ئەڤرۆ نیوز،ھەژار مەعروف:
نوونەرا ھەرێما کوردستانێ دخۆلا پلا نایابا عیراقێ تیما تەپا پێ یا ھەولێر بەردەوامی دا ئەنجامێن خوە یێن لاواز د خولێ دا بوو یاریا پێنچێ ل دیڤ ئێک نەشیا سەرکەفتنێ توماربکەت و د یاریا خوە یا ئەڤرۆ دا ژی وەکھەڤبوو ل ناڤ ئەرد و جەماوەرێ خوە ل گەل یانا کارەبا بێ گول ژ چارچوڤێ یاریێن گەرا ٢٤ ژ قوناغا دوێ یا خولێ.
یانا ھەولێر بوو یاریا پێنچێ ل دیڤ ئێک و سێ ل یاریگەھا خوە ژ یاریێن قوناغا دوێ نەشیا سەرکەفتنێ توماربکەت ل یاریگەھا خوە پشتی بەری دەمەکێ کێم ل گەل یانا کارەبا وەکھەڤبووی بێ گول ب ڤی ئەنجامی یانا ھەولێر خالێن وێ گەھشتنە ٢٨ خالان و ل رێزا ١٢ دھێت د لیستا خولێ دا .
ھەژی گوتنێ یە یانا ھەولێر ل ھەر پێنچ یاریێن قوناغا دوێ دا توشی سێ خوسارەتیا بوویە و ل گەل دو وەکھەڤیا و ھەشت گول سەر ھاتینە تومارکرن و ئێک گول تومارکریە.

ئەڤرۆ نیوز:
راپورتێن رۆژنامەڤانی ل فرەنسا ئاشکراکرینە یانا پاریس سانجێرمان نێزیکی ئیمزاکرنا ھەڤبەستەکا سەربەست بوویە ژ یاریزانەکێ یانا مانچێستەر یوناید ئەوێ بریارە ھەڤبەستا ئەوی ل دووماھیا ڤی وەرزی ب دووماھیی بھێت.
رادیویا کارلو یێ فرەنسی دیارکریە یانا پاریس سانجێرمان گەھشتی یە رێککەفتنێ ل سەر ھەموو بەندێن ھەڤبەستێ ل گەل یاریزانێ ئیسپانی و یانا مانچێستەر یوناید ئاندەر ھیریر بتنێ چاڤەرێ ئیمزاکرنا ھەڤبەستا یاریزانی مایە کو ل دووماھیا ڤی وەرزی بەر ب وەلاتێ ئنگلتەرا بچیت بوو ئیمزاکرنا ھەڤبەستێ .
ئەوی مالپەری ئەو چەندە ژی ئاشکراکریە دبیت ھەڤبەستا ئەوی بوو ٤ ھەتا ٥ سالان بھێتە ئیمزاکرن ل گەل یانا پاریس سانجێرمان کو بھایێ ھەڤبەستێ ھەتا نوکە نە ھاتیە دیارکرن.
ھەژی گوتنێ یە ھیریرا دھێتە ھژمارتن ئێک ژ یاریزانێن ھەرە باش ل ناڤا پێکھاتیێ مانچێستەر یوناید کو ل وەرزێ بوری ببو جھێ ئارمانجا گەلەک یانا لێ مورینھوی دەست ژ شیانێن ئەوی یاریزانی بەرنەدە و پشت بەستنەکا مەزن ل سەر ئەوی یاریزانی کر و ھەتا نوکە ھەڤبەستا خوە ل گەل یانا مانچێستەر یوناید نوو نەکری کو بریارە ل ھاڤینا ئەڤ سالە ھەڤبەستا ئەوی ل گەل وێ یانێ ب دووماھیی بھێت.