ئه‌ڤرۆ نیوز:
به‌رپرسه‌كێ وه‌زاره‌تا سامانێن سروشتى ل هه‌رێما كوردستانێ راگه‌هاند، زووربوونا خواستا وه‌لاتیان ئه‌گه‌رێ بلندبوونا بهایێ پانزینێ یه، چونكى وه‌رزێ بهارێ یه وخه‌لك گه‌له‌ك زێده‌تر پانزینێ بكاردئینن بۆ گه‌شت كرنێ.
گه‌یلان جه‌مال، رێڤه‌به‌رێ كونترۆلا پانزینێ ل وه‌زاره‌تا سامانێن سروشتى بۆ مالپه‌رێ كوردستان تى ڤى گۆت”بازار یێ ئازاده ونه‌شێن رێگریێ ل پانزینخانان بكه‌ین كو ب حه‌زا مه پانزینێ بفروشن”.
ئه‌ڤرۆ نیوز:
رێڤه‌به‌ریا گشتى یا كه‌شناسیێ ل هه‌رێما كوردستانێ ئه‌ڤرۆ دوشه‌مبى 15/4/2019 راگه‌هاند كو سوبه‌هى رۆژا سێشه‌مبى 16/4/2019 كاریگه‌ریا نزمه‌پاله‌په‌ستۆیێ ده‌ریا ناڤه‌راست دێ ل سه‌ر هه‌رێما كوردستانێ بیت ول ده‌ستپێكێ ل سنوورێ پارێزگه‌ها دهۆكێ باران دێ باریت و ل شه‌ڤێ كاریگه‌ری دێ گه‌هیته هه‌موو پارێزگه‌هێن هه‌رێمێ.
دیاركرژى كو ل ده‌مێ سپێده‌یا رۆژا چارشه‌مبى 17/4/2019 باران ل هه‌موو ده‌ڤه‌رێن هه‌رێما كوردستانێ دێ باریت وئه‌گه‌رێ په‌یدابوونا بریسیان ژى یا هه‌ى وپلێن گه‌رمێ ژى دێ به‌ر ب نزمبوونێ چن.
ئه‌ڤرۆ نیوز، نه‌وزاد هلۆرى:
كچه‌كا شێلادزێ بناڤێ (زه‌هرا محه‌مه‌د) ئه‌ڤه نێزیكێ 10 سالایه هوزانان دنڤیسیت و دیاركر كو ئه‌و هوزانان جودا دنڤیسیت و گرنگیێ ب ناڤه‌روكێ دده‌ت و خوانده‌ڤان دڤێت ب هزر بخوینیت و دبێژیت: (من دو په‌رتۆك چێكرینه، به‌لێ هه‌كه جهێن شوله‌ژێ خوه ل من نه‌كه‌ن خودان، ره‌نگه شیانێن من بمرن و ده‌ستبه‌ردارێ نڤیسین و گوتنا هوزانێ بم، هه‌ر هوزانه‌كا ئه‌ز دروست دكه‌م، ده‌ستپێكێ بو دایكا خوه دخوینم).
بۆ ديتنا ڤيديۆيێ ڤى لينكى كليك بكه.
ئه‌ڤرۆ نیوز:
ئه‌ندامه‌كێ په‌رله‌مانێ عیراقێ ژ فراكسیۆنا پارتى دیموكراتى كوردستان راگه‌هاند، راپۆرتا ڤه‌كۆلینێ ل دۆر ره‌وشا شنگالێ ئاراسته‌ى سه‌رۆكاتیا په‌رله‌مانى هاتیه كرن ودێ چیته د به‌رنامێ كارى دا وده‌نگ دێ ل سه‌ر هێته دان، دووپاتى ل وێ چه‌ندێ ژى كر كو ل دووڤ راپۆرتێ په‌كه‌كه ژ شنگالێ دێ هێته ده‌ركرن.
شروان دوبه‌ردانى، ئه‌ندامێ په‌رله‌مانێ عیراقێ ژ فراكسیۆنا پارتى د داخۆیانیه‌كا رۆژنامه‌ڤانى دا ئه‌ڤرۆ دوشه‌مبى 15/4/2019 گۆت” به‌رى ماوه‌یه‌كى ل په‌رله‌مانێ عیراقێ لژنه‌كا ڤه‌كۆلینێ ل دۆر ره‌وشا شنگالێ پێكهاتبوو ولژنا ناڤبرى سه‌ره‌دانا شنگالێ كریه وڤه‌كۆلینا هوور ژى كریه”.
گۆت ژى” ئه‌ز ب خوه سه‌رۆكێ وێ لژنێ بووم ود راپۆرتا ل دۆر ره‌وشا شنگالێ دیاربوو كو په‌كه‌كه كێشا سه‌ره‌كى یه بۆ تێكچوونا ره‌وشا شنگالێ وخه‌لكى ژى نه‌ڤێت په‌كه‌كه ل شنگالێ بمینیت، له‌وما د راپۆرتا خوه دا مه ئاماژه پێكریه وداخواز كریه په‌كه‌كه ژ شنگالێ بهێته ده‌ركرن”.
دیاركر” راپۆرت ئاراسته‌ى سه‌رۆكاتیا په‌رله‌مانى هاتیه كرن ول ڤێ حه‌فتیێ دێ چیته د به‌رنامێ كارى دا و ب فه‌رمى بریارا ده‌ركرنا په‌كه‌كێ ل شنگالێ دێ هێته دان”.
ئاماژه كر” په‌كه‌كه یا بوویه ئاریشه بۆ شنگالێ وهه‌ر جاره‌كێ كێشه‌كێ دروست دكه‌ت وناخوازیت ره‌وشا ته‌ناهیێ ده‌ڤه‌رێ ئارام بیت”.
ئه‌ڤرۆ نیوز:
شیره‌تكارێ جڤاتا ئاسایشا هه‌رێما كوردستانێ مه‌سرور بارزانى ئه‌ڤرۆ دوشه‌مبى 15/4/2019 پێشوازى ل جه‌نه‌رال(پاتریك رۆپرتسۆن) فه‌رماندێ گشتیێ تیما هه‌ڤپشك یا ئۆپه‌راسیۆنێن تایبه‌ت ل عیراقێ وسووریێ وشاندێ دگه‌لدا كر.
د دیداره‌كێ دا پێشهاتێن ده‌ڤه‌رێ ب گشتى وهه‌ماهه‌نگیا د وارێ روو ب رووبوونا گه‌فێن تیرۆرستان هاته به‌حسكرن.
مه‌سرور بارزانى ل دۆر هه‌ڤكاریێ ودابینكرنا پێدڤیان، به‌رده‌وامیدانا هه‌ڤكاریێ وهاریكاریان بۆ هێزێن پێشمه‌رگه‌ى ب پێدڤى وكاریگه‌ر هژمارت، هه‌روه‌سا له‌زكرن د ئاساییكرنا ده‌ڤه‌رێن كوردستانى یێن ده‌رڤه‌ى ئیدارا هه‌رێمێ ب مه‌ره‌ما پارێزگاریكرن ل ده‌ستكه‌فتان وڤه‌گه‌راندنا سه‌قامگیریێ وبه‌رته‌سككرنا لڤینێن تیرۆرستان ل ده‌ڤه‌رێ ب پێدڤى زانى.
ژلایێ خوه‌ڤه فه‌رماندێ گشتیێ تیما هه‌ڤپشك یا ئۆپه‌راسیۆنێن تایبه‌ت ل عیراقێ وسووریێ زێده‌بارى ئاماژه‌دان ب كاریگه‌ریا رۆلێ هێزێن پێشمه‌رگه‌ى د روو ب رووبوونا تیرۆرستان، دووپاتى ل وێ چه‌ندێ كر كو هێزێن هه‌ڤپه‌یمانان د به‌رنامێ هه‌ڤكاریێ ومه‌شق پێكرنا هێزا پێشمه‌رگه‌ى ودابینكرنا پێدڤیێن ته‌كنیكى دێ به‌رده‌وام بیت.
رۆل وهه‌ماهه‌نگیا د ناڤبه‌را هێزێن ئه‌مریكا وعیراقێ وهه‌رێما كوردستانێ بۆ سه‌قامگیركرنا ده‌ڤه‌رێ ب گشتى ته‌وه‌ره‌كێ دى یێ وێ دیدارێ بوو.
ئەڤرۆ نیوز:
چالاکڤانێن رۆژهەلاتێ کوردستانێ دیار دکەن کو دەولەتا ئیرانێ هەتا نها ژی چو هاریکاری نەگەهاندینە پتر ژ ٤٠ گوندێن پارێزگەها لورستان یا رۆژهەلاتێ کوردستانێ و ئەو ب پشتا خوە ئەرزاقی و پێدڤیاتێن دی یێن ژیانێ بۆ برایێن خوە دبەن.
پرانیا دەزگەهێن راگەهاندنا جیهانی ژی وێنێن چالاکڤانێن کورد بەلاڤکرن کو ژ بەر تێکچوونا رێیێن هاتنوچوونێ ب پشتا خوە هاریکاریان دگەهیننە پتر ژ ٤٠ گوندێن پارێزگەها لورستان یا رۆژهەلاتێ کوردستانێ.
ئەڤرۆ نیوز:
ل گۆر راپۆرتەکا ئاژانسا سپۆتینگ یا روسی ئەمریکا بنگەهەکێ نوو یێ سەربازی کو پتر بۆ هێزێن ئەسمانی هاتیە تەرخانکرن ل نێزیکی عەین عیسا ئاڤاکر و هژمارەکا زێدە چەکێن گران لێ هاتینە بجهکرن.
چاڤدێرەکێ سیاسی یێ روسی ژی دیار کریە کو بەری نها ژی مە باوەر نەدکر دێ ئەمریکا هێزێن خوە ژ سووریێ ڤەکێشیت و پێنگاڤێن ڤێ دووماهیێ یێن ئەمریکا ژی نیشا ددەن کو ئەمریکا دێ بۆ دەمەکێ درێژ ل سووریێ مینیت.
ئەڤرۆ نیوز:
ئێکەتیا نێڤدەولەتی یا تەپا پێ فیفایێ ئەڤرۆ بریار دا سەرۆکێ ئێکەتیا تەپا پێ یا بەرازیل یێ بەری نوکە خوسێ ماریا مارتن ھەتا ھەتایێ بھێتە راگرتن و ب کوژمێ ملیۆن فرەنکێن سویسری ھاتە غرامەکرن.
فیفایێ د بەیاننامەکێ دا دیارکر پشکا دادوەری ل ئێکەتیا وان ل دووڤ مادێ ٢٧ یێ چارناما رەوشتێ فیفایێ تایبەت ب بابەتێن وەرگرتنا بەرتیلان ڤە بریار دا سەرۆکێ بەرێ یێ ئێکەتیا تەپا پێ یا بەرازیل ماریا مارتن بۆ ماوێ ھەتا ھەتایێ ژ کارێ وی یێ کارگێری بھێتە راگرتن ل سەر ئاستێ نافخو و نێڤدەولەتی زێدەباری غرامەکرنا وی ب کوژمێ ملیۆن فرەنکێن سویسری.
نوکە ماریا مارتن بۆ ماوێ چار سالان ھاتیە زیندان کرن ل ئەمریکا پشتی تومەتێن وەرگرتنا بەرتیلان ھاتیە تاوانبارکرن ژلایێ فیفایێ ڤە.
ئەڤرۆ نیوز:
پشتی ناکۆکیێن درێژ یێن د ناڤبەرا ئاکپارتیێ و هەدەپێ دا ل دۆر سەرۆکاتیا باژێرڤانیا مێردینێ ئەڤرۆکە ئەحمەد تورک و فیگەن ئالتینداگ وەکو هەڤسەرۆکێن نوو یێن باژێرڤانیا مێردینێ پەسەندناما خوە وەرگرتن و دێ ب کارێ خوە کرن.
ئەحمەد تورک ژی دیار کر کو ئارمانجا مە یا سەرەکی خزمەتا وەلاتیانە و دێ هەموو کار و چالاکیێن مە ژی بۆ هندێ بن.
ئەڤرۆ نیوز:
نێچیرڤان بارزانی سەرۆک وەزیرێن ھەرێما کوردستانێ جودا پێشوازی ل قوونسلێ نوو یێ وەلاتێ روسیا ل ھەرێما کوردستانێ و جێگرێ وەزیرێ دەرڤە یێ چیکێ كر و کومبوون.
ئەڤرۆ رۆژا دوشەمبی رێککەفتی ١٥/٤/٢٠١٩ نێچیرڤان بارزانی سەرۆک وەزیرێن ھەرێما کوردستانێ پێشوازی ل جێگرێ وەزیرێ دەرڤە یێ چیکێ مارتن سمۆلێک کر و د کومبوونەکێ دا ب ئامادەبوونا قونسلێ چیکێ وی وەلاتی ئامادەیا خوە دەربری بۆ دانا ڤیزی بۆ بازرگان و ئەو قوتابیێن دڤێن ل وەلاتێ وان بخوینن، دیسان بریار دا کاربکەت بۆ ڤەکرنا نڤێسینگەھا نوونەراتیا ھەرێما کوردستانی ل پراگ پایتەختێ چیکێ و ئەڤ چەندە ژی بوو جھێ دلخوشیا سەرۆک وەزیرێن ھەرێما کوردستانێ.
ھەر ئەڤرۆ د دیدارەکا دی دا سەرۆک وەزیرێن ھەرێما کوردستانێ نێچیرڤان بارزانی پێشوازی ل قونسلێ نوو یێ وەلاتێ روسیا ل ھەرێما کوردستانێ ئولێگ ڤلادیمیرۆڤیچ کر و داخوازا سەرکەفتنێ بۆ کارێ وی یێ نوو ل ھەرێمێ کر و خواست روسیا رۆلێ خوە ل کوردستانێ بینت د بوارێن گەشتیاری و کارەبێ و بازرگانی و کشوکالیێ دا.
دیسان ھەر د ڤێ دیدارێ دا بەحس ل رەوشا سیاسی یا ھەرێمێ و بزاڤێن پێکئینانا حوکمەتا نوو ھاتە کرن دیسان بەحس ل رەوشا دەڤەرێ ژلایێ سیاسی و ئێمناھی ھاتە کرن.
نيشاندان