ئەڤرۆ نیوز:
نڤیسینگەها راگەهاندنا سەرۆک وەزیرێن عیراقێ دیار کریە کو ناڤەراستا ڤێ مەهێ دێ سەرۆک وەزیرێن عیراقێ عادل عەبدولمەهدی سەرەدانا تورکیا کەت و ل گەل بەرپرسێن وی وەلاتی کۆمبیت.
هەروەسا هاتیە دیار کرن بابەتێ پەترۆلێ، ئاریشێن سنوری و هەبوونا پەکەکێ ل شەنگالێ دێ تەوەرێن سەرەکی یێن هەڤدیتنا عادل عەبدولمەهدی ل گەل بەرپرسێن تورکیا بیت.
ل ئالیێ دی هەتا نها دەزگەهێن راگەهاندنا تورکیا بەحسێ سەرەدانا عادل عەبدولمەهدی بۆ تورکیا نەکرینە.
ئەڤرۆ نیوز:
ئه‌ڤرۆ سپێدێ 11-5-2019 ل كوچكا مێهڤانداریا فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز (د. ئەحمەد تاڵب) وه‌زیرێ وه‌رزش ولاوێن ئیراقێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا د. شاكر ئەحمەد سمو رێڤه‌به‌رێ گشتى یێ وه‌رزش ولاوان ل هه‌رێما كوردستانێ به‌حسێ ره‌وشا دام وده‌زگه‌هێن وه‌رزشى ل ئیراقا فیدرال ول هه‌رێما كوردستانێ وچاوانیا خورتكرن و پێشئێخستنا كار وچالاكیێن وه‌رزشى دناڤبه‌را هه‌ردوو ئالیان دا هاته كرن.
پارێزگه‌رێ دهوكێ خوشحالیا خو ب سه‌ره‌دانا شاندى دیاركر وته‌كه‌زى ل سه‌ر هه‌ڤكارى وهاریكاریێ كر بو پێشئێخستنا كار وچالاكیێن وه‌رزشى دناڤبه‌را هه‌ردوو لایه‌نان دا وچه‌ند پێشنیار به‌رچاڤكرن وه‌كو دورئێخستنا كارو چالاكیێن وه‌رزشى ژململانێن سیاسى وپشته‌ڤانیكرنا هه‌موو سازى وبوارێن وه‌رزشى ب یه‌كسانى دچارچوڤێ ئیراقا فیدرال دا هه‌روه‌سا پشته‌ڤانیكرنا بوارێن وه‌رزشى یێن بچوك كو گه‌له‌ك جاران هنده‌ك كه‌سا شیانێن باش هه‌نه ئه‌نجامێن مه‌زن ل سه‌ر ئاستێن وه‌رزشا جیهانى ب ده‌ستڤه بینین وگه‌له‌ك جارا ململانا سیاسى كارتێكرنه‌كا مه‌زن یا ل سه‌ر بوارێن وه‌رزشى كرى وبوینه هوكار بو پاشئێخستنا بزاڤا وه‌رزشى ونوكه پێدڤى یه هاریكاریا مادى ومه‌عنه‌وى بو سازى وكه‌سانێن وه‌رزشى یێن خودان شیان بهێته كرن دا وه‌كو جاران بزاڤا وه‌رزشى پێشكه‌فتنێ بخوڤه ببینیت.
ژلایێ خوڤه وه‌زیرێ وه‌رزش ولاوێن ئیراقا فیدرال ته‌كه‌زكر كو دێ هه‌موو هه‌ولدانا كه‌ن كو بزاڤا وه‌رزشى دناڤبه‌را ئیراقا فیدرال وهه‌رێمێ دا بهێته پێشئێخستن چونكو به‌رى نوكه هه‌رێما كوردستانێ جهه‌كێ گرنگ بو ، بو ئه‌نجامدانا چالاكیێن وه‌رزشى وگه‌له‌ك جاران وه‌رزش و وه‌رزشڤانێن هه‌رێما كوردستانێ سه‌ركه‌فتنێن مه‌زن بناڤێ ئیراقا فیدرال بده‌ستڤه ئینانینه وبه‌رده‌وامى دایه وان سه‌ركه‌فتنێن وه‌رزشى .
هه‌روه‌سا گوت:ئه‌م ب هه‌ڤره دگه‌ل سازیێن وه‌رزشى ل ئیراقى وهه‌رێما كوردستانێ دێ پلانه‌كا وه‌رزشى یا ئێكگرتى به‌رهه‌ڤكه‌ین وهه‌موو بوچونا كه‌ینه ئێك وپشته‌ڤانیا پروژێن مه‌زن یێن وه‌رزشى ل هه‌رێمێ كه‌ین بو وێ یه‌كێ بزاڤا وه‌رزشى ل سه‌ره‌نسه‌رى ئیراقێ وهه‌رێمێ پێشبێخین .
پاش كونگره‌كێ روژنامه‌انی بو پارێزگه‌رێ دهوكێ و وه‌زیرێ وه‌رزش ولاوان هاته سازكرن وهه‌ردوو لا ته‌كه‌زى ل سه‌ر هه‌ڤكارى وهاریكاریێ كر بو پێشئێخستنا بزاڤا وه‌رزشى ل هه‌رێما كوردستانێ ول ئیراقێ.
ئه‌ڤرۆ نیوز:
رێڤه‌به‌ریا هاتن وچوونێ ل پارێزگه‌ها دهۆكێ به‌لاڤكر كو ئه‌و وه‌لاتیێن پارێزگه‌ها دهۆكێ یێن ترومبێلێن بێ باده‌ك هه‌ین، دشێن سه‌ره‌دانا باره‌گایێ رێڤه‌به‌ریا هاتن وچوونێ ل كومه‌لگه‌ها دومیز بكه‌ن بۆ ب رێڤه‌برنا مامه‌لێن وان ترومبێلان.
رێڤه‌به‌ریا ناڤبرى دیاركریه ژى كو ئه‌ڤ بریاره ترومبێلێن مودێل 1994 هه‌تا مودێل 2016 ب خوه‌ڤه دگریت.
ئه‌ڤرۆ نيوز:
گۆژمێ 48 مليۆن دينار ژ چه‌ند په‌رله‌مانتاران دێ هێنه وه‌رگرتن ولژنه‌كا ڤه‌كۆلينێ دێ هيته پێكئينان.
ل دووڤ نڤيساره‌كا لژنا تۆماكرنا داخوازا مافێ گشتى ل فه‌رمانگه‌ها داواكارێ گشتىى يێ هه‌ولێرێ، داخوازا وه‌رگرتنا گۆژمێ 48 مليۆن ديناران ژ هنده‌ك ئه‌ندامێن به‌رێ يێن په‌رله‌مانێ كوردستانێ هاتيه كرن.
ئه‌و كه‌سێن ل خۆلێن بۆرى په‌رله‌مانتار بوون وپشتى هاتينه خانه‌نشين كرن وگۆژمێ 48 مليۆن دينار پێ هاتينه دان، بووينه په‌رله‌مانتار ومووچه‌ى وه‌ردگرن، كو ئه‌ڤه به‌رۆڤاژى قانوونێ يه وهه‌ده‌ردانا سامانێ گشتى يه.
لژنا ناڤبرى نڤيسارا خوه ئاراسته‌ى سه‌رۆكاتيا داواكارێ گشتيێ هه‌رێما كوردستانێ كريه وداخواز ژێ كريه داخوازێ ژ وه‌زاره‌تا دارايى وئابوورى ل هه‌رێما كوردستانێ بكه‌ت لژنه‌كێ پێكبينيت بۆ دياركرنا لايه‌نێ خه‌مسار وئاشكراكرنا ناڤێن وان په‌رله‌مانتاران ووه‌رگرتنا گۆژمێ 48 مليۆن ديناران.
هه‌روه‌سا ل دووڤ نڤيساره‌كا دى، وه‌زاره‌تا دارايى فه‌رمان كريه كو لژنه‌ك ژ وه‌زاره‌تێ بهێته پێكئينان بۆ ڤه‌كۆلينێ وده‌رخستنا ناڤێن وان په‌رله‌مانتارێن پارێ خانه‌نشينبوونا خوه وه‌رگرتين ونوكه ى په‌رله‌مانتارن.
ئه‌ڤرۆ نیوز:
رێڤه‌به‌ریا كونترۆلا جۆره‌یى یا ده‌رمانان ل وه‌زاره‌تا ساخله‌میێ ل هه‌رێما كوردستانێ ئه‌ڤرۆ ئه‌ینیێ 10/5/2019 راگه‌هاند كو هنده‌ك ده‌رمانخانێن گیایى وكلینیكێن كولانان، جۆره ده‌رمانه‌كێ سوتنا شاخێ گیانه‌وه‌ران بۆ نه‌خوه‌شیێن پیستى دایه وه‌لاتیان.
د رۆهنكرنه‌كا رێڤه‌به‌ریا ناڤبرى دا هاتیه” ئه‌و مه‌عجینێ ب ناڤێ (DEHORNING) كو بۆ سوتاندن ورێگریكرنێ ل گه‌شه‌كرنا شاخێ گیانه‌وران دهێته بكارئینان، دو مادێن سوتنێ تێدانه ب ناڤێن كالسیۆم هایدرۆكساید وسۆدیۆم هایدرۆكساید، ده‌مێ دهێنه دانان ل سه‌ر شاخێن گیانه‌وه‌ران دبیته ئه‌گه‌رێ سوتن ونه‌هێلانا خانێن به‌رپرس ژ به‌رهه‌مئینانا شاخان ل ده‌ڤ گیانه‌وه‌ران”.
دیاركریه ژى” بكارئینانا وى به‌رهه‌مێ سوتینه‌ر بۆ مرۆڤى ب مه‌ره‌ما جوانكاریێ وچاره‌سه‌ركرنا نه‌خوه‌شیێن پیستى ب چو شێوه‌كى رێ پێ نه‌هاتیه دان وكاره‌سات وبێوژدانیه‌كا مه‌زنه، چونكى ئه‌و به‌رهه‌مه سوتینه‌ره ودبیته ئه‌گه‌رێ سوتنا پیستى وهه‌لوه‌شاندنا خانه‌یان وب ڤێ چه‌ندێ مه‌ترسیا نه‌خوه‌شیا په‌نجه‌شێرێ لێ دیار دبیت”.
رێڤه‌به‌ریا كونترۆلا جۆره‌ییا ده‌رمانان ئاشكرا كریه كو ئه‌و به‌رهه‌مه ژلایێ هنده‌ك هاریكارێن نوشداران ل كلینیكێن كولانان وجهێن گژ وگیایێ سروشتى بۆ مه‌ره‌مێن جوانكاریێ وچاره‌سه‌ریا نه‌خوه‌شیێن پیستى داینه خه‌لكى وكاریگه‌ریێن مه‌ترسیدار هه‌بوون”.
ئه‌ڤرۆ نيوز:
ئه‌ڤرۆ ئه‌ینیێ 10/5/2019 ته‌رمێ (وه‌كیل موسته‌فایۆف) سه‌رۆكێ كۆمارا كوردستانا سۆر گه‌هشته هه‌رێما كوردستانێ و درێوره‌سمه‌كى دا ل گورستانا شێخ ئه‌حمه‌د هاته ڤه‌شارتن.
ره‌زوان بادینى، مامۆستایێ زانكۆیێ وئێك ژ نێزیكێن بنه‌مالا موسته‌فایۆف راگه‌هاند” وه‌سیه‌تا موسته‌فایۆف ئه‌وبوو ل هه‌رێما كوردستانێ بهێته ڤه‌شارتن ول سه‌ر وێ وه‌سیه‌تێ ئه‌ڤرۆ هاته ڤه‌شارتن”.
وه‌كیل موسته‌فایۆف ب دامه‌زرێنه‌رێ كوردستانا سۆر دهێته هژمارتن، ل سالا 1937 ل ئۆزبكستانێ ژ دایكبوویه ول ژیێ 81 سالیێ وه‌غه‌ركریه. باوه‌رناما مافێ ژ زانكۆیا قیرغیزستان وه‌رگرتیه، هه‌روه‌سا سه‌رۆكێ باژێرڤانیا باژێرێ ئوش ل قیرغیزستان بوو، ل سالا 1991 كوردستانا سۆر دامه‌زراند وپشتى هه‌لوه‌شاندنا وێ به‌ر ب ئیتالیا مشه‌خت بوویه ول وێرێ ئاكنجى بوو، په‌رتۆكه‌ك ب ناڤێ (كوردستانا قه‌فقازێ) نڤیسى یه.
ل 19/4/2019 ل بروكسلا پایته‌ختێ به‌لجیكا وه‌غه‌ركریه.
ئەڤرۆ نیوز:
رێڤەبەرێ گشتی ل وەزارەتا بازرگانی و پیشەسازیا حوکمەتا ھەرێما کوردستانێ دیارکر بۆ راگرتنا بازرگانیێ دگەل وەلاتێ ئیرانێ ئەو چاڤەرێ بریارا بەغدا نە.
زێدەتر نەوزاد ئەدھەم دیارکر داکو پابەندی بریارا سزایێن دارایی یێن ئەمریکا ل سەر ئیرانێ دا سەپاندین بين ئەو چاڤەرێ بریارا حوکمەتا عیراقێ دکەن و ھەر دەمێ بریار دا رابگرین ل وی دەمێ دێ کارێ پێدڤی ئەنجام دەین.
ناڤھاتی زێدەتر گۆت: ژ بەر ئەو قەیرانا دارایی ل وەلاتێ ئیرانێ روودای ئینانا کەلوپەلان ژ وەلاتێ ئیرانێ بۆ ھەرێما کوردستانێ کێم بوویە ژ بەر پێدڤیا زێدە یا نافخویا ئیرانێ و سەرەرای راگرتنا بازرگانیێ دگەل ئیرانێ ژی چو کارتێکرنا خوە ل سەر ھەرێمێ نابیت ژ بەرکو مە رێیێن پێگوھور ھەنە.
ئەڤرۆ نیوز:
ئەڤرۆ رۆژا ئەینی ل دەمێ سپێدی ١٠-٥-٢٠١٩ ل ناف سەنتەرێ قەزا ئاکرێ ل نزیک سەرێ گری ترومبیلەک وەرگەریا و چو زیانێن گیانی نەبوون.
موقەدەم ئازاد تاھا بەرپرسێ راگەھاندنا ھاتن و چوونا پارێزگەھا دھۆکێ دیارکر کو ئەڤ رۆدانە ئەڤرۆ ل رۆژا ئەینی ل دەمژمێر ١١:٢٥ سپێدێ ل سەنتەرێ قەزا ئاکرێ پەیدابوویە دەمێ ترومبیلەک ژبن کونترولا شوفێری وەرگەریای، لێ خوشبەخاتە چو زیانێن گیانی نەبوون تنێ زیانێن مادی بەر ب ترومبیلێ کەفت.
ئەڤرۆ نیوز:
ئەڤرۆ سەرۆک مەسعود بارزانی پێشوازی ل شاندەکێ بالا یێ ئەمریکا کر کو پێکهاتبوون ژ دێیڤید ساترفیلد جێگرێ وەزیرێ دەرڤە یێ ئەمریکا بۆ کاروبارێن رۆژهەلاتا ناڤین ب وەکالەت و جەنەرال پاول لاکامێرا بەرپرسێ ئۆپەراسیۆنێن ل دژی داعشێ و بالیۆزێ ئەمریکا ل عیراقێ ژی د ناڤ شاندێ ئەمریکا دا جه گرتبوو.
د هەڤدیتنێ دا بەحسێ گوهۆرینێن دووماهیێ ل عیراقێ و کوردستانێ هاتنە کرن و شاندێ ئەمریکا کەیفخوەشیا خوە بۆ باشبوونا پەیوەندیێن هەرێما کوردستانێ و عیراقێ دیار کرن، شەرێ ل دژی داعشێ و مەترسیا وێ ل سەر عیراقێ و دەڤەرێ ب گشتی ژی تەوەرەکا دی یا هەڤدیتنا سەرۆک بارزانی و شاندێ ئەمریکی بوو.
نيشاندان