ئەڤرۆ نیوز:
دەزگەهێن راگەهاندنا ئیتالیا دیار دکەن کو شەڤا بۆری پتر ژ ٥٠٠ کۆچبەرێن نەئاسایی گەهشتینە ئیتالیا و بەرپرسێن ئورۆپا ژی ژ پێلانەکا نوو یا کۆچبەر و پەنابەران دترسن.
رێکخراوا ساخلەمیا جیهانی ژی بەری نها دیار کربوو کو ژ بەر شەری، ڤایرۆسێ کۆرۆنایێ و قەیرانا ئابووری دێ پێلەکا نوو یا کۆچبەر و پەنابەران بەرێ خوە دەنە ئورۆپا.
ئەڤرۆ نیوز:
ل گۆر ئاژانسا فرانس پرێس پشتی گەفێن ئەردۆگانی و وەزیرێ بەرەڤانیێ یێ تورکیا وەلاتێ یونانێ سەربازێن خوە ل گزیرتا میس ل نێزیکی سنورێ تورکیا بجهکرن و هەروەسا بەرپرسێن یونانێ دیار ژی دکەن کو دێ ل هەمبەر هەر دەستدرێژیەکا تورکیا ب توندی بەرسڤا وی وەلاتی دەن.
ئەو یەک پشتی هندێ هات کو دوهی بەرپرسەکێ وەزارەتا دەرڤە یا تورکیا بێی کو ناڤێ خوە ئاشکرا بکەت دیار کربوو وان فەرمان داینە گەمیێن شەری کو هەکە هێزێن یونانێ نێزیکی سنورێن تورکیا ببن تەقە ل وان بکەن.
ئەڤرۆ نیوز:
رێڤەبەرێ راگەهاندنا پەرلەمانێ کوردستانێ دیار کر: ئەڤرۆ ئێکشەمبی دەستەیا سەرۆکاتیا پەرلەمانێ کوردستانێ دێ کۆمبیت و دێ بریارێ ل سەر دەمێ دەستپێکرنا ئێکەم روونشتنا خولا پایزی یا پەرلەمانی دەت.
سامان ئەحمەد، رێڤەبەرێ راگەهاندنا پەرلەمانێ کوردستانێ گۆت ژی: ئەڤرۆ دەستەیا سەرۆکاتیا پەرلەمانێ دێ کۆمبیت، دێ بڕیارێ ل سەر دەستپێکرنا ئێکەم روونشتنا خولا پایزی یا پەرلەمانی دەت، دێ رۆژەکێ بۆ کۆمبوونێ دیارکەت و دێ بانگهێشتا ئەندامێن پەرلەمانی ژی بۆ وێ کۆمبوونێ کەت.
ل رۆژا سێشەمبی ١ ئیلۆنا 2020 دێ دەمێ بهێنڤەدانا بهاری یا پەرلەمانێ کوردستانێ ب دووماهی هێت و لدووڤ پەیرەوێ ناڤخۆیی یێ پەرلەمانی، دێ دەمێ خولا پایزی یا پەرلەمانی دەستپێکەت و پێدڤیە کۆمبوون دەستپێبکەنە.
هەروەسا لدووڤ پەیرەوێ ناڤخۆیی یێ پەرلەمانێ کوردستانێ، پەرلەمانی د سالەکێ دا دو وەرزێن گرێدانێ هەنە، ئەو ژی خولا بهاری و خولا پاییزی.
ئەڤرۆ نیوز:
شاندەکێ جڤاتا سووریا دیموکرات کو وەکو بالێ سیاسی یێ هێزێن سووریا دیموکرات دهێتە نیاسین سەرەدانا روسیا کریە و دهێتە چاڤەرێکرن کو ل گەل سیرگێی لاڤرۆڤ وەزیرێ دەرڤە یێ روسیا کۆمبن و روسیا داخواز ژ شاندێ جڤاتا سووریا دیموکرات کریە کو ل دۆر رێککەفتنا پەترۆلێ یا ل گەل ئەمریکا پتر رۆنکرنێ بدەنە وان.
هەژی ئاماژەپێدانێ یە کو روسیا و تورکیا بەری نها دژبەریا خوە ل هەمبەر رێککەفتنا پەترۆلێ یا د ناڤبەرا رێڤەبەریا خوەسەر و ئەمریکا دا دیار کربوون.
ئەڤرۆ نیوز:
ل گۆر ژێدەرێن میدیایی ل رۆژئاڤایێ کوردستانێ شەڤا بۆری چەکدارێن سەر ب تورکیا ل عەفرینێ ١١ وەلاتیێن کورد رەڤاندن و هەتا نها ژی چارەنڤیسێ وان کەسان دیار نینە.
هەروەسا هاتە زانین کو چەکدارێن سەر ب تورکیا ئاگر بەرداینە دارستانێن دو گوندێن کوردان ل عەفرینێ و وەلاتیەک ژی بریندار کرینە و ب زۆرێ پارە ژ خەلکێ گوندان وەردگرن.
ئەڤرۆ نیوز:
رێکخراوا چاڤدێریا مافێن مرۆڤی یا سووریێ راگەهاند کو چەکدارێن داعشێ ل پارێزگەها حەسەکێ ل رۆژئاڤایێ کوردستانێ چار فەرمانبەرێن کورد شەهید کرن و وەلاتیەکێ سڤیل ژی بریندار بوو.
ل گۆر رێکخراوا چاڤدێریا مافێن مرۆڤی یا سووریێ نها چەکدارێن داعشێ ل دەڤەرێن سنوری یێن د ناڤبەرا سووریێ و عیراقێ دا چالاک بووینە و مەترسیا چەکدارێن تیرۆرست زێدەتر بوویە.
ئەڤرۆ نیوز:
وەزارەتا دەرڤە یا ئیسرائیلێ راگەهاند کو ل ناڤەراستا مەها بهێت ل واشنتۆن دێ رێککەفتنا د ناڤبەرا وان و ئیماراتێ دا هێتە ئیمزا کرن.
ئەو یەک د دەمەکێ دایە کو دوهی ئیماراتێ هەموو بریار و قانوونێن بەری نها ل دۆر سزادانا ئیسرائیلێ هلوەشاندن و راگەهاند ئەو دێ گاڤ ب گاڤ پەیوەندیێن خوە ل گەل ئیسرائیلێ ئاسایی کەن.
ئه‌ڤرۆ نیوز:
وه‌زاره‌تا بازرگانیا عیراقێ راگه‌هاند پشكا ئاهێن خوارنێ یا هه‌یڤانه یا وه‌لاتیان ژ به‌رهه‌مێ ناڤخویی دهێته دابینكرن و هێنه پارڤه‌كرن.
محه‌مه‌د حه‌نون په‌یڤدارێ وه‌زاره‌تا بازرگانیا عیراقێ راگه‌هاند وه‌زاره‌ت ژ دابینكرنا كه‌ره‌سته‌یێن فورما ئاهێن خوارنێ پشت به‌ستنێ ل سه‌ر به‌رهه‌مێن ناڤخویی دكه‌ت، ئه‌و ژی ئاره و برنج و شه‌كر و زه‌یتا خوارنێ 100% به‌رهه‌مێن خومالی نه، ئار و برنج ژ جوتیاران هاتیه كرین و هه‌موو ئه‌و كه‌ره‌سته‌یێن به‌رهه‌مێ ناڤخویی نه و ب هیری پشكنین بۆ هاتیه‌كرن.
په‌یڤدارێ وه‌زاره‌تا بازرگانیا عیراقێ ئه‌و چه‌نده ژی دازانین داخاز ژ وه‌لاتیان كر هه‌كه هه‌ست كر ئه‌و كه‌ره‌سته‌یێن وه‌ردگرن حراپن یان مه‌رجێن ساخله‌میێ تێدا نینن، ده‌ملده‌ست فه‌رمانگه‌هێن چاڤدێریكرنێ ئاگه‌هدار بكه‌ن ژ ئه‌وان رێ و ئاوایێن یاسایی پێدڤی بكار بینن هه‌مبه‌ر ئه‌وی كه‌س و وه‌كیلی.
ئه‌ڤرۆ نیوز: له‌زگین جوقی:
رێڤه‌به‌رێ گشتی یێ ساخله‌میا پارێزگه‌ها دهۆكێ دیاركر ئه‌ڤرۆ 30/8/2020ێ ساخله‌میا جیهانی ب كوژمێ 270 هزار دۆلاران هاریكاری پێشكیشی ساخله‌میا دهۆكێ كرن.
د. نزار عسمه‌ت، رێڤه‌به‌رێ گشتی یێ ساخله‌میا پارێزگه‌ها دهۆكێ دیاركر ئه‌دهه‌م ئیسماعیل، نوونه‌رێ رێكخراوا ساخله‌میا جیهانی ل عێراقێ سه‌ره‌دانا پارێزگه‌ها دهۆكێ كریه دگه‌ل پارێزگه‌رێ دهۆكێ كومبوونه‌ك ئه‌نجامدایه وسه‌ره‌دانا نه‌خۆشخانێن دهۆكێ كر بۆ هایداربوون ل سه‌ر ره‌وشا دهۆكێ وسوبه‌هێ ژی 31/8/2020ێ دێ سه‌ردانا نه‌خۆشخانا هیڤی یا زارۆكان كه‌ت، هارێكارێ پیشكیشی ساخله‌میا دهۆكێ كرن كو مه چه‌ندێن ئارمانج دگه‌ل رێكخراوا ساخله‌میا جیهانی هه‌نه بهینه بجه بۆ رووبه‌رووبوونا قه‌یرانا نه‌خاسمه نۆكه ده‌مێ په‌یدابوونا كۆرۆنایێ ژی به‌رده‌وام پشته‌ڤانیا ساخله‌میا دهۆكێ كریه زێده‌بارێ نه‌خۆشێن دایك و زارۆكان كاره‌كێ مه‌زن بۆ خه‌لكێ دهۆك ئه‌نجامدایه وچه‌ندێن كه‌ره‌ستێن خۆپاراستنێ و ته‌خت وهارێكاریێن هه‌مه جۆر یێن ته‌ندروستی پێشكیشی ساخله‌میا دهۆكێ كرینه.
تاڤبری ئه‌و چه‌نده ژی ئاشكه‌را كر ئه‌ڤرۆ هارێكاریه‌كا تایبه‌ت بۆ نه‌خۆشخانا لالاڤ ئینایه بۆ كۆرۆنایێ ئه‌وژی ئامیرێن گرنگ یێن ساخله‌میێ پێشكیشی مه كرینه ئه‌وژی ته‌ختێن چاڤدێریا چر وپێدڤیێن دگه‌لدا دێ بنه پشته‌ڤانیی بۆ چاره‌سه‌ركرنا نه‌خۆشێن كۆرۆنایێ ل دهۆكێ.
ئه‌دهه‌م ئیسماعیل نوونه‌رێ رێكخراوا ساخله‌میا جیهانی ل عێراقێ دیاركركو ره‌وشا دهۆكێ ژ گه‌له‌ك پارێزگه‌هان باشتر ئه‌م دشیێن بیژین رێژا مرنێ ب نه‌خۆشیا كورۆنایێ ل دهۆكێ گه‌له‌ك كێمه هه‌مبه‌ر هه‌موو پارێزگه‌هێن هه‌رێما كوردستانێ و عیراقێ ئه‌م به‌رده‌وام دێ هه‌ڤكاری و پشته‌ڤانیا ساخله‌میا دهۆكێ كه‌ین بۆ رووبه‌رووبوونا هه‌موو قه‌یرانان.
نيشاندان