ئه‌ڤرۆ نیوز:
جێگرێ سه‌رۆكێ ئێكه‌تیا مامۆستایێن كوردستانێ راگه‌هاند، ل گه‌ل وه‌زاره‌تا دارایى یا هه‌رێما كوردستانێ رێككه‌فتینه كو هه‌یڤانه ل ژڤانه‌كێ دیاركرى دا كریا وانه‌بێژان بهێته مه‌زاختن.
عەبدولواحد محەمەد، جێگرێ سه‌رۆكێ ئێكه‌تیا مامۆستایێن كوردستانێ، د داخۆیانیه‌كا رۆژنامه‌ڤانى دا گۆت”ژبه‌ر قه‌یرانا دارایى وهه‌ڤشێوێ گیروبوونا مووچان، ل ده‌مێن بۆرى مه‌زاختنا كریا مامۆستایێن وانه‌بێژ گیرو دبوو، به‌لێ خوه‌شبه‌ختانه پشتى دانوستاندنا مه ل گه‌ل وه‌زاره‌تا دارایى، سۆزا چاره‌كرنا ڤێ كێشێ دایه مه”.
گۆت ژى” بۆ ڤێ مه‌ره‌مێ پێدڤیه په‌روه‌رده‌یێن هه‌رێمێ ل هه‌موو رۆژێن (5) هه‌یڤێ لیستێن مامۆستایێن وانه‌بێژ ب هنێرنه گه‌نجینان بۆ وێ چه‌ندێ كریێن وان بهێنه مه‌زاختن”.
دیاركر” نوكه كریا هه‌یڤا شوباتێ بۆ مامۆستایێن وانه‌بێژ یا هاتیه مه‌زاختن ولیستا هه‌یڤا ئادارێ ژى یا هاتیه هنارتن بۆ گه‌نجینان”.
نيشاندان
