ئه‌ڤرۆ نيوز:

وه‌زاره‌تا ئه‌وقاف وكاروبارێن ئاينى ل هه‌رێما كوردستانێ راگه‌هاند، لژنا وێ ل ئێڤاريا رۆژا دوشه‌مبى هه‌يڤ ديتبوو، له‌وما رۆژا سێشه‌مبى كريه‌ جه‌ژن ول دووڤ بريارێن چو لايه‌نه‌كى نه‌كه‌فتيه‌.

نه‌به‌ز ئيسماعيل، په‌يڤدارێ وه‌زاره‌تا ئه‌وقاف وكاروبارێن ئاينى ل هه‌رێمێ د رۆهنكرنه‌كێ دا گۆت” وه‌زاره‌تا مه‌ لژنێن ديتنا هه‌يڤێ ل پارێزگه‌هێن هه‌ولێرێ وسلێمانيێ ودهۆكێ وئيدارا گه‌ۆميان يێن هه‌ين وبۆ ڤێ جه‌ژنێ لژنا ديتنا هه‌يڤێ ل سلێمانيێ ئه‌م ئاگه‌هداركرين كو هه‌يڤ هاتيه‌ ديتن، به‌لێ ل دهۆكێ وهه‌ولێرێ هه‌يڤ نه‌هاتبوو ديتن وهه‌ڤكارى ل گه‌ل لژنا بلند يا ديتنا هه‌يڤێ ل وه‌زاره‌تێ هاته‌ كرن كو هه‌يڤ يا هاتيه‌ ديتن”.

دياركر ژى” پاشى وه‌زاره‌تا ئه‌وقافێ په‌يوه‌ندى ب وه‌قفێ سونى يێ عيراقى كر ووان ژى پشتى چه‌نده‌كێ به‌رسڤ دا كو هه‌يڤ يا ديتى و د دووڤدا په‌يوه‌ندى ب وه‌لاتێ سعوديێ هاته‌ كرن وئه‌وان ژى ئه‌م پشت راست كرين كو هه‌يڤ يا هاتيه‌ ديتن وئه‌م ژى پشت راست بووين ومه‌ هه‌يڤ ژى ديتبوو، له‌وما مه‌ بريار دا جه‌ژنه‌”.

وه‌زاره‌تا ئه‌وقافێ راگه‌هاند ژى” وێ چه‌ندێ ره‌ت دكه‌ين كو ئه‌و ب دووڤ وه‌قفێ سونى يێ عيراقى كه‌فتبين، به‌لكو مه‌ ب خوه‌ هه‌يڤ ديتبوو، هه‌كو ئه‌م دپشت راست نه‌باين مه‌ نه‌دكره‌ جه‌ژن، چونكى به‌رپرسياره‌تيه‌كا ئاينى يه‌ ونابيت بريارێ ژ ده‌ڤ خوه‌ بده‌ى”.

دهيته‌ زانين چه‌ندين فه‌لكناسان راگه‌هاندبوو كو رۆژا ئێكێ يا جه‌ژنێ د كه‌فته‌ چارشه‌مبى نه‌كو سێشه‌مبى.

ئه‌ڤرۆ نيوز:

پشتى كو ئاگر به‌ربوویه‌ گه‌نم وجه‌هێ جوتیارێن كورد ل كه‌ركووكێ ومه‌خموور وچه‌ند ده‌ڤه‌رێن دى، ئه‌ڤرۆ پێنجشه‌مبى 6/6/2019 گه‌نم وجه‌هێ جوتیارێن گوندێن سه‌ر ب باژێركێ باشیكێ ڤه‌ هاته‌ سوتن.

ژ ئه‌گه‌رێ ئاگرێ ب گه‌نم وجه‌هێ جوتیارێن گوندێن باشیكێ كه‌فتى ب ده‌هان دونه‌مێن گه‌نمى وجه‌هى سوتن ول دووڤ پێزانینان ئاگرى زێده‌تر ژ 100 دونه‌مان ڤه‌گرت كو گه‌نم وجه‌هێ هه‌شت گوندێن سه‌ر ب باشیكێ بوو.