نێچيرڤان بارزانى په‌يامه‌كێ به‌لاڤ دكه‌ت

23/08/2019 21:11

1942

23820191047800_nechirvan3 — نێچيرڤان بارزانى

ئه‌ڤرۆ نيوز:

ئه‌ڤرۆ ئه‌ينيێ 23/8/2019 سه‌رۆكێ هه‌رێما كوردستانێ د په‌يامه‌كێ دا راگه‌هاند، دێ د به‌رده‌وام بين ل سه‌ر پێشڤه‌برن وپاراستنا ئازاديێن ئايينى ل هه‌رێما كوردستانێ.

نێچيرڤان بارزانى، سه‌رۆكێ هه‌رێما كوردستانێ د به‌په‌رێ خوه‌ ل سه‌ر تۆرا جڤاكى يا فه‌يسبووكى ب زمانێ ئينگليزى ب هه‌لكه‌فتا رۆژا جيهانى يا قوربانيێن توندوتيژيا ئايينى وهزرى په‌يامه‌ك به‌لاڤكر وتێدا راگه‌هاند” كوردستان وه‌كو په‌ناگه‌هه‌ك دێ مينيت بۆ وان كه‌سێن ژ ده‌ستێ سته‌مێ وتوندره‌ويێ د ره‌ڤن، دێ د به‌رده‌وام بين ل سه‌ر پێشڤبرن وپاراستنا ئازاديێن ئايينى ل هه‌رێما كوردستانێ”.

د روودانه‌كێ دا 11 كه‌س بريندار بوون

23/08/2019 20:49

352

ئه‌ڤرۆ نيوز:

راگه‌هاندنا رێڤه‌به‌ريا هاتنوچوونا پارێزگه‌ها دهۆكێ به‌لاڤكر ل ئێڤاريا دره‌نگ يا ئه‌ڤرۆ ئه‌ينيێ ٢٠١٩/٨/٢٣ ل سه‌ر جادا سه‌ره‌كی دهوك – شێخان ل نێزیك بریفكا روودانه‌ك ژ جۆرێ لێگدان دناڤبه‌را دو ترومبێلان دا بارهه‌لگر پیكپ تویوتا دگه‌ل تایبه‌ت هيونداى ئه‌كسینت روودا و د ئه‌نجامدا 11 كه‌س بریندار بوون و زیانێن مه‌زن گه‌هشتنه‌ هه‌ردو ترومبێلان.

ل حه‌فتيا داهاتى مووچێ ڤان جهان دێ هێته‌ به‌لاڤكرن

22/08/2019 23:00

4332

ئه‌ڤرۆ نيوز:

پشتى ئه‌ڤرۆ پێنجشه‌مبى 22/8/2019 فه‌رمانا مه‌زاختنا مووچێ فه‌رمانبه‌رێن هه‌رێما كوردستانێ ژ به‌غدا گه‌هشتيه‌ لقێ هه‌ولێرێ يێ به‌نكا ناڤه‌نديا عيراقى، برياره‌ ل حه‌فتيا داهاتى مووچێ ڤان جهان بهێته‌ به‌لاڤكرن:

- وه‌زاره‌تا سامانێن سروشتى

- وه‌زاره‌تا ئه‌وقافێ وكاروبارێن ئايينى

- وه‌زاره‌تا خواندنا بلند

- وه‌زاره‌تا ناڤخوه‌

- پێشمه‌رگێ زێره‌ڤانى و به‌رگرى ناڤخوه‌

- جڤاتا ئاسايشێ وده‌زگه‌هێ ئاسايشێ

- ره‌گه‌زنامه‌ وپاسه‌پۆرت

- ليوايێن 1 و 2 يێن پۆليسێن پاراستنا داموده‌زگه‌هێن په‌ترۆلى.

ب وێنه‌..دو رۆژه‌ ئاگر ب ئاقارێ گونده‌كێ ئاكرێ ڤه‌ ونه‌هاتیه‌ كونترولكرن

22/08/2019 14:17

121

ئه‌ڤرۆ نیوز، نه‌وزاد هلۆرى:

بۆ ده‌مێ دو رۆژایه‌ ئاگر به‌ربوویه‌ ئاقارێ گوندێ (جونان) ل سنوورێ قه‌زا ئاكرێ و هه‌تا نوكه‌ نه‌هاتیه‌ كونترولكرن، وه‌لاتیه‌كێ ئوى گوندى ژى بۆ ئه‌ڤرۆ نیوز دیاركر كو ئاگرى زیانه‌كا مه‌زن گه‌هاندیه‌ گوندى.

عه‌زو زێبارى، وه‌لاتیه‌كێ گوندێ جونان یا سه‌ر ب قه‌زا ئاكرێ یه‌ بۆ ئه‌ڤرۆ نیوز گۆت: ( ژ ئه‌گه‌ره‌كێ نه‌دیار ئاگر به‌ربویه‌ ئاقارێ گوندێ مه‌ و هێشتا نه‌هاتیه‌ كونترولكرن).

زێده‌تر گۆت: (پتريا ئاقارێ مه‌ ژ پيش و پاوانى كو دهێته‌ بكارئینان بۆ خودانكرنا ته‌رش و كه‌والى هاتیه‌ سوتن، نوكه‌ ژى ئاگر گه‌له‌كێ مه‌زن و زیانداره‌، ژبه‌ركو تیمێن به‌ره‌ڤانیا باژێرى ناگه‌هنه‌ جهێ روودانێ ئاگر ده‌م بۆ ده‌مى زێده‌تر دبیت ژبه‌رڤێ دخوازین تیما فروكه‌ڤانى بهێت و ئاگرى ڤه‌مرینیت، هه‌كه‌ نه‌ دێ زیانێن مه‌زنتر هه‌بن چونكى هژماره‌كا زۆر يا ره‌زێن سماقێ ل چیایێن گوندى يێن هه‌ين).

68546012_801267323603037_6363724554241572864_n

69341804_434150910520188_7581945131004067840_n

سەرۆک و ئەندامێن ژووربێن کورتە فلم و بەلگە فلمان هاتنه‌ ده‌ستنيشانكرن

22/08/2019 12:12

209

ئەڤرۆ نیوز، نەوزاد ھلۆری:

فلمە ڤیستەڤالا دھۆک یا نیڤدەولەتی ئەندامێن ژوورا کورتە فلمان و بەلگە فلمان یێن گەرا حەفتێ راگەھاندن، کو بریارە رۆژانێن 9-16ێ ئیلونێ 2019 ب رێڤەبچیت، د ڤیستەڤالێ دا 112 فلم ل 75 وەلاتێن جیھانی ژی پشکدارن.

سەروک و ئەندامێن ژووريا کورتە فلمان دێ بڤی رەنگی بیت:

- سەروکا ژوورێ (ئانا دايڤێد)

ئانا دايڤێد، ل سالا 1989 ژ دایکبویە، بەرنامەسازا کورتە فلمایە و رێڤەبەرا پێشەسازیا لیندەلس بویە د فلمە ڤیستەڤالا نیڤدەولەتی یا سەربخوە، ئەنداما دەستەیا راوێژکاریا پانوراما بەرلینێ یە.

- ئەندامێ ژووريێ (سینان یوسوفوگلو سینارست)

سینان یوسوفوگلو سینارست ل سالا 1985 ل وەلاتێ ئەلمانیا ژ دایکبویە، ل سالا 2012 ھەتا نوکە دناڤ کارێن بەرھەمئینانێ دایە و بەرھەمھێنەرێ سەرەکی بوو د فلمێ ئاتنونجەمەنت ل سالا 2018 یێ ماھموت فازل جوسکون دا.

- ئەندامێ ژووريێ (بەرۆژ ئاکرەی)

بەرۆژ ئاکرەی ل باشوورێ کوردستانێ ژ دایکبویە، پشتی چەند سالێن پەنابەریێ ل گەل خێزانا خوە دچیتە سوێد و پاشان دزڤریتە ھەولێرێ، شەش کومەلێن ھەلبەستان ب کوردی و دو کومەلێن کورتە فمان ژی ب فارسی بەلاڤکرینە، دیسان بەرۆژ وێنەگرێ ژێھاتی و وەرگێرەکێ ناڤدارە د ئەدەبیاتێن فارسی بۆ کوردی دا.

سەرۆک و ئەندامێن ژووريا بەلگە فلمان دێ ب ڤی رەنگی بیت

- سەرۆکێ ژۆريێ (تۆماس کۆسەلەر)

تۆماس کۆسەلەر ل سالا 2016 رێڤەبەرێ ئەنستیوتا عیراقی یە، کو نڤیسینگەھا وان یا پەیوەندیا ل ھەولێرێ ھەیە، بو دەما 10 سالایە کارێ بەرھەمئینان و بەلاڤکرنا فلمان کریە بو کومپانیەکا سەربخوە ل بەرلینێ.

- ئەنداما ژووريێ (ئانا لونگول بوخارست)

ئانا لونگول بوخارست، ل سالا 1978 ژ دایکبویە، دوارێ دەروناسی و دەرھێنەریا فلمان دا خواندیە، ل سالا 2010 ب ھەڤکاری ل گەل ئانا سزەلی دەرھێنەریا فلمەکێ کریە.

3- په‌رى ئيبراهيم ئه‌ندامێ ژووريێ:

ب وێنە: پشتی دەوام بوویە رۆژانە، ھاتنوچوونا رێڤینکان ژی ل سەر زێری زێدەبوویە

22/08/2019 12:01

356

ئەڤرۆ نیوز، نەوزاد ھلۆری:

خالا گومرکا سەر زێرى یا سەر ب ناحیا کانی ماسێ دەمەکە بوویە رۆژانە، ب ڤێ یەکێ ھاتنوچونا گەشتیار و رێڤینگان ژی زێدە بوویە، رێڤەبەرێ خالا گومرکا ناڤبری ژی دیارکر کو بزاڤ دھێنەکرن ب زووترین دەم سەر زێر ببیتە دەرگەھەکێ نێڤدەولەتی.

عیرفان سلێمان، رێڤەبەرێ خالا گومرکی یا سەر زێرى ل سنورێ قەزا ئامێدیێ بۆ ئەڤرۆ نیوز گۆت: (گومركا سەر زێرى تاکە دەرگەھێ سنوری یە د ناڤبەرا قەزا ئامێدیێ و تورکیا و رۆژانە ھاتنوچوونەکا زوورا رێڤینک و گەشیتاران ھەردو لایان ل سەر ھەیە).

زێدەتر گۆت: (پشتی کو دەواما رۆژانەیا گومرکێ دھەفتیێ دا ژ پێنج روژان بوویە حەفت رۆژ ھاتنوچوونا رێڤینک و گەشتیاران ژی د زێدەبوونێ دایە، ئەڤ یەک ژی جھێ دلخوشیێ یە، پێشتر رۆژانە د ناڤبەرا 600 بو 700 گەشتیار و رێڤینکا ھاتنوچوون دکر، بەلێ نوکە د ناڤبەرا 700 بۆ 900 گەشتیار و رێڤینک ھاتنوچوونێ دکەن).

ناڤبری دیارکر ژی کو کارو و بزاڤێن حکومەتا عیراقێ و ھەرێما کوردستانێ بو نیڤدەولەتیکرنا سەر زێری دبەردەوامن و زێدەتر گۆت: (ژ لایێ تورکیاڤە بەردەوام کار ل سەر دھێتەکرن، ژ لایێ ھەرێما کوردستانێ ژی ڤە دیزاین ھاتیەکرن و چاڤەرێ دکەین کو بریارا نیڤدەولەتیکرنێ ب زوترین دەم بچیتە د وارێ بھکرنێ دا، ئەگەر سەر زێر ببیتە دەرگەھەکێ نێڤدەولەتی ھاتنوچوونا گەشتیار و رێڤینگان و بارزگانی ژی دێ بەر ب زێدەبوونێ ڤە چیت، نوکە تنێ بارزگانیا سنوردار دھێتەکرن).

دھێتە زانین کو دەواما رۆژانەیا خالا گومرکی یا سەر زێر ب دو شێوەیان دھێتەکرن، ئەو ژی وەرزێ زڤستانێ ل رێکەفتی 31/10 دەست پێ دکەت و ھەتا 31/3 بەردەوام دبیت، رۆژانە ژی ل دەمژمێر 8:30ێ سپێدێ ھەتا دەمژمێر 5:00ێ ئێڤاری یە، ل وەرزێ ھاڤینێ ژی ل رێکەفتی 31/4 دەست پێ دکەت و ھەتا 30/9 بەردەوام دبیت، رۆژانە ل دەمژمێر 8:30ێ سپێدێ ھەتا دەمژمێر6:00ێ ئێڤاری یە.

68610889_346099466272516_7238433517820968960_n

68778694_349273489316133_4898608465368317952_n

وه‌زاره‌تا ئه‌وقافێ مه‌زاختیێن حه‌جیێن كوردستانێ یێن ئه‌ڤ ساله‌ به‌لاڤ دكه‌ت

21/08/2019 20:48

500

ئه‌ڤرۆ نیوز:

وه‌زاره‌تا ئه‌وقاف وكاروبارێن ئایینى ل هه‌رێما كوردستانێ ئاشكراكر ئه‌و پارێ ئه‌ڤ ساله‌ وه‌لاتیێن حه‌جیێن هه‌رێما كوردستانێ بۆ ئه‌نجامدانا رێ وره‌سمێن حه‌جێ مه‌زاختین زێده‌تره‌ ژ 31 ملیۆن دۆلاران.

نه‌به‌ز ئیسماعیل، په‌یڤدارێ وه‌زاره‌تا ئه‌وقاف وكاروبارێن ئایینى ل هه‌رێما كوردستانێ د داخۆیانیه‌كا رۆژنامه‌ڤانى دا گۆت” ئه‌ڤ ساله‌ ب هه‌ردو شێوێن تیرۆپشك وبازرگانى حه‌فت هزار و130 كه‌س ژ هه‌رێما كوردستانێ ب مه‌ره‌ما ئه‌نجامدانا رێ وره‌سمێن حه‌جێ چووینه‌ وه‌لاتێ سعودیێ، ئه‌وێن ب شێوێ تیروپشكێ چووین گۆژمێ چار هزار و 200 دۆلار وئه‌وێن ب شێوێ بازرگانی ژى گۆژمێ شه‌ش هزار و 300 دۆلار ژێ هاتینه‌ ستاندن، ب ڤێ چه‌ندێ ژى ئه‌و پارێ بۆ وێ مه‌ره‌مێ ژێ هاتیه‌ وه‌رگرتن دبیته‌ 31 ملیۆن و 630 هزار و 200 دۆلار”.

گۆت ژى” ب وى پاره‌ى خزمه‌تگوزاریێن خوارنێ ومانێ وپێدڤیێن دى بۆ حه‌جیان هاتینه‌ دابینكرن، به‌لێ كرینا دیاریان ل سه‌ر حه‌جیان ب خوه‌ بوو”.

خوارنگه‌هه‌ك و نانپێژیه‌ك هاتنه‌ سزادان

21/08/2019 20:30

664

ئه‌ڤرۆ نیوز:

لژنا دووڤچوونا بازارى ل قایمقامیا قه‌زا دهۆكێ ئه‌ڤرۆ دوشه‌مبى 21/8/2019 سه‌ره‌دانا هژماره‌كا نانپێژیا وكافیا وخوانگه‌هان كر.

عادل ئەنوەر، ئەندامێ لژنا دووڤچوونێ راگه‌هاند” د ڤێ سەرەدانێ دا، ژنێزیک ل سەر رەوشا لێنانگەهێن ڤان جهان وپێگیریا وان ب رێنمایێن لژنێ ئاگەهداربوو، هه‌روه‌سا بریار هاته‌ دان ب سزادانا خوارنگەها (کەباب بوهار) و (نانپێژیا دیندار) ب گوژمەکێ پارەی ژبەر نەپێگیریكرنا وان ب رێنمایێن ساخلەمیێ.

گۆت ژى” هندەك جهان ژی هوشداری بۆ هاتنە دان کو رێنمایان بجهبینن”.

بۆ هه‌ر گازنده‌كێ ژى، وه‌لاتى دشێن ب رێیا ڤێ هژمارا ته‌له‌فۆنێ (۰۷٥۰۱٦۱۲٦۲۲) په‌یوه‌ندیێ ب لژنا دووڤچوونا بازارى بكه‌ن.

كه‌شناسيێ چ پێشبينى بۆ پلا گه‌رمێ يا سوباهى ل دهۆكێ كريه‌؟

21/08/2019 19:49

994

ئه‌ڤرۆ نيوز:

رێڤه‌به‌ريا گشتى يا كه‌شناسيێ ل هه‌رێما كوردستانێ راگه‌هاند كو پلا گه‌رمێ ل پارێزگه‌ها دهۆكێ سوباهى پێنجشه‌مبى 22/8/2019 دێ نزمتر بيت هه‌ڤبه‌ركرن دگه‌ل يا ئه‌ڤرۆ.

كه‌شناسيا هه‌رێمێ دياركر كو پلا گه‌رمێ ئه‌ڤرۆ ل پارێزگه‌ها دهۆكێ 41 پله‌ بوو، به‌لێ پلا گه‌رمێ سوباهى پێنجشه‌مبى دێ هێته‌ خوار وبيته‌ 39.

لژنا بلند يا حوكمه‌تێ بۆ چاكسازيێ د مووچان دا دێ كۆمبيت

21/08/2019 19:23

1320

ئه‌ڤرۆ نيوز:

برياره‌ ل حه‌فتيا داهاتى چه‌ند وه‌زيرێن حوكمه‌تا هه‌رێما كوردستانێ كو وه‌ك لژنا چاكسازيێ وپێداچوونێ ب پرۆژێ قانوونا چاكسازيێ د مووچه‌ى دا هاتينه‌ دياركرن، كۆمببن.

ل دووڤ پێزانينان، ب برياره‌كا مه‌سرور بارزانى سه‌رۆك وه‌زيرێن هه‌رێما كوردستانێ، ل ناڤه‌راستا حه‌فتيا داهاتى كۆمبوونا وێ لژنێ دێ هێته‌ ئه‌نجامدان ل دۆر پرۆژێ قاوونا چاكسازيێ د مووچێ پلێن بلند وخانه‌نشينيێ.

لژنا ناڤبرى پێكدهێت ژ وه‌زيرێن داد ودارايى وئابوورى وپلاندانان و وه‌زيرێ هه‌رێمێ بۆ كاروبارێن په‌رله‌مانى وسه‌رۆكێ ديوانا چاڤدێريا دارايى ل هه‌رێمێ وسه‌رۆكێ ده‌سته‌يا ده‌ستپاكيێ وسكرتێرێ جڤاتا وه‌زيران وسه‌رۆكێ ديوانا جڤاتا وه‌زيران و رێڤه‌به‌رێ گشتيێ ژمێركاريێ ل وه‌زاره‌تا دارايى وئابوورى ونوونه‌رێ تۆمارا بايۆمه‌تريا مووچه‌خۆرێن هه‌رێما كوردستانێ.

ئه‌و كۆمبوونه‌ دێ ب سه‌رۆكاتيا فه‌رسه‌ت ئه‌حمه‌د وه‌زيرێ داد ل هه‌رێما كوردستانێ ب رێڤه‌چيت كو ب بريارا مه‌سرور بارزانى سه‌رۆك وه‌زيرێن هه‌رێما كوردستانێ هاتيه‌ ده‌ستنيشانكرن.

نيشاندان 1...1,000 724725726 1,720 2,720...2,783 زێده‌تر

لاپه‌ر 725 ژ 2,783