ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ مه‌سرور بارزانى ووه‌زيرێ ده‌رڤه‌يێ توركيا مه‌ولود چاوشئوگلۆ په‌يوه‌نديه‌كا ته‌له‌فۆنى ئه‌نجامدا.
د وێ په‌يوه‌نديێ دا، هه‌ردولا ب توندى روودانا تێكده‌رانه‌يا ئه‌ڤرۆ يا هه‌ولێرێ شه‌رمزاركر وپرسه وهه‌ڤخه‌ميا خوه ژى بۆ كه‌سوكارێن قوربانيان ده‌ربرى.
هه‌ردولا دووپاتى ل سه‌ر پێدڤيا پاراستنا سه‌قامگيرى وئاسايشا ده‌ڤه‌رێ كر
ئەڤرۆ نیوز:
سەرۆکاتیا هەرێما کوردستانێ هێرشا ئەڤرۆ یا ل هەولێرێ کو بوو ئەگەرێ کوشتنا کارمەندەکێ کونسولخانا تورکیا شەرمزار دکەت و دیار دکەت کو ناهێلین چو کەسەک ئارامیا ل هەرێما کوردستانێ تێک بدەت.
ل ئالیێ دی حوکمەتا هەرێما کوردستانێ ژی د راگەهاندنەکا فەرمی دا هێرشا ئەڤرۆ ل هەولێرێ شەرمزار کر و راگەهاند کو ب هەموو رەنگەکێ دێ دووڤچوونا بابەتی کەین دا تاوانبار بهێنە گرتن و بگەهنە سزایێن خوە یێن یاسایی.
د پشکەکا دی یا راگەهاندنێ دا ئاماژە ب هندێ ژی هاتیە کرن د ئەنجاما هێرشا ئەڤرۆ ل ئێک ژ خوارنگەهێن هەولێرێ دا کارمەندەکێ کونسولخانا تورکیا و وەلاتیەکێ هەرێما کوردستانێ جانێ خوە ژ دەست داینە و ئەم دوپات دکەین کو ب چو رەنگەکێ رێ نادەین ئارامی و ئاسایشا ل هەرێما کوردستانێ بهێتە تێکدان.
ئەڤرۆ نیوز:
ئاسایشا هەولێرێ د راگەهاندنەکێ دا بەلاڤ دکەت کو ئەڤرۆکە ل ئێک ژ خوارنگەهێن هەولێرێ د ئەنجاما تەقەکرنێ دا کارمەندەکێ کونسولخانا تورکیا هاتیە کوشتن و وەلاتیەک ژی بریندار بوویە.
د بەردەوامیا راگەهاندنێ دا هاتیە دیار کرن کو ئەم ب توندی ڤێ روودانێ شەرمزار دکەین و هەموو ئالیەکێ ب تایبەتی ژی دبلۆماتکارێن بیانی پشتراست دکەین کو ناهێلین چو کەس و ئالی ئارامیا هەرێما کوردستانێ تێک بدەن و دێ تاوانبار ژی گەهنە سزایێن خوە.
ئه‌ڤرۆ نيوز:
رۆژا چارشه‌مبى 17ى تيرمه‌ها 2019ێ ل سه‌لاحه‌دين، سه‌رۆك مه‌سعود بارزانى پێشوازى ل جۆن ويلكس بالوێزێ بريتانيا ل عيراقێ كر.
د ديدارێ دا كو جێمس كورنتۆن قونسلێ گشتى يێ نوو يێ بريتانيا ل هه‌ولێر ئاماده‌بوو، بالوێزێ بريتانيا خوشحاليا خوه راگه‌هاند ل سه‌ر وان گوهۆڕينێن ئيجابى يێن د پرۆسا سياسى يا هه‌رێما كوردستانێ و پێشڤه‌چوونا په‌يوه‌نديێن دانوستاندنێ د ناڤبه‌را هه‌ولێر و به‌غدا دا روو داين و هيڤى وه‌سفكرن.
بالوێزێ بريتانيا پشته‌ڤانيا وه‌لاتێ خوه بۆ حوكمه‌تا نوو يا هه‌رێما كوردستانێ دووپاتكر. هه‌رديسا ئاماژه ب وێ ب حه‌زا بريتتانيا د پێشڤه‌چوونا په‌يوه‌نديان ل گه‌ل هه‌رێما كوردستانێ و عيراقێ دا. ژ لايێ خوه ڤه سه‌رۆك بارزانى په‌يوه‌ندى و هه‌ماهه‌نگى د ناڤبه‌را هه‌رێما كوردستانێ و بريتانيا ب گرنگ وه‌سف كر و هيڤى خواست ئه‌و په‌يوه‌ندى به‌ر ب پێشڤه بچن و هيڤيا سه‌ركه‌فتنێ بۆ قونسلێ گشتى يێ نوو يێ بريتانيا ل هه‌ولێر خواست د ئه‌رك و كارێ وى يێ نوو دا.
كاودانێ، سياسى و دووماهى گوهۆڕينێن ل سه‌ر ئاستێ هه‌رێمايه‌تى و نێڤده‌وله‌تى و هه‌روه‌سا گه‌نگه‌شا گه‌فێن تيرۆرستێن داعش و مه‌ترسيا دووباره ده‌ركه‌فتنا وان ته‌وه‌ره‌كێ دى يێ وێ كۆمبوونێ بوون.
ئه‌ڤرۆ نيوز:
نێچيرڤان بارزانى سه‌رۆكێ هه‌رێما كوردستانێ و شانده‌كێ رۆسيا ته‌كست ل سه‌ر گه‌شه‌پێدانا په‌يوه‌نديێن هه‌ردولا دكه‌ن.
ئه‌ڤرۆ ماكسيم ماكسيمۆڤ، بالوێزێ رۆسيا ل عيراقێ پيرۆزباهيێن سێرگى لاڤرۆڤ وه‌زيرێ ژ ده‌رڤه و ميخائيل بۆگدانۆڤ، جێگرێ وه‌زيرێ ژ ده‌رڤه يێ رۆسيا گه‌هاندنه نێچيرڤان بارزانى و راگه‌هاند كو ب هه‌لكه‌فتا ده‌ست ب كاربوونا سه‌رۆكێ هه‌رێما كوردستانێ.
ب گۆره‌ى راگه‌هاندنه‌كا سه‌رۆكاتيا هه‌رێما كوردستانێ، هه‌ردولا ته‌كست ل سه‌ر گه‌شه‌پێدانا په‌يوه‌نديێن هه‌رێما كوردستانێ و رۆسيا كريه.
نێچيرڤان بارزانى ئاماده‌يا هه‌رێما كوردستانێ بۆ چاره‌سه‌ريا كێشێن ل گه‌ل حوكمه‌تا عيراقێ ب گۆره‌ى دستورى نيشان دا و ئاماژه ب سه‌ره‌دانا دوهى يا شاندێ حوكمه‌تا هه‌رێما كوردستانێ بۆ به‌غدا كر.
د كۆمبوونێ دا، دانوستاندن ل سه‌ر كاودانێن رۆژهه‌لاتا ناڤه‌راست و چه‌ند بابه‌تێن په‌يوه‌نديدار ب كاودانێن سياسى و ئه‌منى يێن عيراق و هه‌رێما كوردستانێ كر.
ئه‌ڤرۆ نيوز:
بالوێزێ رۆسيا ل عيراقێ په‌يانا پيرۆزباهيا سێرگى لاڤرۆڤ وه‌زيرێ ژ ده‌رڤه يێ رۆسيا گه‌هانده مه‌سرۆر بارزانى، سه‌رۆكێ حوكمه‌تا هه‌رێما كوردستانێ و د ديداره‌كێ دا چه‌ند پرسه‌ك گه‌نگه‌شه كرن.
ئه‌ڤرۆ رۆژا چارشه‌مبى 17ى تيرمه‌ها 2019ێ مه‌سرۆر بارزانى سه‌رۆكێ حكمه‌تا هه‌رێما كوردستانێ پێشوازى ل ماكسيم ماكسيمۆڤ بالوێزێ رۆسيا ل عيراقێ كر.
بالوێزێ رۆسيا په‌يامه‌كا پيرۆزباهيا سێرگى لاڤرۆڤ وه‌زيرێ ژ ده‌رڤه يێ رۆسيا گه‌هانده سه‌رۆكێ حوكمه‌تێ كو تێدا ئومێد و سه‌ركه‌فتن بۆ كابينا نوو و ب هێزركرنا په‌يوه‌نديێن ناڤبه‌را رۆسيا و هه‌رێما كوردستانێ خواست.
بالوێزێ رۆسيا ئاماده‌يا وه‌به‌رهێنه‌رێن رۆسيا بۆ سه‌رمايه‌گۆزاريێ ل هه‌رێما كوردستانێ ده‌ربڕى. سه‌رۆكێ حوكمه‌تا هه‌رێما كوردستانێ سه‌ره‌رايى سۆپاسيكرنا وه‌زيرێ ژ ده‌رڤه يێ رۆسيا و خۆشحياليا خوه ده‌ربڕى ب ئاماده‌يا رۆسيا بۆ زێده‌ر وه‌به‌رئينان ل هه‌رێما كوردستانێ، ته‌كست ل سه‌ر گرنگيا هه‌مه‌جورى يا ئابوورى ل هه‌رێما كوردستانێ كر ب تايبه‌ت گرنگيدان ب پێشه‌سازى و چاندن و گه‌شتوگۆزارێ. ب ره‌نگه‌كى كو ئێدى ئابوورێ هه‌رێما كوردستانێ ب تنێ پشت به‌ستنێ ل سه‌ر ژێده‌ره‌كێ داهاتى نه‌كه‌ت.
ئه‌ڤرۆ نيوز:
مه‌سرور بارزانى، سه‌رۆكێ حوكمه‌تا هه‌رێما كوردستانێ د چارچۆڤێ ديداره‌كێ دا ل گه‌ل شانده‌كێ بلندێ له‌شكرى و دبلوماسى يێ بريتانيا راگه‌هاند كو ب ڤان نێزيكان دێ لژنێن په‌يوه‌نديدار د ناڤبه‌را هه‌ولێر و به‌غدا دا، دانوستاندنێن زێده‌تر كه‌ن بۆ گه‌هشتن ب چاره‌يه‌كا بنه‌ره‌ت بۆ كێشێن هه‌لاويستى ب گۆره‌يى دستوورى.
ئه‌ڤرۆ رۆژا چارشه‌مبى 17ى تيرمه‌ها 2019ێ مه‌سرور بارزانى سه‌رۆكێ حوكمه‌تا هه‌رێما كوردستانێ، پێشوازى ل شانده‌كێ بلندێ بريتانيا كر، كو پێكهاتبوون ژ جه‌نرال سێرجۆت لۆريمه‌ر، شيره‌تكارێ بلندێ وه‌زاره‌تا به‌رگريێ بۆ رۆژهه‌لاتا ناڤه‌راست و جۆن و يلكس، بالوێزێ بريتانيا ل عيراقێ و جه‌يمس سۆرنتن، قونسلێ گشتى يێ نوو يێ بريتانيا ل هه‌رێما كوردستانێ.
شاندێ مێڤان ل ده‌ستپێكێ پيرۆزباهى ل سه‌رۆك وه‌زيران كر كو ب هه‌لكه‌فتا ده‌ست بكاربوونا كابينا نوو و سه‌ره‌دانا شاندێ بلندێ هه‌رێما كوردستانێ بۆ به‌غدا ب گرنگ و پێدڤى ب ناڤ كر.
د ديدارێ دا، دانوستاندن ل سه‌ر گرنگيا به‌رده‌وامبوونا هاريكارى و هه‌ماهه‌نگيا بريتانيا و هه‌ڤپه‌يمانان بۆ هێزێن پێشمه‌رگه‌ى كر.
سه‌رۆك وه‌زيران سۆپاسيا شاندێ مێڤان كر و ئاماژه ب وێ چه‌ندێ كر كو ل ڤان نێزيكان لژنێن په‌يوه‌نديدار د ناڤبه‌را هه‌ولێر و به‌غدا دا، دێ دانوستاندنا زێده‌تر بۆ گه‌هشتن ب چاره‌سه‌ريه‌كا بنه‌ره‌ت بۆ كێشێن هه‌لاويستى كه‌ن ب گۆره‌ى دستوورى.
د كۆمبوونێ دا ئاماژه ب گرنگيا به‌رده‌وامبوونا هه‌ماهه‌نگيا روو ب رووبوونا لڤينێن داعش كر كو هه‌تا نها ل چه‌ندين ده‌ڤه‌رێن عيراقێ لڤينێن وان هه‌نه.
ئه‌ڤرۆ نيوز، عەزیز ھەورامی:
پشتى جڤاتا سه‌ركرداتيا ئێكه‌تى نشتيمانى كوردستان، شێخ جه‌عفه‌ر شێخ مسته‌فا وه‌كو فه‌رماندێ گشتى يێ هێزێن 70 يا ئێكه‌تى نشتيمانى كوردستان بۆ جێگرێ سه‌رۆكێ هه‌رێما كوردستانێ به‌ربژار كرى، چه‌ندين سه‌ركردێن له‌شكرى چاڤ ل وێ چه‌ندێ يه پۆستێ فه‌رماندێ هێزێن 70 وه‌ربگريت.
مسته‌فا چاوره‌ش، ئه‌ندامێ سه‌ركرداتيا ئێكه‌تيێ و فه‌رمانده ل هێزێن 70 يا وێ حزبێ بۆ ئه‌ڤرۆ نيوز گۆت: “هه‌تا نها چو كه‌س بۆ فه‌رمانده‌يا هێزێن 70 نه‌هاتيه دياركرن، نها شێخ جه‌عفه‌ر ده‌واما خوه يا فه‌رمى دكه‌ت ژ به‌ر كو هێشتا مه‌رسومێ سه‌رۆكاتيێ ب فه‌رمى بۆ ده‌رنه‌كه‌فتيه دا كو ده‌ست ب كار بيت”.
گۆتژى: “گه‌له‌ك به‌ربژار بۆ ڤى پۆستى هه‌نه و ئه‌ز ب خوه ژى ئێك ژ وانم، پێشتر ژى هه‌ر ده‌ما فه‌رمانده بۆ جهه‌كى چو بيت ب فه‌رمانا كاك كوسره‌ت و ب ره‌نگه‌كى فه‌رمى ئه‌ز ل جهێ وى هاتيمه دانان”.
ئاماژه ب وێ چه‌ندێ ژى كر كو كوسره‌ت ره‌سۆل و سه‌ركرداتى و مه‌كته‌با سياسى دێ كه‌سه‌كى بۆ فه‌رمانداريا هێزێن 70 ده‌ست نيشان بكه‌ن، هه‌تا نها ژى چو كه‌س نه‌هاتيه دياركرن، “هه‌ر ده‌مێ شێخ جه‌عفه‌ر ب فه‌رمى ئه‌و پۆست بجهـ هێلا ل وى ده‌مى دێ كه‌سه‌ك ل جهێ وى هێته دانان”.
ده‌رباره‌ى پێداگريێ ل سه‌ر پۆستێ به‌رپرسێ هێزێن 70، مسته‌فا چاوره‌ش گۆت: “هه‌ر كه‌سێ حزب بۆ فه‌رمانده‌ييا يه‌كا 70ێ ده‌ست نيشان بكه‌ت دێ پابه‌ند بين پێڤه”.
ئه‌ڤرۆ نيوز:
ئه‌نده‌زيار ياسين حه‌سه‌ن، شاره‌زايێ وارێ كاره‌بێ و رێڤه‌به‌رێ پشكا پلاندانان و ڤه‌كۆلينێ ل وه‌زاره‌تا كاره‌بێ بۆ رووداو گۆت: “تۆڕێن زيره‌ك يێن كاره‌بێ دشێن سنوره‌كى بۆ زێده بكارئينانا كاره‌بێ بدانن، چونكو 40%ێ كاره‌با هه‌رێما كوردستانێ به‌رزه دبيت، هنده‌ك ژ ئه‌گه‌رێ ئاريشێن ته‌كنيكى يه، به‌لێ 25%ێ دهێته دزين”.
ب گۆره‌يى راپۆرته‌كێ كو ل سالا 2013ێ بۆ وه‌زاره‌تا كاره‌بێ هاتيه ئاماده‌كرن، رێژا به‌رزه‌بوونا كاره‌بێ 38%ێ يه، به‌لێ ياسين حه‌سه‌ن دبێژيت ئه‌و رێژه نها گه‌هشتيه 40%ێ د ده‌مه‌كى دا ب گۆره‌ى پيڤه‌رێن جيهانى نابيت رێژا به‌رزه‌بوونێ ژ 15% زێده‌تر بيت، ژ به‌ر هندێ ياسين حه‌سه‌ن دبێژيت: “هه‌كه پيڤه‌رێن جيهانى ل به‌رچاڤ بگرين، دشێين بێژين 25% ژ كاره‌با هه‌رێمێ دهێته دزين”.
ل دووڤ گۆتنێن وى ئه‌نده‌زيارى، نها هه‌رێما كوردستانێ پێدڤى ب 5500 ميگاواتێن كاره‌بێ هه‌يه، دا كو بشێت 24 ده‌مژمێران كاره‌بێ دابين بكه‌ن، به‌لێ نها هه‌رێم 3500 مێگاواتان به‌رهه‌م دئينيت. ئه‌و وه‌سان دبينيت كو هه‌كه پيڤه‌رێن زيره‌ك بهێنه دانان، هه‌رێما كوردستانێ دێ ب تنێ پێدڤى ب 4000 مێگاواتێن كاره‌بێ بيت.
نيشاندان