ئه‌ڤرۆ نیوز:
بۆ به‌رهه‌ڤبوون ل روونشتنا دانا باوه‌ریێ ب حوكمه‌تا نوو یا عیراقێ، عادل عه‌بدولمه‌هدى، سه‌رۆك وه‌زیرێ راسپاردى گه‌هشته ئاڤاهیێ په‌رله‌مانى.
عادل عه‌بدولمه‌هدى گه‌هشته ئاڤاهیێ په‌رله‌مانى
نووترين نووچه
- سەرۆک بارزانی و بالیۆزێ ئیتالیا هیڤی خواستن هەلبژارتن گوهۆڕینێن ئەرێنی ل ئیراقێ دروست بکەن
- نێچیرڤان بارزانی و عەبادی كێشەیێن هەولێرێ و بەغدا گەنگەشەكرن
- نێچیرڤان بارزانی و بالیۆزێ كەنەدا دوپاتیێ ل پێشڤەبرنا هەڤبەندیێن ئابۆری دكەن
- دەستوورێ ئیراقێ وەك خوە نەهاتیە بجهئینان
- مەسرور بارزانی و بالیۆزێن ئێكەتییا ئۆرۆپا و ئەلمانیا ل ئیراقێ پێشڤەبرنا هەڤبەندییان گەنگەشەكرن
- پاشەڕۆژا وەلاتێ مە د دەستەكێ ئەمیندایە
- سەرۆك بارزانی و عەمار ئەلحەكیم هەلبژارتنێن جڤاتا نوونەران گەنگەشەكر
- مەسرور بارزانی و بالیۆزێ ئیتالیا دوپاتیێ ل زێدەتر پێشڤەبرنا هەڤبەندییان دكەن
- د بەرهەڤین د وارێ دابینكرنا كارەبا 24 ساتی دا هاریكارییا ئیراقێ بكەین
- مەسرور بارزانی: من هیڤییەكا مەزن یا هەی دێ كوردستانێ پاشەڕۆژەكا گەش هەبیت
سهرهكى نوچێن گرنگ
ئه‌ڤرۆ نیوز ناڤێن وه‌زیرێن كابینه‌یا نوو یا ئیراقێ ئاشكرا دكه‌ت
ئه‌ڤرۆ نیوز:
ئه‌ڤرۆ نیوز ناڤێن وه‌زیرێن كابینه‌یا نوو یا ئیراقێ ئاشكرا دكه‌ت كو بریاره ئه‌ڤ شه‌ڤه جڤاتا نوونه‌رێن ئیراقێ باوه‌ریێ بده‌ته كابینه‌یا عادل عه‌بدولمه‌هدى.
وه‌زاره‌تا ده‌رڤه: محه‌ممه‌د عه‌لا حه‌كیم
وه‌زاره‌تا ناوخۆ: فالح فه‌یاز
وه‌زاره‌تا به‌رگرى: فه‌یسه‌ڵ جه‌ربا
وه‌زاره‌تا نه‌فت: سامر غه‌زبان
وه‌زاره‌تا دارایى: فوئاد حوسێن
وه‌زاره‌تا پلاندانان: ئه‌یاد سامه‌ڕایى
وه‌زاره‌تا داد: ئه‌سما سادق
وه‌زاره‌تا په‌یوه‌ندییه‌كان: نه‌عیم روبه‌یعى
وه‌زاره‌تا ڤه‌گوهاستنێ: عه‌بدوڵڵا لعێبى
وه‌زاره‌تا په‌روه‌رده: سه‌با تائى
وه‌زاره‌تا ژێده‌رێن ئاڤێ: جه‌مال عادلا
وه‌زاره‌تا كشتوكاڵ: ساڵح حوسنا
وه‌زاره‌تا ته‌ندرووستى: عه‌لا‌و عه‌لوان
وه‌زاره‌تا پیشه‌سازى: ساڵح جبوورا
وه‌زاره‌تا رۆشنبیرى: حه‌سه‌ن روبه‌یعا
وه‌زاره‌تا كاره‌با: لوئه‌ى خه‌تیب
وه‌زاره‌تا خوێندنى باڵا: قوسه‌ا سوهه‌یل
وه‌زاره‌تا كار: باسم ره‌بیعى
وه‌زاره‌تا گه‌نجان: ئه‌حمه‌د عوبه‌یدى
وه‌زاره‌تا بازرگانى: محه‌ممه‌د هاشم جاسم
وه‌زاره‌تا ئاڤه‌دانكرنێ و نیشته‌جێكردن: به‌نگین رێكانى
دهۆكيه‌ك دێ بيته وه‌زير دحوكمه‌تا عيراقێ دا
ئه‌ڤرۆنيوز:
ژێده‌ره‌كى نێزيك ژ فراكسيۆنا پارتى ديموكراتى كوردستان ل په‌رله‌مانێ عيراقێ بۆ ئه‌ڤرۆنيوز دياركر كو پارتى دێ سێ پۆستێن وه‌زارى ل به‌غدا وه‌رگريت ژبه‌ركو حزبا ئێكێ يه ل عيراقێ ژ روويێ ده‌نگ وكورسيان ڤه دهه‌لبژارتنێن په‌رله‌مانێ عيراقێ دا.
وى ژێده‌رى گۆت ژى” وه‌زاره‌تێن دارايى وئاكنجيكرنێ وباژێرڤانيان دێ بۆ پارتى ديموكراتى كوردستان بن”.
دياركر” به‌ربژارێن پارتى بۆ پۆستێن وه‌زارى ل به‌غدا هه‌ر ئێك ژدكتۆر فوئاد حسێن بۆ پۆستێ وه‌زيرێ دارايى وبه‌نگين رێكانى بۆ پۆستێ وه‌زاره‌تا ئاڤه‌دانكرن وئاكنجيكرنێ كو به‌رى نوكه ژى بۆ ده‌مێ چه‌ندين سالان به‌نگين رێكانى بريكارێ وه‌زاره‌تا ڤه‌گۆهاستنێ بوو ل عيراقێ، ديسا نه‌وزاد هادى پارێزگه‌ري نوكه يێ هه‌ولێرێ ده‌خيل بۆ پۆستێ وه‌زيرێ باژێرڤانيان”.
به‌ربرسه‌كێ پارتى: حەشدا شەعبی تیرۆریستێن داعشێ دكه‌تە چەكدارێن خوه
ئه‌ڤرۆنيوز:
به‌پرسێ لقێ 15 يێ پارتى ديموكراتى كوردستان راگه‌هاند، حه‌شدا شه‌عبى ل سنورێ خانه‌قين ده‌ست ب ڤه‌گه‌راندنا داعشان كريه ودكه‌ته چه‌كدارێن خوه، ئه‌وژى دچنه سه‌ر گوندان وده‌ست ب سه‌ر ئه‌ردێ كوردان دا دگرن.
شێخ جەعفەر شێخ مستەفا، بەرپرسێ لقێ 15 يا پارتی دیموكراتی كوردستان ل خانەقین گۆت “پشكه‌كا عه‌ره‌بان ل سنورێ خانه‌قين ل ده‌مێ خوه كه‌ڤنه به‌عسى بوون وپاشى چوونه ناڤ رێكخراوا قاعيده وپشتى هاتنا داعشێ ژى ده‌ست ل گه‌ل وان تێكهه‌ل كر وبوونه چه‌كدارێن وان، ئه‌ڤه ژى هه‌موو بۆ وێ چه‌ندێ دا دژايه‌تيا كوردان بكه‌ن وشه‌ر ل گه‌ل پێشمه‌رگه‌ى دكر وپێشمه‌رگه‌ك ژى شه‌هيد كريه، پشتى وێ چه‌ندێ كو پێشمه‌رگه‌ى ده‌ڤه‌ر رزگاركرى، ئه‌و ره‌ڤين، به‌لێ ده‌مه‌كه حه‌شدا شه‌عبى ل دژى كوردان رێككه‌فتن ل گه‌ل وان كريه وڤه‌دگه‌رينيت بۆ ده‌ڤه‌رێ ووان دكه‌نه چه‌كدار دناڤ رێزێن خوه دا، ئه‌و ژى دچنه سه‌ر گوندان ل سنورێ شێخ باوه وده‌ست ب سه‌ر ئه‌ردێ كوردان دا دگرن”.
شێخ مسته‌فا زێده‌تر بۆ مالپه‌رێ فه‌رمى يێ پارتى ديموكراتى كوردستان گۆت” ئه‌و ل ده‌مێ خوه ل قه‌ره‌بوويا وان ئه‌ردان هه‌ر ئێك ژوان 20 مليۆن دينار ژى وه‌رگرتينه، به‌لێ نوكه ب پشته‌ڤانيا حه‌شدا شه‌عبى دخوازن ب زۆرى ئه‌ردێن كوردان داگير بكه‌ن، له‌وما مه ژى سه‌ركردايه‌تيا پارتى ل دۆر وێ چه‌ندێ ئاگه‌هدار كريه”.
به‌رپرسێ لقێ 15 يێ پارتى به‌حسێ وێ چه‌ندێ ژى كر كو ل ده‌مێ بۆرى هژماره‌كا خێزانان ڤه‌گه‌رياينه وتنێ ل سێ رۆژێن بۆرى 20 خێزانێن دى يێن داعشان هاتينه ڤه‌گه‌راندن بۆ جه‌له‌ولا كو نوكه يێن دخانيێن گرێ دا، چونكى وان چو جه نينن تێدا ئاكنجى بن ودخوازن كێشان بۆ وه‌لاتيێن كورد دروست بكه‌ن.
پارتی ناڤێن وەزیرێن خوه هنارتنه بەغدا
ئه‌ڤرۆنيوز:
سه‌رۆكا فراكسيۆنا پارتى ديموكراتى كوردستان ل په‌رله‌مانێ عيراقێ راگه‌هاند، پارتى ناڤێن به‌ربژارێن خوه بۆ پۆستێن وه‌زارى هنارتنه به‌غدا.
ڤيان سه‌برى، سه‌رۆكا فراكسيۆنا پارتى ديموكراتى كوردستان بۆ مالپه‌رێ فه‌رمى يێ پارتى ديموكراتى كوردستان گۆت” كارناما حوكمه‌تا عيراقێ بۆ پارتى يا گرنگه نه‌كو پۆسته، له‌وما نوكه پارتى ل به‌غدا دبزاڤ وكۆمبوونان دايه تاكو دانوستاندنێ ل سه‌ر هنده‌ك ژخالێن كارناما حوكمه‌تێ بكه‌ت، چونكى دبيت هنده‌ك ژ خالان پێدڤى ب دانوستاندنا زێده‌تر بيت، وێ ژى په‌يوه‌ندى ب ناڤێن وه‌زيران ڤه يا هه‌ى وپارتى ديموكراتى كوردستان ژى ناڤێن وه‌زيرێن خوه هنارتينه به‌غدا ول دۆر وێ چه‌ندێ مه گرفت نينن”.
گۆت ژى” برياره ل ده‌مژمێر 8 ئه‌ڤ شه‌ڤه كارناما كابينا حوكمه‌تا عيراقێ بكه‌ڤيته به‌ر ده‌نگدانێ”.
ل دووڤ دووماهى پێزانينێن هاتينه به‌لاڤكرن وه‌زاره‌تێن دارايى وگه‌شتوگوزار وكۆچ وكۆچبه‌ران وداد دێ به‌هرا كوردان بن.
30 هزار پۆليسێن ئيرانى بۆ كاره‌كێ هه‌ڤپشك ل گه‌ل عيراقێ هاتينه به‌رهه‌ڤكرن
ئه‌ڤرۆنيوز:
فه‌رماندێ هێزێن پۆليسێن ئيرانى، عه‌ميد حسێن ئه‌شته‌رى ئه‌ڤرۆ چارشه‌مبى 24/10/2018 راگه‌هاند، 30 هزار پۆليسێن ئيرانى دێ رابن ب پێشكێشكرنا خزمه‌تگوزاريان دهه‌موو بواراندا بۆ سه‌ردانكه‌رێن چله‌يا ئيمام حسێنى.
ئه‌شته‌رى ل دووڤ مالپه‌رێ (ئه‌خبار) گۆت” ئه‌و هێزا پۆليسان ل ده‌رگه‌هێن ميهران وشه‌لامجه وجزابه يێن سنورى ل گه‌ل عيراقێ وده‌ڤه‌رێن دى، دێ ب شه‌ڤ ورۆژ كارى بۆ پێشكێشكرنا خزمه‌تگوزاريان بۆ سه‌ره‌دانكه‌رێن چله‌يا ماته‌مينيا ئيمام حسێنى كه‌ن.
لژنا فه‌توايێ برياره‌ك ل دۆر ياريا پۆبجى ده‌ركر
ئه‌ڤرۆنيوز:
لژنا فه‌توايێ ل سه‌ر حه‌رام بوون يان نه حه‌رام بوونا ياريا پۆبجى كۆمبوو وبريار دا كو ئه‌ڤ ياريه بهێته حه‌رامكرن.
د. عرفان ره‌شيد، سه‌رۆكێ لژنا فه‌توا سلێمانيێ بۆ رووداوێ گۆت” دكۆمبوونا ئه‌ڤرۆ چارشه‌مبى 24/10/2018 كو ل سلێمانيێ هاتيه ئه‌نجامدان، بريار هاته دان كو كرنا ياريا پۆبجى بهێته حه‌رامكرن، چونكى ئه‌ڤ ياريه بوويه ئه‌گه‌رێ وێ چه‌ندێ خه‌لكه‌كێ زۆر ب تايبه‌ت گه‌نج ب ڤێ ياريێ ڤه مژوول ببن وده‌مێ وان ب هه‌روه بچيت”.
گۆت ژى” دئايينێ ئيسلامێ دا ژى يا هاتى، هه‌ر كه‌سه‌ك ده‌مێن خوه بێ چو ئه‌گه‌ره‌ك ب هه‌روه بده‌ت حه‌رامه، ئه‌ڤه ژى ژبه‌ر وێ چه‌ندێ يه كو ئه‌ڤ ياريه دچيته دوى چارچۆڤه‌ى دا وخه‌لكه‌كێ مه‌زن ل هه‌رێما كوردستانێ ب وێ ياريێ ڤه دمژوول بوون بێ كو چو مفايه‌كى ب گه‌هيننه خوه يا ده‌روبه‌رێ خوه”.
ياريا پۆبجى PUBG كورتكرنا (PlayerUnknown’s Battlegrounds) كو ئێك ژياريێن ئۆنلاينه وجۆره‌كێ Battle Royale يه، ئانكو ئه‌ڤ جۆره چه‌ند كه‌سه‌ك ل جهه‌كێ دياركرى دا ياريێ دكه‌ن ول دووماهيێ تنێ ئێك كه‌س ژناڤ واندا سه‌ردكه‌ڤيت، ئه‌و ياريه ژلايێ كۆمپانيا Bluehole هاتيه دروستكرن وده‌مێ چه‌ند هه‌يڤانه ل هه‌رێما كوردستانێ به‌لاڤبووى وخه‌لكه‌كێ مه‌زن ب تايبه‌ت گه‌نج ل سه‌ر مۆبايلين خوه داونلود دكه‌ين وياريێ پێ دكه‌ن.
نێچیرڤان بارزانی: لايه‌نێن سياسى يێن كوردستانى دێ ب هێز ل به‌غدا بن
ئه‌ڤرۆنيوز:
سه‌رۆك وه‌زيرێن هه‌رێما كوردستانێ، نێچيرڤان بارزانى ئه‌ڤرۆ چارشه‌مبى 24/10/2018 راگه‌هاند، لايه‌نێن سياسى يێن كوردستانى دێ ب هێز ل به‌غدا بن ودێ پشكداريێ دحوكمه‌تا عيراقى يا نوو دا كه‌ن.
نێچيرڤان بارزانى، سه‌رۆك وه‌زيرێن هه‌رێما كوردستانێ ئه‌ڤرۆ پێشوازى ل فاتح يه‌لدز باليۆزێ توركيا ل عيراقێ كر، يه‌لدزى خوه‌شحاليا خوه ب سه‌ره‌دانا خوه يا ئێكێ بۆ هه‌رێما كوردستانێ دياركر وپيرۆزباهيا سه‌ركه‌فتنا هه‌لبژارتنێن په‌رله‌مانێ كوردستانێ ل سه‌رۆك وه‌زيرێن هه‌رێمێ كر، هه‌روه‌سا پشكداريا ب هێز يا هه‌رێما كوردستانێ دپرۆسا سياسى يا عيراقى وكابينا نوو يا حوكمه‌تا عيراقێ دا وچاره‌كرنا كێشێن هه‌ولێرێ وبه‌غدا دچارچۆڤێ دستوورى دا ب پێدڤى زانى.
نێچيرڤان بارزانى دوێ دديدارێ دا راگه‌هاند” لايه‌نێن سياسى يێن كوردستانى ب هێز دێ ل به‌غدا بن وپشكداريێ دحوكمه‌تا عيراقێ دا كه‌ن، سه‌باره‌ت هه‌رێما كوردستانێ ژى رۆناهى خسته سه‌ر سه‌ركه‌فتنا هه‌لبژارتنێن په‌رله‌مانێ كوردستانێ وئاشكراكر كو نوكه دبه‌رهه‌ڤيان دانه بۆ پێكئينانا كابينا نوو يا حوكمه‌تا هه‌رێما كوردستانێ”.
سهركردهكێ به‌رێ يێ ئێكگرتوو:پارتی دشێت ب تنێ حوكمه‌تێ پێك بينيت
ئه‌ڤرۆنيوز:
سهركردهكێ به‌رێ يێ ئێكگرتوويا ئيسلامى راگه‌هاند، ئه‌وێن دبێژن لايه‌نه‌كێ سياسى ب تنێ نه‌شێت كابينا نوو يا حوكمه‌تا هه‌رێما كوردستانێ پێكبينيت، وه‌سا نينه، چونكى ژ روويێ كورسيان ڤه پارتى دشێت ب تنێ حوكمه‌تا نوو پێك بينيت.
ئه‌بوبه‌كر كاروانی، سیاسه‌تمه‌دار و سه‌ركردێ به‌رێ يێ ئێكگرتوويا ئيسلامى كوردستان دداخۆيانيه‌كا رۆژنامه‌ڤانى دا گۆت” هه‌كه لايه‌نه‌كى پتريا كورسيێن په‌رله‌مانێ كوردستانێ ب ده‌ستڤه‌ئينا بيت، بيگومان ئه‌و لايه‌ن كو مه‌ره‌م پارتى ديموكراتى كوردستانه، ژ روويێ كورسيان ڤه دشێت كابينا نوو يا حوكمه‌تا هه‌رێما كوردستانێ پێك بينيت”.
په‌روه‌رده ل دۆر مووچێ مامۆستايان و بهێنڤه‌دانا رۆژێن شه‌مبى روونكرنه‌كێ دده‌ت
ئه‌ڤرۆ نيوز:
وه‌زيرێ په‌روه‌ردێ ل حوكمه‌تا هه‌رێما كوردستانێ د ده‌رباره‌يى ڤه‌گه‌ريانا بهێنڤه‌دانا رۆژێن شه‌مبى د قوتابخانان دا روونكرنه دا و راگه‌هاند ژى بزاڤ دهێته كرن د كابينا نوو يا حوكمه‌تێ دا مووچێ مامۆستايان وه‌كو به‌رێ لێ بهێته كرن.
پشتيوان سادق، وه‌زيرێ په‌روه‌ردێ د كۆنگره‌كێ رۆژنامه‌ڤانى دا راگه‌هاند كو بهێنڤه‌دانێن رۆژانێن شه‌مبى ل قوتابخانان ب تنێ سالا بۆرى هه‌بوون به‌رى نوكه نه‌بوون، پتريا قوتابخانان دو ده‌وامى يا هه‌يى، هه‌كه رۆژێن شه‌مبى بهێنڤه‌دان بيت، قوتابى دێ كێمتر وانان خوينن و زيانێ دێ گه‌هيتێ.
گۆتژى: “دێ بزاڤێ كه‌ين د كابينا نوو دا مووچێ مامۆستايان وه‌كو خوه لێ بهێت و ژيان و گۆزه‌رانيا مامۆستايان باشتر لێ بهێت”.
وه‌زيرێ په‌روه‌ردێ راگه‌هاند ژى كو هه‌كه پرۆژێ چاكسازيێ ل په‌رله‌مانێ كوردستانێ په‌سه‌ند كربايه، نوكه كێشا مووچه‌يى نه‌دبوو، به‌لێ ئاسۆ يا روونه و كێشا مووچان دێ چاره بيت.
ده‌رباره‌يى دامه‌زراندنا مامۆستايێن وانه‌بێژ ژى، پشتيوان سادق گۆت: “ده‌رچوويێن كوليژا په‌روه‌رده و بنيات ب گۆره‌يى پێدڤياتيێ قوتابخانان و رێنمايان بۆ وان بۆشياييان دێ هێنه پركرن”.
نيشاندان
WP Facebook Auto Publish Powered By : XYZScripts.com