ئهڤرۆ نيوز:
كۆشكا سهرۆكاتيا رۆسيا ئاشكهرا كر كو ل دهسپێكا ههيڤا بهێت فلاديمێر پۆان يێ سهرۆكێ رۆسيا دێ ل گهل رهجهب تهيب ئهردوگان كۆم بيت.
د راگههاندنهكێ دا ديميترى بێسكۆڤ ئاخفتنكهرێ ب ناڤێ كۆشكا سهرۆكاتيا رۆسيا “كريملن” ئاشكهرا كر كو ههتا 10ى ههيڤا بهێت بڕياره پۆتن ل گهل ئهردۆگان كۆم ببيت و كۆمبوون ژى دێ ل رۆسيا بيت، بهلێ كريملن يا ئاماده نهبوو جهێ كۆمبوونێ ئاشكهرا بكهت.
ئهڤرۆ نيوز:
رێڤهبهريا كهشناسيا ههرێمێ ، ئهڤرۆ د مالپهرێ خوهدا دياركر كو رێكخراوا كهشناسيا جيهانێ، WMO ئهڤرۆ ئاماژه گهرمترين دهڤهرێن جيهانێ دايه و ئاماژه ب ويستگههێ كهشنياسيا ئوتوماتيكى يا خانهقين كريه كو خودان كودهكا جيهانى يا ژماره STATION ID. 40637) و تێدا خانهفين ب 5 گهرمترين جهێن سهر روويێ ئهردى هژمارتيه كو پلا گهرماتيێ گههشته (50.5).
گهرمترين جهـ ژى ل جيهانێ ئهڤرۆ باژێرێ ناسريه بوو ل باشوورێ عيراقێ كو پلا گهرماتيێ تێدا گههشته 52.4
ئهڤرۆ نيوز:
سهرۆكاتيا جڤاتا وهزيران راگههاند كو ژ بهر بلندبوونا پلێن گهرمێ ل سهرانسهرى ههرێما كوردستانێ بۆ بهێنڤهدانا فهرمى.
ب گۆرهى نڤيسارهكا سهرۆكاتيا حوكمهتا ههرێما كوردستانێ كو وێنهك بۆ ئهڤرۆ نيوز رهوانهكريه، سوبههى رۆژا پێنجشهمبى 21ى تيرمهها 2016ێ ل سهرانسهرى ههرێما كوردستانێ ژ بهر بلندبوونا پلێن گهرمێ بهێنڤهدانا فهرمى يه.
ئهڤرۆ نيوز:
پشتى مالكى سهرهدانا وى كرى جارهكا دى تهلهبانى ب مهرهما چارهسهريا نوشدارى بهر ب دهرڤهى وهلاتى بر.
ژێدهرهكى بۆ رووداو راگههانديه كو چوونا جهلال تهلهبانى سكرتێرێ گشتيێ ئێكهتيێ بۆ ژ دهرڤهى وهلاتى ب مهرهما چارهسهريا نوشدارى يه و دێ د رێيا فرۆكخانا نێڤدهولهتيا سلێمانيێ را بيت.
نوشدارێن وى دا زانين كو ئهڤ سهرهدانا وى يا ئاسايى يه و پێدڤيه ههر چهند ههيڤان جارهكێ بهێته ئهنجام دان و دا زانين كو ب گشتى رهوشا وى يا بهر ب باشتر ڤه دچيت.
ل دهمێ ب رێكهفتنێ ل فرۆكخانا نێڤدهولهتى يا سلێمانيێ ههر ئێك ژ هێرۆ ئيبراهيم ئهحمهد ههڤژينا وى و جێگرێ ئێكێ يێ سكرتێرێ گشتى كوسرهت رهسۆل ل فرۆكخانێ ئاماده ببوون.
ل 17ى كانوونا دويێ 2012 ل باژێرێ بهغدا تووشى جهلتا مێشكى ببوو و بۆ چارهسهريێ بربوو وهلاتێ ئهلمانيا ل نهخۆشخانهكا وى وهلاتى چارهسهرى وهردگرت.
ئهڤرۆ نيوز:
وهزارهتا دارايى خشتهيهكێ نوو يێ بهلاڤكرنا مووچێ ههيڤا خزيرانێ راگههاند
1- یەک شەمبى 24/7/2016 ، مووچێ دیوانا وەزارەتا پێشمەرگە و لیوايان دێ هێته بهلاڤكرن.
2- دوو شەمبى 25/7/2016، مووچێ یەکەيا (70و 80) ل وەزارەتا پێشمەرگە دێ هێته بهلاڤكرن.
3- سێ شەمبى بەروارى 26/7/2016، مووچێ فەرماندا هێزا زێرەڤانى و هێزا پۆلیسى ئامادە دێ هێته بهلاڤكرن
4- چوارشەمبى 27/7/2016، مووچێ دەزگةهێ گشتى ئاسایش دێ هێته بهلاڤكرن
5- پێنج شەمبى 28/7/2016، مووچێ ئەنجومەنى ئاسایش دێ هێته بهلاڤكرن
ئهڤرۆ نيوز:
کولیژا پەروەردە و بنیات ل ئاکرێ ھاتە گوھۆارتن بۆ کولیژا پەروەردە و پشکا بایۆلۆژی ژی ل وێرێ زێدە بوو.
د. حەجی موسا، ھاریکارێ سەرۆکێ زانکۆیا دھۆک بۆ کاروبارێن کارگێری و دارای بۆ ئەڤرۆ گۆت: “زانکۆیا دھۆک بڕیار دا، ناڤێ بنیات ژ کولیژا پەروەردە و بنیات یا ئاکرێ ڤەکەن”.
مەرەم ب ژێڤەکرنا ناڤێ بنیات ئەوە کو دەرچوویێن ڤێ کولیژێ دێ شێن ل قووناغێن ئامادەی وانان بێژن، یێن پەروەردا بنیات ب تنێ دشێن وانان ل سەرەتایی بێژن و ئەڤ پشکە نوکە ل چ قەزایێن سەر ب پارێزگەھا دھۆکێ ڤە نینە، ئانکو دێ بیتە کولیژا ئێکانە یا پەروەردێ ل زانکۆیا دھۆک ب گۆرەی گۆتنا د. حەجی مۆسا.
بەرامبەر وێ ھەڤال سەلیم، راگرێ کولیژا پەروەردە و بنیات ل ئاکرێ بۆ ئەڤرۆ گۆت: “بۆ سالا نوو یا خواندنێ 2016-2017ێ دێ پشکا بایولۆژی ل کولیژا پەروەردێ ل ئاکرێ ھێتە ڤەکرن کو سەر ب زانکۆیا دھۆکە”.
زێدەتر گۆت: “بایۆلۆژی پشکەکا گرنگە و دەرچوویێن وێ پشکێ دێ بنە خودان شارەزای د وارێ بایولۆژی دا و دشێن وانان ل پۆلێن 10 و 11 و 12ی ئامادەی بێژن”.
دا زانین ژی کو ئەڤە دەسپێکەکە بۆ فەرفرەھکرنا کولیژی و ڤەکرنا ھندەک پشکێن دژی و گۆت: “بۆ مفاوەرگرتنێ ژ تاقیگەھان ژی دێ ھەماھەنگیێ ل گەل سازیێن ساخلەمیێ ل دەڤەرێ کەین”.
ئهڤرۆ نيوز:
جێگرێ سەرۆکێ لژنا قانوونی ل جڤاتا نوونەرێن عیراقێ دیار کر کو ل حەفتیا بھێت ناڤێن ئەندامێن لژنا ڕاستڤەکرنا دستوورێ عیراقێ دێ ھێنە ئێکلایکرن، ل سەر داخوازیا ھندەک پەرلەمانتارێن عەرەب بریار ھاتە دان دستوور بھێتە راستڤەکرن و گۆت: کوردان داخوازا راستڤەکرنا دستووری نەکریە.
محسن سەعدون، جێگرێ سەرۆکێ لژنا قانوونی ل جڤاتا نوونەرێن عیراقێ بۆ ئەڤرۆ ئاشکرا کر، ھەکەر سێ پارێزگەە دژی ڕاستڤەکرنا دستوورێ عیراقێ دەنگ بدەن، ئێکسەر ڕاستڤەکرنا دستوورێ دێ ھێتە رەتکرن و گۆت: “ئەڤە خالەکا گەلەک باشە بۆ مللەتێ کورد، چونکو ھەکەر د ڕاستڤەکرنا دستووری دا زۆلم ل کوردان ھاتەکرن ھەر سێ پارێزگەھێن ھەرێمێ دشێن رەت بکەن و دەنگی پێ نەدەن”.
ناڤبری خویا ژی کر، ھندەک پەرلەمانتارێن عەرەب دژی مافێن مللەتێ کوردن د دستوورێ عیراقێ دا، لەو بزاڤان دکەن مافێ مللەتێ کورد کێم بکەن و گۆت: “ھەکەر ڕاستڤەکرنا دستوورێ عیراقێ نە ل دژی مللەتێ کورد بیت، ئەم دێ دەنگی پێ دەین، لێ ھەکەر دژی مللەتێ کورد بیت دەنگی بۆ ڕاستڤەکرنا وی نادەین، نابیت مافێن مللەتێ کورد د دستووری دا بھێنە پێشێلکرن”.
ئاماژە ب وێ چەندێ ژی کر، ل دووڤ رێژا کوردان ل پەرلەمانێ عیراقێ پێدڤیە 20% یا ئەندامێن لژنا ڕاستڤەکرنا دستوورێ عیراقێ کورد بن، دستوورێ عیراقێ ل سالا 2005 دەنگ ل سەر ھاتیە دان و گەلەک مافێن مللەتێ کورد تێدا ھاتینە بنەجە کرن.
ئەڤرۆ نیوز:
ل دووڤ وان زانیاریێن ب دەست رۆژناما ئەڤرۆ کەفتین سەنگا برنجێ ڤێ ھەیڤێ یێ کو ل گەل پشکا ئاھێن خوارنێ ھاتیە بەلاڤکرن گەلەک کێمترە ژ وێ سەنگا ل سەر ھاتیە نڤیسین و ئەڤ یەکە ژی بوویە جھێ گازندا وەلاتیان، ب تایبەتی ژی شوونکارێن ئاھێن خورانێ کو پتر ژ ھەموویان زیان دگەھیتێ.
ئیدریس ھێتوتی ئێک ژ شوونکارێن دەڤەرا دێرەلۆکێ بۆ ئەڤرۆ دیار کر کو ئەو برنجێ ڤێ جارێ بۆ وانا ھاتی ژ ھەشت ھزار کیلۆیان پترە و ژ 170 گینیکێن برنجی پێک دھێت، لێ خوە گینیکەک ب تنێ ژی نابیتە (50)کگم یا کو ل سەر گینیکی ھاتیە نڤیسین و گۆت: “کێش و سەنگا ڤان گینیکێن برنجی یێن ڤێ جارێ ل گەل ئاھێن خوارنێ ھاتین د ناڤبەرا 40 ھەتا 49 کیلۆ گرامان دایە، ئەڤە ژی بۆ مە بوویە ئاریشە، ژ بەر کو مە ل دووڤ 50 کیلۆیان یا دایە وەلاتیان و ل سەر بەلاڤکریە و ب ڤە رەنگی ژی دێ گەلەک ژ برنجی کێم کەت، ئەم نەشێین قەرەبوویا ڤێ ھەموویێ ژی بدەین و دێ گەلەک زیان گەھیتە مە”.
ئیدریسی ئاشکرا ژی کر، وی و ل گەل شوونکارێن دیتر ئەڤ ئاریشە گەھاندیە رێڤەبەریا ناحیا دێرەلۆکێ و وان ژی ب نڤیسارەکێ قایمقامیا قەزا ئامێدیێ ل سەر ئاگەھدار کریە، لێ ھەتا نوکە چ نەھاتیە کرن و گۆت: “ئەڤە چەندین جارە ئاریشە د بەلاڤکرنا ئاھێن خوارنێ دا دروست دبن، گەلەک جاران ئاھێن خوارنێ ب کێر خوارنێ ناھێت، ب تایبەتی ژی ئار و برج”.
ئیدریسی گۆتژی: “ئەڤ برنجێ ئەم بەلاڤ دکەین یێ ھەیڤا ئێک یا ئەڤ سالەیە و چەندین جورێن خوارنێ ژی ھاتینە بڕین”.
ئهڤرۆ نيوز:
ژێدەرەکێ نێزیکی ئەندامێ سەرکرداتیا ئێکەتی نیشتیمانی کوردستان مەلا بەختیار دیارکر، سەبارەت رەنگڤەدانێن داخویانیێن ڤێ دووماھیێ یێن مەلا بەختیار کو د کوربەندەکی دا سەبارەت کو ھەتا نوکە کەسەکی بارزانی رەت نەکریە، دبێژیت ئەو ئالیێن کو دبێژن مە پرۆژەک دایە پەرلەمانی، ئەو پرۆژە بۆ لادانا بارزانی نەبوویە، بەلکی بۆ گوھۆڕینا سیستەمێ ھەلبژارتنا سەرۆکێ ھەرێمێ بوویە، لێ وی پرۆژەی ژی شکەستن ئیانیە.
مەلا بەختیار گۆت: چو ئالیێن حزبی وی دەمی بەربژارێن خوە نەبوون ئەڤەژی رامانەکا تایبەت ھەیە کو دڤێت خەلکێ کوردستانێ تێبگەھیت.
ژێدەرێ ئاگەھادار ھەروەسا گۆت: بلا نەوشیروان موستەفا زەلام بیت و خوە بۆ پۆستێ سەرۆکێ ھەرێما کوردستانێ بەربژار بکەت، ھەکە نەشێت بکەت ژی، بلا ئێدی خەلکی ب دین و نەزان و فێلێن سەردابرنێ ب ناڤێ کورسیکا سەرۆکاتیێ و بارزانی نەزانیت.
ئهڤرۆ نيوز:
ژێدەرەکێ ئاگەھدار د کومبوونەکا نھێنی و نەپەنی دا، نەوشێروان موستەفای دا ئاشکرا کر، دەستھەلاتدارێن کۆمارا ئیسلامی یا ئیرانێ گۆتیە نەوشیروان موستەفای بزاڤان ل گەل ھێرۆ ئیبراھیم بکە ھەر چو ژ دەستێن ھەوە بھێت بۆ دژاتیا دەولەتا کوردی و پارتی و مەسعود بارزانی و رێگرتنا وان بکەن.
ژێدەرەێ ئاگەھادار گۆت: پشتی کومبوونا نەوشیروان و سەرکردێن لەشکرێ قودس و ئیتلاعاتا ئیرانێ کو ل سنۆرێ دەڤەرا ھەورەمان ھاتیە ئەنجامدان، نەخشە بۆ ھندێ ھاتیە دانا ژی کو نەوشیروان ب رێیا ئێکەتی نیشتیمانی کوردستان و کومەلا ئیسلامی گڤاشتنان ل سەر پارتی زێدەتر بکەت، ھەر بۆ ڤێ مەرەمێ ئاگەھدار نەوشیروان کریە، ھەر چو ژ دەستێن ھەوە بھێت بکەن، بۆ ھندێ رایا گشتی وەسا تێبگەھینن کو داخوازا سەربخوەیا کوردستانێ ژ ئالیێ بارزانی ڤە بتنێ پرۆپاگندەیە و نەزێدەتر.
ژێدەرێ ئاگەھادار ھەورسا خوەیاکر، ھەڤدەم وێ چەندێ شاندێ ئیتلاعاتا ئیرانێ گۆتیا وانا ئەم درزاینە ئێکەتی و گوڕان ھەموو مەرجێن پارتی بجە بینن، لێ بتنێ پارتی رازی بکەن دەستبەرداری راگەھاندنا دەولەتا کوردی ببیت.
نيشاندان