ئهڤرۆ نيوز:
رۆژێن ئێكشهمبى ودوشهمبى وسێشهمبى ژ حهفتيا داهاتى ب ههلكهفتا جهژنا قيامه بێهنڤهدانێن فهرمێ نه بۆ فهمانبهرێن مهسيحى ل ههرێما كوردستانێ.
ل حهفتيا داهاتى سێ رۆژان بێهنڤهدانه بۆ مهسيحيان
نووترين نووچه
- ژ بەر درۆنێن میلیشیایان، رەنگە هندەك وەلات ل جڤاتا ئاسایشێ سكالایێ ل دژی ئیراقێ تۆمار بكەن
- بایكۆتا مە بۆ راستكرنا پرۆسەیا سیاسییە، نەك ڤەكێشان ژ بەغدا
- پشكدارییا كوردان د سەرژمێرییا دەڤەرێن كوردستانی دا شاشیەكا مەزن بوو
- ناكۆكی د ناڤبەرا «چوارچۆڤەیێ هەماهەنگیێ» دا هەنە و بووینە دو بەرەیێن دژ ب ئێك
- ئیراق ب لۆژیكا «زۆرینە و كێمینە» بڕێڤە ناچیت
- هەكە پڕۆژە قانوونا سەربازییا ب زۆری بهێتە پەسەندكرن بجهئینانا وێ دێ یا ب زەحمەت بیت
- بەهی بۆ شەهیدێن رۆژهەلاتێ کوردستانێ هاتە دانان
- سەرۆك بارزانی پیرۆزباهیێ ل عەممار حەكیمی دكەت
- پێگیرین ب پێشئێخستنا ئارامییا دەڤەرێ و گەشەپێدان و ئاساییشا هەڤپشك
- هێرشێن بێ ئەگەر ل سەر كوردستانێ تەوەرێ گەرم یێ كۆڕبەندا ئەنتالیا بوو
سهرهكى نوچێن گرنگ
دیدارا شهدا یا رهوشهنبیرى هاته ئەنجامدان
ئەڤرۆ نیوز:
ل زانینگهها ئهمریكى یا كوردستان ل سێمێلێ وب ئامادهبونا فهرهاد ئهمین ئهتروشى پارێزگهرێ دهوكێ وچهند بهرپرسێن حزبى وئیدارى ئەڤرۆ دیدارا شهدا یا رهوشهنبیرى ئێك ژلایێ رێڤهبهریا گشتى یا رهوشهنبیرى وهونهرى دهوك ورێكخراوا كانیا سپى وب ههڤكارى دگهل زانینگهها ئهمریكى كوردستان وپشتهڤانیا پارێزگهها دهوكێ هاته سازكرن.
لبهراهیێ پهیڤا سهروكێ زانینگهها ئهمریكى یا كوردستان هاته خاندن وبخێر هاتنا ههموو مێهڤانان كر وسهركهفتن بو دیدارێ خواست.
پاش پارێزگهرێ دهوكێ پهیڤهك پێشكێشكر تێدا بناڤێ كارگێریا پارێزگههێ بخێر هاتنا مێهڤانێن دیدارێ كر ودهست خوشى ل وان ههموو لایهنان كر یێن دیدارا شهدا رێكخستى وتهكهزكر كو ئهڤ جوره دیداره زور دگرنگن بو گوهورین و پێشئێخستنا ههر جڤاكهكى چونكو ئهو كهسێن سمینارا ل ڤان دیدارا پێشكێشدكهن كهسانێن ئهكادیمى وشارهزانه دبوارێ كلتورى وموزیكێ وزمانێ كوردى وئارمانجا وان یا سهرهكى پهیداكرنا گوهورینێ یه د دوارێن جودا جودا وسهركهفتن بو بهرنامێن دیدارێ خواست.
پاش پهیڤا رێڤهبهریا گشتى یا رهوشهنبیرى وهونهرى ژلایێ ئهیوب رهمهزان هاته خاندن و ئارمانجێن دیدارێ بهرچاڤكرن وچهند پێشنیار ئاراستهى سازیێن ههرێما كوردستانێ كرن بو وێ یهكێ مفا ژێ بهێته وهرگرتن.
پاش دهست ب پهنهلێ ئێكێ یێ دیدارێ بناڤێ رهوشهنبیرى و وهرگوهاستنێن جڤاكى هاته كرن:
لبهراهیێ د.فازل عمر سمینارهك لبن ناڤێ ئالیسهنگیا مادى وهزرى ل جڤاكێن روژههلاتا ناڤین پێشكێشكر وپروفیسور( سابینێ رولبێرك) سمینارهك بناڤێ كلتور كارێ جڤاكى یێ سبهیه پێشكێشكر وپروفیسور( روت ئولشان) سمینارهك لبن ناڤێ فلم وهكو پارچهیهك ژپروسهیا چێكرنا ئاشتیێ پێشكێشكر.
پاش گهنگهشێن تێر وتهسهل ل سهر ههرسێ سمیناران هاتنه كرن.
ل دوڤدا بهرنامێن پهنهلێ دووێ لبن ناڤێ رهوشهنبیرى وناسنامه هاتنه ل دارخستن:
لبهراهیێ (د.پاول لیندرى ) سمینارهك بناڤێ رهوشهنبیرى وناسنامه پێشكێشكر وهونهرمهندعدنان كریم سمینارهك بناڤێ ستران وناسنامهیا نهتهوهیى پێشكێشكرو د.دلشاد محمد سعید سمینارهك بناڤێ موزیكا كوردى وناسنامهیا كوردى پێشكێشكر ، پاش دان وستاندن ل سهر ههرسێ بابهتان هاتنه كرن.
روژا 19-4-2019 دێ بهردهوامى ب بهرنامێن دیدارا شهدا هێته دان ول دهم ژمێر پێنجى ئێڤارى ل هولا دهوك مول فلمێ دهرهێنهر هونهر سلیم ل ژێر ناڤێ (كێ لیدى وینسلى كوشت) دێ هێته نمایشكرن.
ب وێنه – سهرۆكاتیا پهرلهمانێ كوردستانێ سهرەدانا مهزارێ نهمران کر
ئهڤرۆ نیوز، نهوزاد هلورى:
ب مهرهما نووكرنا سوز و پهیمانان و رێزگرتن له خهبات و قوربانیدانا بارزانى نهمر بۆ بزاڤا رزگاریخوازیا كوردستانێ، سهرۆكاتیا پهرلهمانێ كوردستانێ و فراكسوونا زهر ل پهرلهمانێ كوردستانێ سهرهدانا مهزارێ نهمران ل گوندێ بارزان كر و ژلایێ خهلات بارزانى نوونهرێ سهرۆك بارزانى هاته پێشوازیكرن.
دپهیڤهكێ دا سهرۆكاتیا پهرلهمانێ كوردستانێ بهحس له خهباتا بارزانى نهمر بۆ بزاڤا رزگاریخوازیا كوردستانێ كر كو ئهڤ ئازادیا نوكه تێدا بهرههمێ خهبات و قوربانیدانا وان و ههموو شههیدێن كوردستانێ یه، ل گهل ئاماژهكرن ب دووماهى گورانكاریێن نوكه ل كوردستانێ د بورن، ل داویێ تاجه گولینه دانایه سهر گورێ بارزانى نهمر و ئیدریسێ ههردهم ساخ.
ئەحمەد تورک داخوازەکێ ژ ئەردۆگانی دکەت
ئەڤرۆ نیوز:
ئەحمەد تورک هەڤسەرۆکێ باژێرڤانیا مەزن یا باژێرێ مێردینێ ل باکورێ کوردستانێ راگەهاند کو قەیومێ بەرێ نها دەولەتێ ب جهێ من کربوو سەرۆکێ باژێرڤانیا مێردینێ گەندەلیێن مەزن کرینە و مە هەموو گەندەلیێن وی ب بەلگە کۆمکرینە و دێ رادەستی سەرۆک کۆمارێ تورکیا کەین.
ناڤهاتی راگەهاند کو گەلەک کەس ل سەر بۆدجا باژێرڤانیێ هاتینە دامەزراندن و بێی کو چو کارەکێ بکەن مووچە وەردگرن و ل ئالیێ دی نها باژێرڤانیا مێردینی ب کۆژمێ ٦٢٠ ملیۆن لیرێن تورکیا قەردارە و د رەوشەکا وەسا دا ئەم نەشێین چو خزمەتەکێ پێشکێشی وەلاتیێن مێردینێ بکەین و گۆت: (من داخوازا هەڤدیتنەکێ ژ سەرۆک کۆمارێ تورکیا کریە و دڤێت سەرۆک کۆمار وەکو کەسێ ئێکێ یێ دەستهەلاتدار ل تورکیا دووڤچوونا گەندەلیێن قەیومان ل هەموو باژێرڤانیێن باکورێ کوردستانێ بکەت).
رۆژا جیھانیا ھیموفیلیا ھاتە ساخکرن
دھۆک، لەزگین جوقی:
رێڤەبەریا گشتی ساخلەمیا پارێزگەھا دھۆکێ ب ھەڤکاریا رێکخراوا ASB رۆژا جیھانیا ھیموفیلیا ل ھۆلا ساخلەمیا دھۆکێ ساخکر و تێدا ھژمارەکا نەخۆشان ھاتنە خەلاتکرن.
د. محهمەد سالح ب ناڤێ رێڤەبەریا ساخلەمیا دھۆکێ پەیڤەک پێشکیشکر و تێدا سوپاسیا رێکخراوا ASB كر بۆ پشتەڤانیا وان ژبۆ نەخۆشیێن ھیموفیلیا و دەستخوشی ل ھەموو لایەیان کر بۆ ئەنجامدانا چالاکیا ھیموفیلیا.
د. ئومێد عەدنان بەرپرسێ بەشی ھیموفیلیا ل سەنتەری ژین دیارکر کو ھیموفیلیا ئێک ژ نەخۆشین بەربوونا خوینا ماوەی یە کو سێ جۆرێن نەخۆشیا ھیموفیلیا ھەنە ئەوژی ژ جۆری A, B,C کو جۆری A کیمبوونا فاکتەری ھەشت و کیمبوونا فاکتەری نەھی ژی جۆری B یە و جۆرێ سیێ ژی ئانکو C کیمبوونا فاکتەرێ 11ێ یە ئەڤە فاکتەرێن لاشی مرۆڤێ نه رێ ل خوین بەربوونێ دگرن دەمێ دروست دبیت ھەکە ئەڤ فاکتەره دکێم بن دەمێ خوین بەربووین دروست بیت زوو راناوەستیت.
ئاشکەرا کرکو ل پارێزگەھا دھۆکێ چارەسەریا ھاتیە دابینکرن بۆ ڤان نەخۆشیان وسالانە ژی ھندەک حالەتیێن نوو پەێدابن ئەگەر ژی ژئینانا دناڤ کەس وکارێن نێزیکی دایە پتر ژ دایکی بۆ زارۆکێ دھێتە ڤەگوھاستن، ل سەرانسەری جیھانی 400 ھزار نەخۆشین ھیموفیلیا ھاتینە تۆمارکرن لدھۆکێ 142 نەخۆش ههنە ب ھەموو جۆرێن خوە ڤە ژوانا ژی 100 کەس ھیموفیلیا نە ئەوژی 85 نەخۆش ھەلگرێن جۆری A نە ژ نەخۆشیا ھیموفیلیا.
ھزرهت عهبدولا ژ کومەلا ھیموفیلیا ل دھۆکێ دیارکرکو ھەکە پشتەڤانیی ل کۆمەلا مە بھێتە کرن دێ ئەم شێین پلانان دانن بۆ باشتر خزمەتکرنا نەخۆشیێن ھیموفیلیا ژلایی مادی و مەعنەوی ڤە دابين كهين.
رزگاربوويێن ئێزدى يێن دهستێ داعش هاريكاريێن حوكمهتا عيراقێ وهردگرن
ئهڤرۆ نيوز:
ئهڤرۆ 18ى نيسانا 2019ێ وهزارهتا ناڤخۆ يا حوكمهتا ههرێما كوردستانێ و وهزارهتا كۆچ و كۆچبهران ل عيراقێ ل ههولێر هاريكارى ب سهر ژمارهكا كچ و ژنێن ئێزدى يێن رزگاربوويێن دهستێ داعش بهلاڤكر.
سامى جهلال، رێڤهبهرێ گشتى يێ وهزارهتا ناڤخۆ ل ههرێما كوردستانێ بۆ كوردستان 24 راگههاند كو وهزارهتا ناڤخۆ يا ههرێما كوردستانێ ب هاريكاريا وهزارهتا كۆچ و كۆچبهرێن عيراقێ شيان كۆژمهكێ هاريكاريێ بۆ كچ و ژنێن ئێزدى يێن رزگاربوويێن دهستێ داعش دابين بكهت.
گۆتژى: “لژنهكا بلند ل وهزارهتا ناڤخۆ بۆ ڤێ مهرهمێ هاتيه پێكئينان و ناڤێ نێزيكى سێ هزار و 200 كهسان دايه بهغدا رهزامهندى ل سهر ناڤێ 899 كهسان هاتيه دان و ناڤێن دژى ل بن هووربينيێ نه”.
حسێن قائيدى، بهرپرسێ نڤيسينگهها رهڤانديێن ئێزدى بۆ كوردستان 24 گۆت: “پرۆژه ب هاريكاريا وهزارهتا ناڤخۆ يا ههرێما كوردستانێ و وهزارهتا كۆچ و كۆچبهرێن عيراقێ يه بۆ هاريكاريا كچ و ژنێن رزگاربوويێن دهستێ داعشه و قووناغا ئێكێ هاريكاريا ژمارهكا رزگاربوويان هاتيه كرن و ههر ئێك ژ وان دو مليۆن دينار وهرگرتن، ب گۆرهى رێكهفتنێ ئهو هاريكارى دێ يا بهردهوام بيت و بزاڤ هێته كرن ئهو هاريكارى ههموو رزگاربوويێن دهستێ داعش ڤهگريت”.
هشيار زێبارى: حزبا دهعوه و تهڤگهرا حكمه بزاڤا ژناڤبرنا حوكمهتا عادل عهبدولمههدى دكهن
ئهڤرۆ نيوز:
ئهڤرۆ رۆژا پێنجشهمبى 18ى نيسانا 2019ێ هشيار زێبارى، ئهندامێ مهكتهبا سياسى يا پارتى ديموكراتى كوردستان و وهزيرێ بىرێ يێ دارايى ل عيراقێ د رێيا تويتهرى دا بزاڤا چهند لايهنان ئاشكهرا كر ژبۆ ژناڤبرنا حوكمهتا عادل عهبدولمههدى.
زێبارى هوشداريێ ددهت و دبێژيت: “حزبا دهعوه يا ئيسلامى و تهڤگهر حكمه دهست ب لڤينان كريه دا كو حوكمهتا عادل عهبدولمههدى ژ ناڤ ببهن و پێدڤيه ئهڤ بزاڤه بهێنه راگرتن”.
زێبارى د تويتهكى دا دبێژيت: “حزبا دهعوه يا ئيسلامى پلانان دادرێژيت دا كو بێته رێزبهنديا ئێكێ يا ديدارێن سياسى و ڤهگهريته سهر سهكۆيا بڕياردانێ، بۆ وێ مهرهمێ ژى تهڤگهرا حكمه يا عهمار حهكيم هاريكاريا وێ چهندێ دكهت عادل عهبدولمههدى ل سهر دهستهلاتێ نهمينيت”.
ههروهسا نڤيسيه: “ئهو لڤينه ل پشت وێ چهندێ يه، دهنگدهرێن عيراقێ د ههلبژارتنێن سالا 2018ێ دا سزاداين و ب دهنگهكێ بلند و ب دژوارى گۆتى كو پێدڤيه بهێنه راوهستاندن چونكو چو تشتهكێ نوو ڤێ نينه بۆ عيراقيان و ئهڤا هاتيه كرن دووباره نابيت”.
وهزارهتا پێشمهرگه داخوازا 17% ژ چهكێ لهشكرێ عیراقێ دكهت
ئهڤرۆ نیوز:
وهزارهتا پێشمهرگه راگههاند، ههرێما كوردستانێ داخوازا بههرا چهك وتهقهمهنیێن خوه ژ لهشكرێ عیراقێ دكهت وپێدڤیه ل دووڤ دستوورى ئهو بابهته بهێته ئێكلاكرن.
لیوا (بابهكر فهقێ) رێڤهبهرێ راگههاندن ورهوشهنبیرى یا وهزارهتا پێشمهرگه گۆت” ل دۆر چهكى لژنهكا تایبهت د ناڤبهرا ههولێرێ وبهغدا هاتیه پێكئینان ولژنهكا بلند یا ههى بۆ سهرهدانا حوكمهتا عیراقێ، ل رۆژا دوشهمبیا بۆرى كۆمبوونهك هاته ئهنجامدان وكۆمبوون ژى بۆ لێكتێگههشتنێ ل سهر ههموو بابهتان ل گهل بهغدا دێ د بهردهوام بن”.
فهقێ زێدهتر بۆ مالپهرێ فهرميێ پارتى ديموكراتى كوردستان گۆت” وهزارهتا پێشمهرگه ب پلا ئێكێ كار ل سهر بودجێ كر وچهسپاند، ئهوێن دى ژى قۆناغ ب قۆناغ دێ كار ل سهر هیته كرن، چونكى پێشمهرگه پشكهكه ژ چارچۆڤێ سیستهمێ ئهمنى یێ عیراقێ، ئهو ئیمتیازاتێن ب لهشكرێ عیراقێ دهێنه دان، پێدڤیه ژ پێشمهرگهى ژى بگرن، بهلێ مخابن ژ ئهگهرێ وێ ناكۆكى ورێكنهكهفتنا بهغدا وههولێرێ نههاتیه كرن”.
دیاركر” بۆ پاشهرۆژێ پێشمهرگه دێ داخوازا بههرا چهكى وتهقهمهنیێن خوه ژ حوكمهتا عیراقێ كهت ول دووڤ دستوورێ عیراقێ، پێدڤیه 17% ژ چهك وتهقهمهنى وبودجهیا لهشكرێ عیراقێ ب پێشمهرگهى بهێته دان، لهوما ئهم داخوازا وێ بههرا خوه دكهین”.
پهیڤدارێ پارتی ئهگهرێ گیرۆبوونا پێكئینانا حوكمهتێ ئاشكرا دكهت
ئهڤرۆ نیوز:
پهیڤدارێ پارتى دیموكراتى كوردستان راگههاند، ههر ل دهستپێكا ب دووماهى هاتنا پرۆسا ههلبژارتنان مه بزاڤ كریه ل گهل ههموو لایهنان دانوستاندنێ بكهین بۆ پێكئینانا حوكمهتێ.
مهحمودمحهمهد، ئهندامێ مهكتهبا سیاسى وپهیڤدارێ فهرمى یێ پارتى بۆ كوردستان تى ڤى گۆت” كێشا گیرۆبوونا پێكئینانا حوكمهتا ههرێمێ تنێ ل سهر ئێك جێگر یان دو جێگر بۆ سهرۆكێ ههرێما كوردستانێ یا ماى ول دهف پارتى ئێك جێگر یان دو جێگر كێشه نینه”.
گۆت ژى” سهرهدانا لایهنێن سیاسى بۆ پێكئینانا حوكمهتێ یا ب دووماهى هاتى و د دهمهكێ نێزیك دا ئهڤ كێشه ژى دێ هێته چارهكرن”.
پهیڤدارێ پارتى گۆت ژى” ب راستى خهلكێ حهقه نیگهران بیت ژبهركو پێكئینانا حوكمهتێ یا گیرۆبووى، مه ل 30/9/2018ههلبژارتن یێن ئهنجامداین وخهلك یێ چوویه سهر سندووقان ودهنگێ خوه یێ داى وباوهریا خوه یا دایه وى لایهنێ وى پێ باش”.
خویاكر” نوكه ئهم ل گهل بزاڤا گۆران یێن گههشتینه رێككهفتنێ ول گهل ئێكهتیێ ژى یێن گههشتینه رێككهفتنێ، كێشا كو ماى وههموو خهلكێ كوردستانێ ژى دزانیت ل سهر وێ چهندێ یه سهرۆكێ ههرێمێ ئێك جێگر ههبیت یان دو جێگر ههبن، ل دهف مه وهكو پارتى دیموكراتى كوردستان چ ئێك جێگر یان دو جێگر ههبن چو كێشه مه نینه، بهلێ بزاڤێن مه بۆ وێ چهندێ ههموو تشت ب دانوستاندن بیت وئهم دخوازین پێكڤه كاركرن ههبیت.
وهزارهتا دارايى بريارهكا نوو دهردكهت
ئهڤرۆ نيوز:
وهزارهتا دارايى وئابوورى ل ههرێما كوردستانێ ل دۆر رێژا داهاتێ تاقيگههێن پيشهسازى يێن ب سهر وهزارهتا ئاڤهدانكرنێ بريارهك دهركر.
ل دووڤ نڤيسارهكا وهزارهتا دارايى كو ئيمزايا رێباز حهملان وهزيرێ دارايى ل سهره، تێدا هاتيه” پالپشت ب نڤيسارا سهرۆكاتيا جڤاتا وهزيران هژمار 1289 ل 3/3/2019، رازيبوون هاته كرن ل سهر نووكرنا مهزاختنا رێژا داهات وهاندانێ وپێشڤهبرنا تاقيگههێن پيشهسازى ل (ههولێر، دهۆك، سلێمانى، كۆيه)”.
وهزارهتا دارايى د نڤيسارا خوه دا ب سێ خالان رێژا داهاتى دياركريه كوه ب ڤى شێوهيه:
- رێژا 50% بۆ داهاتى دووماهيێ
- رێژا 35% بۆ پێشڤهبرنا تاقيگههان
رێژا 15% بۆ هاندانا كارمهندێن تاقيگههان
ئاماژه ژى ب وێ چهندێ كريه كو ئهڤ برياره ژ 1/1/2019 ههتا 31/12/2019 دێ هێته بجهئينان.
نيشاندان
WP Facebook Auto Publish Powered By : XYZScripts.com