ئەڤرۆ نیوز:
حەفتیا بۆری جەبار یاوەر ئەمیندارێ گشتی یێ وەزارەتا پێشمەرگەی دیار کربوو کو ژ بەر رەوشا ئالۆز یا دەڤەرێ ئەمریکا و ئەلمانیا بریار داینە مەشقدانا ب پێشمەرگێ کوردستانێ رابگرن.
لێ ئەڤرۆکە وەزارەتا پێشمەرگەی راگەهاند کو مەشقدانا پێشمەرگێ کوردستانێ ژ ئالیێ هەڤپەیمانیا نێڤدەولەتی یا ل دژی داعشێ دێ جارەکا دی دەستپێکەتە ڤە و چو گوهۆرینەک د بەرنامێ کارێ وان یێ مەشقدانا ب هێزێن پێشمەرگێ کوردستانێ ژی نینە.
ئه‌ڤرۆ نیوز:
په‌یڤدارێ حوكمه‌تا هه‌رێما كوردستانێ، سه‌فین دزه‌یى، راگه‌هاند سه‌رۆكێ هه‌رێما كوردستانێ د ده‌مێ خوه یێ دیاركرى دا دێ هێته هه‌لبژارتن وئاشكرا كر ژى كو دبیت پرۆسا ده‌ست بكاربوونا سه‌رۆكێ هه‌رێمێ گیروببیت.
سه‌فین دزه‌یى گۆت” ده‌مه‌كێ دیاركرى هه‌بوو كو 15 هه‌یڤێ دووماهى رۆژ بوو بۆ پێشكێشكرنا به‌ربژارێن سه‌رۆكاتیا هه‌رێما كوردستانێ وده‌مێ هه‌فتیه‌كێ پێداچوون ب ناڤان دێ هێته كرن، پاشى ل په‌رله‌مانى دێ ده‌نگ ل سه‌ر هێته دان وپاشى پرۆسا سویند خواندنا سه‌رۆكێ هه‌رێما كوردستانێ دێ ده‌ستپێكه‌ت ودبیت ده‌ست بكاربوونا سه‌رۆكێ هه‌رێمێ چه‌نده‌كێ گیرو ببیت”.
سه‌باره‌ت گاڤێن پێكئینانا كابینا نوو یا حوكمه‌تا هه‌رێما كوردستانێ ژى، سه‌فین دزه‌یى گۆت”پشتى ده‌ست بكاربوونا سه‌رۆكێ هه‌رێمێ، دێ سه‌رۆكێ هه‌رێمێ به‌ربژارێ ده‌ستنیشانكرى راسپێریت بۆ پێكئینانا كابینا نه‌هێ یا حوكمه‌تا هه‌رێما كوردستانێ وسه‌رۆكێ راسپاردى یێ حوكمه‌تێ 30 رۆژان یێ ل به‌رده‌ستێ وى بۆ پێكئینانا حوكمه‌تێ وب بۆچوونا مه ل ناڤه‌راستا هه‌یڤا شه‌ش دێ كابینا نوو یا حوكمه‌تێ هێته پێكئینان”.
ئه‌ڤرۆ نیوز:
د فه‌توایه‌كێ دا بۆ هه‌موو موسلمانێن هه‌رێما كوردستانێ، جڤاتا بلند یا فه‌توایێ ل هه‌رێما كوردستانێ، بازرگانیكرن هه‌ره‌مه‌كى دئێخیته لیستا بازرگانیا حه‌رام.
د وێ فه‌توایێ دا هاتیه” مامه‌لا بازرگانى یا هه‌ره‌مى ب گشتى ومامه‌له‌كرن ل گه‌ل هه‌ردو كۆمپانیێن فۆرئێڤه‌ر وكیۆنیت وهه‌ڤشێوێن وان ب تایبه‌تى ب هه‌موو شێوه‌كى حه‌رامه”.
ئەڤرۆ نیوز٬عەلی حاجی :
گەنجەکێ خه‌لكێ زاخۆ د ژیێ 33 سالیێ دا ئەڤرۆ ئەینیێ ۱۷/٥/۲۰۱۹خوە ژ سه‌ر پرا ده‌لال هاڤێت و هەتا نوکە لێگەریان ل لاشێ وی گەنجی یا بەردەوامە.
بێوار عبدولعەزیز، بەرپرسێ راگەهاندنا بەرەڤانیا باژێری ل پارێزگەها دهوکێ بۆ ئەڤرۆ نیوز دیار کر ئەڤرۆ تیمێن مە هاتنە ئاگەهدارکرن کو گەنجەک بناڤێ (کاروان جمغە حەیدەر) ل پرا دەلال دناڤ ئاڤا خابیری دا خەندقی یە؍ ب گورەی پێزانێن ل بەر دەستێن مە کو وی گەنجی ڤیایه دووماهیێ ب ژیانا خوه بینیت و خوە هاڤێتیه دناڤ ئاڤێ دا؍هەتا نوکە ژی تیمێن مە یێن نقومەڤانی بەردەوامن ل سەر لێگەریانێ ل لاشێ وی گەنجێ ژ دایكبوویێ 1986 و ب مخابنی ڤە هەتا نوکە ژی نەهاتیە دیتن .
زێدەتر گوت : ئەڤە دووەم روودانە ل باژێرێ زاخۆ رووددەت كو به‌رى ۲۰ رۆژان کچەکا ۱۹ سالی خوە ژ پرا خانی هاڤێت بوو و هەتا نوکە لاشێ وێ نەهاتیە دیتن و لێگەریان ژی ل سەر دیتنا لاشێ وان هەردو کەسان دێ یا بەردەوام بیت.
ئه‌ڤرۆ نیوز:
ل سه‌ر راسپاردا هه‌ڤپشك یا جڤاتا ئابوورى هه‌ولێر وبه‌غدا، شانده‌كێ وه‌زاره‌تا بازرگانى ل هه‌رێما كوردستانێ سه‌ره‌دانا به‌غدا كر ورێككه‌فتنه‌كا گرێداى چه‌ند پرسێن بازرگانى ئیمزاكر.
نەوزاد ئەدهەم، رێڤه‌به‌رێ گشتى یێ وه‌زاره‌تا بازرگانى ل هه‌رێمێ راگه‌هاند” رێككه‌فتنا شاندێ حوكمه‌تا هه‌رێمێ وبه‌غدا ته‌وه‌ره‌كێ گرنگ ب خوه‌ڤه گرت ژ وان ئێكخستنا مۆله‌تا هنارتن وهاورده‌كرنێ، چونكه پێشتر پێناسا گۆمركى ژى د ناڤبه‌را هه‌ردو لایه‌نان دا هاتبوو ئێكگرتن، بۆ وێ چه‌ندێ هه‌ر بازرگانه‌ك ل كوردستانێ مۆله‌تا بازرگانى ده‌ركربیت، ل هه‌موو ده‌رگه‌هێن سنوورى ل عیراقێ كار پێ بهێته كرن یان به‌رۆڤاژى”
دیاركر” ژ نوكه وپێڤه داخوازى بۆ ده‌ركرنا مۆله‌تا بازرگانى دێ بیته ئۆنلاین وهه‌ر بازرگانه‌كێ دخوازیت ل ئۆفیسا خوه داخوازا خوه پێشكێش بكه‌ت، ده‌مێ مۆله‌ت ژى دهێته ده‌ركرن ب هنێریته ده‌رگه‌هێن سنورى بۆ ب رێڤه‌چوونا كاروبارێن بازرگانى”.
ئاماژه كر”سندووقا هاریكاریێن نیشتمانى دێ لقه‌كا خوه ل هه‌ولێرێ ڤه‌كه‌ت، ئه‌و سندووقه یا تایبه‌ته ب هاریكاریێن وان كه‌سان كو به‌رهه‌مێن ناڤخوه‌یى دهنێرنه ده‌رڤه وهه‌رێما كوردستانێ ژى دێ بیته ئه‌ندام د وێ سندووقێ دا”.
ئه‌ڤرۆ نيوز:
نڤيسه‌ر وچاڤدێرێ سياسى يێ توركى (محه‌مه‌د جه‌نبه‌كلى) د به‌رپه‌رێ خوه يێ تويته‌رى دا به‌لاڤكر توركيا وعيراقێ برياردا هێله‌كا شه‌مه‌نده‌فه‌رێ كو باژێرێ به‌سرا ب باشوورێ توركيا ڤه ب گرێده‌ت، دروست بكه‌ن.
دياركر ژى كو ئه‌و هێلا دێ رێره‌وه‌ك بيت بۆ بازرگانيێ د ناڤبه‌را توركيا وعيراقێ وكوێتێ وقه‌ته‌ر هه‌كه هات و به‌نده‌رێ هورمز ل كه‌نداڤێ عه‌ره‌بى هاته داخستن.
دهێته زانين به‌رى چه‌ند رۆژان عادل عه‌بدولمه‌هدى سه‌رۆك وه‌زيرێن عيراقێ سه‌ره‌دانا توركيا كربوو.
ئەڤرۆ نیوز:
دو گەمیێن دی یێن جەنگی یێن ئەمریکی کو ھەلگرێن مووشەکێن دیرھاڤێژ یێن ژ جورێ توما ھوک گەھشتنە کەنداڤێ عەرەبی.
ل دووڤ ژێدەرێن سایتێ RT یێ روسی ھەردو گەمیێن جەنگی یێن ئەمریکا یێن بناڤێ USS Gonzales و USS Mcaul ل نزیک کەنارێن عومانی ھاتینە بجھکرن بێ کو چو کێشە بۆ چێبن.
ل بەری ڤان ھەردو گەمیان لژێر ناڤێ پاراستنا بەرژەوەندیێن ئەمریکا و روبروبونا مەترسیێن ئیرانێ ل سەر واشنتون، گەمیەکا مەزن یا ھەلگرێ فروکێن جەنگی یێن ژ جورێ ئابراھام لینکولن B٥٢ و سیستەکێ دژی مووشەکێن پاتریوت رەوانەی رۆژھەلاتا ناڤەراست کرینە.
ئه‌ڤرۆ نیوز:
رۆژناما ( ناشیۆنال ئه‌نترست) یا ئه‌مریكى ئه‌ڤرۆ پێنجشه‌مبى 16/5/2019 د راپۆرته‌كێ دا پێشبینیێ دكه‌ت كو شه‌ره‌كێ خویناوى ل رۆژهه‌لاتا ناڤه‌راست روو بده‌ت، ب شێوه‌كى ده‌ڤه‌رێ وێران بكه‌ت.
رۆژناما ناڤبرى ژ زارێ شاره‌زایان به‌لاڤكر كو د نوكه دا ئیران خودانا مووشه‌كێن جۆرا وجۆر یێن پێشكه‌فتى یه ل رۆژهه‌لاتا ناڤه‌راست وهه‌ر ئێك ژ لیبیا وكوریا بكوور هاریكاریا وێ كریه د پێشخستنا چه‌كێن خوه ب شێوه‌كى دشێت ئیسرائیلێ وجهێن دى ل ده‌ڤه‌رێ بكه‌ته ئارمانج.
وێ رۆژنامێ دیاركر كو ئیرانێ چه‌ندین رێین گرنگ ل به‌رده‌ستن، كو پشكه‌كا وان د نهێنى نه ودشێت پشت به‌ستنێ پێ بكه‌ت د وى شه‌رێ پێشبینى كرى دا ل گه‌ل ئه‌مریكا.
ئه‌ڤرۆ نیوز:
كونسۆلخانا ئه‌لمانیا ل هه‌رێما كوردستانێ د به‌رپه‌رێ خوه ل سه‌ر تۆرا تویته‌رى به‌لاڤكر كو كاروبارێن خوه ب شێوه‌كێ ئاسایى ئه‌نجام دده‌ت.
ل دۆر هێزێن له‌شكرى دیاركر” وه‌كو په‌یڤدارێ وه‌زاره‌تا به‌رگریێ دیاركرى كو هێزێن له‌شكرێ ئه‌لمانى ل عیراقێ خوه ژ عیراقێ ڤه‌نه‌كێشایه، ئه‌و تنێ دێ د ناڤ كه‌مپێن خوه مینن وئه‌ڤه‌ژى ژبه‌ر ئه‌گه‌رێن ئه‌منى وراسپارده‌یا هه‌ڤپه‌یمانان”.
دوهى حوكمه‌تا ئه‌لمانیا راهێنانێن له‌شكرى ژ لایێ هێزێن خوه‌ڤه ل عیراقێ راگرتبوون وئه‌و بریار زڤراندبوو ژبه‌ر ئه‌گه‌رێ ئه‌منى .
ئه‌ڤرۆ نیوز، نه‌وزاد هلۆرى:
ده‌مێ دو روژانه گه‌نجه‌كێ گوندێ (دوودى ژورى) ل قه‌زا ئاكرێ بناڤێ (فه‌رهاد شاكر محه‌مه‌د تاهر) ژ مال ده‌ركه‌فتیه و هه‌تا نوكه نه‌زڤریه، كه‌سوكارێن وى داخوازێ ژهه‌ركه‌سى دكه‌ن هه‌كه پێزانین ل سه‌ر وى هه‌بن، په‌یوه‌ندیێ ب وان بكه‌ن.
دلگه‌ش دوودى، كه‌سوكارێ ئه‌وى گه‌نجى بۆ ئه‌ڤرۆ نیوز گۆت: (ئه‌ڤه دو روژه فه‌رهاد شاكر محه‌مه‌د تاهر یێ 18 سالی ژ مال ده‌ركه‌فیته و هه‌تا نوكه نه‌زڤرىیه‌و چاره‌نڤیسێ وى یێ دیار نینه).
زێده‌تر گۆت: (فه‌رهاد كه‌سه‌كێ ئاسایى یه و چو نه‌خوشیێن ده‌روونى و جه‌سته‌یى نینن، دیسان مه پولیس و جهێن شوله‌ژێ ل سه‌ر به‌رزه‌بوونا وى ئاگه‌هداركرینه، داخوازێ ژهه‌ركه‌سه‌كى دكه‌ین هه‌كه پێزانین ل سه‌ر هه‌بن په‌یوه‌ندیێ ب هژمارا ته‌له‌فۆنى 07503302533 بكه‌ن).
نيشاندان