ئەڤرۆ نیوز،رەمەزان هەرنی:
ل هەرێما كوردستانێ رۆژانە چەندین كەس ب رودانێن هاتنو چوونێ گیانی َخوە ژ دەست ددەن و چەندین كەس بریندار و كێم ئەندام دبن ، ل هەڤیا رەمەزانێدا روژانە و جودا ل روژێن ئاسایی رودانێن ترافیكی دروست دبن .
یوسف بازیانی، سەروكێ رێكخراوا رەوشنبیری و رێ و بانا ل هەرێما كوردستانێ بۆ ئەڤرۆ نیوز راگەهاند : روژانێن ئاسایی و رەمەزانێ بەردەوام رودانێن جودا یێن هاتنو چوونێ دروست دبن ، بەلێ د هەیڤا رەمەزانێدا پتر ڤەدگەرێت بۆ وێ چەندی َكو شوفێر بۆ دەمێ نزیك پازدە دەمژمێرا و زێدەتر چۆ تشتا ناخو ت و ڤەخوت لەورا پتر هزرا خوە ل دەست ددەت و توشی رودانا دبیت .
گوت ژی : پتریا خەلكێ كوردستانێ ب شەڤ دهشیارن و ب روژ د نڤستی لەورا پتریا جارا ژ سەدەمێ برسی بۆنێ و نەنڤستنێ توشی رودانێن مەترسیدار دبن زیانێن گیانێ و ماددێ لپشت خوە دهێلن ،لەورا باشترە یان شوفێر مروڤەكێ نورمال و تێر خەو بیت و هزرا وی یا جێگربیت یان ژی ترومبێلێ نەهاژوت و پرانیا شوفێرا ژی ل هەیڤا رەمەزانێدا بلەزو تورەنەئەڤ چەندە ژی دبیتە سەدەمی رودانێن هاتنو چوونێ بلند بۆنا رێژا رودانا.
دیاركر : ل كوردستانێ ب گشتی نێزیك ئێك ملیون و 600 هزار ترومبێلا هاتینە توماركرن ل رێڤەبەریێن هاتنوچوونێ ، نوكە ئێك ملیون و 500 هزار كەس ل كوردستانێ شوفێرن و 168 هزارو 580 ژوان ئافرەتن و ئێك ملیون و 462 هزارو 271 كەس زەلامن ، رێژا مولەتێن هاژوتنێ پتر ژ 838 هزار كەسا مولەتا تایبەت هەیە و پتر ژ 769 هزار كەسا مولەتا گشتی ل هەرسێ پارێزگەهێن دهوك و هەولێرو سلێمانیێ 92 هزار 573 تەكسی هەنە، ل دهوكێ 18 هزار و 328 تەكسی هەنە ، هەولێرێ 42 هزار و 416 تەكسی ، سلێمانیێ 31 هزار و 819 تەكسی.
ل رەمەزانێ پتر روودانێن ترافیكى دروست دبن
نيشاندان