ئەڤرۆ نیوز ، زنار تۆڤی:
ئەڤرۆ چار شەمبی 28/11/2018 رێباز حەملان، وەزیرێ دارایی و ئابووری یێ حوکمەتا هەرێما كوردستانێ پێشوازى ل بارونیس نیلكسون، هنارتیێ تایبەت یێ سەرۆك وەزیرێن بریتانیا و جۆن ویلكس و بالیۆزی بریتانیا ل عێراقێ و مارتن وار، كونسولێ گشتی یێ بریتانیا ل هەرێما كوردستانێ و شاندەکێ ل گەل دا كر.
د دیدارێ دا هنارتیێ تایبەت یێ سەرۆك وەزیرێن بریتانیا بەحسێ سەركەفتنا هەرێما كوردستانێ كر، ل سەر وێ رهوشا د دهمێ بوری دا دروست بووی، هەروەسا ددهستخوهشى ل وەزارەتا دارایی و ئابووری كر، ب تایبەتی وان چاكسازیێن بەرچاڤ و مەزن ئەنجامداین د دهمێ سالەکێ دا، هەروەسا ئەو ئاسانكاریێن هاتینە كرن بۆ كۆمپانیێن بریتانی.
رێباز حەملان، وەزیرێ دارایی و ئابووری ئاماژە ب پەیوەندیێن ئابووری و دارایی یێن هەرێما كوردستانێ و كۆمپانیێن بریتانی كر و سوپاسيا پشتیەڤانیا حوکمەتا بریتانیا كر، هەروەسا بەحسێ چاكسازیێن وەزارەتا دارایی و ئابووری كر ل بانك و دهرگههێن سنورى و فرۆكخانا و گومرگ و باجا کو کرینه ئەلەكترۆنی. هەروەسا پەیوەندیێن دناڤبەرا و هەولێر و بەغدا تەوەرەکێ دیتر یا وێ كۆمبوونێ بوو ب تایبەتی نەهێلانا خالێن گومرگی یێن دناڤبەرا هەرێمێ و بەغدا و پشكا كوردستانێ د پڕۆژە قانوونا بودجێ 2019 یێ عیراقێ و ئێكخستنا پێناسا گومرگی دناڤبەرا هەردو لایان دا.
ئەڤرۆ نیۆز:
سەرۆک بارزانی راگەهاند کو ئارمانجا سەرەدانا من یا بۆ بەغدا بۆ چارەکرنا ئاریشێن د ناڤبەرا هەرێما کوردستانێ و بەغدا بوویە و داخواز ژ من هاتیە کرن کو بۆ ئاشتیا نیشتمانی دەسپێشخەریێ بکەم و گۆت: (ئەم ژی دێ دووڤچوونا بابەتی کەین و هەکە ئەز بزانم دێ ئەنجامێ خوە یێ باش هەبن یا پێدڤی دێ کەین لێ هەکە زەمینە بۆ هندێ گونجای نەبیت جارێ چو پێنگاڤ ناهێنە هاڤێتن).
سەرۆک بارزانی هەروەسا دیار کر کو د سەرەدانا خوە دا ئەز ل گەل هەموو ئالیان بێی جودا کۆمبووم و ئەم ل دۆر هەموو ئاریشان ئاخڤتین و ئەز ب باوەرم دێ گوهۆرینێن باش دروست ببن و گۆت: (ئەز باوەر ناکەم کو عادل عەبدولمەهدی وەکو سەرکردێن بەرێ یێن عیراقێ بخوازیت گەلێ کوردستانێ سزا بدەت، هەکە تشتەک وەسا هەبا من سەرەدانا بەغدا نەدکر و نها مە دڤێت ب کریاری پێنگاڤ بهێنە هاڤێتن).
سەرۆک بارزانی هەروەسا ئەو یەک ژی دیار کر کو ب چو رەنگەکێ هەلویستێ مە ل سەر حسابێ ئارمانجێن ستراتیژی یێن گەلێ کوردستانێ نەبوویە و نابیت و ل دۆر کەرکووکێ ژی دیار کر کو کەرکووک باژێرێ پێکڤەژیانێ یە لێ دێ ناسناما وێ هەر یا کوردستانی بیت.
ئەڤرۆ نیوز،بارزان مزووری:
ل شەڤا بوری دەمژمێر ١١ شەڤ ٢٧/١١ ژنەک بناڤێ”ب،س،خ” د ژیێ ٢٠ سالی دا ل گوندێ بوزا سەر ب ناحیا ئەلقوش ڤە ژ ئەگەرێ خارنا گەلەک جورێن حەبا گیانێ خوە ژ دەست دا.
نوژدارەک ل نەخوشخانا شێخان کو نەڤیا ناڤێ وی دیار بیت بو ئەڤرۆ نیوز دیار کر کو درەنگی شەڤێ ژنەک بناڤێ”ب،س” ژلایێ کەسوکارێن وێ ڤە گەھاندیە نەخوشخانا تەنگاڤیا ل شێخان لدووڤ راپورتا پزیشکی ھژمارەکا زور یا حەبێن جوراو جور خاربون بوو ئەگەر مەعیدێ وێ تێکبچیت و گیانێ خوە ژ دەست بدەت دووڤ دا بۆ نوشداریا داد ل پارێزگەھا دھوک ھاتە رەوانەکرن.
ل دۆر ڤێ بویەرێ رێوان ھەڤژینێ وێ ژنێ بۆ ئەڤرۆ نیوز دیار کر کو مەغرەب دگەل خێزانا خو بووم و چو کێشە نەبون و مە بەرھەڤی بۆ شەھیانەکێ دکر دیسان پشتی ژ مال دەرکەفتیم ل دەمژمێر ١١ شەڤ ھاتمە ئاگەھدارکرن ل دۆر ڤێ روودانێ کو رەوشا وێ یا خرابە بو نەخوشخانا شێخان ڤەگوھاستیە ھەتا گەھشتیم ھەڤژینا من گیانێ خوە ژ دەست دابوو.
ناڤھاتی خویاکر کو وان چ ئاریشە دگەل ئێک نەبوون من ب حەژێکرن ئینایە ماوێ دوو سال ئەڤیندارێن ئێک بوین بەری ب خازم ژبەرکو کچ ماما من بو پەیوەندیێن ئەڤینیا مە باش بوینە دەیکا دوو زاروکایە زارویەکێ من ژیێ وی ٥ سالە.
ل دۆر ڤێ روودانێ عەقید عارف میرخان رێڤەبەرێ پولیسێن ناحیا ئەلقوش بۆ ئەڤرۆ نیوز ئاشکرا کر کو ڤەکولین نوکە د ڤێ روودانێ دا یا بەردەوامە و ھێشتا چو کەس ژی نە ھاتینە دەستەسەر کرن.
ئەڤرۆ نیوز، رێوار مزیری:
رێڤەبەرێ کاروبارێن پشکنینێ ل رێڤەبەریا گشتی یا گەشت و گۆزارێ ل پارێزگەھا دھۆکێ بۆ ئەڤرۆ نیوز دیار کر کو ئەڤ سالە شەش جھێن گەشتیاری ژ لایێ لیژنەکا دەستپێکی ڤە ل پارێزگەھا دھۆکێ بۆ وەرگرتنا خەلاتێ جۆری یێ سالانە یێ گەشتیاری ھاتینە دەستنیشانکرن و گۆت: “ل ھەیڤا بھێت ئەڤ خەلاتە دێ ل سەر وان جھێن دھێنە ھەلبژارتن ھێتە بەلاڤکرن”.
شەمال جەعفەر، رێڤەبەرێ کاروبارێن پشکنینێ ل رێڤەبەریا گشتی یا گەشت و گۆزارێ ل پارێزگەھا دھۆکێ ئاشکرا کر کو ئەڤ سالە شەش جھێن گەشتیاری ھەر ئێک ژ (ئۆتێلا ریکسوس، خوارنگەھا میدیا سەرایی، خوارنگەھا کەیف کافێ، پیتزا نێلس، کۆمپانیا مودرێن تۆریزم، کۆمپانیا سمیارتۆر) پێشکێشی وەرگرتنا خەلاتێ جۆری یێ سالانە یێ گەشتیاری ل پارێزگەھا دھۆکێ کریە کو بەراورد ل گەل سالا بۆری ب تنێ جھەکێ گەشتیاری پێشکێشی وەرگرتنا ڤی خەلاتی کربوو و گۆت: “ئەڤ شەش جھە ژ لایێ لیژنەکا دەستپێکی ڤە ھاتینە دەستنیشانکرن و بەری دەستنیشانکرنا ڤان جھان، عوبەیدوللا داود رێڤەبەرێ گشتی یێ گەشت و گۆزارێ ل پارێزگەھا دھۆکێ و ئەڤ لیژنە ل گەل ھەموو جھێن گەشتیاری یێن پارێزگەھا دھۆکێ روونشتبوون و رێنمایی دابوونێ و ئاگەھدارکربوون کو ھەر جھەکێ گەشتیاری یێ ل دووڤ وان رێنمایان بچیت دێ بۆ وەرگرتنا خەلاتێ جۆری یێ سالانە یێ گەشتیاری ھێتە دەستنیشانکرن”.
ناڤھاتی ئاماژە دا وێ چەندێ کو ئەڤرۆ رۆژا ٢٨/١١/٢٠١٨ێ لیژنەکا سەرەکی ژ پارێزگەھا ھەولێرێ بۆ ھەلسەنگاندنا وان جھێن گەشتیاری ھاتیە پارێزگەھا دھۆکێ و ل گەل لیژنەکا دی یا تایبەت ل پارێزگەھا دھۆکێ دێ سەرەدانا وان جھێن ھاتینە دەستنیشانکرن کەن بۆ وێ چەندێ داکو بزانن ئایا ئەڤ جھە ژ ھەژی وەرگرتنا خەلاتێ جۆری یێ سالانە یێ گەشتیاری نە یان نە و گۆت: “پشتی ئەڤ لژنە بڕیارێ ددەن کا دێ چەند ژ وان جھێن گەشتیاری ھێنە ھەلبژارتن، ل ھەیڤا بھێت د رۆژەکا تایبەت دا و ب گێڕانا ئاھەنگەکێ ئەڤ خەلاتە دێ پێشکێشی وان بنگەھان ھێتەکرن”.
ئهڤرۆ نيوز:
وهزارهتا پهروهردێ ل حوكمهتا ههرێما كوردستانێ سزايێ “قوپيايێ” د تاقيكرنێن پۆلا 12 ئامادهيى دا ئاشكهرا كر.
پشتيوان سادق، وهزيرێ پهروهردێ ل حوكمهتا ههرێما كوردستانێ نڤيسارهكا فهرمى ئاراستهى رێڤهبهريێن پهروهردێ ل “ههولێر، دهۆك، سلێمانى و ههلهبچه” كرن و تێدا سزايێ قوپيايێ بۆ قوتابيێن پۆلا 12ێ ئامادهيى ل دهمێ ئهزموونان دا دياركر.
وهزارهتا پهروهردێ بڕيار دايه كو ههكه هات و قوتابى سالا ئێكێ بوو و قوپيا كر، ئهوى يان ئهوێ سالا بهێت مافێ پشكداريێ د ئهزموونێن گشتى دا نابيت و سالا ب دووڤ دا ژى دێ چيته خواندنا ئێڤاران. ههكه قوتابى سالا دويێ ژى بوو، سالا داهاتى پشكداريێ ناكهت و سالا ب دووڤ دا دێ ئهزموونێن دهرهكى ئهنجام دهت.
د پشكهكا دى يا ڤێ نڤيسارێ دا هاتيه كو ههكه قوتابى يێ سيستهمێ ئێڤاران بيت و قوپيايێ بكهت، بۆ سالا بهێت مافێ پشكداريێ نامينيت و سالا ب دووڤ دا دێ د رێيا ئهزموونێن بهرايێ دا پشكدارى ئهزموونێن گشتى بيت. ههكه ژى قوتابى يێ دهرهكى ب ئێك يان دو بابهتان بيت و قوپيايێ بكهت بۆ سالا داهاتى مافێ پشكداريێ د ئهزموونێن گشتى دا نامينيت و پاشان ژى دشێت ئهزموونێن دهسپێكى ئهنجام بدهت، بهلێ يێن ههموو بابهتان.
ئەڤرۆ نیوز، لەزگین جوقی:
قایمقامی قەزا شنگال بۆ ئەڤرۆ نیوز دیارکرکو ئیدارا شنگالێ پیشنیار کریە ھەر کچەک یان ژنەک یان زارۆیەکێ رەڤاندی ێی ئێزدی بھێتە رزگارکرن یان ئاشکراکرن ژ لایی کەسەکێ ڤە ئەو کەس بھێتە پاداشت کرن.
مەحما خەلیل، قایمقامی قەزا شنگال بۆ ئەڤرۆ نیوز دیار کر کو ب فەرمی وان داخواز ژ پارێزگارێ نەینەوا و دەزگەھێن ئێنماھیی ل مووسل کریە پاداشتەکێ دەست نیشان بکەن بۆ وەلاتیان داکو وەلاتی بھێنە ھاندان ھەڤکاریا ھێزێن ئەمنی بکەن بۆ ئاشکراکرنا جھێن رەڤاندیێن ئێزدی دناڤ مالێن خەلکێ مووسلێ دا، ھەکە بەغدا بریارەکێ بدەت ھەر کەسەکێ رەڤاندییەکا ئێزدی رزگاربکەت یان ھەڤکاریا رزگارکرنا رەڤاندیەکا ئێزدی بکەت یان جھێ رەڤاندنا کچ و ژن و زارۆیێن ئێزدی ئاشکرا بکەت ئەو کەس بھێتە خەلاتکرن ب کوژمەکێ پارەی و گۆت: “ھەکە ئەڤ پێنگاڤە بھێتە ھاڤێتن دێ ھندەک ژ رەڤاندیێن دی یێن ئێزدی ھێنە رزگارکرن، محابن ھێشتا بەغدا ئەڤ پینگاڤێن وەسا بۆ رزگارکرنا رەڤاندیێن ئێزدی نە ھاڤێتینە”.
ناڤھاتی دیار کر کو ب رێیا ناسنامێن سەختە و ناڤێن سەختە ھندەک کەسان رەڤاندیێن ئێزدی د ناڤ مالێن خوە دا ڤەشارتینە و رادەستی ھێزین ئەمنی ناکەن و ئەو رەڤاندیێن ئێزدی یێن ھاتینە ترساندن دوورکرن ژ نەتەوە و ئول و ئایینێ وان.
ئەڤرۆ نیوز، نەوزاد ھلۆری:
ھەر ئێک ژ وەزارەتا پێشمەرگەی و ناڤخوە د کونگرەیەکێ ھەڤپشک دا گرتنا زێدەتری دو ھزار تاوانباران ل ھەرێما کوردستانێ د دەما بوری دا راگەھاندن.
جەبار یاوە، ئەمیندارێ گشتیێ وەزارەتا پێشمەرگەی دیارکر کو ژورەکا ھەڤپشک د ناڤبەرا وەزارەتێن پێشمەرگە و ناڤخوە ھاتیە پێکئینان بۆ دووڤچوون ل سەر ھەر کەیسەکا گرێدای تاوانباران و گۆت: (د دەما بوری دا زێدەتر ژ دو ھزار تاوانباران ھاتینە گرتن، ھژمارەکا دى ژی داخواز کرینە و دووڤچون دھێتەکرن بۆ گرتنا وان ژی، لژنێن ھەڤپشکێن مە د بەردەوامن بۆ گرتنا ئەو کەسانێن داخوازکری).
ب گورەی ئاخفتنێن ئەمیندارێ گشتیێ يێ وەزارەتا پێشمەرگەی، تاوانبار ھەموو پلەیان ب خوه ڤە دگرن.
ئهڤرۆ نيوز:
سهرۆك فرهنسا دێ سهرهدانا عيراقێ كهت و چاڤهرێ دهێته كرن سهرهدانا ههرێما كوردستانێ ژى بكهت.
وهزارهتا ژ دهرڤه يا عيراقێ د بهياننامهكێ دا راگههانديه كو محهمهد عهلى حهكيم وهزيرێ ژ دهرڤه پهيوهنديهكا تلهفۆنى ل گهل جا ئێن لودريان وهزيرێ ژ دهرڤه يێ فرهنسا ئهنجام دايه.
د پهيوهنديا تلهفۆنى دا، محهمهد عهلى حهكيم، و جان ئێف لودريان دانوستاندنا پهيوهنديێن بهغدا و پاريس كرينه و لودريان پشتهڤانيا وهلاتێ خوه بۆ عيراقێ ل شهرێ دژى رێكخراوا تيرۆرستى داعش دووپات كريه.
ههر وهكو د بهياننامێ دا هاتى، وهزيرێ ژ دهرڤه يێ فرهنسا نيهتا خوه نيشان دايه بۆ سهرهدانكرنا عيراقێ ل دهسپێكا سالا بهێت ژى دێ ئيمانوئێل ماكرۆن سهرۆكێ وهلاتێ فرهنسا سهرهدانا عيراقێ كهت.
ههر چهنده چو داخۆيانيێن فهرمى دهربارهيى وێ چهندێ نينن كو ماكرۆن دێ سهرهدانا ههرێما كوردستانێ كهت، بهلێ دهێته چاڤهرێكرن سهرهدانا ههرێما كوردستانێ ژى بدهت.
ئەڤرۆ نیوز:
رێڤەبەریا گشتی یا سەقاناسی و بیڤەلەرزێ ل ھەرێما کوردستانێ راگەھاند کو ھەرێما کوردستانێ دێ کەڤیتە بەر شەپۆلەکا دی یا باران بارینێ و بەفر ژی دێ ل گەلەک جھان باریت بتایبەت دەڤەرێن چیایی.
پشکا پێشبینیان ل رێڤەبەریا گشتی یا سەقاناسی و بیڤەلەرزێ ل ھەرێما کوردستانێ د نڤیسارەکێ دا کو دانەک ب دەست ئەڤرۆ نیوز کەفتیە تێدا ئاشکەرا کریە کو ھەرێما کوردستانێ دێ کەڤیتە بن کارتێکرنا درێژبوونا فشارێن نزمێن دەریا ناڤەراست.
ئاشکەرا ژی کریە کو ئەڤ پێلە سوبەھی رۆژا پێنجشەمبی رێکەفتی 28ی چریا دویێ 2018 ل دەمێن شەڤێ ئەسمان دێ ژ ئەورەکێ ناڤەندی بیتە ئەورێ تەمام ل گەل دەسپێکرنا بارانێ.
ھەر ب گۆرەیی ڤێ نڤیسارێ ل دەسپێکێ دێ ل لایێن رۆژئاڤایێ ھەرێمێ دێ دەست پێ کەت و رۆژا ئەینی کارتێکرنا پێلێن باران بارینێ دێ کەڤنە سەر ھەموو دەڤەرێ و ئاستێ باران بارینێ دێ یێ ناڤەندی بیت، ژبلی دەڤەرێن چیایی یێن پارێزگەھا دھۆکێ ب پلە ئێک پاشان ژی دەڤەرێن چیایی یێن پارێزگەھا ھەولێر زۆرترین رێژێن باران بارینێ دێ ھێنە تۆمارکرن، دبیت ئاستێ باران بارینێ ب رەنگەکێ دژوار بیت.
ھەر ب گۆرەیی پشکا پێشبینیان ل دەمێ ھاتنا ڤان پێلان دێ پارستە ھەوایەکێ ھەتا رادەکێ سار ژی روو ل دەڤەرێ کەت و پلێن گەرمێ ژی دێ ھێنە خوار و ھندەک جاران بریسی ژی دێ ل گەل بن.
ئ
اماژە دایە وێ چەندێ ژی کو رێژا باران بارینا پێشبینیکری ل سەنتەرێ پارێزگەھێن سلێمانی و دھۆک و ھەولێر و ھەلەبچە دێ د سەر 25ملم دا بیت و دھێتە پێشبینیکرن بەفر ژی ل دەڤەرێن چیایی و بلند و سنوری ب باریت.
پشکا پێشبینیان ل رێڤەبەریا گشتی یا سەقاناسی و بیڤەلەرزێ ل ھەرێما کوردستانێ ل دووماھیی ژی ئاشکەرا کریە کو کارتێکرنا ڤان فشاران ژی ھەتا رۆژا ئێکشەمبی دێ یا بەردەوام بیت.
نيشاندان