ئەڤرۆ نیوز، عەلی حاجی :
گەنجەكێ باژێرێ زاخۆ ب ناڤێ (فێسەل سندی) ب هەڤكاری دگەل دو هەڤالێن خوە بۆ جەژنا رەمەزانا پیروز جلك بۆ زێدەتری 300 زارۆیان ل پارێزگەها دهوكێ دابینكرن وەك كارەكێ خێرخوازی .
فێسەل سندی، بۆ ئەڤرۆ نیوز دیار كر رەمەزانا بوری ژی مە جلك بۆ 500 زارۆیان دابین كربوون ، د بەرنامەیێ مە دا یه بۆ ڤێ جەژنێ ژی هژمارا زارۆیان زێدە بكەین بۆ 1000 زارۆیان، بەلێ مە ب فەر دیت سەرەدانا سەنگەرێن هێزێن پێشمەرگەیی بكەین و ب رێیا وان سەرەدانا ژی مە 3 جارا خوارن و شریناهی بۆ هێزێن پێشمەرگەی دابینكر و دێ بەردەوام ژی بین ل سەر سەرەدانێن پیَِشمەرگەی ، لەروا هەتا نوكە ژی مە بۆ 300 زارۆیان جلك بۆ ڤێ جەژنێ ئامادەكرینە وەكو كارەك خێرخوازی ب پشكداریا دو هەڤالێن دی مە گۆژمهكێ پارەی كومڤە كر و ئەو كارێ خێرخوازی ئەنجامدا و ئەڤە بۆ دهمێ 3 سالە ل دووڤ ئێك رادبین ب ئەنجامدانا ڤی كاری .
ناڤهاتی گوت ژی : ئەو كارێ خێرخوازی مە كرە سێ قوناغ و ئەو زارۆیێن مە جلك بۆ وان دابینكرین زارۆیێن شەهیدا و پێشمەرگە و دەست كورت بوون ، ئەو زارۆیە نەبتنێ خەلكێ زاخۆ بوون، بەلكو زارۆیێن ههموو پارێزگەها دهوكێ بوون ،زێدەباری وێ چەندێ ژی بۆ زێدەتری 50 ژنێن خێزانێن شەهید و پێشمەرگەیان و دەست كورتان جلك و ههموو پێدڤی بۆ وان دابین كرینە و دێ بەردەوام بین ل سەر ڤێ چەندێ وەكو كارەكێ خێرخوازی ،ئەم ڤی كاری خێرخوازی بتنێ ل سوشیال مێدیایێ بەلاڤ دكەین دا كو هندەك كەسانێن دی چاڤ ل مە بكەن و هاریكاریا بەلاڤ بكەن.
ئەڤرۆ نیوز:
ئەڤرۆ رۆژا شەمبی ١-٦-٢٠١٩ ژلایێ چەند کەسێن نە ناسیار ڤە ل چەند جھێن دەوروبەرێن باژێرێ کەرکووکێ بەرھەمێ گەنمێ جوتیارێن کورد ھاتە سوتن.
عەمید ئدریس رەفعەت رێڤەبەرێ ئاسایشا کەرکووکێ راگەھاند ئەڤرۆ رۆژا شەمبی رێکەفتی ١-٦-٢٠١٩ ژلایێ چەند کەسێن نەناسیار ڤە بەرھەمێ گەنمێ جوتیارێن کورد ھاتە سوتن ل ھەردو گوندێن (کومبتلر و قرھتبە) ل دەروبەرێ باژێرێ کەرکووکێ لنزیک توزخورماتوو دیسان ل نزیک قەزا دوبز ژی نزیکی ١٣ دونەمێن گەنمی ھاتینە سوتن.
ھەژی گۆتنێ یە ماوێ چەند رۆژایە بەردەوام بەرھەمێ گەنمی یێن جوتیارێن کورد ل دەڤەرێن کوردستانی یێن دەرڤەی ئیدارا ھەرێمێ دھێنە سوتن ژلایێ چەند کەسێن نەناسیار ڤە.
ئەڤرۆ نيوز:
بریارە ئەڤرۆ رۆژا شەمبی ل دەمژمێر ١٠ شەڤ ل دووڤ دەمێ ھەرێما کوردستانێ یاریا دووماھیا قارەمانیا ئوروپا قارەمانێن خولان د ناڤبەرا ھەردو یانێن ئنگلیزی لێڤەرپوول و توتنھام دا بھێتە کرن، د وێ یاریێ دا ئەوا دێ ل یاریگەھا واندا میتروپولیتانو ل مەدریدا پایتەختێ ئسپانیا کو دبیتە جارا پێنجێ پایتەخێ ئسپانیا مێڤانداریا یاریا دووماھیا ڤێ قارەمانیێ دکەت، دەربارەی ڤێ یاریێ و مێژوویا وێ و چەندین زانیاریێن گرنگ د ڤێ راپورتێ دا دێ بۆ خواندەڤانێن خوە یێن رۆژناما ئەڤرۆ دیارکەین.
* دادڤانێن ڤێ یاریێ:
ئێکەتیا تەپا پێ یا ئوروپا یوێفا دادڤانێ سلوڤینی دامیر سکومینا راسپاردیە داکو دادڤانیا ڤێ یاریێ بکەت کو ژ سالا ٢٠٠٢ وەرە بوویە دادڤانێ نێڤدەولەتی، ب ھاریکاریا ھەر ئێک ژ یوری برابروتنیک و روبرت ڤوکان، دیسان دادڤانێ چارێ ژی دێ یێ ئسپانی ماتیو لاھوز بیت، دیسان کونترولا ژورا تەکنولوژیا ڤیدیویی VAR دێ ب سەرپەرشتیا دادڤانێ ھولەندی دانی ماکیلی بیت کو دبیتە جارا ئێکێ ئەڤ تەکنولوژیا یە د یاریا دووماھیا چامپیونزلیگێ دا دھێتە بکارئینان، ھەژی گۆتنێ یە دادڤانێ ڤێ یاریێ سکومینا بەری نوکە د وەرزێ ئەڤ سالە دا چار یاری برێڤەبرینە و یاریا دووماھیا یوروپا لیگا ٢٠١٧ ژی کریە دەمێ یانا مانچستەر یونایتد ئەڤ ناسناڤە دەستڤەئینای.
* سێربەندیا یانێن ئسپانی و گرێیا بەردەوام:
پشتی چەرخێ ٢١ ژ سالا ٢٠٠١ وەرە دەسپێکری یانێن ئسپانی بریێا ھەردو جەمسەرێن خوە کونترولا زوربەیا ڤێ قارەمانیێ کریە تایبەت د گەھشتنا یاریا دوماھیێ دا و یانێن ئسپانی شیاینە نەە جاران شیاینە ناسناڤێ چامپیونزلیگێ دەستخوە ڤە بینن برێیا ریال مەدرید پێنج ناسناڤ و بەرشەلونا ژی چار ناسناڤ ژ سەرجەمێ ١٨ قارەمانیێن چەرخێ ٢١ وەرە، بەرامبەر یانێن ئنگلیزی و ئیتالی نەشیاینە گرێیا خوسارەتیێن خوە یێن بەردەوام د یاریێن دووماھیێ دا ب دووماھیێ بینن ل سەر دەستێ ھەردو جەمسەرێن ئسپانی ریال مەدرید و بەرشەلونا بوویە ژ دەسپێکا سالا ٢٠٠١ وەرە وەک یانێن مانچستەر یونایتد دو جاران و ئارسنال جارەکێ ل سەر دەستێ یانا کەتالونی ناسناڤ ژدەستدایە، بەرامبەر یانا مەلەکی ژی ل سەر کیستێ یانا لێڤەرپوول چامپیونزلیگ دەستڤەئینایە ل سالا بوری ٢٠١٨، دیسان یانا یوڤانتوس ژی دو جاران ل ماوێ بوری گەھشتیە یاریا دووماھیێ لێ ٢٠١٥ دگەل بەرشەلونا ناسناڤ ژدەست دا و ٢٠١٧ ژی یانا مەلەکی بۆ رێگر و نەھێلا ڤی ناسناڤی دەستڤە بینت کو ژ سالا ١٩٩٦ وەرە یانا خانما پیر ئەڤ ناسناڤە دەستڤە نەئینایە.
* مێژوویا گەھشتنا یاریێن دوماھیێ
د مێژوویا خوە دا جارا ئێکێ یە یانا توتنھام دگەھیتە یاریا دووماھیا قارەمانیا چامپیونزلیگێ ، بەرامبەر یانا لێڤەرپوول نەە جاران گەھشتیە یاریا دووماھیا قارەمانیێ و پێنج جاران ئەڤ ناسناڤێ ئوروپی دەستخوە ڤە ئینایە وجارا دویێ یە ل دووڤ ئێک ژی دگەھیتە یاریا دووماھیێ پشتی سالا بوری تووشی خوسارەتیێ بووی ل سەر دەستێ یانا ریال مەدرید یا ئسپانی.
*ئاستەنگێن گەھشتنا یاریا دووماھیێ
چەندین نێزیکبوون ناڤبەرا ھەردو تیمان دا ھەیە ل دور رێیا گەھشتنا یاریا دووماھیا قارەمانیێ بۆ نموونە، ھەردو یانێن لێڤەرپوول و توتنھام ب سەرکەفتنێن دراماتیکی و ریمونتادایا ب زەحمەتەکا مەزن ھەتا گەھشتینە یاریا دووماھیێ، یانا لێڤەرپوول د قوناغا کومان دا یا قارەمانیا چامپیونزلیگێ ل دەسپێکێ شیا سەرکەفتنێ ل سەر یانا پاریس سان جێرمان و رێد ستار یا سربی توماربکەت پاش تووشی سێ خوسارەتیان بوو ل سەر دەستێ ناپولی یا ئیتالی و رێدستار یا سربی و پاریس سان جێرمان یا فرەنسی و ل دووماھی یاری یا قوناغا کومان شیا سەرکەفتنێ ل سەر یانا ناپولی توماربکەت ب گۆلەکێ بێ بەرامبەر ب جوداھیا گۆلان وەک تیما دویێ ژ کوما خوە دەربازی قوناغا شازدێ بوو، بەرامبەر یانا توتنھام یاریا خوە یا ئێکێ یا ژ ھەمان قوناغ توشی خوسارەتیێ بوو دگەل یانا ئەنترمیلان پاش دگەل یانا بەرشەلونا ژی ب چار گۆلان و رێیا دەربازبونا وێ ب زەحمەت کەفت پاش شیا چار خالان دگەل یانێن ئایندھوڤن یا ھولەندی دەستڤەبینت و سەرکەفتنێ ل سەر یانا ئەنترمیلان توماربکەت و ل دووماھیێ شیا ب جوداھیا گۆلان ژ یانا ئەنتر دەربازی بیت کو ھەتا دووماھی گەر یانا ئەنتر یا بەربژێر بوو بگەھیتە قوناغا شازدێ پشتی ھەردو تیما حەفت خال کومکرین یانا توتنھام ژی ب ھەمان شێوە ل سەر کیستێ یانا ئیتالی ب جوداھیا گۆلان دەربازبوو.
دیسان د قوناغا ھەشتێ یا ڤێ قارەمانیێ دا ھەردو یانێن ئنگلیزی کەفتنە بەر ئاستەنگێن یانێن ئەلمانی و لێڤەرپوول شیا خوە ژ دەستێ یانا بایرن میونخ قورتال بکەت پشتی د یاریا ئێکێ دا وەکھەڤ بوین و د یاریا دویێ دا ژی ل یاریگەھا ئەلیانز ئەرینا حنێرەک کری و سەرکەفتن ب دو گۆلان بێ بەرامبەر ل سەر یانا باڤاری تومارکری و توتنھام ژی ب زەحمەتەکا مەزن خوە ژ دەستێ یانا بروسیا دورتموند دەرکر ھەتا گەھشتیە قوناغا چارێک دووماھیێ، لێ د قوناغا پێش دووماھیێ دا ھەردو یانێن لێڤەرپوول و توتنھام شیان ب سەرکەفتنێن دراماتیکی و تومارکرنا ریمونتادایێ ل سەر یانێن بەرشەلونا یا ئسپانی و ئەیاکس ئەمستردام یا ھولەندی بگەھنە یاریا دووماھیێ قارەمانیا ئوروپا قارەمانێت خولان.
*داخویانیێن ھەردو یانا
دەربارەی یاریا دووماھیا قارەمانیێ ھێرشبەرێ یانا توتنھام ھاری کین دیارکر سەرکەفتنا یانا وی بۆ یاریا دووماھیێ بۆ جارا ئێکێ د دیروکا یانێ دا ژ پلانا کارگێری و یا راھێنەرێ یانێ ماوریسیو پوکیتینو ھاتیە و دەستڤەئینانا ناسناڤێ قارەمانیێ وەک خەلاتەکی یە بۆ وی کارێ ھاتیە دارشتن کو ژ سالا ٢٠١٤ وەرە کار ل سەر ڤێ چەندێ دکەن و یانا توتنھام ھاتیە گۆھۆرین بۆ یانەکا زلھێزا ئوروپا.
ژ لایێ خوە ڤە ماوریسیو پوکیتینو راھێنەرێ یانا توتنھام دیارکر ئەوان باش کار بۆ ڤێ یاریێ کریە و تنێ ئارمانجا وان سەرکەفتنە دێ ب ھەموو شیانێن خوە بۆ ناسناڤی تەرخانکەین ژبەرکو یاریا دووماھیێ و چارەنڤیسیی یە و قەرەبوویا وێ نینە، ناڤھاتی ئەو چەندە ژی دیارکر وی خاندنەکا باش بۆ یانا لێڤەرپوول کریە و شێوازێ یاریا وان و نەخشەکێ باش وی بەرھەڤ کریە داکو بەرسنگێ ھێزا ڤێ تیمێ بگرین ژ بەرکو د خولێ دا دو یاریان دا ل وەرزێ بوری یانا لێڤەرپوول سەرکەفتن تومارکریە ل سەر یانا وان لی ئەڤ چەندە نابیتە پیڤەر کو دێ یاریا دوماھیێ ژی سەرکەفتنێ ل سەر یانا توتنھام تومارکەنەڤە.
ژلایێ خوە ڤە راھێنەرێ یانا لێڤەرپوول یورگن کلوپ د کونگرێ رۆژنامەڤانی دا دیارکر ئەو د بەرھەڤن بۆ ئەنجامدانا یاریا دووماھیا قارەمانیا ئوروپا بەرامبەر یانا توتنھام ب ھەمان سیناریویا سالا بوری دەمێ ستێرا یانێ یێ مسری محەمەد سەلاح تووشی ھنگافتنێ بووی، دیسان ئەو ژ لایێ دەروونی و تەکتیکی کار دکەن بۆ ھەر روودانەکا ژ نشکەکێ ڤە پەیدادبیت د یاریێ دا وەک یا سالا بوری دەمێ ستێرا تیمێ یێ مسری سەلاح تووشی ھنگافتنێ بووی و دێ کارکەین کارتێکرنا خوە ل سەر دەرونێ یاریزانان نەکەت ئەڤ روودانێن ڤی شێوەی سەرەرای چەندین یاری بێ ستێرێن خوە کرینە وشیاینە سەرکەفتنێ توماربکەین لەورا چو کێماسی د پێکھاتیێ تیمێ دا نینن و دەربارەی ھنگافتنا ھێرشبەرێ بەرازیلی فێرمینھوی ژی پێدڤی یە ئەو یێ بەرھەڤ بیت و پشکداری ل ماوێ بوری د راھێنانێن سڤک دا کریە لێ بەرھەڤیا وی دێ نوشدارێن تیمێ و راھێنەرێ ھێزا لەشی بەری یاریێ ئێکلا کەن لێ ھەر شێوەکێ بیت شوینگرێ ڤی یاریزانی شێردان شاکیری زێدەباری دیڤوک ئوریجی ژی د بەرھەڤن و بەری نوکە شیاینە ئاستەکێ باش پێشکێش بکەن و رولەکێ مەزن ھەبوو دگەھشتنا یاریا دووماھیێ دا.
*گرنگیا ناسناڤی بۆ ھەردو یانا
ژ لایەکی دی دەستڤەئینانا ناسناڤێ ڤێ قارەمانیێ ژ لایێ یاریزانێن ھەردو تیمان ڤە دێ پاشەرۆژا یاریزانێن توتنھام و لێڤەرپوول د بازارێ ڤەگوھاستنێن ڤێ ھاڤینێ دا گەرم کەت تایبەت یانێن ریال مەدرید و بەرشەلونا نوکە کاردکەن بۆ رێکخستنا رێزێن خوە.
ئهڤرۆ نيوز:
مهكتهبا سياسى يا پارتى ديموكراتى كوردستان ئهڤرۆ ئهينيێ 31/5/2019 ب ههلكهفتا ساليادا دامهزراندنا ئێكهتى نيشتمانى كوردستان، پهيامهكا پيرۆزباهيێ ئاراستهى مهكتهبا سياسى يا ئێكهتيێ كر.
د پهياما پارتى دا هاتيه” ههرێما كوردستانێ وعيراق ودهڤهر ب گشتى د رهوشهكا ههستيار وپر گورانكارى دايه، لهوما ئهركى ههموو هێز ولايهنێن نيشتمانپهروهر ملێ خوه بدهينه بهرپرسيارهتيا قۆناغێ وپاشهرۆژێ وچارهنڤيسێ گهل ونهتهوه وبهرژهوهنديێن بلند يێن كوردستانێ ل سهر ههموو تشتهكى بن”.
ل دووماهيا پهيامێ هاتيه” ئومێدهوارين ئهڤ ههلكهفته هاندهرا ئێكدهستى وتهباييا ناڤخوهيى يا حزبا ههوه يا خهباتكهر وهێڤێنێ زێدهتر ئێك گوتارا سياسى وههڤپهيمانيا راستهقينه وكارێ ههڤپشك يێ ههموو هێز ولايهنێن سياسى ژى بيت بۆ ب هيزكرنا پايهيێن ئهزمونا خوه وپاراستن وبدهستڤهئينانا دهستكهفتێن زێدهتر بۆ گهلێ مه”.
ئهڤرۆ نيوز:
گوڤارهكا ئهمريكى پێشبينيا زڤرينا داعشێ دكهت وبهلاڤكر كو داعشێ جارهكادى دێ بيته گهف ل سهر عيراقێ.
گوڤارا Foreign Policy يا ئهمريكى بهلاڤكر” رێكخراوا داعش يا تيرۆريتى جارهكادى زڤريهڤه ونوكه گهفان ل سهر عيراقێ دروست دكهت، ئهڤه ژى د دهمهكى دايه هێزێن ئهمنى بزاڤا ژ ناڤبرنا وێ دكهن”.
بهلاڤكر ژى” داعشێ يا دهست ب زڤرينێ بۆ عيراقێ كرى، يان ژى يا بزاڤا زڤرينێ دكهت” ديسا دياركر” پشتى كهفتنا باژێركێ باغۆز كو دووماهى بنگههێ داعشێ بوو ل سووريێ ل ههيڤا ئادارا بۆرى، گۆمانا وێ چهندێ يا ههى كو ب كێمى هزار چهكدارێن داعشێ بۆ ناڤ ئاخا عيراقێ زڤرى بن”.
ئاماژه كر ژى كو گهلهك چهكدارێن داعشێ د وان تۆنێلان دا دژين كو وان ب خوه كولا بوون وخوارن وجلك تێدا كرمكربوو.
ئەڤرۆ نیوز:
لیژنا دووڤچوونا بازاری ب سەرپەرشتی و ئامادەبونا جەھوەر عەلی قائیمقامێ قەزا دھوکێ و ھژمارەکا رێڤەبەرێن حکومی سەرەدانا بازارێ دھوکێ کرن.
دڤێ دووڤچوونێ دا ، ژ نێزیک ھایداری رەوشا بازاری بوون.
جەھوەر عەلی قائیمقامێ قەزا دھوکێ ئاشکراکر ل دەستپێکا رەمەزانێ حەتا ئەڤرو ۱۸٦ ھوشداری بو جھێن جودا ھاتینە دان و ۳٤ جهـ ھاتینە داخستن و ۱۰۸ جھێن جودا ھاتینە سزادان ب گوژمێ پتر ژ ۲۰ ملیون دیناران وگوتژی ل ماوێ ڤان بیست و پێنج روژێن رەمەزانێ دا ۱۲ تەنێن کەرستێن خوارنێ ھاتینە ژنافبرن.
ئەڤرۆ نیوز، رێوار مزیری:
نوونەرەکێ جڤاکێ مەدەنی ل پارێزگەها دهۆکێ بۆ ئەڤرۆ نیۆز دیار کر کو ژ بەر بێ هەلویستیا حوکمەتێ هەمبەر خودانێن موەلیدان کو وان زانی غەدر یا ل وەلاتیێن پارێزگەها دهۆکێ دهێتەکرن ئەڤرۆ رۆژا 30/5/2019 نوونەرێن جڤاکێ مەدەنی خۆ ژ کۆمبوونا لیژنا موەلیدان ڤەکێشا.
کاوە عەبدولعەزیز، نوونەرێ جڤاکێ مەدەنی ل پارێزگەها دهۆکێ دیار کر کو وەکو فشارەکا نەرازیبوونێ ل سەر کار و بهایێ کارەبا موەلیدان ل سنوورێ پارێزگەها دهۆکێ، وان وەکو نوونەرێن جڤاکێ مەدەنی کۆمبوونا هەیڤانە یا موەلیدان بۆ ڤێ هەیڤێ بجھ هێلا و بایکوت کر پشتی بۆ وان دوپات بووی کو غەدر یا ل خەلکێ دهۆکێ دهێتەکرن ژبەر چەندین ئەگەران و گۆت: “ژ وان ئەگەران (بهایێ ئەمپێرێ کارەبێ 5000 دینارن، 4500 بهایێ ڤێ هەیڤێ و 500 دینار وەکو قەرەبوویا خودانێن موەلیدان، ئەڤ بهایە ژی زۆرە و پێدڤی بوو حوکمەتێ قەرێن بەرێ یێن موەلیدان دابان نەکو خەلکی، هەروەسا ل هەیڤا بۆری و بۆ ڤێ هەیڤێ ژی مە بهایێ گازا ژ هەمیان باشتر بۆ خودانێن موەلیدان حساب کریە، پشتی دووڤچوونێ بۆ مە دیاربوو 97% خودانێن موەلیدا گازا ئەرزان و پیس ب کار دئینن. ئەڤە ژی کارتێکرنێ ل ژینگەهێ و پەیدابوونا ئێشێن پەنجەشێرێ دکەت”.
ناڤهاتی ئاماژە دا وێ چەندێ کو ل هەیڤێن بۆری حوکمەتێ هندەک بهایێ کارەبێ ژ پێش خەلکێ ڤە کربوو بەهرا خوە، لێ مخابن ڤێ هەیڤێ هندەک ژ وی قەرێ بەرێ ل سەر وەلاتی هاتیە سەپاندن و ئەڤە ژی دگەل رەوشا ئابووری یا خەلکێ ناگونجیت، هەروەسا ڤولتیا کارەبا هندەک موەلیدان زۆر یا لاوازە و نە ل ئاستێ پێدڤی و ستاندارتە و گۆت: “هندەک موەلیدە بەردەوام هەلکرنا کارەبێ گیروو دکەن پشتی کارەبا نیشتیمانی دچیت”.
ئهڤرۆ نيوز:
سهرۆك مهسعود بارزانى ئهڤرۆ پێنجشهمبى 30/5/2019 پهيامهك بهلاڤكر وتێدا بهحسێ وێ ستهم ونهههقيان كر كو ل دهڤهرێن كوردستانى يێن دهرڤهى ئيدارا ههرێما كوردستانێ بهرامبهر كوردان دهێته ئهنجامدان.
د وێ پهيامێ دا، سهرۆك بارزانى ئاماژه ب وێ چهندێ كر كو سوتنا دهخل ودانێ وهلاتيێن كورد ل دهڤهرێن مادێ 140 وكوشتن وئازاردان وبرينداركرنا خهلكێ كورد ل وان دهڤهران كو دهمهكه بوويه ديارده ورۆژانه دهێته ئهنجامدان، تاوانهكا مهزنه وستهمهكا ئاشكرايه ل وهلاتيێن بێتاوانێن كورد دهێته كرن.
دياركر ژى” ئهوا ل وان دهڤهران دهێته ئهنجامدان، پێشێلكرنا قانوونێ ودستوورى وبهايێن مرۆڤايهتيێ يه وزهنگێ مهترسيێ يه ژى بۆ ژيانا خهلكى وداهاتيێ وان دهڤهران، ئهڤ ستهما كو رۆژانه دهێته كرن، سزادانا خهلكى يه ل سهر ناسناما نهتهوى”.
سهرۆك بارزانى د پهياما خوه دا راگههاند كو سهپاندنا وێ رهوشێ ل سهر جوتيار وخهلكێ سڤێلێ وان دهڤهران ب چو شێوهكى جهێ قهبوولكرنێ نينه وپێدڤيه جڤاكێ نێڤدهولهتى ولايهنێن پهيوهنديدار ل سهر وێ رهوشا نالهبار بهێنه دهنگ وپێدڤيه حوكمهتا عيراقێ ژى بهرپرسيارهتيێ ههلبگريت ودووماهيێ ب وێ ستهمێ وقانوون شكێنيێ بينيت كو ل دهڤهرێن كوردستانى يێن دهرڤهى ئيدارا ههرێما كوردستانێ دژى وهلاتيێن كورد دهێته ئهنجامدان”.
نيشاندان