ئەڤرۆ نیوز:
ل دووڤ چەند ژێدەرێن دەنگوباسان یاریزانێ یانا مانچستەر ستی یا ئنگلیزی رەحیم ستێرلینگ بۆ باشترین یاریزانێ خولا ئنگلیزی یا تەپا پێ ل وەرزێ ئەڤ سالە ٢٠١٨،٢٠١٩.
زێدەتر د ڤی چارچوڤەی دا کوربەندا نڤیسەرێن ئنگلیزی ب رێکا مالپەرێ خوە ئەڤ نووچەیە بەلاڤ کریە و ئاماژە دایە کو یاریزانێ مان ستی رەحیم ستێرلینگ دێ بیتە باشترین یاریزانێ وەرزێ ئەڤ سالە یێ خولا ئنگلیزی.
ئەڤرۆ نیوز:
حزبەکا نوو یا سیاسی ل پارێزگەھا سلێمانیێ ب ناڤێ ( پارتی دیموقراتی دادپەروەری) ھاتە دامەزراندن و ئارمانجا وان ئەوە پشکداریێ د ھەلبژارتنێن ئەنجوومەنێ پارێزگەھان ژی پشکداریێ بکەن.
زێدەتر سەرپەرشتێ ڤێ حزبێ دانا تەیب دیارکر ئەو حزبەکا نوونە و ئارمانجا وان کومکرنا بیروبوچونێن جودایە و دێ ب شێوەکێ مودرێن کارێ خوە کەن، و نوکە ئەوان ب فەرمە داخوازا وەرگرتنا مولەتێ کریە ژ وەزارەتا نافخو یا ھەرێما کوردستانێ و کومسیونا بلندا سەربەخویا ھەلبژارتنێن عیراقێ کریە ژ بەرکو وان پلان دانایە بۆ ھەلبژارتنێن ئەنجوومەنێ پارێزگەھێ پشکداریێ بکەن و چەندین کەسێن خودان باوەرنامە یێن خودا شیان کاندید بکەن.
ئەڤرۆ نیوز، عەلی حاجی:
ئەڤرۆ رۆژا دوشەمبی رێککەفتی ٢٩/٤/٢٠١٩ کچەکا ١٩ سالی یا کو خەلکێ زاخۆیە ل سەر پرا بەدرخانی نزیک تاخێ شەعبانیکێ یا زاخۆ خوە ھاڤێتیە د رووبارێ خابیری دا و خەندقیە.
بێوار عەبدولعەزیز بەرپرسێ راگەھاندنا بەرەڤانیا شارستانیا پارێزگەھا دھۆک بۆ ئەڤرۆ نیوز گۆت: ئەڤرۆ ل دەمژمێر ١٢ نیڤرۆ ھاتینە ئاگەھدارکرن کو کچەکێ خوە ھاڤێتە رووبارێ خابیری دا و خەندقیە و تیمێن مە یێن نقوومڤانی ژی ل جھێ روودانێ ئامادەبووینە و ھەتا نوکە بەردەوام لێگەریانا لاشێ وێ دکەن لێ ب مخابنی ڤە ھێشتا نەھاتیە دیتن.
ناڤھاتی دا زانین ئەو کچ خەلکا زاخۆ یە و ل دووڤ زانیاریان تەمەنێ وێ ١٩ سالە و ئەگەرێن خوە ھاڤێتنا وێ ژی دیار نینن ھەتا لایەنێن پەیوەندیدار ڤەکولینێ ب دووماھی دئینن.
ئەڤرۆ نیوز، مەحمود نھێلی:
سەرۆکی باژێرڤانیا دێرەلۆک بۆ ئەڤرۆ نیوز دیارکر کو ئەو رێ و پرێن ژ ئەنجامێن لەھیان زیان گەھشتیێ دێ ھێنە چێکرن و نووژەنکرن و بۆ وێ یەکی پلانەکا باش ژلایێ پاژێرڤانیێ ڤە دانایە.
ئەندازیار عەبدولمەناف رەشید سەرۆکێ باژێرڤایا دێرەلۆک بۆ ئەڤرۆ نیوز دیار کر ژ ئەنجامێ بارانێن زۆر و دروستبوونا لەھیان زیانێن زۆر گەھشتنە رێ و پرێن سنورێ ناحیا دێرەلۆک تایبەت دو پرێن سەر سپنە پشکەک ژێ ھاتنە خراب کرن و گۆت: ( مە نوکە پلانەکا بەروەخت دانایە بۆ وێ یەکێ ئەڤ پرە ب رەنگەکی دەمکی بھێنە چێکرن دا کو ژ خراب بوونێ بھێنە پاراستن و ھەر دڤان رۆژان دێ دەست ب نووژەنکرنا وان ھێتە کرن).
ناڤھاتی ئاشکرا کر ژ بەر کو ئەرد و بیستانێن ھاولاتیان دکەڤنە بەر رێ و وێ پرێ ئەو نەشێن ب رەنگەکی بەرفرەھتر وێ پرێ درووست بکەن ب رەنگەکێ کو تراکتر و ترۆمبێل ھاتنوچوونێ ل سەر بکەن و گۆت: ( چێدبیت دا ب وی رەنگی مفایەکێ باشتر ژێ ھێتە وەرگرتن ژلایێ جوتیاری ڤە بەلێ ئەڤە دێ پێدڤی ب مەزاختێن پتر بیت ب تایبەتی ژی ژلایێ قەرەبووکرنا خودانێن ئەردی ڤە).
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 29ى نيسانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.100 دينار |
| 100 يۆرۆيێ ئه‌ورۆپى | 135.000 دينار |
| 100 ليرێ توركى | 20.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، نەوزاد ھلۆری:
ب مەرەما نەھێلانا مین و تەقەمەنیان، رێڤەبەریا گشتی یا کاروبارێن مین و تەقەمەنیان ل پارێزگەھا دھۆک دەست ب پاقژکرنا گرێ قائیدا ل دێرەلووکێ کر کو پتری 52 ھزار مەترێن چوار گوشەیە.
مەسعود مەلا شەفیق، رێڤەبەرێ گشتیێ کاروبارێن مین و تەقەمەنیان بۆ ئەڤرۆ نیوز گۆت: (ب مەرەما نەھێلان و پاقژکرنا مین و تەقەمەنیان ل سنوورێ دەڤەرا ئامێدیێ و ناحیا دێرەلووک ب تایبەتی، تیم و کەمپەک بو راکرنا مین و تەقەمەنیان ل ئامێدێ ھاتیە دانان، نوکە ئەوێ تیمێ دەست ب راکرن و نەھێلانا مین و تەقەمەنیان کر ل گرێ قائیدا ل دێرەلووک).
زێدەتر گۆت: (رووبەرێ ئەوی گری دبیتە پتری 52 ھزار مەترێن چوارگوشە، ھەر چەندە دڤیا زوتر دەست پێ کربایە، بەلێ ژ ئەگەرێ بارینا بارانێن بەردەوام و نەدانانا فەرمانبەر و کارمەندێن گرێبەستێن نوو راکرنا وان ژی گیروبوو، بەلێ تیم نوکە ب شێوەیەکێ بەردەوام دەست بکاربوو و تا نوکە سێ پارچە تەقەمەنی ھاتینە دیتن، دەستپێکێ ژی ل رەخێ گوندێ گەلەکا دەست پێ کر ژبەرکو خەلکێ وی گندی گلەی دکرن چونکی گیانەورێن وان دچنە دەردورێن گری و پێشتر ژی چەند گیانەوەر و تەرش و کەوالێ وان بویە قوربانی و ھاتینە کوشتن).
ناڤبری دیارکر ژی کو پشتی داوی ھاتنا گرێ قایدا ئەو دێ چاڤەرێ بن کو کوژمەکێ پارەی ژلایێ گەشەپێدانا پارێزگەھا دھۆک بھێـە تەرخانکرن بو تیم و کەمپا وان داکو بشێن ل گەلێ بالندا و جھێن دن ژی مین و تەقەمەنیان راکەن و نەھێلن.
ئەڤرۆ نیوز، سەباح زوھێر:
چیا ئاکرەیی ماموستایێ پەیمانگەھا ھونەرێن جوان ل ئاکرێ بۆ ئەڤرۆنیوز ددەتە دیارکرن کو ئەڤرۆ ئەم رابووینە ب ڤەکرنا فیستەڤالا خوە یا چوارێ ل ژێرناڤێ (ئاکرێ وارگەھێ ھونەری)یە ل ژێر ناڤێ چاڤدێریا وەزیرێ پەروەردێ.
ناڤھاتی زێدەتر گۆت کو دڤێ فیستەڤالێ دا (۹۸) قوتابیان پشکداری کریە کو چەندین کار و چالاکیێن جودا جودا ھاتنە نیشاندان، ل وانا نزیکی (۱٥۰) تابلۆیێن زەیتی ھاتنە دروستکرن، کو دەستکارێ قوتابیێن پەیمانگەھێ بووینە، ئەڤ کارە ژی پتر یێن قوتابیێن قوناغا سێ و چارێ نە، چونکی ئەو پتر شارەزانە دڤی کارەیی دا، ھەروەسا ل بەشێ پەیکەری ھەتا ۷۰پەیکەرا ھاتینە چێکرن، ھەروەسا ل بەشێ رەنگی ژی چەند کار ھاتیە نیشاندان، ھەروەسا چەندین کارێن دیێن جوداجودا ھاتینە نیشاندان.
مەموستایێ پەیمانگەھێ ئەو چەندە ژی گۆت کو دڤان کاراندا ئەم شێین بێژین قوتابیێن مە تایبەتمەندیەکا دی وەرگرتی یە و زورباشتر و جوانتر کارێ خوە نیشا بینەرێن فیستەڤالێ دایە، جوداھیەکا باشتر ھەبوو دگەل سالێن بوری، گرنگیا ڤێ فیستەڤالێ دەمێ کارێ قوتابیان ل دوماھیا سالێ دھێتە نیشاندان، دێ خەلکەک ماندیبوون و بەھرەیێن ڤان قوتابیان بینیت و دێ زانن کا د چ ئاست دانە و دێ بیتە ھاندانھک بۆ وان کەسێن حەزا ھونەری ھەی، دێ پتر ھونەر شێوەکێ جوانتر بۆ خەلکەکی ھێتە نیشاندان.
ئه‌ڤرۆ نيوز:
پشتيوان سادق، وه‌زيرێ په‌روه‌ردێ ل حوكمه‌تا هه‌رێما كوردستانێ، ئه‌ڤرۆ رۆژا دوشه‌مبى راگه‌هاند كو نها چو كێشه نه‌ماينه ببنه رێگر د ناڤبه‌را پێكئينانا حوكمه‌تا نوو دا.
پشتيوان سادق، د داخۆيانيه‌كا رۆژنامه‌ڤانى دا ل كوسنجيق گۆت: “نها چو كێشێن مه‌زن د پێكئينانا حوكمه‌تا نوو دا نينن، بابه‌ت نها مايه د چه‌ند روونشتنێن بچووك دا يێن ناڤبه‌را هه‌رسێ لايه‌نێن سه‌ره‌كى بۆ پێكئنيانا حوكمه‌تێ.
وه‌زيرێ په‌روه‌ردێ ل حوكمه‌تا هه‌رێما كوردستانێ ئاماژه ب وێ چه‌ندێ ژى كر كو ئه‌و ب هيڤى نه حوكمه‌تا نوو يا هه‌رێمێ ب زووترين ده‌م بهێته پێكئينان ژ به‌ر كو گه‌له‌ك گيرۆ بوويه.
ئه‌ڤرۆ نيوز:
سپێده‌هيا ئه‌ڤرۆ وه‌زيرێ ژ ده‌رڤه يێ توركيا ل گه‌ل شيره‌تكارێ جڤاتا ئاسايشا هه‌رێما كوردستانێ كۆمبوون و پشتى وێ كۆمبوونێ ژى ل گه‌ل سه‌رۆك وه‌زيرێن هه‌رێما كوردستانێ كۆمبوو.
به‌رى ده‌مه‌كێ كێم كۆمبوونا مه‌سرۆر بارزانى، شيره‌تكارێ جڤاتا ئاسايشا هه‌رێما كوردستانێ و مه‌ولود چاوش ئوغلۆ، وه‌زيرێ ژ ده‌رڤه يێ توركيا ل هه‌ولێر ده‌سپێكر.
پشتى ڤێ كۆمبوونێ، وه‌زيرێ ژ ده‌رڤه يێ توركيا ل گه‌ل نێچيرڤان بارزانى سه‌رۆك وه‌زيرێن هه‌رێما كوردستانێ كۆمبوو و په‌يوه‌نديێن ناڤبه‌را هه‌ولێر و ئه‌نقه‌ره و كاودانێن عيراق و ده‌ڤه‌رێ گه‌نگه‌شه دكه‌ن.
بڕياره هه‌ر ئه‌ڤرۆ مه‌ولود چاوش ئوغلۆ ل گه‌ل قوباد ته‌له‌بانى جێگرێ سه‌رۆك وه‌زيرێن هه‌رێما كوردستانێ ژى كۆمبوو و سپێده‌هيا ئه‌ڤرۆ ژى وه‌زيرێ ژ ده‌رڤه يێ توركيا سه‌ره‌دانا باره‌گايێ به‌ره‌ى توركمانى ل هه‌ولێر كر.
نيشاندان