نێزیکی 25 ھزار خانیان دێ ھێنە تاپۆکرن

10/07/2019 11:43

321

ئه‌ڤرۆ نيوز:

رێڤەبەرێ گشتیێ باژێرڤانیان ل پارێزگەھا دھۆکێ راگەھاند، خواندنا ئێکێ بۆ پرۆژەیاسایا تاپۆکرنا خانیێن زێدەگاڤی ل ھەرێما کوردستانێ ھاتیە کرن و ئەگەر ئەڤ پرۆژەیاسایە سەربگریت، دێ نێزیکی 25 ھزار خانیان ل سنوورێ پارێزگەھا دھۆکێ ھێنە تاپۆکرن.

ئەندازیار دیار بەحری رەسول، رێڤەبەرێ گشتیێ باژێرڤانیان ل پارێزگەھا دھۆکێ دیار کر، ماوێ 19 سالانە چو خانی و ئەردێن زێدەگاڤی ل سنوورێ پارێزگەھا دھۆکێ نەھاتینە تاپۆکرن و نھا پەرلەمانێ کوردستانێ ب رێکا پرۆژەیاسایەکێ ھەول ددەت ڤێ ئاریشێ چارەسەربکەت و ئەگە ئەڤ پرۆژەیێ فراکسیۆنا پارتی سەربگریت، دێ نێزیکی 25 ھزار خانیان ل سنوورێ پارێزگەھا دھۆکێ ھێنە تاپۆکرن و ئاریشا ھەموویان چارەسەربیت.

مه‌سرور بارزانى ب پتريا ده‌نگێن په‌رله‌مانى بۆ سه‌رۆك وه‌زيرێن هه‌رێما كوردستانێ

10/07/2019 11:28

ئه‌ڤرۆ نيوز:

مه‌سرور بارزانى ب 88 ده‌نگێن په‌رله‌مانتارێن په‌رله‌مانێ كوردستانێ بۆ سه‌رۆك وه‌زيرێن هه‌رێما كوردستانێ.

مه‌سرور بارزانى كى يه‌؟

10/07/2019 11:07

321

ئه‌ڤرۆ نيوز، نيوار محه‌مه‌د سه‌ليم:

بڕياره‌ پشتى ده‌مه‌كێ كێم بڕياره‌ مه‌سرو بارزانى سه‌رۆك وه‌زيرێن راسپاردى بۆ كابينا نه‌هێ يا حوكمه‌تا هه‌رێما كوردستانێ باوه‌ريا ئه‌ندامێن په‌رله‌مانى ب ده‌ست ڤه‌ بينيت و سووندا قانوونى ب خوينيت.

گرنگترين ويستگه‌هێن ژيانا مه‌سرور بارزانى، سه‌رۆك وه‌زيرێن حوكمه‌تا هه‌رێما كوردستانێ:

مه‌سرور مه‌سعود مسته‌فا بارزانى ل 2ى ئادارا 1969ێ ل گۆندێ ديلمان ل ده‌ڤه‌را باله‌كايه‌تى چاڤ ب دونيايێ كه‌فتينه‌.
ل هاڤينا سالا 1985ێ ژ يێ 16 ساليێ دا په‌يوه‌ندى ب رێزێن له‌شكرێ پێشمه‌رگه‌يێ كوردستانێ كريه‌ و پشكدارى د شوره‌شا گۆلانێ دا كريه‌.
سالا 1988ێ پشكداريا مه‌ديانى د داستانا ب ناڤوده‌نگا خواكورك دا كريه‌ ل دژى سۆپايێ رژێما دكتاتورايه‌تا به‌عس و ب كاميرا تايبه‌ت يا خوه‌، پشكه‌ك ژ قاره‌مانيا پێشمه‌رگه‌يى تۆمار كريه‌ كو ب ئێك ژ فلمێن دێكيۆمێنتى يێن شوره‌شا چه‌كدارى يا گه‌لێ كوردستانێ دهێته‌ دانان.
سالا 1991ێ پشتى شه‌رێ ئێكێ يێ كه‌نداڤى پشكدارى د سه‌رهلدانا گه‌لێ كوردستانێ دا كريه‌.
سه‌ره‌راى وێ چه‌ندێ كو ژ ئه‌گه‌رێ شوره‌ش و به‌رخودانا گه‌لێ كورد ژيانا زارۆيا خوه‌ د ئاواره‌يێ دا ب سه‌ر بڕيه‌، به‌لێ قووناغێن خواندنا سه‌ره‌تايى و ناڤنجى و ئاماده‌يى ل ئيرانێ ب سه‌ركه‌فتى ب رێڤه‌ بريه‌.
سالا 1992ێ بۆ فێربوون و شاره‌زابوون د زمانێ ئنگليزى دا، چوويه‌ له‌نده‌ن يا پايته‌ختێ بريتانيا بۆ ماوێ ساله‌كێ ل وێرێ خوانديه‌.
پاشان بۆ درێژاهى دان ب خواندنێ چوويه‌ ئه‌مريكا و ل زانكۆيا ئه‌مريكى ل واشنتۆن دى سى 1993 بۆ 1997 ده‌ست ب خواندنێ كريه‌ و باوه‌رناما به‌كالريوس د زانستێن سياسى دا ب ده‌ست ڤه‌ ئينايه‌.
پاشان د هه‌مان زانكۆ دا بۆ ب ده‌ست ڤه‌ ئينانا باوه‌رناما ماسته‌ر د وارێ ئاشتى و چاره‌كرنا هه‌ڤركيان دا خوانديه‌.
سالا 1998ێ ڤه‌گه‌ريايه‌ كوردستانێ و پشكدارى كونگرێ 12 يێ پارتى ديموكراتى كوردستان كريه‌ و ب ده‌نگێ پشكداربوويێن گۆنگره‌يى ب ئه‌ندامێ كۆميتا ناڤه‌ندى و مه‌كته‌با سياسى هاتيه‌ هه‌لبژارتن و ئه‌ركێ رێڤه‌برنا ئاژانسا پاراستن و هه‌والگه‌ريێ پێ هاتيه‌ راسپاردن.
سالا 2005ێ ل به‌رامبه‌ر رۆلێ خه‌بات و پره‌نسيپێن مسته‌فا بارزانى د ژيانێ دا، ده‌زگه‌ێ خێرخوازى يێ بارزانى دامه‌زرانديه‌ و وه‌كو ده‌زگه‌هه‌كێ مرۆڤى، خيرخوازى بێ قازانج بۆ پێشكێشكرنا هاريكاريان ب ئاواره‌ و په‌نابه‌ر و كه‌سانێن خۆجهى كو ب پێدڤى ب هاريكاريانه‌.
د كۆنگرێ 13ێ يێ پارتى ديموكراتى كوردستان دا كو ل سالا 2010ێ ب رێڤه‌ چوويه‌، ده‌نگێن ئێكێ يێن پشكداربوويێن كۆنگره‌يى ب ده‌ست ڤه‌ ئينان دووباره‌ ب ئه‌ندامێ جڤاتا سه‌ركرداتيێ و مه‌كته‌با سياسى هاتيه‌ هه‌لبژارتن.
ب فه‌رمانا سه‌رۆك مه‌سعود بارزانى و ب بڕيارا ژماره‌ (68) ل 30 نيسانا 2012ێ بۆ سه‌رپه‌رشتيكرنا ده‌زگه‌هێ ئاسايش، هه‌والگه‌ريا له‌شكرى و دامه‌زراوێن هه‌والگه‌رى، ب شيره‌تكارێ جڤاتا ئاسايشا هه‌رێما كوردستانێ هاتيه‌ راسپاردن.
پشتى ته‌باخا 2014ێ د به‌رسينگگرتنا هێرش و په‌لامارێن تيرۆرستێن داعش بۆ سه‌ر هه‌رێما كوردستانێ و ده‌ڤه‌رێن كوردستانى يێن ده‌رڤه‌يى ئيدارا هه‌رێما كوردستانێ ژوورا ئۆپه‌راسيۆنێن هه‌ڤپشك ل گه‌ل هه‌ڤپه‌يمانان پێكئينا كو ئه‌ڤ بزاڤا هه‌ڤپشك رۆله‌كێ كاريگه‌ر د ئاراسته‌كرنا هێرشێن ئه‌سمانى و ب رێڤه‌برنا ئۆپه‌راسيۆنێن مه‌يدانى ل دژى تيرۆرستان هه‌بوويه‌.
مه‌سرور بارزانى ل گه‌ل سه‌رۆك بارزانى ب ره‌نگه‌كێ مه‌يدانى ل به‌ره‌يێن شه‌رى ئاماده‌ بوو، پشكدارى د سه‌رپه‌رشتيكرنا پتريا ئۆپه‌راسيۆنێن ل دژى داعش كريه‌.
دامه‌زرێنه‌ر و سه‌رۆكێ بۆردا زانكۆيا ئه‌مريكى كوردستانه‌ ل دهۆك كو ل كانوونا ئێكێ يا 2013ێ به‌رێ بناغه‌ى بۆ هاتيه‌ دانان.
3ى كانوونا ئێكێ 2018 ژ لايێ جڤاتا سه‌ركرداتيا پارتى ديموكراتى كوردستان بۆ پۆستێ سه‌رۆكێ حوكمه‌تا هه‌رێما كوردستانێ هاتيه‌ به‌ربژاركرن.
11ى خزيرانا 2019ێ وه‌كو سه‌ركه‌فتيێ ئێكێ يێ هه‌لبژارتنێن گشتى ل 30ى ئيلۆنا 2018ێ ژ لايێ فراكسيۆنا پارتى ديموكراتى كوردستان، ناڤێ وى پێش كێشى سه‌رۆكاتيا په‌رله‌مانێ كوردستانێ هاتيه‌ كرن و د ده‌نگدانه‌كا ئێكسه‌ر دا، ب ده‌نگێ 89 په‌رله‌مانتاران د ئاماده‌بوونا 97 په‌رله‌مانتاران دا بوويه‌ به‌ربژار بۆ پێكئينانا كابينا نه‌هێ يا حوكمه‌تا هه‌رێما كوردستانێ.
12ى خزيرانا 2019ێ ب فه‌رمانا هه‌رێمى يا ژماره‌ (1 يا سالا 2019)ێ ژ لايێ سه‌رۆكێ هه‌رێما كوردستانێ بۆ پێكئينانا كابينا نوو يا حوكمه‌تا هه‌رێما كوردستانێ راسپارديه‌.
خێزانداره‌ و خودانێ سێ كوڕ و كچه‌كايه‌ ب ناڤێن (ياسه‌مين، ئارين، به‌رزين و ئاران)
ژبلى زمانێ كوردى يێ دايك، زمانێن فارسى و ئنگليزى و عه‌ره‌بى ب باشى دزانيت.
حه‌زا خواندن و شێوه‌كارى و هه‌سپسوراى و مه‌له‌ڤانيێ هه‌يه‌.

مووچێ پشكه‌ك ژ زيندانيێن سياسى دێ هێته‌ بڕين

10/07/2019 10:08

487

ئەڤرۆ نیوز:

رێڤەبەرێ گشتی یێ زیندانیێن سیاسی ل وەزارەتا کاروبارێن شەھید و ئەنفالکریان راگەھاند کو ب گۆرەیی قانوونێ مووچێ پشکەک ژ زیندانیێن سیاسی دێ ھێتە بڕین و دا کو ئەو ئاریشە روو نەدەت، داخوازا راستڤەکرنا قانوونێ دکەن.

ئەحمەد مام رەسۆل، رێڤەبەرێ گشتی یێ زیندانیێن سیاسی ل وەزارەتا کاروبارێن شەھیدان و ئەنفالکریان بۆ رووداو راگەھاند ب گۆرەیی قانوونا ژمارە 11 یا سالا 2011 یا پەرلەمانێ کوردستانێ، پێدانا مووچەیی ب وان زیندانیێن سیاسی کو مووچێ دی نینە، بۆ ماوێ 10 سالان بیت و نھا ژی پشکەک ژ زیندانیێن سیاسی بۆ ماوێ 10 سالان بۆراندیە ژ بەر ھندێ ژی مووچێ وان دێ ھێتە بڕین، نھا ئەم د بزاڤا وێ چەندێ داینە بزاڤێن راستڤەکرنا وێ قانوونێ بکەین دا کو مووچێن وان نەھێنە بڕین.

رێڤەبەرێ گشتی یێ زیندانیێن سیاسی ل وەزارەتا کاروبارێن شەھیدان و ئەنفالکریان، بەحس ل وێ چەندێ ژی کر کو ئەوان داخوازا گوھۆڕینا دو بڕگێن قانوونێ کریە، د راستڤەکرنێ دا ئەوان داخواز کریە کو مووچێ زیندانیێن سیاسی وەکو یێ عیراقێ بھێتە ھەڤسەنگکرن و ل جھێ 10 سالان ژی بۆ 25 سالان بھێتە درێژ کرن، “کارێ گەلەک باش ژی بۆ ڤێ مەرەمێ ھاتیە کرن”.

ل ھەرێما کوردستانێ پێنج ھزار و 162 زیندانیێ، سیاسی مووچە ھەیە و مووچێ وان ژی ب گۆرەیی سالێن ناڤ زیندانێ دھێتە دان د ناڤبەرا 250 ھزار ھەتا ئێک ملیۆن دینار دایە، ئەڤە ژی ب گۆرەیی قانوونا ژمارە 11 یا سالا 2011ێ یا پەرلەمانێ کوردستانێ ھاتیە رێکخستن، ل سەر ئاستێ عیراقێ ژی زێدەتر ژ 100 ھزار زیندانیێن سیاسی ھەنە و مووچێ ژ ھەموویان زێدەتر ژی ملیۆنەک و 250 ھزار دینارە.

ئه‌ڤرۆ دێ باوه‌رى ب كابينا مه‌سرور بارزانى هێته‌ دان

10/07/2019 09:21

ئه‌ڤرۆ نيوز:

ئه‌ڤرۆ په‌رله‌مانێ كوردستانێ دێ كۆم بيت و باوه‌ريێ ده‌ته‌ كابينا نه‌هێ يا حوكمه‌تا هه‌رێما كوردستانێ و مه‌سرور بارزانى وه‌كو سه‌رۆك وه‌زيرێن كابينا نوو و جێگرێ وى و وه‌زيرێن كابينێ دێ سووندا قانوونى خوينن.

ب گۆره‌يى به‌رنامێ كارى، په‌رله‌مان ئه‌ڤرۆ چارشه‌مبى 10ى تيرمه‌ها 2019ێ ب ئاماده‌بوونا هه‌موو فراكسيۆنان، په‌رله‌مانێ كوردستانێ دێ كۆم بيت و باوه‌ريێ ب كابينا نه‌هێ يا حوكمه‌تا هه‌رێما كوردستانێ ده‌ت كو مه‌سرور بارزانى سه‌رۆكاتيێ دكه‌ت. به‌رى نها ژى فراكسيۆنان پابه‌ندبوونا خوه‌ ب رێكه‌فتنا حزبێن خوه‌ بۆ پێكئنيانا حوكمه‌تێ دووپات كريه‌.

پێكئينانا كابينا نه‌هێ ب سه‌رۆكاتيا مه‌سرور بارزانى ژ 23 ئه‌ندامان پێك دهێت كو سێ ژ وان ژنن.

پشتى باوه‌ر دان ب كابينا نه‌هێ به‌رنامێ چار سالێن داهاتى يێ كابينا حوكمه‌تێ ل هۆلا په‌رله‌مانى بۆ په‌رله‌مانتاران و رايا گشتى دێ هێته‌ خواندن.

ده‌نگدان ب كابينا نه‌هێ يا حوكمه‌تا هه‌رێما كوردستانێ دێ ب ره‌نگه‌كێ ئاشكه‌را بيت.

هه‌كه‌ باوه‌رى ژ په‌رله‌مانى وه‌رگرت، كابينا نه‌هێ يا حوكمه‌تا هه‌رێما كوردستانێ دێ ب ڤى ره‌نگى بيت:

1- مەسرور مەسعود مستەفا بارزانی – سەرۆک وەزیرێن حوکه‌مەتا هەرێما کوردستانێ

2- قوباد جەلال حسامەدین تاڵەبانی – جێگرێ سەرۆکێ حکوومەتا هەرێما کوردستانێ

3- فەرسەت ئەحمەد عەبدوڵڵا – وەزیرێ داد

4- شۆڕش اسماعیل عەبدوڵڵا – وەزیرێ کاروبارێن پێشمەرگەى

5- رێبەر ئەحمەد خالد – وەزیرێ ناڤخۆ

6- ئاوات جەناب نوری ساڵح – وەزیرێ دارایی و ئابووری

7- د. سامان حوسێن محەمەد بەرزنجی – وەزیرێ ساخله‌ميێ

8- ئالان حەمە سەعید سالح محەمەد – وەزیرێ پەروەردێ

9- دانا عەبدولکەریم حەمە سالح عەبدولرەحمان – وەزیرێ ئاڤەدانکردن و بنه‌جهكرنێ

10- ساسان عوسمان عەونی حەبیب – وەزیرێ باژێرڤانى و گەشتوگوزار

11- د. ئارام محەمەد قادر ئەمین – وەزیرێ خواندا بلند و ڤه‌كۆلينێن زانستی

12- د. دارا رەشید مەحمود – وەزیرێ پلاندانانێ

13- کوێستان محەمەد عەبدوللا مەعروف – وەزیرێ کاروبارێن جڤاكى

14- محەمەد سەعید عەلی – وەزیرێ رۆشنبیری و لاوان

15- عەبدوللا مەحمود محەمەد سان ئەحمەد – وەزیرێ شەهیدان و ئەنفالکريان

16- بێگەرد دلشاد شوکرللا. – وەزیرا چاندنێ و ژێده‌رێن ئاڤێ

17- کەمال مسلم سەعید قەرەنی – وەزیرێ بازرگانی و پیشەسازی

18- ئانو جەوهەر عەبدولمەسیح عەبدوکا – وەزیرێ ڤه‌گوهاستن و گه‌هاندنێ

19- پشتیوان سادق عەبدوللا – وەزیرێ ئەوقاف و کاروبارێن ئایینی

20- کەمال محەمەد سالح خەلیل – وەزیرێ کارەبێ

21- خالد سەلام سەعید – وەزیرێ هەرێمێ

22- ئایدن مەعروف سەلیم – وەزیرێ هەرێمێ

23- ڤالا فەرید ئیبراھیم – وەزیرا هەرێمێ

هه‌تا نوكه‌ 442 كیلۆمه‌ترێن جادێن باژێرێ زاخۆ نه‌هاتینه‌ قیركرن

09/07/2019 21:30

108

ئەڤرۆ نیوز، عەلی حاجی :
دداخویانیەكێ‌ دا سەروكێ‌ باژێرڤانیا زاخۆ بۆ ئه‌ڤرۆنیوز دیار كر زێدەتری 60% جادەیێن باژێرێ‌ زاخۆ نەهاتینە قیركرن و خەلكەك یێ گازندەیان دكەن و ئەو خەلكێ‌ سەرەدانا مە دكەن پتریا وان گازندەیا نەقیركرنا جادەیێن تاخێن خوە دكەن و ئەڤ چەندە ژی دبیتە ئاریشە بۆمە .

بژار مونیب، سه‌رۆكێ باژێرڤانیا زاخۆ زێدەتر گوت : ل سالا بۆرى ب پێشینەیا باژێرڤانیا زاخۆ ب گۆژمێ‌ سێ‌ ملیار دیناران مە شیابوو 70 جادەیێن تاخێن زاخۆ قیربكەین، بەلێ‌ ژ سالا 2001 هەتا 2012 دو جاركی پارچە زەڤی ب سەر وه‌لاتیان دا هاتنە بەلاڤكرن ، بەلێ‌ هیچ خزمەتگوزارییەك بۆ وان دەڤەران نەهاتیە دابینكرن ، لەورا هەتا نوكە 442 كیلۆمەتران جادەیێن ناڤ باژێرێ‌ زاخۆ دا نەهاتینە قیر كرن ، رۆژانە ژی خەلكەك یێ‌ سەرەدانا مە دكەت و گازندەیا قیرنه‌كرنا جادەیێن خوە دكەت ، قیركرنا وان هەمی جادەیان پێتڤی ب گۆژمەكێ‌ مەزن یێ‌ پارەی یا هه‌ى، ئەم ب مافێ‌ وى خەلكێ‌ ژی دزانین گازندەیان بكە ن دا كو جادەیێن وان بهێنە قیركرن ژبەر كو ل زڤستانێ‌ دناڤ هەریێ‌ دانە و ل هاڤینا ژی دناڤ توزێ‌ دانه‌”.

خویاكر ژى” بۆ ده‌مێ سێ سالانه‌ چه‌ندین جاره‌ مه‌ داخوازى ژ لایه‌نێن د سه‌ر خوه‌دا كریه‌ بۆ چاره‌سه‌ركرنا ڤێ ئاریشێ، به‌لێ هه‌تا نوكه‌ چو به‌رسڤه‌ك نه‌دایه‌ مه‌، لەورا ئەم پێشنیار دكەین هەیڤانە حوكمه‌تا هه‌رێمێ ملیۆن دۆلاران رادەستی قایمقامیێ بكەت كو ب وی گۆژمی هەیڤانە پشكەكا جادەیان بهێنە دروستكرن، ب وی رەنگی بارگرانی ژی ناكەڤیتە سەر ملێ‌ حوكمه‌تێ و ئەو پارە ژی گەلەك نینە هه‌كه‌ حوكمه‌تێ بڤێت ب مه‌زێخیت، ئەز نابێژم دڤێت ئەڤ كارە ب رێیا باژێرڤانیا زاخۆ بهێتە كرن ، هەر لایەنەكێ‌ بشێت ب وی پارەی كار بكەت، بلا بهێت و دێ‌ بیتە جهێ‌ دلخوەشیا مە ، ژبەر كو ئاریشا مەزن ل زاخۆ قیرنه‌كرنا وان جادایه‌.

دۆسێیا پله‌بلندكرنا نه‌قانوونى یا هزاران فه‌رمانبه‌ران دێ راده‌ستى كابینا نوو هێته‌كرن

09/07/2019 19:28

425

ئه‌ڤرۆ نیوز:

ده‌سته‌یا ده‌ستپاكیێ دۆسێیا پله‌ بلندكرنا نه‌ قانوونى یا هزاران فه‌رمانبه‌ران دێ ده‌ته‌ كابینا نوو یا حوكمه‌تا هه‌رێما كوردستانێ.

د وێ دۆسێیێ دا 1557 فه‌رمانبه‌ر ب شێوه‌كێ نه‌ قانوونى هاتینه‌ پله‌ بلندكرن بۆ پلێن بلند كو د ناڤ وان دا نه‌ خوینده‌وار وبێ باوه‌رنامه‌ یێن هه‌ین، به‌لێ یێن بووینه‌ راوێژكار.

هه‌روه‌سا 1077 فه‌رمانبه‌رێن ده‌رچوویێن قۆناغا سه‌ره‌تایى وبێ باوه‌رنامه‌ یێن هه‌ین ول ده‌زگه‌هێن حوكمه‌تێ پله‌یا(رێڤه‌به‌رێ پێشكه‌فتى) پێ هاتیه‌ دان.

دیسا 470 كه‌س كو ده‌رچوویێن قۆناغێن ئاماده‌یى وناڤه‌ندى وسه‌ره‌تایى وبێ باوه‌رنامه‌ نه‌ وپلێن (شاره‌زا، جێگرێ رێڤه‌به‌رێ گشتى) پێ هاتینه‌ دان.

مشیر رەشید ئیبراهیم، رێڤه‌به‌رێ گشتیێ فه‌رمانگه‌ها كاروبارێن قانوونى وڤه‌كۆلینێ ل ده‌سته‌یا ده‌ستپاكیێ ل هه‌رێما كوردستانێ بۆ باس راگه‌هاند كو ئێكه‌م كارێ ده‌سته‌یا ده‌ستپاكیێ ل گه‌ل كابینا نوو یا حوكمه‌تێ، دێ تایبه‌ت بیت ب دۆسێیا نه‌ قانوونى یا پله‌ بلندكرنا فه‌رمانبه‌ران وگۆت” پێدڤیه‌ پێداچوون ب دۆسێیا هه‌موو فه‌رمانبه‌ران دا بهێته‌ كرن وئێك ب ئێك بهێنه‌ سه‌حكرن، كا چاوان خزمه‌ت بۆ هاتیه‌ هژماركرن وچاوان پله‌ پێ هاتیه‌ دان وهه‌ر كه‌س مافێ وى پێ بهێته‌ دان”.

گۆت ژى” ب به‌لگه‌ ل ده‌ف مه‌ یا هه‌ى كو چه‌ندین هزار فه‌رمانبه‌ر بێ ل به‌رچاڤ وه‌رگرتنا باوه‌رنامێ، ناڤونیشانێ نه‌ قانوونى و 3 بۆ 5 پله‌یان ب جاره‌كێ بۆ هاتینه‌ دان و نه‌ دادپه‌روه‌ریه‌كا زۆر هاتیه‌ كرن”.

زێده‌تر گۆت” ل ناڤ په‌رله‌مانێ كوردستانێ وده‌زگه‌هێن حوكمه‌تا هه‌رێما كوردستانێ، هزار و 557 كه‌س مووچێ پله‌ سێ هه‌تا پلا بلند ئه‌لیف وه‌ردگرن وباوه‌رنامێن وان د گونجاى نینن، زێده‌بارى وێ چه‌ندێ 9 كه‌سان پله‌ بلند پێ هاتیه‌ دان وچو باوه‌رنامه‌ نینن، د ده‌مه‌كى دا نابیت هه‌لگرێ باوه‌رناما ئاماده‌یى ژى بچیته‌ پلا بلند

ئاشكراكر ژى” هه‌كه‌ حوكمه‌ت وێ دۆسییێئێكلا بكه‌ت، ژ لایه‌كى دێ پاره‌كێ مه‌زن بۆ ڤه‌گه‌ریت، ژ لایه‌كێ دى ژى دێ بنه‌مایێ دادپه‌روه‌ریێ د ناڤ فه‌رمانبه‌ران دا زڤریت و مه‌ ئومێد یا ب كابینا نوو هه‌ى”.

رێنمايێن وه‌رگرتن ڤه‌گوهاستنا قوتابيان هاتنه‌ راگه‌هاندن

09/07/2019 19:25

789

ئه‌ڤرۆ نيوز:

رێنمايێن وه‌رگرتن ڤه‌گوهاستنا قوتابيان ل زانكۆ و په‌يمانگه‌هێن كوردستانێ هاتنه‌ راگه‌هاندن ، كو ب رێيا لينكێ ل خوارێ تو دشێى ده‌قێ رێنماييان ببينى

لينك

جڤاتا ئاسایشا هەرێما کوردستانێ راگەهاندنەکێ بەلاڤ دکەت

09/07/2019 16:26

1642

ئەڤرۆ نیوز:

جڤاتا ئاسایشا هەرێما کوردستانێ د راگەهاندنەکێ دا دیار کریە کو هندەک دەزگەهێن راگەهاندنا سەر ب پەکەکێ وەسا دیار کرینە کو جڤاتا ئاسایشا هەرێما کوردستانێ دەست د کوشتنا هندەک سەرکردێن پەکەکێ دا هەبوویە، ئەم ڤێ یەکێ ب توندی رەت دکەین و دیار دکەین کو چو راستی بۆ هندێ نینن.

د بەردەوامیا داخۆیانیێ دا ئاماژە ب هندێ ژی هاتیە کرن کو دەزگەهێن ئێمناهیێ یێن هەرێما کوردستانێ بەرپرسیارن ژ دابینکرنا ئاسایشێ بۆ وەلاتیان و کوردستانا ئازاد پێدڤی ب هندێ نینە کو جارەکا دی بهێتە ئازادکرن.

هەر د راگەهاندنا جڤاتا ئاسایشێ دا داخواز ژ پەکەکێ ژی هاتیە کرن کو هەرێما کوردستانێ نەکەتە مەیدانا شەرێ خوە ل گەل تورکیا دا زیان نەگەهیتە وەلاتیێن هەرێما کوردستانێ.

پارێزگه‌رێ دهۆکێ سوپاسیا ئێكه‌تیا ئوروپا دكه‌ت

09/07/2019 11:43

162

ئەڤرۆ نیوز:
فه‌رهاد ئه‌مین ئه‌تروشى پارێزگه‌رێ دهوكێ پێشوازیا خانم ( كلارێس ) كونسلا ئێكه‌تیا ئه‌ورپا ل هه‌رێما كوردستانێ وشاندێ دگه‌لدا كر.
د هه‌ڤدیتنه‌كێ دا ب ئاماده‌بونا ئیسماعیل محەمەد هاریكارێ پارێزگه‌رى بو كاره‌وبارێن ئاواره‌ وپه‌نابه‌ران به‌حسێ ره‌وشا پارێزگه‌ها دهوكێ وره‌وشا ئاواره‌ وپه‌نابه‌ران ل ناڤ وده‌رڤه‌ى كه‌مپان ل سنورێ پارێزگه‌هێ وئه‌و كار وخزمه‌تا بو دهێته‌ پێشكێشكرن ب رێكا پارێزگه‌هێ وجڤاكێ ده‌وله‌تى هاته‌ كرن.
دته‌وه‌ره‌كێ دن دا به‌حسێ به‌رنامێن ئێكه‌تیا ئه‌ورپى یێن پێشئێخستنا كه‌رتێ ساخله‌میێ وگه‌شه‌پێدانا جڤاكى تایبه‌تى ئه‌و پشته‌ڤانیا ئێكه‌تیا ئه‌روپى ب رێكا به‌رنامێن مه‌داد بو كه‌رتێ ساخله‌میێ پێشكێش دكه‌ت هاته‌ كرن .
كونسلا ئێكه‌تیا ئه‌ورپا ته‌كه‌زكر كو به‌رنامێن وان ماوێ دوو سالێن دن دێ هێته‌ كاراكرن.
پارێزگه‌رێ دهوكێ خوشحالیا خو ب سه‌ره‌دانا شاندێ ناڤبرى دیاركر وسوپاسیا ئێكه‌تیا ئه‌وپى كر كو ل سالێن بورى پشته‌ڤانیا چه‌ندین پروژێن گه‌شه‌پێدانا جڤاكى وكه‌رتێ ساخله‌میێ كریه‌ وخواست كو ئێكه‌تیا ئه‌روپى به‌رده‌وامیێ بده‌ته‌ به‌رنامێن خو بو ئاواره‌ وپه‌نابه‌ران وخوجهێن ده‌ڤه‌رێ وبه‌رهه‌ڤیا پارێزگه‌هێ نیشان دا بو هه‌ر هه‌ڤكاریه‌كێ.
هه‌ژى گوتنێ یه‌ ئێكه‌تیا ئه‌ورپى ب رێكا به‌رنامێن (مه‌داد) پشته‌ڤانیا چه‌ندین پروژێن گه‌شه‌پێدانا جڤاكى وكه‌رتێ ساخله‌میێ ل دهوك وئاكرێ وچه‌ند كه‌مپان وجهێن دى كریه‌ وبریاره‌ بو ماوێ دوو سالێن دن به‌رده‌وامیێ بده‌ته‌ وان به‌رنامه‌یان.

نيشاندان 1...1,000 682683684 1,680 2,680...2,749 زێده‌تر

لاپه‌ر 683 ژ 2,749