ئەڤرۆ نیوز،بارزان مزووری:
نووترين نووچه
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل قوربانیێن ئاگرێ توركیا دكەن
- نێچیرڤان بارزانی دوپاتیێ ل پێشڤەبرنا پەیوەندییان ل گەل هۆلەندا دكەت
- سەرۆكێ حوكمەتا هەرێمێ ل گەل چەندین سەركردە و بەرپرسێن وەلاتێن جیهانێ ل داڤۆسێ كۆم دبیت
- شاندێ هەولێرێ و بەغدایێ دوپاتیێ ل چارەسەركرنا كێشەیا مووچەیێ فەرمانبەرێن هەرێمێ دكەن
- هەلوەشاندنا بڕیارێن ڕژێما بەعسا ژناڤچووی پێنگاڤەكا گرنگ و پێدڤی بوو
- سەرۆک بارزانی داخواز کر کو ئاستەنگێن د ناڤبەرا مە و هەسەدێ دا نەهێلین
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
سه‌ره‌كى نوچێن گرنگ
بهایێ پانزینێ دێ بيته 450 دينار
ئه‌ڤرۆ نیوز:
سه‌رۆكێ جڤاتا پارێزگه‌ها هه‌ولێرێ، عه‌لى ره‌شید راگه‌هاند، بهایێ پانزینێ بۆ 450 دیناران دێ هێته خوار، هه‌روه‌سا گاز ل سه‌ر وه‌لاتیان دێ هێته به‌لاڤكرن.
عه‌لى ره‌شید، سه‌رۆكێ جڤاتا پارێزگه‌ها هه‌ولێرێ گۆت” ژ ئه‌گه‌رێ گوهۆرینا سه‌قایێ ده‌ڤه‌رێ وهه‌رێما كوردستانێ، خواستا وه‌لاتیان ل سه‌ر گازێ یا زۆره، له‌وما جاره‌كا دى ب رێیا لژنێن په‌یوه‌ندیدار ل عه‌مبارا گازا هه‌ولێرێ دێ ده‌ست ب به‌لاڤكرنا گازا سپى ل سه‌ر وه‌لاتیان هێته كرن كو دێ ل دووڤ رێزبه‌ندا بنگه‌هێن ئاهێن خوارنێ وده‌ڤه‌ر وجهێن جودا بیت”.
ناڤبرى زێده‌تر بۆ مالپه‌رێ فه‌رمیێ پارتى گۆت” ب رێیا لژنا سامانێن سروشتى ل پارێزگه‌ها هه‌ولێرێ بۆ گرفتا گرانبوونا بهایێ پانزینێ ل سه‌ر هێلێ نه ل گه‌ل به‌غدا، بۆ وێ چه‌ندێ پشكا زێده‌تر یا پانزینێ ل پانزینخانێن حكومى بۆ هه‌رێمێ بهێته دان بۆ ڤێ مه‌ره‌مێ ژى هه‌ماهه‌نگیه‌كا باش ل گه‌ل به‌غدا یا هه‌ى وبریار ئه‌وه رێژه‌كا زێده‌تر یا پانزینێ ب پانزینخانێن حكومى یێن هه‌رێمێ بهێته دان ول گه‌ل وێ چه‌ندێ راسته‌وخوه بهایێ پانزینێ دێ هێته خوار ل پانزینخانێن هه‌رێمێ وبهایێ وى دێ د ناڤبه‌را 450 بۆ 500 دیناران جێگیر بیت.
سەرۆک بارزانی داخوازا چارەکرنا پرسێن مووسلێ دکەت
ئەڤرۆ نیوز:
ئەڤرۆکە سەرۆک بارزانی پێشوازی ل ئوسامە نوجێفی سەرۆکێ هەڤپەیمانیا قەرار ئەلعراق کر و د هەڤدیتنێ دا بەحسێ ئاریشێن ل عیراقێ و ب تایبەتی ژی رەوشا مووسلێ هاتە کرن.
سەرۆک بارزانی راگەهاند کو دڤێت پرسێن نها یێن ل مووسلێ بلەز بهێنە چارەکرن و پێکڤەژیانا ل مووسلێ بهێتە پاراستن و دڤێت رێ نەهێتە دان کو جارەکا دی تیرۆرست ئارامیا مووسلێ تێک بدەن.
پەرلەمانتارەکا نەوەی نوێ: شاسواری گەفێن بەلاڤکرنا ڤیدیویێن مە ب رویسی كرينه
ئەڤرۆ نیوز، نەوزاد ھلۆری:
پەرلەمنتارەکا ژن یا سەر ب فراکسوونا نەوەی نوێ ل پەرلەمانێ کوردستانێ د کونگرەیەکێ رۆژنامەڤانی دا دیارکر کو شاسوار و باندێ وی ھەرەشەیا بەلاڤکرنا وێنە و ڤیدیویەکا مە ب رویسی دکەت کو ب رێیا کامیرێن چاڤدێری ب دەستکاری گرتیە.
شادیا نەوزاد دبێژیت: شاسوار و باندێ خوە ب رێیا کامیرێن چاڤدێریێ کو کابینەیێن چاڤی لاند و گوندێ ئەلمانی دانابون، ھەرەشەیا بەلاڤکرنا وێنە و ڤیدیویێن مە ب رویسی دکەت کو ھەموو ب دەستکاری چێکرینە.
زێدەتر گۆت: شاسوار و باندێ وی دخوازن نوکە بزاڤێ دکەن کو نەوەی نوێ بکەتە بنەمالە، ئەم ھەمی تووشی حێبەتیێ کرینە، بەری نوکە مە پشکداری د کومبوون و ورکشوپێن نەوەی نوێ کرینە، ل دەما خوە دا ئەم ل کابینەیێن وان دماین و ئەوان ژی ب کامیرا چاڤدێری کربوون و ژیانا تایبەت یا ئەندام و پەرلەمانتارێن خوە گرتبوون.
ناڤبری دیارکر ژی کو ب رێیا موبایلێ ھوشداری ژلایێ نەوەی نوێ بۆ وان ھاتیە و وەسا دایە دیارکرن کو چاڤەرێ بەڤلاکرنا وێنە و ڤیدیوێن رویسێن خوە بن ل ماوێ بھێت لەورا وان بریار دایە دەست ژ ڤێ فراکسیونێ بەردەن.
نه‌خۆشخانا پێشمه‌رگه فه‌رمى بۆ وه‌زاره‌تا پێشمه‌رگه‌ى هاته راده‌ستكرن
ئه‌ڤرۆ نيوز:
نه‌خۆشخانا هاوارهاتنێ يا پێشمه‌رگه‌ى ژ لايێ وه‌لاتێ ئه‌لمانياڤه هاتيه ئاڤاكرن و يا تايبه‌ته ب چاره‌كرنا بريندارێن پێشمه‌رگه‌ى، د رێوره‌سمه‌كى دا ئه‌ڤرۆ 24ى نيسانا 2019ێ هاته ڤه‌كرن.
سه‌ربه‌ست له‌زگين د رێوره‌سمێ ڤه‌كرنا نه‌خۆشخانێ دا، سۆپاسيا گه‌ل و حوكمه‌تا ئه‌لمانيا كر د هاريكاريكرنا هێزێن پێشمه‌رگه‌ى و خه‌لكێ كوردستانێ دا.
به‌رێ بنياتێ نه‌خۆشخانێ ل هه‌يڤا ته‌باخا 2018ێ هاتبوو دانان، بوودجێ وێ ژى تايبه‌ت ژ لايێ وه‌لاتێ ئه‌لمانيا ڤه هاتيه دابينكرن و ب تنێ دێ بۆ پێشمه‌رگه‌ى بيت.
نه‌خۆشخانا پێشمه‌رگه‌ى ب كۆژمێ پێنج مليۆن دۆلاران ب هه‌موو پێدڤياتى ڤه هاتيه دروستكرن، بڕياره ل نێزيك وێ نه‌خۆشخانێ، نه‌خۆشخانه‌كا مه‌زنتر و پێشكه‌فتيتر بهێته ئاڤاكرن بۆ ده‌مێن ته‌نگاڤيان جهێ هاتنه خوارا كۆپته‌ران ژى بهێته دروستكرن.
روونشتنه‌كا دى يا دادگه‌هكرنا سه‌لاحه‌دين ده‌ميرتاش ئه‌ڤرۆ دێ ب رێڤه چيت
ئه‌ڤرۆ نيوز:
ئه‌ڤرۆ رۆژا چارشه‌مبى 24ى نيسانا 2019ێ روونشتنه‌كا دى بۆ دادگه‌هكرنا سه‌لاحه‌دين ده‌ميرتاش، هه‌ڤسه‌رۆكێ هه‌ده‌پێ دێ ب رێڤه چيت.
ب گۆره‌ى ميديا توركيا بڕياره ئه‌ڤرۆ دادگه‌ها سنجا ل ئه‌نقه‌ره، روونشتنه‌كا دى بۆ دادگه‌هكرنا هه‌ڤسه‌رۆكێ به‌رێ يێ هه‌ده‌پێ ئه‌نجام بده‌ت و سه‌لاحه‌دين ده‌ميرتاش دێ د رێيا ڤيديۆيێ دا پشكداريێ كه‌ت و به‌ره‌ڤانيێ ژ خوه كه‌ت.
هه‌ر ب گۆره‌ى وان نووچه‌يان، ژماره‌كا به‌رپرس و په‌رله‌مانتارێن هه‌ده‌پێ ژى دێ ئاماده‌ى ڤێ روونشتنا دادگه‌هێ بن.
سه‌لاحه‌دين ده‌ميرتاش ل رۆژا 4ى چريا دويێ 2016 هاتيه ده‌سته‌سه‌ركرن و زێده‌تر ژ 90 دوسيان ل سه‌ر هاتينه ڤه‌كرن.
فازل میرانى:د ڤێ حه‌فتیێ دا دێ هه‌موو پرسان ل گه‌ل ئێكه‌تیێ ئێكلاكه‌ین
ئه‌ڤرۆ نیوز:
سكرتێرێ مه‌كته‌با سیاسى یا پارتى دیموكراتى كوردستان فازل میرانى ئه‌ڤرۆ سێشه‌مبى 23/4/2019 راگه‌هاند، د ڤێ حه‌فتیێ دا دێ هه‌موو پرسا ل گه‌ل ئێكه‌تى نیشتمانى كوردستان ئێكلاكه‌ین.
فازل میرانى د داخۆیانیه‌كا رۆژنامه‌ڤانى دا گۆت” چو ژڤان بۆ پێكئینانا حوكمه‌تێ ناهێنه دیاركرن، چونكى ده‌م تنێ د ناڤبه‌را قونته‌رچى وحوكمه‌تان دهێته دیاركرن ونابیت د هه‌موو پرۆسان دا ده‌م بهێته دیاركرن”.
میرانى گۆت ژى” د ڤێ حه‌فتیێ دا دێ ل گه‌ل ئێكه‌تیێ هه‌موو تشته‌كێ ئێكلاكه‌ین”.
سكرتێرێ مه‌كته‌با سیاسى یا پارتى ل دۆر گرێدانا كۆنگرێ پارتى پشتى پێكئینانا حوكمه‌تا نوو یا هه‌رێما كوردستانێ، گۆت” پارتى مه‌رجه‌عیه‌ت یا هه‌ى كو سه‌رۆك بارزانى یه وئه‌و چ بێژیت دێ هێته بجهئینان”.
سوبه‌هى نه‌خوه‌شخانا پێشمه‌رگه دێ راده‌ستى وه‌زاره‌تا پێشمه‌رگه هێته كرن
ئه‌ڤرۆ نیوز:
بریاره سوبه‌هى چارشه‌مبى 24/4/2019 نه‌خوه‌شخانا پێشمه‌رگه راده‌ستى وه‌زاره‌تا پێشمه‌رگه بهێته كرن.
ره‌فعه‌ت مزورى، رێڤه‌به‌رێ نه‌خوه‌شخانا پێشمه‌رگه راگه‌هاند، بریاره سوباهى ب به‌رهه‌ڤبوونا وه‌زیرێ پێشمه‌رگه وهژماركا به‌رپرسێن بلند یێن له‌شكرى ومه‌ده‌نى وفه‌رماندێ هێزێن ئه‌لمانیا ل هه‌رێما كوردستانێ وجێگرێ كونسۆلێ ئه‌لمانیا ل هه‌ولێرێ وهژماره‌كا به‌رپرسێن له‌شكرى یێن ئه‌لمانى ل عیراقێ وهه‌رێما كوردستانێ، نه‌خوه‌شخانا پێشمه‌رگه ب شێوه‌كێ فه‌رمى راده‌ستى وه‌زاره‌تا پێشمه‌رگه بهێته كرن”.
ل دۆر ژڤانێ چاره‌كرنا پێشمه‌رگه‌ى ل وێ نه‌خوه‌شخانێ، گۆت” د به‌رنامه‌ى دایه ل هه‌یڤا گولانا داهاتى چاره‌سه‌ریا نه‌خوه‌ش وبریندارێن پێشمه‌رگه بكه‌ین، ب شێوه‌كى ئێدى پێشمه‌رگه بۆ چاره‌سه‌ریێ پش به‌ستنێ ب نه‌خوه‌شخانێن تایبه‌ت نه‌كه‌ت یان نه‌هێته هنارتن بۆ ده‌رڤه‌ى وه‌لاتى ودێ بزاڤێ كه‌ین ب رێیا نوشدارێن ناڤخوه وتیمێن نوشدارێن بسپۆر یێن ئه‌لمانى ب باشترین شێوه خزمه‌تێن ساخله‌مى پێشكێشى نه‌خوه‌ش وبریندارێن پێشمه‌رگه بكه‌ین”.
دهێته زانین نه‌خوه‌شخانا پێشمه‌رگه ل سه‌ر ئه‌ركێ وه‌لاتێ ئه‌لمانیا ب گۆژمێ 5 ملیۆن دۆلاران ل سه‌ر رووبه‌رێ هزار مه‌ترێن دوجاركى بۆ وه‌زارتا پێشمه‌رگه هاتیه دروستكرن ل هه‌ولێرێ.
ئينفۆگرافيك: چاوان دێ حه‌ز ژ پرتووكێ كه‌ين؟
وه‌زاره‌تا ناڤخوه بریاره‌كا نوو ده‌ردكه‌ت
ئه‌ڤرۆ نیوز:
د نڤیساره‌كێ دا وه‌زاره‌تا ناڤخوه ل هه‌رێما كوردستانێ بریار دا كو قه‌ده‌غه‌یه ئه‌فسه‌ر وكارمه‌ند وفه‌رمانبه‌رێن میلاكێن فه‌رمانگه‌هێن وێ سه‌ره‌دانا وه‌زاره‌تێ بكه‌ن.
نڤیسارا وه‌زاره‌تا ناڤخوه كو ئاراسته‌ى پارێزگه‌هان وئیدارێن سه‌ربخوه یێن هه‌رێمێ وهێزێن ئاسایشا ناڤخوه وفه‌رماندا زێره‌ڤانى وبه‌رگرى وفریاكه‌وتن وناڤه‌ندا هه‌ڤپشكا هه‌ماهه‌نگیا قه‌یرانان هاتیه كرن، ئاماژێ ب وێ دكه‌ت كو نابیت چو فه‌رمانبه‌ر وكارمه‌ند سه‌ره‌دانا باره‌گایێ وه‌زاره‌تا ناڤخوه بكه‌ن.
وه‌زاره‌تا ناڤخوه دیاركر ژى كو تنێ رێ ب پله‌یا عه‌مید ود سه‌ردا دێ هێته دان كو سه‌ره‌دانا وه‌زاره‌تا ناڤخوه بكه‌ن، ئانكو ژ پله‌یا پۆلیسێ په‌یاده هه‌تاكو پله‌یا عه‌قید رێ ب سه‌ره‌دانا وان بۆ وه‌زاره‌تا ناڤخوه ناهێته دان.
ئاماژه كریه ژى كو هه‌ر ئه‌فسه‌ر وكارمه‌ند وفه‌رمانبه‌ره‌كێ سكالا هه‌بیت دشێت ب رێیا مالپه‌رێ فه‌رمى یێ وه‌زاره‌تێ سكالایا خوه بگه‌هینیت، هوشدارى ژى دایه هه‌ر ئه‌فسه‌ر وكارمه‌ند وفه‌رمانبه‌ره‌كێ سه‌رپێچیا ڤێ بریارێ بكه‌ت، دێ پێرابوونێن توند دگه‌لدا هێنه ئه‌نجامدان.
نيشاندان
WP Facebook Auto Publish Powered By : XYZScripts.com