ئەڤرۆ نیوز:
سەرۆکاتیا پەرلەمانێ کوردستانێ د راگەھاندنەکێ دا بەرنامێ کارێ کومبوونا سوبەھی رۆژا سێشەمبی ١١-٦-٢٠١٩ یێ روونشتنا وان ئاشکرا کر.
ل دووڤ بەرنامێ کارێ پەرلەمانێ کوردستانێ سوبەھی رۆژا سێشەمبی ل دەمژمێر یازدە سپێدێ دەربارەی دەستنیشانکرنا سەرۆکێ دەستھەلاتا جێبەجێکرنا ھەرێما کوردستانێ دەستنیشان بکەت ل دووڤ برگا ٣ ژ ماددێ ٥٦ یێ قانوونا ھەلبژارتنا پەرلەمانێ کوردستانێ یا راستڤەکری یا ھژمارە ئێک یا سالا ١٩٩٢.
دەقێ راگەھاندنا پەرلەمانێ کوردستانێ ب ڤی شێوەی یە:
ئه‌ڤرۆ نيوز:
ئه‌ڤرۆ رۆژا دوشه‌مبى 10ى خزيرانا 2019ێ مه‌سرور بارزانى شيره‌تكارێ جڤاتا ئاسايشا هه‌رێما كوردستانێ، پێشوازى ل مه‌ولود چاوشئوغلۆ وه‌زيرێ ژ ده‌رڤه يێ توركيا و شاندێ ل گه‌ل كر.
د ڤێ ديدارێ دا، گه‌شه‌پێدانا په‌يوه‌نديان د ناڤبه‌را هه‌ولێر و ئه‌نقه‌ره و دووماهى پێشڤه‌چوونێن ده‌رڤه‌رێ گه‌نگه‌شه كرن و ته‌كست ل سه‌ر پاراستنا به‌رژه‌وه‌نديێن هه‌ڤپشك و سه‌قامگێرى و ئاسايش و پێكڤه‌ژيانا ئاشتيانه يا ناڤبه‌را گه‌لان و ده‌ڤه‌رێ كر.
وه‌زيرێ ژ ده‌رڤه يێ توركيا سه‌ره‌راى وێ چه‌ندێ كو هيڤيا سه‌ركه‌فتنێ بۆ مه‌سرور بارزانى ل سه‌رۆكاتيكرنا كابينا داهاتى يا حوكمه‌تا هه‌رێما كوردستانێ و به‌رفره‌هكرنا ئاسويا هاريكاريێ و گه‌شه‌پێدانا په‌يوه‌نديێن دوقولى د ناڤبه‌را هه‌ردولا دا د هه‌موو وان دا ب پێدڤى بزانى.
د به‌رامبه‌ر دا، مه‌سرور بارزانى، سه‌ره‌راى ئاماژه دان ب گرنگيا هه‌بوونا به‌رژه‌وه‌نديێن هه‌ڤپشك د ناڤبه‌را هه‌رێما كوردستانێ و توركيا و خواستا هه‌رێما كوردستانێ د وارێن جودا دا ده‌ربڕى.
ئه‌ڤرۆ نيوز:
سه‌رۆك مه‌سعود بارزانى بۆ پشكداريكرن د رێوره‌سمێن سووندخوارنا سه‌رۆكێ هه‌رێما كوردستانێ، گه‌هشته هۆلا سه‌عد عه‌بدولا.
ئه‌ڤرۆ رۆژا دوشه‌مبى 10ى خزيرانا 2019ێ نێچيرڤان بارزانى، وه‌كو سه‌رۆكێ هه‌رێما كوردستانێ سووندا قانوونى خوينيت و بۆ وێ مه‌ره‌مێ ژى شاندێن بلند يێن وه‌لاتێن ژ ده‌رڤه و ناڤخۆ يا هه‌رێمێ و عيراقێ گه‌هشتنه هه‌ولێرێ بۆ پشكداريكرن د رێ و ره‌سمان دا.
ئه‌ڤرۆ نيوز، نيوار محه‌مه‌د سه‌ليم:
لژنا كاروبارێن جڤاكى و به‌ره‌ڤانيكرن ژ مافێ ژنێ و مافێ مرۆڤى ل په‌رله‌مانێ كوردستانێ راگه‌هاندنه‌ك به‌لاڤكر و تێدا ئاشكه‌را كر كو پێدڤيه بكه‌رێن وێ تاوانێ بگه‌هنه سزايێن خوه.
لژنا كاروبارێن جڤاكى و به‌ره‌ڤانيكرن ژ مافێ ژنێ و مافێ مرۆڤى ل په‌رله‌مانێ كوردستانێ د راگه‌هاندنه‌كێ دا كو دانه‌ك ب ده‌ست ئه‌ڤرۆ نيوز كه‌فتيه تێدا دياركريه كو كاركرن ل سه‌ر به‌رسينگگرتنا تۆندوتيژيێ ب هه‌موو ره‌نگان و نه‌هێلانا كوشتنێ، كارێن ده‌ستپێكى يێن په‌رله‌مانێ كوردستانێ يه، پێشكێشكرنا پرۆژێ قانوونا شارستانى كو مافێ مرۆڤى د پارێزيت و ب نه‌ره‌وا ده‌ستدرێژيێ نه‌كه‌ته سه‌ر مێ و زارۆيان و د پاراستى بن.
د پشكه‌كا دى يا وێ راگه‌هاندنێ دا هاتيه: ئه‌م ل لژنا كاروبارێن جڤاكى و به‌ره‌ڤانيكرن ژ مافێ ژنێ و مافێ مرۆڤى ل په‌رله‌مانێ كوردستانێ ب تۆندى ئيدانا وێ تاوانا مه‌زن يا د ده‌رحه‌قێ (دلين وه‌ليد) يا خوه‌جها باژێرێ دهۆكێ هاتيه كرن، دكه‌ين”.
دلين وه‌ليد يا 10 سالى پشتى بێ سه‌روشوون بوونێ ب سێ رۆژان ته‌رمێ وێ ل ناڤ بيستانه‌كێ نێزيك ياريگه‌ها دهۆك هاتيه ديتن و ب ره‌نگه‌كێ دراندانه كوشتبوو و دو كه‌س ژى ب تۆمه‌تا كوشتنا وێ هاتينه ده‌سته‌سه‌ركرن كو كه‌سه‌كى دانپێدان ب كوشتنا وێ كريه و ئێك ژى كو برايێ بكوژى يه تاوان ڤه‌شارتيه.
لژنا كاروبارێن جڤاكى و به‌ره‌ڤانيكرن ژ مافێ ژنێ و مافێ مرۆڤى ل په‌رله‌مانێ كوردستانێ ته‌كستێ ل سه‌ر وێ چه‌ندێ دكه‌ت كو دادگه‌هـ قانوونێ بكه‌نه سه‌روه‌ر و رێكارێن قانوونى بگرنه به‌ر و تاوانبار ب سزايێ خوه بگه‌هن و مافێ مافخواريان ژى بۆ كه‌سوكارێن وان ب ڤه‌گه‌رينن.
ئه‌ڤرۆ نيوز:
چه‌نده‌كێ به‌رى نها، مه‌ولود چاوشئۆغلۆ وه‌زيرێ ژ ده‌رڤه يێ توركيا گه‌هشته فرۆكخانا نێڤده‌وله‌تى يا هه‌ولێرێ و ژ لايێ نێچيرڤان بارزانى سه‌رۆكێ هه‌لبژارتيێ هه‌رێما كوردستانێ ڤه هاته پێشوازيكرن.
بڕياره شاندێ ناڤبرى پشكداريێ د رێوره‌سمێن سووندخوارنا نێچيرڤان بارزانى سه‌رۆكێ هه‌لبژارتيێ هه‌رێما كوردستانێ دا بكه‌ن ئه‌وا بڕياره ئه‌ڤرۆ ل ده‌مژمێر 11:00 نيڤرۆ ل هۆلا سه‌عد عه‌بدولا بهێته ئه‌نجام دان.
ئەڤرۆ نيوز:
بریارە ئه‌ڤرۆ نێچیرڤان بارزانی سەرۆکێ ھەلبژارتی یێ ھەرێما کوردستانێ د رێورەسمەکێ بەرفرەهـ دا ل ھەولێرێ سووندا قانوونی بخۆينيت و سەرۆکێ جڤاتا وەزیران ژی دێ ھێتە راسپاردن.
دەستەیا سەرۆکاتیا پەرلەمانێ کوردستانێ بەرنامێ کارێ روونشتنا ئاسایی یا پەرلەمانی یێ ئه‌ڤرۆ راگەھاند و تێدا ھاتیە ”خواندنا بڕیارا ھەژمار 6 سالا 2019 یا تایبەت ب ھەلبژارتنا نێچیرڤان بارزانی وەکو سەرۆکێ ھەرێما کوردستانێ و سووند خواندنا سەرۆکێ ھەرێمێ ل دووڤ ماددێ 9 ژ قانوونا ھژمار 1 سالا 2005 یا راستڤەکری”.
ھەر ل دووڤ بەرنامێ کارێ روونشتنی دێ نێچیرڤان بارزانی پەیڤەکێ پێشکێش کەت، ل دووڤ دا دێ ناڤئینانا سەرۆکێ جڤاتا وەزیرێن ھەرێما کوردستانێ ھێتە ئەنجامدان.
مەسرور بارزانی بەربژارێ پارتی دیمۆکراتی کوردستانە بۆ وەرگرتنا پۆستێ سەرۆک وەزیرێن ھەرێما کوردستانێ.
ئه‌ڤرۆ نیوز:
ئه‌ندامێ شاندێ دانوستاندكارێ پارتى دیموكراتى كوردستان بۆ ئاساییكرنا ره‌وشا كه‌ركووكێ، شاخه‌وان عه‌بدوللا راگه‌هاند” كێشێن كه‌ركووكێ دو پشكن، پشكه‌ك ئه‌وه كو داعشێ ل ده‌ڤه‌رێن باشوورێ كه‌ركووكێ وده‌ڤه‌رێن دى یا خوه كۆمكرى وپێشتر ژبه‌ر هێزا پێشمه‌رگه‌ى وهێزێن ئاسایشێ نه‌دشیا لڤینان بكه‌ت، به‌لێ نوكه نه‌كو تنێ چه‌كدارێن داعشێ ل ده‌وروبه‌رێن كه‌ركووكێ یێن هه‌ین، به‌لكو د ناڤ داموده‌زگه‌هێن حوكمه‌تێ ل كه‌ركووكێ هه‌بوونا داعشێ یا هه‌ى، كو ب بزاڤا پارێزگارێ سه‌پاندى یێ كه‌ركووكێ ئه‌و كاره هاتیه كرن، له‌وما مه‌ترسیه‌كا مه‌زن یا ل سه‌ر كه‌ركووكێ هه‌ى”.
شاخه‌وانى زێده‌تر بۆ مالپه‌رێ فه‌رمى یێ پارتى گۆت” ژ بلى داعشێ، هێزێن حه‌شدا شه‌عبى ل ناڤ كه‌ركووكێ ده‌ست ب تالانكرن وده‌ست ب سه‌رداگرتنا مال وحالێ كوردان كریه”.
دیاركر” ئه‌م د به‌رده‌وامن د دانوستاندنێن خوه دا ل گه‌ل حوكمه‌تا عیراقێ بۆ ئاساییكرنا ره‌وشا كه‌ركووكێ ودووماهى كۆمبوون ل 21 هه‌یڤا بۆرى هاتبوو ئه‌نجامدان وبریاره ل چه‌ند رۆژێن داهاتى ژى دا كۆمبوونه‌كا دى ل سه‌ر ئاستێ بلند بهێته ئه‌نجامدان، له‌وما ب ئومێدین ڤێ جارێ دووماهى كۆمبوون بیت وبگه‌هینه ئه‌نجامه‌كێ دووماهیێ وره‌وشا كه‌ركووكێ بهێته ئاساییكرن، ئه‌گه‌ر نه دبیت رێیێن دى بۆ چاره‌سه‌ركرنا وێ كێشێ بكاربینین”.
ئه‌ڤرۆ نیوز:
سه‌رۆك مه‌سعود بارزانى ئه‌ڤرۆ ئێكشه‌مبى 9/6/2019 په‌یامه‌ك به‌لاڤكر وتێدا هاتیه” ئه‌ڤرۆ 9 حوزه‌یرانێ رۆژه‌كا پر ژ كاره‌سات وقوربانیدانێ یه د دیرۆكا گه‌لێ مه دا، ل 9 حوزه‌یرانا 1963 هژماره‌كا ئازادیخوازێن سلێمانیێ ئاماده‌نه‌بوون سڤكاتیێ ب هێمایێن خوه یێن نه‌ته‌وى بكه‌ن، له‌وما ب ده‌ستى جه‌لادێ وى ده‌مى (زه‌عیم سه‌دیق) هاتن شه‌هیدكرن وب خوینا خوه وانه‌كا ئازایه‌تیێ وخوه ب ده‌ستڤه‌نه‌دانێ تۆماركر”.
سه‌رۆك بارزانى د په‌یاما خوه دا دیاركر ژى” هه‌ر د رۆژه‌كا وه‌كو ئه‌ڤرۆ دا ل سالا 1985 فرۆكێن رژێما عیراقێ یا وى ده‌مى ب شێوه‌كێ درندانه ئوردوگایێ (زێوه) یێ په‌نابه‌ران بوردومانكر ود وێ تاوانێ دا، هژماره‌كا مه‌زن ژ ئاواره و ژن وزارۆیێن بێ تاوان شه‌هید وبریندار بوون”.
گۆت ژى” دوژمنى وه‌سا هزركربوو ب شه‌هیدكرن وئازاردان وسوتاندنا ژن وزارۆیان دێ سه‌ركه‌فتنێ ب ده‌ستڤه‌ئینیت وئیرادا گه‌لێ كوردستانێ شكێنیت، به‌لێ كاره‌ساتا زێوه بۆ هه‌موو لایه‌كى سه‌لماند كو ئه‌وا ژ چه‌ك وفرۆكه وئاگرێ دوژمنى ب هێزتر، ئیرادا گه‌لێ كوردستانێ بۆ مانه‌ڤا خه‌بات وتێكوشانێ، ل دووماهیێ ژى ئه‌و ئیرادا بلند ب سه‌ر دوژمنێ بێ ویژدان ب سه‌ركه‌فت”.
ئەڤرۆ نیوز:
سەرۆکا فراکسیونا پارتی ل پەرلەمانێ عیراقێ دیارکر ھەرسێ سەرۆکاتیێن عیراقێ ب فەرمی ھاتینە داخوازکرن بۆ ئامادەبوونا رێورەسمێن سویندخوارنا سەرۆکێ نوو یێ ھەلبژارتی یێ ھەرێما کوردستانێ.
زێدەتر د.ڤیان سەبری گۆت: حوکمەتا ھەرێما کوردستانێ ھەرسێ سەرۆکێ کوماری و وەزیران و پەرلەمانی زێدەباری سەرۆکێن ھەموو حزبێن سیاسی یێن سەرانسەری عیراقێ و بالیوزخانە ھاتینە داخوازکرن بۆ ئامادەبوونا رێورەسمێن سویندخوارنا نێچیرڤان بارزانی وەک سەرۆکێ نوو یێ ھەلبژارتی یێ ھەرێما کوردستانێ و داخوازناما فەرمی ژی گەھشتیە ھەموو لایان.
ھەژی گۆتنێ یە سوبەھی رۆژا دوشەمبی رێکەفتی ١٠-٦-٢٠١٩ دەمژمێر ١١ سپێدێ ب فەرمی نێچیرڤان بارزانی دێ سویندا قانوونی خوت.
نيشاندان