ئه‌ڤرۆ نیوز:

شیره‌تكارێ جڤاتا ئاسایشا هه‌رێما كوردستانێ، مه‌سرور بارزانى ئه‌ڤرۆ دوشه‌مبى 3/6/2019 ب هه‌لكه‌فتا جه‌ژنا ره‌مه‌زانێ، په‌یامه‌كا پیرۆزباهیێ به‌لاڤكر وتێدا دبێژیت، ئومێده‌وارم ئه‌ڤ جه‌ژنه‌ هانده‌ر بیت بۆ ب هێزكرنا پێكڤه‌ كاركرنێ ژبۆ كوردستانه‌كا ب هێز.

مه‌سرور بارزانى د په‌یاما خوه‌ دا گۆت” ب هه‌لكه‌فتا جه‌ژنا ره‌مه‌زانا پیرۆز، پیرۆزباهیێ ل كه‌سوكارێن سه‌ربلندێن شه‌هیدان وپێشمه‌رگێ قه‌هره‌مان وكارمه‌ندێن جڤاتا ئاسایش وهه‌موو ده‌زگه‌هێن ئه‌منى وپۆلیسان وموسلمانێن كوردستانێ وجیهانێ دكه‌م”.

گۆت ژى” زێده‌بارى ل به‌رچاڤ وه‌رگرتنا خه‌باتا به‌رده‌وام وقوربانیدانا گه‌لێ مه‌ بۆ گه‌هشتن ب ئارمانجێن خوه‌، ئومێده‌وارم ئه‌ڤ جه‌ژنه‌ هانده‌ره‌ك بیت بۆ ب هێزكرنا پێكڤه‌كاركرنێ ژبۆ كوردستانه‌كا ب هێز كو ل ئاستێ خواست وچاڤه‌رێ وپێشبینیێن وه‌لاتیێن كوردستانێ بیت”.

ئه‌ڤرۆ نیوز:

ب هه‌لكه‌فتا جه‌ژنا ره‌مه‌زانێ، سه‌رۆك مه‌سعود بارزانى ئه‌ڤرۆ دو شه‌مبى 3/6/2019 په‌یامه‌ك به‌لاڤكر.

سه‌رۆك بارزانى د په‌یاما خوه‌ دا گۆت”ب هه‌لكه‌فتا هاتنا جه‌ژنا ره‌مه‌زانا پیرۆز، گه‌رمترین پیرۆزباهیان ئاراسته‌ى موسلمانێن جیهانێ ب گشتى وكوردستانێ وعیراقێ ب تایبه‌تى دكه‌م، پیرۆزباهیێن گه‌رم ل كه‌سوكارێن سه‌ربلندێن شه‌هیدان وپێشمه‌رگێ قه‌هره‌مانێ كوردستانێ وهه‌روه‌سا هه‌موو كارمه‌ندێن ده‌زگه‌هێن ئه‌منى یێن كوردستانێ دكه‌م”.

ل دووماهیا په‌یاما خوه‌، سه‌رۆك بارزانى دبێژیت” ژ خودێ مه‌زن دخوازم رۆژى وعیباده‌تێ هه‌یڤا پیرۆزا ره‌مه‌زانێ ژ هه‌موو موسلمانان وه‌رگرتبیت وئه‌ڤ جه‌ژنه‌ ببیته‌ ده‌ستپێكا ب دووماهى هاتنا نه‌خوه‌شى وكاڤلكاریێ وزڤراندنا ئارامیێ بۆ هه‌موو مرۆڤایه‌تیێ”.

ئه‌ڤرۆ نيوز:

جێگرێ سه‌رۆكێ جڤاتا سه‌ركردايه‌تيا كه‌ركوك – گه‌رميان يا پارتى ديموكراتى كوردستان ئاشكراكر كو په‌يامه‌كا ئێكلاكه‌ر هاتيه‌ دان بۆ ئێكه‌تى نيشتمانى كوردستان ل دۆر دانانا كه‌سه‌كى بۆ پۆستێ پارێزگارێ كه‌ركووكێ.

ديارى حسێن، جێگرێ جێگرێ سه‌رۆكێ جڤاتا سه‌ركردايه‌تيا كه‌ركوك – گه‌رميان يا پارتى د داخۆيانيه‌كا رۆژنامه‌ڤانى دا راگه‌هاند” پارتى ب ئێكه‌تيێ راگه‌هانديه‌، هه‌ر كه‌سه‌كێ ده‌ست د رێككه‌فتنا 16 ئوكتوبه‌رێ دا هه‌بيت، نابيته‌ پارێزگارێ كه‌ركوكێ”.

 دياركر ژى” پرسا پارێزگارێ كه‌ركوك بۆ ده‌ستێ سه‌رۆك بارزانى وكوسره‌ت ره‌سول هاتيه‌ دان، چونكى پارتى چو جاران رێ ناده‌ته‌ كه‌سه‌كێ ده‌ست د خيانه‌تا 16 ئوكتوبه‌رێ دا هه‌بيت، ببيته‌ پارێزگارێ كه‌ركوكێ”.

ئاشكراكر ژى” ل ده‌مژمێرێن دووماهيێ يێن ده‌نگدانێ بۆ سه‌رۆكێ هه‌رێما كوردستانێ، ئێكه‌تيێ سێ ناڤ بۆ پۆستێ پارێزگارێ كه‌ركوكێ دانه‌ پارتى، به‌لێ پارتى په‌سه‌ند نه‌كرن وئه‌گه‌رێ وێ چه‌ندێ ژى يێ دياربوو”.

ئه‌ڤرۆ نيوز:

وه‌زاره‌تا ئه‌وقاف وكاروبارێن ئاينى ل هه‌رێما كوردستانێ ئه‌ڤرۆ ئێكشه‌مبى 2/6/2019 رۆهنكرنه‌ك به‌لاڤكر وتێدا هاتيه‌ كو ل ده‌مژمێر 7 ئێڤاريا سوبه‌هى دوشه‌مبى 3/6/2019 لژنا بلند يا ديتنا هه‌يڤێ ب مه‌ره‌ما ده‌ستنيشانكرنا رۆژا ئێكێ ژ جه‌ژنا ره‌مه‌زانێ، دێ ل ديوانا وه‌زاره‌تێ كۆمبيت.

 بەڕێوەبەرایەتیی ڕاگەیاندنی وەزارەتی ئەوقاف و کاروباری ئایینیی حکوومەتی هەرێمی کوردستان، بەمەبەستی دیاریکردنی یەکەم ڕۆژی جەژنی رەمەزان دەزگا و ناوەندە میدیاییەکانی بانگهێشت کردووە.