ئەڤرۆ نیوز، لەزگین جوقی:
سەرۆکێ کۆمەلا ھنگەڤانان ل پارێزگەھا دھۆکێ بۆ ئەڤرۆ نیوز دیار کر کو بڕیارا قەدەغەکرنا ھنگڤینێ بیانی بۆ ناڤ بازارێن پارێزگەھا دھۆکێ ھاتە دەرکرن و گۆت:” ب دەرکرنا ڤێ بڕیارێ دێ بازارێ ھنگڤینێ خۆمالی باشتر لێ ھێت”.
خۆرشید پیرۆمەری، سەرۆکێ کۆمەلا ھنگەڤانان ل پارێزگەھا دھۆکێ بۆ ئەڤرۆ نیوز دیار کر کو بەرھەمێ ھنگڤینی ل پارێزگەھا دھۆکێ دگەھیتە ٣٠٠ ھەتا ٤٠٠ ھزار تەنان، ئەڤ ھنگڤینێ خۆمالی تێرا بازارێ ناڤخۆیی دکەت، لێ ھنگڤینێ بیانی گەلەک کارتێکرن ل بازارێ ھنگڤینێ خۆمالی کربوو، پشتی حوکمەتا ھەرێما کوردستانێ بریاڕ دایی ھنگڤینێ بیانی بۆ ناڤ بازارێن ھەرێما کوردستانێ بھێتە قەدەغەکرن ھەتا رادەیەکی باش لڤین کەفتیە بازارێ ھنگڤینێ دھۆکێ، چونکو ل سەر ئاستی وەلاتێن جیھانی ھنگڤینێ دھۆکێ پلێن باش ب دەست خوەڤە ئیناینە.
ناڤھاتی ئاماژە دا وێ چەندێ کو ھنگڤینێ بیانی پتریا وی ل کارگەھان دھێتە دروستکرن نە وەکو ھنگڤینێ خۆمالی یە یێ مێشێن ھنگڤینێ سرۆشتی یە، بەلکو ئەو کەرەستان بکاردئینن بۆ چیکرنا ھنگڤینی، لەورا جۆداھیەکا مەزن دناڤبەرا ھنگڤینێ خۆمالی و بیانی دا ھەیە.
ئەڤرۆ نیوز، رێوار مزیری:
رێڤەبەریا گشتی یا رەوشەنبیری و ھونەری ل دھۆکێ ب مەرەما ھشیارکرنا گەنجان ژ ب کارئینانا ماددێن ھۆشبەر دێ ل رۆژا ٥/١٢/٢٠١٨ێ ل دەمژێر ١٠:٠٠ سپێدێ بەحسێ مەترسیا بکارئینانا ماددێن ناڤھاتی ل ناڤەندا قوتابیان ل زانکۆیا دھۆک کەت.
ئەمیر عەلی، جێگرێ رێڤەبەرێ گشتی یێ رەوشەنبیری و ھونەری ل دھۆکێ بۆ ئەڤرۆ نیوز دیار کر ئەو وەکو رێڤەبەریا گشتی یا رەوشەنبیری و ھونەری ل دھۆکێ ب ئەرکێ خوە دزانن کو ھشیاریەکێ ل دەف گەنجان پەیدا بکەن بۆ وێ چەندێ خوە ژ ب کارئینانا ماددێن ھۆشبەر دوور بکەن، چونکی نوکە ب کارئینانان ڤان ماددەن ھەتا رادەکی بوویە دیاردە د ناڤ جڤاکی دا و گۆت: “د ڤێ چالاکیێ دا دێ گەنجەک بەحسێ سەربورا خوە ل گەل بکارئینانا ماددێن ھۆشبەر کەت کو نوکە وی گەنجی ب کارئینانا وان ماددان ھێلایە، د ھەمان دەم دا مامۆستایەک ژی دێ ب رێیا پێشکێشکرنا سمینارەکێ بەحسێ مەترسیا ب کارئینانا ماددێن ھۆشبەر کەت”.
ئەڤرۆ نیوز:
نوونەرێ حوکمەتا ھەرێما کوردستانێ ل ئیرانێ ئەڤرۆ رۆژا دوشەمبی دیارکر کو کۆمارا ئیسلامیا ئیرانێ دخوازیت پۆستێ سەرۆکاتیا ھەرێما کوردستانێ بھێتە کارا کرن و کەساتیەکێ کارێزمایێ مینا مەسعود بارزانی وی پۆستی وەربگریت.
نازم دەباغ، نوونەرێ حوکمەتا ھەرێما کوردستانێ ل ئیرانێ بۆ دەنگێ ئەمریکا گۆت: “کۆمارا ئیسلامیا ئیرانێ دخوازیت کو پۆستێ سەرۆکێ ھەرێمێ بھێتە کاراکرن ل گەل ھەبوونا کەساتێن کارایێن مینا برایێ مەسعود بارزانی و خودێ ژێ رازی مام جەلال تالەبانی و کەسانێن سیاسیێن دن”.
زێدەتر گۆت: “ئیرانێ بۆ چارەکرنا پرسیێن گرێدايی ھەرێما کوردستانێ شاندێن خوە ھەنە دا کو ھەموو ئەو جوداکاریێن ھەیی بھێنە چارەکرن”.
ئەڤرۆ نیوز، ئەمیر ئەترووشی:
رێڤەبەرێ سەخبێری و پاراستنا رێک و پرا ل پارێزگەھا دھۆکێ راگەھاند کو د چەند سالێن بۆری دا گەلەک زیان ژ ئەگەرێ بارانێن زۆر ب وەلاتیێن دھۆکێ کەفتیە و ئەڤ سالە ژی باران زوو بارینە و ب رێژەیێن مەزن دھێن، لەوما وان بەرھەڤی کرینە بۆ دووبارەنەبوونا زیانێن لەھیان.
دێوالی حەمێ بریندار، رێڤەبەرێ سەخبێری و پاراستنا رێک و پرا ل پارێزگەھا دھۆکێ، بۆ ئەڤرۆ نیوز دیار کر کو وان بەرھەڤی و ئامادەکاریێن باش بۆ وەرزێ زڤستانا ئەڤ سالە کرینە بۆ ھندێ ئەو زیانێن ل چەند سالێن بۆری ژ ئەنجامێ پەیدابوونا لەھیان ب وەلاتیان کەفتین دوووبار نەبنەڤە و گۆت: “زێدەباری ھندێ ژی مە حەفت تیمێن تەنگاڤیان پێکئیناینە کو ل دەمێ داخستنا رێێن سەرەکی ب بەفرێ و بارانێ خەلکی ب پارێزن و نەھێلن چو رێ بھێنە داخستن”.
ئیسماعیل مستەفا، بەرپرسێ راگەھاندنا سەرۆکاتیا باژێرڤانیا دھۆکێ بۆ ئەڤرۆ نیوز دیار کر ل دوو جھێن رووبارێ ھشکەرۆ یێ دھۆکێ ئاریشە ھەنە کو ل وان جھێن مەترسیا پەنگینا ئاڤێ ھەیە و ئەو ھەر دو جە دبنە ئەگەر مەترسیێن پەیدابوونا لەھیان پەیدا ببن، لەوما مە دوو پرۆژە ل وان جھان بجھئیناینە، چونکو ئاستێ ئاڤێ ل وان ھەر دو جھان یێ نزمە و ئەڤ ھەر دو پرۆژە دبنە ئەگەر کو مەترسیێن دووبارەبوونا لەھیان کێمتر لێ بھێن.
ناڤھاتی ئاماژە دا وێ چەندێ کو ئێک ژ وان پرۆژەیان نێزیکی ٤٠٠ مەترانە ب درێژی و ٤ مەترا یێ بلندە و دیورەکێ پالپشت ھاتیە چێکرن و ل نێزیکی یانا دھۆک یا وەرزشی ژی پرۆژەیەکێ بچووک ل سەر ھشکەرۆی ھاتیە بجھئینان و ئەڤ ھەردوو پرۆژە ب کۆژمێ ٢٥٠ ملیۆن دیناران ھاتینە بجھئینان
ئهڤرۆ نيوز:
كۆمبوونا جڤاتا سهركرداتيا پارتى ديموكراتى كوردستان ب سهرۆكاتيا سهرۆك بارزانى و ئامادهبوونا پتريا ئهندامێن جڤاتا سهركرداتيا پارتى دهسپێكر.
د ڤێ كۆمبوونێ دا يا كو ل پيرمام هاتيه ئهنجام دان، چهندين تهوهر دێ هێنه بهحسكرن و گرنگترين ژى دێ بهحس ل پێكئينانا كابينا نوو يا حوكمهتا ههرێما كوردستانێ و پهرلهمانێ كوردستانێ بيت.
ب گۆرهيى پێشبنيان، دبيت د ڤێ كۆمبوونێ دا، پارتى كانديدێن خوه بۆ پۆستێن پهرلهمانى و حوكمهتێ و وهزيران دهست نيشان بكهت.
د ههلبژارتنێن 30ى ئيلۆنێ 2018 پارتى ب 45 كورسيان ل رێزا ئێكێ هات و ئێكهتى 22 كورسيان ل رێزا دويێ هات و گۆڕان ژى ب 12 كورسيان ل رێزا سيێ هات.
ئهڤرۆ نيوز، نيوار محهمهد سهليم:
بهپرسێ راگههاندنێ ل رێڤهبهريا گشتى يا پهروهردا پارێزگهها دهۆكێ ژڤانێ ئهزموونێن وهرزێ ئێكێ و بهێنڤهدانا وى وهرزى ئاشكهرا كرن.
ئهحمهد عهبدولا زوبێر، بهرپرسێ راگههاندنێ ل رێڤهبهريا گشتى يا پهروهردا پارێزگهها دهۆكێ د داخۆيانيهكێ دا، بۆ ئهڤرۆ نيوز گۆت: “ئهزموونێن وهرزێ ئێكێ يێن سالا خواندنێ 2018 – 2019 دێ ل رۆژا دوشهمبى 7ى كانوونا دويێ 2019 دهست پێ كهن و رۆژا چارشهمبى 16ى كانوونا دويێ 2019 ب دووماهى هێن”.
بهرپرسێ راگههاندنێ ل رێڤهبهريا گشتى يا پهروهردا پارێزگهها دهۆكێ زێدهتر گۆت: “بهێنڤهدانا ئێكێ يا وهرزێ ئێكێ دێ ل رۆژا پێنجشهمبى 17ى كانوونا دويێ 2019 دهست پێ كهت و ههتا 23ى كانوونا دويێ 2019 يا بهردهوام بيت.
ئهحمهد عهبدولا زوبێر ئاماژه ب وێ چهندێ ژى كر كو دهواما فهرمى دێ ل رۆژا چارشهمبى 23ى كانوونا دويێ 2019 دهست پێ كهت.
ئهڤرۆ نيوز، نيوار محهمهد سهليم:
بڕياره ئهڤرۆ جڤاتا سهركرداتيا پارتى ديموكراتى كوردستان ب ئامادهبوونا سهرۆك بارزانى كۆم ببيت و تێدا بهحس ل پێكئينانا كابينا نوو يا حوكمهتا ههرێمێ و بهلاڤكرنا پۆستێن بههرا خوه بكهت.
سهربهست تراوانشى، ئهندامێ جڤاتا سهكرداتيا پارتى ديموكراتى كوردستان د داخۆيانيهكێ دا بۆ ئهڤرۆ نيوز گۆت: “ئهڤرۆ كۆمبوونا جڤاتا سهركرداتيا پارتى ديموكراتى كوردستانه”.
ئهندامێ جڤاتا سهكرداتيا پارتى ديموكراتى كوردستان زێدهتر گۆت: “بهرى كۆمبوون بهێته كرن نهشێن چو پێزانينهكێ بێژين، ههتا كۆمبوون نههێته كرن، چو تشتێ زێدهتر نابێژين”.
ب گۆرهيى ئهو پێزانينێن ب دهست ئهڤرۆ نيوز كهفتين، بڕياره د كۆمبوونا ئهڤرۆ يا پارتى ديموكراتى كوردستان دا، ئێك ژ نێچيرڤان بارزانى جێگرێ سهرۆكێ پارتى ديموكراتى كوردستان يان مهسرۆر بارزانى، شيرهتكارێ جڤاتا ئاسايشا ههرێمێ بۆ پۆستێ سهرۆك وهزيرێن ههرێما كوردستانێ بهێته بهربژار كرن.
ئهڤرۆنيوز:
ئهندامێ پهرلهمانێ كوردستانێ ژ فراكسيۆنا پارتى ديموكراتى كوردستان، ئومێد خوشناو راگههاند، سوباهى دوشهمبى 3/12/2018 جڤاتا سهركردايهتيا پارتى دێ كۆمبيت ول رۆژا سێشهمبى 4/12/2018 شاندێ دانوستاندكارێ پارتى دێ دهست ب دانوستاندنان كهت بۆ پێكئينانا حوكمهتێ.
ئومێد خوشناو بۆ كوردستان 24 گۆت”بزاڤ دوى ئاراستهى دانه كار بهێته كرن بۆ بچووكرنا كابينا حوكمهتێ وهندهك وهزارهت بهێنه تێكهلكرن ل گهل يێن ههڤشێوێ كارێن خوه يان ژى ببن دهسته”.
گۆت ژى” پارتى دێ پێنگاڤێن خوه دهست پێكهت وبهرههڤى ب دووماهى هاتينه، هيڤيدارين بشێن ب زوويى دهستهيا سهرۆكاتيا پهرلهمانێ كوردستانێ بهێته ههلبژارتن وپرۆسا پێكئينانا كابينا حوكمهتێ دهست پێ بكهت”.
نيشاندان