پەرلەمانێ کوردستانێ ڤە ب زورینەیا دەنگێن پەرلەمانتاران ڤە ھاتیە ھەلبژارتن وەک سەرۆک وەزیرێن نوو یێ ھەرێما کوردستانێ بەری دەمەکێ کێم نێچیرڤان بارزانی ب فەرمی مەسروور بارزانی راسپارد بۆ پێکئینانا کابینەیا نوو یا حوکمەتا ھەرێما کوردستانێ.
راسپاردنا مەسروور بارزانی ب ئامادەبوونا ھەرئێک ژ سەرۆکێ پەرلەمانێ کوردستانێ و سەرۆکێ ئەنجوومەنێ دادوەری یێ ھەرێمێ برێڤەچوو.
نيشاندان