ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ مه‌سرور بارزانى ئه‌ڤرۆ چارشه‌مبى 5/12/2018 پێشوازى ل شێخ ئه‌حمه‌د جه‌ربا سه‌رۆكێ ره‌وتێ ئه‌لغه‌د يێ سوورى كر.
دديداره‌كێ دا ره‌وش وپێشهاتێن سياسى يێن ده‌ڤه‌رێ وشه‌ر وپێكدادانێن دناڤبه‌را گرۆپێن جودا جودا يێن سوورى ورژێما سووريێ ژلايه‌كى وتيرۆرستێن داعشێ وده‌ستێوه‌ردانێن ده‌ره‌كى ژلايه‌كێ دى ڤه هاتن به‌حسكرن.
شێخ ئه‌حمه‌د جه‌ربا پيرۆزباهى ل مه‌سرور بارزانى كر بۆ به‌ربژاركرنا وى وه‌كو سه‌رۆك وه‌زيرێن حوكمه‌تا هه‌رێما كوردستانێ وهيڤيا سه‌ركه‌فتنێ دوى ئه‌ركى دا بۆ خواست.
مه‌سرور بارزانى بير وبۆچوونێن خوه ل دۆر پێشهات وروودانێن ده‌ڤه‌رێ ب تايبه‌تى يێ سووريێ به‌رچاڤكرن وداخواز ژ هه‌موو لايه‌نێن په‌يوه‌نديدار كر شيانێن خوه بێخنه كار بۆ ديتنا چاره‌كا سياسى بۆ ره‌وشێ كو هه‌موو لايه‌ك هه‌ست ب هه‌بوون ورۆلێ خوه درێڤه‌برنا وه‌لاتى وبريارێن سياسى دا بكه‌ت.
ئه‌ڤرۆنيوز:
حوكمه‌تا هه‌رێما كوردستانێ ئه‌ڤرۆ چارشه‌مبى 5/12/2018 راگه‌هاند كو بێهنڤه‌دانا رۆژا دوشه‌مبى هه‌رێما كوردستانێ ناگريت.
سه‌فين دزه‌يى، په‌يڤدارێ حوكمه‌تا هه‌رێما كوردستانێ گۆت” رۆژا دوشه‌مبى 10/12/2018 سالرۆژا سه‌ركه‌فتنێ ل سه‌ر داعشێ، ل هه‌رێما كوردستانێ نابيته بێهنڤه‌دان”.
حوكمه‌تا عيراقێ رۆژا دوشه‌مبيا داهاتى ب رۆژا سه‌ركه‌فتنێ ل سه‌ر داعشێ راگه‌هاند وئه‌و رۆژه كره بێهنڤه‌دانا فه‌رمى ل عيراقێ.
ئەڤرۆ نیوز:
سەرۆک مەسعود بارزانی ئەڤرۆ پێشوازی ل کەساتیێ سیاسیێ کوردێ سووریا و ئەندامێ سەرکرداتیا پارتی دیمۆکراتی کوردستان ـ سووریا عەبدولرەحمان ئاپۆ کر.
د دیدارەکێ دا سەرۆک بارزانی خوەشحالیا خوە ب ئازادبوونا عەبدولرەحمان ئاپۆ ژ زیندانێ نیشادا و راگەھاند، جھێ داخەکا مەزنە تێکۆشەرەکێ وەکو وی ب دەستێ لایەنەکی کوردی بھێتە زیندان کرن و ھیڤی خواست ئێش و ئازارێن گەلێ کورد ل سووریا ب دووماھی بھێن.
د پشکەکا دی یا دیدارێ دا بیرورا ل دۆر رەوشا سیاسی یا سووریا و رەوشا کوردان ل وی وەلاتی لھەڤ گوھارتن و سەرۆک بارزانی دوپاتی ل وێ چەندێ کر کو حەزا مە بۆ باشتربوونا کێشا کورد ل سووریا تشتەکێ دی بوو، لێ ژ بەر رەفتار و بڕیارێن ئێکلایانە و بنپێکرنا رێککفەتنناما د ناڤبەرا لایەنان دا نوکە رەوشەکا ئالۆز و مژەوی و پڕی گرفت بۆ گەلێ کورد ل سووریا یا پەیدا بووی کو ئەڤە جھێ داخەکا مەزنە بۆ مە ھەمووان.
ئەڤرۆ نیوز:
مەسروور بارزانی راوێژکارێ جڤاتا ئاسایشا ھەرێما کوردستانێ پێشوازی ل روار ھۆگسدال بەرپرسێ کاروبارێن نڤێسینگەھا بالیوزخانا وەلاتێ نەرویژ ل عیراقێ کر.
د ڤێ دیدارێ دا بەرپرسێ نڤێسینگەھا بالیوزخانا نەرویژ سوپاسیا مەسروور بارزانی کر بۆ وێ دەرفەتێ و پیروزباھیا ناڤبری کر کو ھاتیە راسپاردن بۆ پێکئینانا حوکمەتا نوو یا ھەرێما کوردستانێ و داخوازا سەرکەفتنێ بۆ خواست کو بشێت ھەرێما کوردستانێ پێشڤە ببەت ل ماوێ بھێت.
لایەکێ دی یێ ڤێ دیدارێ دا مەسروور بارزانی و روار ھۆگسدال بەحسا پێکئینانا کابینەیا حوکمەتا نوو یا ھەرێما کوردستانێ و پروسێسا سیاسی یا عیراقێ کر دیسان ئاماژە ب سەرەدانا سەروک بارزانی بۆ بەغدا کر کو دێ بیتە دەرفەتەکا گرنگ بۆ راستکرنا پروسا سیاسی یا عیراقێ و تەکەز ل وێ چەندێ کر کو بەغدا و ھەولێر پێدڤی ب ئێکدو ھەیە و پشتگوھـ خستنا مادەیێن دەستورێ عیراقێ و کێماسێن د ناڤ بودجەیا عیراقێ دا ھەین خزمەتا گەلێ عیراقێ ناکەت.
ئەڤرۆ نیوز:
ئه‌ڤرو نیڤرو 5-12-2018 به‌رێز فه‌رهاد ئه‌مین ئه‌تروشى پارێزگه‌رێ دهوكێ هه‌ڤدیتنه‌ك دگه‌ل كارمه‌ندێن تیمێ نڤێسینگه‌ها (122) هاوار هاتنێن بله‌ز سازكر.
دهه‌ڤدیتنێ دابه‌حسێ ئه‌رك وخزمه‌تێن تیمێ 122پێشكێش دكه‌ت ل به‌روكێن شه‌رى ول سه‌ر رێكێن گشتى ل قه‌زا وناحیا وهه‌موو جهێن پێدڤى هاته كرن.
پارێزگه‌رێ دهوكێ بناڤێ حكومه‌تا هه‌رێما كوردستانێ وكارگێریا پارێزگه‌هێ سوپاسى وده‌ست خوشى ل هه‌موو كارمه‌ندێن تیمێ 122یێ هاوار هاتنێ كروگوت ئه‌و كار وخزمه‌تێن هه‌وه ل به‌روكێن شه‌رێ دژى تیرورستێن داعش وجهێن دى پێشكێشكرین جهێ رێزگرتنا سه‌ركردایه‌تیا هه‌رێما كوردستانێ نه وهه‌وه ئه‌ركه‌كێ راسته‌قینه یێ نیشتمانى ونه‌ته‌ویى ئه‌نجامدایه وكارخه‌باتا هه‌وه ل هاڤین وزڤستانا وگه‌رم وسه‌رما ول مه‌ترسیا جهێ رێزگرتن وسه‌ربلندیێ یه وبه‌رهه‌ڤیا پارێزگه‌هێ نیشان دا بو هه‌ر هاریكاریه‌كێ .
پاش به‌رپرسێ تیمى چه‌ند رونكرن دانه سه‌ر كاروئه‌ركێن تیمى وپێدڤیێن گروپێن تیمى وخواست كو ئه‌و پێدڤى بهێنه دابینكرن بو وێ یه‌كێ گروپێن تیمى پتر خزمه‌تێ پێشكێش بكه‌ن.
پاش پارێزگه‌رێ دهوكێ خه‌لات ل سه‌ر ئه‌ندامێن تیمى به‌لافكرن.
هه‌ژى گوتنێ یه تیمێ 122یێ هاوارهاتنا بله‌ز ل سالا2014ێ هاتیه دامه‌زراندن ، وبنگه‌هێن چاره‌سه‌ریێن ده‌ستپێكى وبله‌ز ل خالێن به‌ره‌ڤانیا پێشمه‌رگه‌ى و ل هه‌موو قه‌زا وجهێن فه‌ر ورێكێن سه‌ره‌كى هه‌نه و(55) ترومبێلێن ئه‌مبلانس ژى هه‌نه بو ڤه‌گوهاستنا پێشمه‌رگه‌ى وتوشبویێن رودانا.
ئه‌ڤرۆ نيوز:
جێگرێ پارێزگارێ دهۆكێ د داخۆيانيه‌كێ دا راگه‌هاند كو مليۆنه‌ك و 500 هزار دۆلارێن دى ژ پارێ په‌ترۆ دۆلار گه‌هشتنه پارێزگه‌ها دهۆكێ.
عوسمان يونس، جێگرێ پارێزگارێ دهۆكێ، بۆ ئه‌ڤرۆ نيوز گۆت: “ژ پارێ په‌ترۆ دۆلار كۆژمه‌كێ دى يێ پاره‌ى كو دبيته مليۆنه‌ك و 500 هزار دۆلار گه‌هشتنه پارێزگه‌ها دهۆكێ”.
جێگرێ پارێزگارێ دهۆكێ زێده‌تر گۆت: “ئه‌ڤ پاره دێ بۆ خزمه‌تێن پارێزگه‌ها دهۆكێ و ده‌وروبه‌ران بيت و 167 كۆمپانى دێ مفاى ژ ڤى كۆژمێ پاره‌ى وه‌رگرن”.
ئاماژه ب وێ چه‌ندێ ژى كر كو ئه‌ڤ پاره دێ بۆ وان هه‌موو پرۆژێن ئاڤ كاره و رێيان بن كو ب گۆره‌يى پێدڤياتيێ دێ هێنه به‌لاڤكرن.
ئه‌ڤرۆ نيوز:
ڤيزا لوبنانێ دێ بۆ وه‌لاتيێن عيراقێ هێته هه‌لگرن و وه‌زيرێ ژ ده‌رڤه يێ وى وه‌لاتى ژى راگه‌هاند كو وه‌لاتێ وان بزاڤێ دكه‌ت په‌يوه‌نديان ل گه‌ل عيراقێ موكم بكه‌ت.
نڤيسينگه‌ها راگه‌هاندنا سه‌رۆك وه‌زيرێن عيراقێ راگه‌هاند كو دوهى رۆژا سێشه‌مبى عادل عه‌بدولمه‌هدى سه‌رۆك وه‌زيرێن عيراقێ ل نڤيسنگه‌ها تايبه‌ت يا خوه ل به‌غدا پێشوازى ل جوبران باسل وه‌زيرێ ژ ده‌رڤه يێ لوبنانێ كر، د وێ سه‌ره‌دانێ دا وه‌زيرێ ژ ده‌رڤه يێ لوبنانێ سوز دا سه‌رۆك وه‌زيرێن عيراقێ كو ڤيزا ل سه‌ر وه‌لاتيێن عيراقى بهێته راكرن يێن كو سه‌ره‌دانا لوبنانێ بكه‌ن.
هه‌ر د وێ ديدارێ دا هه‌ردولا دانوستاندنا گه‌شه‌پێدانا هاريكاريا هه‌ردو وه‌لاتان دا د وارێ ئابوورى، بازرگانى، گه‌شتيارى، وزه و كاودانێن ده‌ڤه‌رێن گه‌نگه‌شه كر.
ئه‌ڤرۆ نیوز:
ب سه‌رپه‌رشتیا به‌هزاد علی ئاده‌م جێگرێ پارێزگه‌رێ دهوكێ ئه‌ڤرو سپێدێ 5-12-2018 كومبونا نڤێسینگه‌ها به‌رسڤدانا قه‌یرانا(GCC) دگه‌ل تیمێ هه‌ماهه‌نگیێ كو ژچه‌ند فه‌رمانگه‌هێن میری پێك دهێت هاته‌سازكرن.
دكومبونێدا جێگرێ پارێزگه‌رێ دهوكێ رونكرن دانه سه‌ر كار وئه‌ركێن نڤێسینگه‌ها به‌رسڤدانا قه‌یرانا(GCC) و رۆلێ وێ باش سه‌نگاند وژئه‌ندامێن تیمێ هه‌ماهه‌نگیێ خواست كو هه‌رده‌ما رودانه‌ك هاته پێش هاریكاریه‌كا به‌رده‌وام دگه‌ل نڤێسینگه‌ها به‌رسڤدانا قه‌یرانا(GCC) بكه‌ن بو وێ یه‌كێ هه‌رده‌م دئاماده‌باشیێ دابن بو به‌رسڤدانا هه‌ر رودانه‌كا سروشتی یان رودانه‌كا نه‌خوازیار وبه‌رهه‌ڤیا كارگێریا پارێزگه‌هێ نیشان دا بو هه‌ر هاریكاریه‌كێ كو كار وئه‌ركێن نڤسینگه‌هێ وتیمێ هه‌ماهه‌نگیێ باشتر وبله‌زتر بهێنه ئه‌نجامدان.
پاش رێڤه‌به‌را نڤێسینگه‌ها به‌رسڤ انا قه‌یرانا(GCC)ل دهوكێ رونكرن دانه هوكارێن دامه‌زراندنا نڤێسینگه‌هێ و كار وئه‌ركێن وێ به‌رچاڤكرن وگوت نڤێسینگه‌ها به‌رسڤدانا قه‌یرانا(GCC) فه‌رمانگه‌هه‌كا فه‌رمی یه سه‌رب وه‌زاره‌تا نافخویا هه‌رێما كوردستانێ یه وئه‌ركێ وێ پاراستن وخزمه‌تكرنا وه‌لاتییانه ده‌مێ رودانێن نه‌سروشتی یان رودانێن نه‌چاڤه‌رێكری چێدبن وژئه‌ندامێن تیمێ هه‌ماهه‌نگیێ خواست كو هه‌ر ئێك ب گوره‌ی تایبه‌تمه‌ندیا خو هاریكاریێ دگه‌ل نڤێسینگه‌ها به‌رسڤدانا قه‌یرانا(GCC) ل پارێزگه‌هێ بكه‌ت بو وێ یه‌كێ ب له‌ز به‌رسڤا هه‌ر قه‌یرانه‌كێ بهێته دان وزیانێن رودانێ ل سه‌ر وه‌لاتییان بهێنه كێمكرن.
پاش چه‌ندین پسیار وپێشنیار ژلایێ به‌رهه‌ڤبویان ڤه هاتنه كرن وبه‌رسڤ ل سه‌ر هاتنه دان.
هه‌ژی گوتنێ یه نڤێسینگه‌ها به‌رسڤدانا قه‌یرانا(GCC) ل سالا 2014ێ هاتیه دامه‌زراندن پشتی ژماره‌كا زور یا ئاواره‌یان ژ قه‌زا شنگالێ وده‌روبه‌رێن موسل وجهێن دی قه‌ستا هه‌رێما كوردستانێ كرین .
نڤێسینگه‌ها به‌رسڤدانا قه‌یرانا(GCC) لقێن خو ل دهوك وهه‌ولێر وسلێمانیێ هه‌نه.
ئەڤرۆ نیوز، ئەمیر ئەترووشی:
رێڤەبەرێ شوونوارێن دھۆکێ راگەھاند، پەیمانگەھەکا رۆژھەلاتا ناڤین یا فرەنسی سەرەدانا مۆزەخانا دھۆکێ کریە و بەرھەڤیا خوە دیارکریە بۆ ھندێ ڤەکۆلینێ ل سەر شوونوارێن دھۆکێ بکەت.
د. حەسەن قاسم، رێڤەبەرێ شوونوارێن دھۆکێ، بۆ ئەڤرۆ نیۆز دیار کر، (باربارا کوتوغو) رێڤەبەرا پەیمانگەھا رۆژھەلاتا ناڤین یا فرەنسی سەرەدانا مۆزەخانا دھۆک یا نیشتمانی کریە و بەرھەڤیا پەیمانگەھا خوە دەربریە بۆ کارکرن ب شێوەیەکێ ھەڤبەش ل گەل شوونوارێن دھۆک د بوارێن راھێنانێ دا و ڤەکۆلینێن شوونواری و سەخبێرکرنا شوونواران دا زێدەباری بوارێ دانان و پێشخستنا موزەخانان دا دیدارەک پر مفابوو، ئومێدەوارم ب زووترین دەم کارێن ھەڤبەش ل سنورێن بەھدینان بکەین.
نيشاندان