ئه‌ڤرۆ نيوز:
ئه‌ڤرۆ نیوز:
د چارچوڤێ وان گوهۆڕینێن كارگێری یێن به‌رده‌وام د ناڤ دام وده‌زگه‌هێن میری دا دهێنه كرن ئه‌ڤرۆ ب ئاماده‌بوونا به‌هزاد عه‌لی ئاده‌م جێگرێ پارێزگه‌رێ دهوكێ وئیسماعیل محه‌مه‌د ئه‌حمه‌د هاریكارێ پارێزگه‌ری بو كاروبارێن مروڤایه‌تی و جه‌هوه‌ر عه‌لی قایمقامێ قه‌زا دهوكێ رێورسمێن گوهورینا دو رێڤه‌به‌رێن فه‌رمانگه‌هێن خزمه‌تكاری ل سنورێ پارێزگه‌ها دهوكێ هاتنه گێران ، ل به‌راهیێ ل نڤێسینگه‌ها كوچ و كوچبه‌ران رێ ورسمێن گوهورینا رێڤه‌به‌رێ فه‌رمانگه‌هێ هاتنه ئه‌نجامدان و فه‌یسه‌ل عه‌ونی وه‌كو رێڤه‌به‌رێ نوو یێ نڤێسینگه‌ها كوچ و كوچبه‌ران ل شوینا نزار فه‌وزی رێڤه‌به‌رێ به‌رێ هاته دانان .
پاش ل رێڤه‌به‌ریا ئاڤدان و سكرا رێ ورسمێن گوهورینا رێڤه‌به‌رێ فه‌رمانگه‌هێ هاتنه ئه‌نجامدان وئه‌ندازیارێ شارستانی (هیژا عبدالواحد صالح) رێڤه‌به‌رێ نوو ب وه‌كاله‌ت ل شونا ئه‌ندازیار(زیاد عبدالله) رێڤه‌به‌رێ به‌رێ هاته دانان.
دهه‌ر دوو رێ ورسمان دا جێگرێ پارێزگه‌رێ دهوكێ بناڤێ پارێزگه‌رێ دهوكێ وكارگێریا پارێزگه‌هێ پیروزباهیا هه‌ردوو رێڤه‌به‌رێن نوو كر وسه‌ركه‌فتن بو وان خواست وپشته‌ڤانیا پارێزگه‌هێ نیشان دا بو هه‌ر هاریكاریه‌كێ هه‌روه‌سا په‌سنا رولێ هه‌ردوو رێڤه‌به‌رێن به‌رێ كر كو شیاینه ل سالێن ده‌ربازبوی خزمه‌ته‌كا به‌رچاڤ پێشكێشبكه‌ن.
پاش جودا جودا په‌یڤ هاتنه خاندن وپیروزباهی هاتنه ئاراسته‌كرن وسه‌ركه‌فتن بو هه‌ردوو رێڤه‌به‌رێن نوو خواستن وده‌ستخوشی ل رێڤه‌به‌رێن به‌رێ هاتنه كرن.
ژلایێ خوڤه هه‌ردوو رێڤه‌به‌رێن نوو یێ نڤێسینگه‌ها كوچ وكوچبه‌ران ورێڤه‌به‌رێ ئاڤ وسكرا سوزدان كو ئه‌و لجهێ وێ باوه‌ریێ بن یا پێ هاتیه راسپاردن وب وه‌فاداری خزمه‌تا خه‌لكێ پارێزگه‌هێ بكه‌ن.
ئەڤرۆ نیوز:
ئه‌ڤرو سپێدێ 16/7/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ سه‌را ده‌زگایێ خانى یێ ره‌وشه‌نبیرى وراگه‌هاندنێ دا ژلایێ به‌رێز ( احسان ئامێدى ) به‌رپرسێ نوو یێ ده‌زگایێ خانى یێ ره‌وشه‌نبیرى وراگه‌هاندنێ وكارمه‌ندێن ده‌زگاى پێشوازى لێ هاته كرن .
دهه‌ڤدیتنه‌كێدا به‌حسێ ره‌وشا دام وده‌زگه‌هێن ره‌وشه‌نبیرى وراگه‌هاندنێ ل سنورێ پارێزگه‌هێ وئه‌و خزمه‌تا پێشكێشدكه‌ن ب گشتى هاته كرن.
پارێزگه‌رێ دهوكێ ب ناڤێ خو وكارگێریا پارێزگه‌هێ پیروزباهیا به‌رێز ( احسان ئامێدى ) به‌رپرسێ نوو یێ ده‌زگایێ خانى یێ ره‌وشه‌نبیرى وراگه‌هاندنێ كر وداخازا سه‌ركه‌فتنێ بو خواست دكارێ وى یێ نوو دا .
ئه‌ڤرۆ نيوز:
چه‌نده‌كێ به‌رى نها شاندێ حوكمه‌تا هه‌رێما كوردستانێ ب سه‌رۆكاتيا مه‌سرور بارزانى سه‌رۆكێ حوكمه‌تا هه‌رێما كوردستانێ گه‌هشته به‌غدا و ل كوچكا سه‌لام ژ لايێ به‌رهه‌م سالح، سه‌رۆك كۆمارێ عيراقێ ب فه‌رمى پێشوازى ل سه‌رۆكێ حوكمه‌تا هه‌رێما كوردستانێ كر و بڕياره شاندێ ناڤبرى ل گه‌ل هه‌رسێ سه‌رۆكاتيێن عيراقێ كۆم ببيت و نها ژى ل گه‌ل سه‌رۆك كۆمارى يێ د كۆمبوونێ دا.
شاند ب سه‌رۆكاتيا مه‌سرور بارزانى سه‌رۆكێ حوكمه‌تا هه‌رێما كوردستانێ يه و هه‌ر ئێك ژ قوباد ته‌له‌بانى جێگرێ سه‌رۆكێ حوكمه‌تێ، فه‌رسه‌ت ئه‌حمه‌د وه‌زيرێ داد، رێبه‌ر ئه‌حمه‌د، وه‌زيرێ ناڤخۆ، شوره‌ش ئيمساعيل وه‌زيرێ پێشمه‌رگه، ئاوات شێخ جه‌ناب وه‌زيرێ دارايى و ئابوورى و فه‌وزى حه‌ريرى سه‌رۆكێ ديوانا سه‌رۆكاتيا هه‌رێما كوردستانێ دێ ئه‌ندامه‌تيا شاندى كه‌ن. ل به‌غدا ژى شاندێ ناڤبرى دێ ل گه‌ل هه‌رسێ سه‌رۆكاتيێن هه‌رێما كوردستانێ كۆم بيت.
به‌رنامێ كار و كۆمبوونێن شاندێ حوكمه‌تا هه‌رێما كوردستانێ ب گۆره‌يى پێزانينێن ئه‌ڤرۆ نيوز دێ ل ده‌سپێكێ سه‌ره‌دانا به‌رهه‌م سالح سه‌رۆك كۆمارێ عيراقێ كه‌ن و ديدار و چاڤپێكه‌فتنێ ل گه‌ل ئه‌نجام ده‌نو پاشان ژى ل گه‌ل عادل عه‌بدولمه‌هدى سه‌رۆك وه‌زيرێن عيراقێ كۆم بيت و پاشان ژى ل گه‌ل محه‌مه‌د حه‌لبۆسى سه‌رۆكێ جڤاتا نوونه‌رێن عيراقێ كۆم بن.
بڕياره ئه‌ڤ سه‌ره‌دانه زێده‌تر يا هه‌ڤنياسينى بيت و د هه‌مان ده‌م دا، پرسا ده‌ڤه‌رێن كێشه‌دار، بوودجه و په‌ترۆل، كه‌ركووك و ئاواره ببنه هێڤێنێ سه‌ره‌دانا شاندێ هه‌رێما كوردستانێ.
د كۆمبوونا ئێكێ يا فه‌رمى يا جڤاتا وه‌زيرێن هه‌رێما كوردستانێ دا، دوهى 15ى تيرمه‌ها 2019ێ دا، بڕيار هاته دان وه‌كو نيه‌تپاكى شانده‌كێ هه‌رێما كوردستانێ سه‌ره‌دانا به‌غدا بكه‌ت بۆ ڤه‌ديتنا رێيێن گۆنجايى بۆ كێشێن هه‌لپسارتى د ناڤبه‌را هه‌ولێر و به‌غدا دا، د چارچۆڤێ دستوورى دا.
ئه‌ڤرۆ نيوز، نيوار محه‌مه‌د سه‌ليم:
ژماره‌كا خودانێن جهێن په‌له‌وه‌ران ل ده‌ر ده‌رگه‌هێ په‌رله‌مانێ كوردستانێ كۆمبوون و داخواز كر كو ئينانا مريشكێن به‌فرگرتى بهێته قه‌ده‌غه‌كرن.
نوونه‌رێ خوه‌نيشانده‌ران ل به‌رده‌رگه‌هێ په‌رله‌مانێ كوردستانێ ياداشنامه‌ك خواند و راگه‌هاند كو هزار و 500 پرۆژێن بخودانكرنا په‌له‌وه‌ران هه‌نه و سالانه 105 مليۆن مريشك دهێنه به‌رهه‌مئينان. هه‌روه‌سا هه‌رێما كوردستانێ 44 هه‌لينه‌ر، هه‌شت سه‌ربڕخانه و 23 كارگه‌هێن ئاليكى هه‌نه”.
راگه‌هاند ژى كو سالانه 200 هزار ته‌نێن به‌رهه‌مێ گۆشتێ مريشكان هه‌يه بۆ هه‌ر كه‌سه‌كى 24 كيلۆ هاتيه دانان و هه‌كه مليۆن وه‌لاتيان ب هه‌ژمێرێن، سالانه پێدڤيا مه ب 120 هزار ته‌نان هه‌يه و 80 هزار ته‌ن ژى دێ زێده كه‌ن.
ئاماژه ب وێ چه‌ندێ ژى كر كو ژ به‌ر هه‌بوونا سيسته‌مێ بازاركرنێ و ئينانێ، شه‌ش هه‌يڤه خودان جهێن په‌له‌وه‌ران زيانێ دكه‌ن و داخوازێ ژ حوكمه‌تێ دكه‌ين رێ نه‌ده‌ت ئه‌و پرۆژه ژ به‌ر يێن ژ ده‌رڤه پووچ ببن.
ئه‌ڤرۆ نيوز:
شانده‌كێ بلندێ حوكمه‌تا هه‌رێما كوردستانێ، ب سه‌رۆكاتيا مه‌سرور بارزانى، سه‌رۆكێ حوكمه‌تا هه‌رێما كوردستانێ سه‌ره‌دانا به‌غدا كه‌ت و بڕياره ل گه‌ل هه‌رسێ سه‌رۆكاتيێن عيراقێ كۆم ببيت.
ب گۆره‌يى پێزانينان شاند دێ ب سه‌رۆكاتيا مه‌سرور بارزانى سه‌رۆكێ حوكمه‌تا هه‌رێما كوردستانێ بيت و هه‌ر ئێك ژ قوباد ته‌له‌بانى جێگرێ سه‌رۆكێ حوكمه‌تێ، فه‌رسه‌ت ئه‌حمه‌د وه‌زيرێ داد، رێبه‌ر ئه‌حمه‌د، وه‌زيرێ ناڤخۆ، شوره‌ش ئيمساعيل وه‌زيرێ پێشمه‌رگه، ئاوات شێخ جه‌ناب وه‌زيرێ دارايى و ئابوورى و فه‌وزى حه‌ريرى سه‌رۆكێ ديوانا سه‌رۆكاتيا هه‌رێما كوردستانێ دێ ئه‌ندامه‌تيا شاندى كه‌ن. ل به‌غدا ژى شاندێ ناڤبرى دێ ل گه‌ل هه‌رسێ سه‌رۆكاتيێن هه‌رێما كوردستانێ كۆم بيت.
به‌رنامێ كار و كۆمبوونێن شاندێ حوكمه‌تا هه‌رێما كوردستانێ ب گۆره‌يى پێزانينێن ئه‌ڤرۆ نيوز دێ ل ده‌سپێكێ سه‌ره‌دانا به‌رهه‌م سالح سه‌رۆك كۆمارێ عيراقێ كه‌ن و ديدار و چاڤپێكه‌فتنێ ل گه‌ل ئه‌نجام ده‌نو پاشان ژى ل گه‌ل عادل عه‌بدولمه‌هدى سه‌رۆك وه‌زيرێن عيراقێ كۆم بيت و پاشان ژى ل گه‌ل محه‌مه‌د حه‌لبۆسى سه‌رۆكێ جڤاتا نوونه‌رێن عيراقێ كۆم بن.
بڕياره ئه‌ڤ سه‌ره‌دانه زێده‌تر يا هه‌ڤنياسينى بيت و د هه‌مان ده‌م دا، پرسا ده‌ڤه‌رێن كێشه‌دار، بوودجه و په‌ترۆل، كه‌ركووك و ئاواره ببنه هێڤێنێ سه‌ره‌دانا شاندێ هه‌رێما كوردستانێ.
د كۆمبوونا ئێكێ يا فه‌رمى يا جڤاتا وه‌زيرێن هه‌رێما كوردستانێ دا، دوهى 15ى تيرمه‌ها 2019ێ دا، بڕيار هاته دان وه‌كو نيه‌تپاكى شانده‌كێ هه‌رێما كوردستانێ سه‌ره‌دانا به‌غدا بكه‌ت بۆ ڤه‌ديتنا رێيێن گۆنجايى بۆ كێشێن هه‌لپسارتى د ناڤبه‌را هه‌ولێر و به‌غدا دا، د چارچۆڤێ دستوورى دا.
ئەڤرۆ نیوز:
ئەڤرۆ ب سەرۆکاتیا مەسرور بارزانی سەرۆکێ ئەنجوومەنێ وەزیران کۆمبوونا جڤاتا وەزیران برێڤە چوو و تێدا چەندین بریارێن گرنگ د بەرژەوەندیا وەلاتیان دا هاتنە دان.
ئێک: پێدڤیە سەرجەم وەزیر و خوەدان پۆستێن بلند پابەند بن ب دەواما فەرمی یا وەزارەتان ل دەستپێکا دەوامێ رۆژا پێنج شەمبی ھەتا دووماھیا دەواما فەرمی رۆژا پێنج شەمبێ.
دو: دڤێت سەرجەم فەرمانبەرێن حوکمەتا ھەرێمێ پابەند بن ب دەمێ دیارکری یێ دەواما فەرمی ڤە و بۆ چ کەسان نینە د دەمێ دەواما فەرمی دا جھێ کارکرنا خۆ بجه بھێلیت یان کارەکێ دی ژ دەرڤەی کارێ خوە بکەتن.
سێ: فەرمانبەر دڤێت پابەند بن ب پاراستنا نھێنێن کاروبارێن فەرمانبەرایەتیێ و نابیت ئەو پێزانینێن کو بـ نھێنی دھێنە پۆلێن کرن ژ دەرڤەی رێکارێن یاسایی بھێنە ئاشکراکرن.
چوار: دڤێت روتینێن ل دام و دەزگەھێن حوکمی نەمینن و سەرجەم معاملەیێن ھاوەلاتیان بــ رەنگەکێ بلەز و ھویر ژلایێ فەرمانبەران ڤە بھێنە برێڤەبرن.
ھەروەسا بەرسڤا سکالا و پرسیارێن ھاوەلاتیان ب رەنگەکێ بلەز و گونجایی ئەرکێ دام و دەزگەھێن حوکمەتێ یە و دڤێت بەرسڤا روھن و ئاشکرا بۆ معاملەیێن ھاوەلاتیان ھەبیت و ئەگەرێ ھەر گیروبوونەکێ یان نەدانا رازیبوونێ یا روھن و ئاشکرا بیت و پێدڤیە رێز ل ھاوەلاتیان ل دام و دەزگەھێن حوکمەتێ بھێتە گرتن.
پێنج: دیاردەیا بەرتیلدان و بەرتیل وەرگرتنێ د ناڤ دام و دەزگەھێن حوکمەتێ دا ھەست پێ دھێتەکرن، پێخەمەت بنبڕکرنا ئەڤێ دیاردێ کو دێ بیتە ئێک ژ کارێن پێشیێ یێن وەزیر و بەرپرسێن بلند د حوکمەتا ھەرێما کوردستانێ دا و ئەڤ بابەتە ب چو رەنگەکی چاڤپۆشین لێ ناھێتەکرن و سەرپێچیکار دێ ب توندی ھێنە سزادان.
ئەڤرۆ نیوز:
ئەڤرۆ د کۆمبوونا ئەنجوومەنێ وەزیران ب سەرۆکاتیا مەسرور بارزانی سەرۆکێ ئەنجوومەنێ وەزیران بریار هاتە دان کو شاندەک ژ هەرێما کوردستانێ سەرەدانا بەغدا بکەت.
مەسرور بارزانی راگەهاند کو سپێدێ دێ شاندەک ژ هەرێما کوردستانێ ب مەرەما چارەکرنا پرسێن د ناڤبەرا هەولێر و بەغدایێ دا دێ سەرەدانا بەغدایێ کەت دا ل دۆر پرسێن هەی دانوستاندن بهێنە کرن.
ئه‌ڤرۆ نيوز، نيوار محه‌مه‌د سه‌ليم:
د فه‌توايه‌كا تايبه‌ت ل دۆر شێوازێ حه‌جكرن ب رێيا بازرگانى كو وه‌زاره‌تا ئه‌وقاف و كاروبارێن ئاينى رێك خستيه بۆ حه‌جيان، حوكمه‌تێ شه‌عى د وێ ده‌ربارێ دا هاته روونكرن.
ب گۆره‌يى فه‌توايه‌كێ كو جڤاتا بلندا فه‌توايێ ل هه‌رێما كوردستانێ ده‌رێخستيه تێدا حه‌جگرن ب رێيا بازرگانى ب چه‌ند مه‌رجان روون كريه كو ئێك ژ وان ئاماژێ ب وێ چه‌ندێ دكه‌ت كو ب چو ره‌نگه‌كى يا دروست نينه كه‌سه‌ك ناڤێ خوه ب فرۆشيت.
د ئێك ژ خالێن ڤێ روونكرنێ دا هاتيه كو پێدڤيه ئه‌و ژى ب ره‌نگه‌كێ پشككێشانێ بۆ هه‌ر كه‌سێ بخوازيت بهێته كێشان و پشتى پشككێشانێ كه‌س ل جهێ كه‌سێ نه‌هێته دانان.
هه‌ر ديسان هاتيه ژى كو پێدڤيه وه‌زاره‌تا ئه‌وقافێ وان كه‌سان نه‌كه‌ته د ناڤ پشككێشانێ دا، يێن كو به‌رى نها پرۆسا حه‌جێ ئه‌نجام داين دا كو ده‌ليڤه ب هنده‌ك كه‌سێن دى بهێته دان.
نيشاندان