ئه‌ڤرۆ نيوز:
سه‌رۆك وه‌زيرێن عيراقێ عادل عه‌بدولمه‌هدى ئه‌ڤرۆ سێشه‌مبى 14/5/2019 راگه‌هاند، ئيران وئه‌مريكا شه‌رێ هه‌ڤدو ناكه‌ن.
عه‌بدولمه‌هدى گۆت ژى” ئه‌مريكا وئيران ناخوازن شه‌ر روو بده‌ت وعيراق ژى دبزاڤان دايه بۆ لێكگه‌هه‌شتنا وان هه‌ردو وه‌لاتان”.
دياركر ژى” ئه‌مريكا وئيران نه‌يارێن هه‌ڤدو نينن، به‌لێ هه‌ر ئێك ب ئاراسته‌كى دا هه‌ڤپه‌يمانێن سه‌ره‌كى يێن عيراقێ نه، له‌وما به‌غدا دخوازيت رۆل هه‌بيت د كێمكرنا گرژى د ناڤبه‌را وان هه‌ردو وه‌لاتان دا”.
ئەڤرۆ نیوز:
ئه‌ڤرۆ 14/5/2019 ل كوچكا مێڤانداریا فه‌رهاد ئه‌مین ئه‌تروشى پارێزگه‌رێ دهوكێ پێشوازیا (دومینیك ماس ) قونسلێ وه‌لاتێ فره‌نسا ل هه‌رێما كوردستانێ كر.
دهه‌ڤدیتنه‌كێدا به‌حسێ په‌یوه‌ندیێن هه‌رێما كوردستانێ دگه‌ل حكومه‌تا فره‌نسا ژلایێ سیاسى وئابورى وله‌شكرى هاته كرن.
دته‌وه‌ره‌كێ دن دا به‌حسێ ره‌وشا ده‌ڤه‌رێ و سه‌روبه‌رێ ئاواره و په‌نابه‌را و ئه‌و هاریككاریێن پارێزگه‌ها دهوكێ ورێكخراوێن نیڤ ده‌وله‌تى پێكێش دكه‌ن هاته كرن.
پارێزگه‌رێ دهوكێ دیار كر كو هه‌بونا رێژه‌كا مه‌زن یا ئاواره وپه‌نابه‌ران ل پارێزگه‌هێ بارگرانیه‌كا مه‌زن ئێخستیه سه‌ر هه‌موو سه‌كته‌رێن خزمه‌تكارى مینا خزمه‌تكاریێن په‌روه‌ردێ وساخله‌میێ وپروژێن ئاڤێ ورێك وئه‌لكتریكى و…هتد وخواست كو حكومه‌تا فره‌نسا وجڤاكێ نیڤده‌وله‌تى به‌رده‌وامیێ بده‌نه هاریكاریكرنا ئاواره وپه‌نابه‌ران ل سنورێ پارێزگه‌هێ و سوپاسیا وى وه‌لاتى كر بو وێ پشته‌ڤانیا به‌رده‌وام یا بو هه‌رێما كوردستانێ دكه‌ن .
ژلایێ خوڤه قونسلێ فره‌نسا ده‌ست خوشى ل پارێزگه‌ها دهوكێ و حكومه‌تا هه‌رێما كوردستانێ كر بو حه‌واندنا وێ رێژا زور یا ئاواره و په‌نابه‌ران وته‌كه‌زكر كو فره‌نسا به‌رده‌وام دێ هاریكاریا هه‌رێما كوردستانێ وئاواره وپه‌نابه‌ران كه‌ت.
بریاره قونسلێ وه‌لاتێ فره‌نسا سه‌را چه‌ند كه‌مپێن ئاواره‌یان بده‌ت وژنێزیك هایدارى ره‌وشا وان ببیت.
ئه‌ڤرۆ نيوز:
وه‌زاره‌تا ساخله‌ميێ ل هه‌رێما كوردستانێ بريار دا چه‌ند جۆرێن ده‌رمانان بچنه دناڤ ليستا كه‌ره‌ستێن بێهوشكه‌ر دا، ژ نوكه وپێڤه ژى ب شێوه‌كێ قانوونى مامه‌له ب وان ده‌رمانان ناهێته كرن ل ده‌رمانخانه‌يان.
د نڤيساره‌كا وه‌زاره‌تا ساخله‌ميێ دا هاتيه” ژبه‌ر به‌رژه‌وه‌نديا گشتى ول دووڤ كۆنوسا لژنا بلند يا كه‌ره‌ستێن بێهوشكه‌ر دا كو ل 4/3/2019 مه په‌سه‌ندكرى، پشتى نڤيسارا نوونه‌راتيا حوكمه‌تا هه‌رێما كوردستانێ ل به‌غدا يا هژمار 159 ل 3/1/2019 مه بريار دا ب دانانا وان د ليستا كه‌ره‌ستێن بێهوشكه‌ر”.
ئه‌ڤرۆ نيوز:
وه‌زاره‌تا دارايى وئابوورى ل هه‌رێما كوردستانێ برياره‌كا نوو ل دۆر پاقژكرنا نه‌خوه‌شخانێن هه‌رێمێ ده‌ركر.
وه‌زاره‌تا دارايى رێنمايا هژمار 9 يا سالا 2019 ده‌ركر وتێدا چه‌ندين بريار ل دۆر ياقژكرنا نه‌خوه‌شخانێن هه‌رێمێ هاتن ده‌ركرن.
د وێ رينمايێ دا هاتيه كو دڤێت ئه‌و هه‌فت خالێن د ناڤه‌رۆكا نڤيسارێ دا هاتين بهێنه ل به‌رچاڤ وه‌رگرتن وبريار دێ ژ 1/1/2019 هێته بجهئينان.
ئه‌ڤرۆ نيوز:
رێڤه‌به‌ريا گشتى يا نه‌هێلانا مادێن بێ هوشكرنێ يا سه‌ر ب ئاسايشا هه‌ولێرێ ڤه راگه‌هاند كو ئه‌ڤرۆ دوشه‌مبى 13/5/2019 شياينه بانده‌كێ مادێن بێهۆشكه‌ر ل سنوورێ قه‌زا ئاكرێ ده‌سته‌سه‌ر بكه‌ن.
هه‌روه‌سا دياركر ژى كو وێ باندێ بزاڤكريه هه‌رێما كوردستانێ بكاربينن وه‌كو پره‌ك بۆ ڤه‌گوهاستنا مادێن بێهۆشكه‌ر بۆ وه‌لاتێن دى، له‌وما هاتنه ده‌سته‌سه‌ركرن و دێ هێنه هنارتن بۆ دادگه‌هێ.
خوياكر” ئه‌و بانده ژ سێ كه‌سان يێ پێكهاتيه و 45 كيلۆيێن مادێن بێهۆشكه‌ر هاتينه ده‌ست ب سه‌ردا گرتن”.
ئه‌ڤرۆ نيوز:
وه‌زاره‌تا دارايى وئابوورى ل هه‌رێما كوردستانێ رێنمايا دارايى يا هژمار (10) يا سالا 2019 كو يا تايبه‌ته ل فه‌رمانبه‌رێن گرێبه‌ست به‌لاڤكر.
ل دووڤ وێ رێنمايا وه‌زاره‌تا دارايى كو هاتيه ئاراسته‌كرن بۆ هه‌موو وه‌زاره‌ت وفه‌رمانگه‌هێن نه گرێداى ب وه‌زاره‌تان ڤه، ماف وئيمتيازاتێن فه‌رمانبه‌رێن گرێبه‌ست هاتينه دياركرن.
ئەڤرۆ نیوز:
ئەڤرۆ سەرۆک مەسعود بارزانی پێشوازی ل جێنین هێنس نوونەرا تایبەت یا سکرتێرێ گشتی یێ نەتەوێن ئێکگرتی ل عیراقێ کر و د هەڤدیتنێ دا بەحسێ رەوشا عیراقێ و کوردستانێ هاتە کرن، نوونەرا نەتەوێن ئێکگرتی کەیفخوەشا خوە ل هەمبەر ئارامیا ل کوردستانێ و باشبوونا پەیوەندیێن هەولێرێ و بەغدایێ دیار کر.
د ڤێ روونشتنێ دا بەحسێ رەوشا دەڤەرێن کوردستانی یێن دەرڤەی ئیدارا هەرێما کوردستانێ ژی هاتنە کرن و رۆلێ نەتەوێن ئێکگرتی ژی بۆ چارەکرنا ئاریشێن نها یێن عیراقێ بلند هاتە نرخاندن.
ژ ئالیێ دی هەر ئەڤرۆ مەسرور بارزانی شیرەتکارێ جڤاتا ئاسایشا هەرێما کوردستانێ پێشوازی ل جێنین هێنس نوونەرا تایبەت یا سکرتێرێ گشتی یێ نەتەوێن ئێکگرتی ل عیراقێ کر و د هەڤدیتنێ دا بەحسێ پێکئینانا کابینا نوو یا حوکمەتا هەرێما کوردستانێ، پەیوەندیێن هەولێرێ و بەغدایێ و رەوشا دەڤەرێن کوردستانی یێن دەرڤەی ئیدارا هەرێما کوردستانێ هاتە کرن.
ئەڤرۆ نیوز، بارزان مزووری:
غەزوان داودی، ئەندامێ جڤاتا پارێزگەھا مووسل بۆ ئەڤرۆ نیوز ئاشکەرا کر کو بڕیارە ئەڤرۆ دەمژمێر 14:00 پشتی نیڤرۆ جڤاتا پارێزگەھا نەینەوا کۆمبوونەکێ ئەنجام بدەت و تێدا پارێزگاری و جێگرێن وی ب ھەلبژێریت.
ئاشکەرا ژی کر کو پارێزگارێ نەینەوا دێ ل سەر پشکا عەرەبێن سونە بیت و جێگرەک ژی ل سەر پشکا پارتی و ھەموو ژی دێ ب رێیا دەنگدانێ ھێنە ھەلبژارتن.
ھەتا نھا نێزیکی 50 کەسان خوە بۆ پۆستێ پارێزگارێ نەینەوا بەربژار کریە بەلێ بەختێ ھەر ئێک ژ مزاحم خەیات، حوسامەدین عەبار و مەنسور مورعد پترترین بەختێ وەرگرتنا ڤی پۆستی ھەیە.
ژ لایەکێ دی ڤە پشتی جڤاتا پارێزگەھا نەینەوا راگەھاندی کو ئەو دێ ئەڤرۆ کۆمبوونەکێ ئەنجام دەن و تێدا پارێزگار و جێگرێن پارێزگەھا نەینەوا ھەلبژێریت، جڤاتا نوونەرێن عیراقێ د بەیاننامەکا “گەلەک ب لەز” دا داخواز ژ جڤاتێ کریە کو وی کاری ئەنجام نەدەت، ھەتا لایەنێن شولەژێ ئەوان ئاگەھدار دکەن.
ئه‌ڤرۆ نيوز:
رێڤەبەرێ سایلویا شنگال دیار کر ئەڤ سالە ژی رازیبوون ل سەر وەرگرتنا گەنمێ جۆتیارێن شنگال د ناڤ سایلویا شنگال دا نەھاتە کرن بتنێ دێ جەه_ ل سایلویا شنگال ھێتە وەرگرتن.
غازی ئلیاس، رێڤەبەرێ سایلویا شنگال بۆ (باسنیوز) دیارکر:” سایلویا شنگال شیانێن وەرگرتنا 50 ھزار تەنێن گەنم و جەھی ھەنە. ئەڤ سالە ھەر ژ دەستپێکا سالا 2019ێ مە بزاڤ کرن بەغدا رازیبوونێ ل سەر وەرگرتنا گەنمێ دناڤ سایلویا شنگال بده‌ت، نها ژی وەرزێ درینێ دێ دەست پێ بکەت ھێشتا چو تشتەک نەھاتیە کرن دا کو گەنم ل سایلویا شنگال بھێتە وەرگرتن. ب تنێ حوکمەتا عيراقێ بریار دایە ئەڤ سالە 10 ھزار تەنێن جەھی ژ جۆتیاران بھێنە وەرگرتن د ناڤ سایلویا شنگالێ دا”.
خویا ژی کر:” گەنمێ جۆتیارێن شنگال دێ ل سایلویا رەبیعە و تەلەعفەر ھێتە وەرگرتن ل سایلویا شنگال گەنم ناھێتە وەرگرتن. مە خواست ھندەک که‌رڤان بھێنە دانان ئەم تێدا کارێ خوە ئەنجام بدەين، به‌لێ نەھاتنە دانان”.
نيشاندان