ئەڤرۆ نیوز:
ئەڤرۆ رێڤەبەریا گشتی یا ساخلەمیا پارێزگەها دهۆکێ راگەهاند: 39 تووشبوویێن دی یێن ڤایرۆسێ کۆرۆنایێ ل دهۆکێ کو د نەخۆشخانێدا بوون، پشتی هەموو پشکنین بۆ هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانەیێ دەرکەفتن و چوونە د ناڤ کەسوکارێن خوە دا.
هەروەسا گۆتیە: ب ئڤێ چەندێ هژمارا چارەسەربوویان گەهشتە 981 کەسان و نوکە 2403 نەخۆش ماینە د نەخۆشخانێ دا.
ئەڤرۆ نیوز، زنار تۆڤی:
وەزارەتا ڤەگوهاستن و گەهاندنێ یا حوکمەتا هەرێما کوردستانێ دیار کریە: ل سەر داخوازیا وەزارەتا پەروەردێ بۆ ماوێ 10 رۆژان دێ هێلا ئینتەرنێتێ بۆ ماوێ چار دەمژمێران هێتە راگرتن.
د راگەهاندنا وەزارەتا ڤەگوهاستن و گەهاندنێ دا هاتیە، ل سەر داخوازا وەزارەتا پەروەردێ، ئاماژە ب نڤیسارا وان ل 25 تەباخا 2020 سەبارەت هەڤکاریا وان ل رۆژانێن ئەزموونان دا، ب راگرتنا هێلا ئینتەرنێتێ ل دەمێ ئەنجامدانا ئەزموونێن خولا دویێ یێن پۆلا (12) ئامادەیی، کو دێ ل 1 ئیلۆنێ هەتا 10 ئیلۆنێ هێنە ئەنجامدان، هێلا ئینتەرنێتێ ژی دێ بۆ ماوێ چار دەمژمێران هێتە برین.
ئه‌ڤرۆ چارشه‌مبی 26 تەباخا 2020 وەزارەتا ڤەگوهاستن و گه‌هاندنێ دەمێن برینا هێلا ئینته‌رنێتێ ئاشكرا كرن، برینا خزمەتگوزاریێن ئینتەرنێتا كۆمپانیان دێ ل رۆژانێن ئەزموونان دا ل دەمژمێر 06:00 سپێدێ هەتا 10:00 هێتە برین.
ئەڤرۆ نیوز، زنار تۆڤی:
هەلگورد سالح، دەرهێنەر و نڤیسەرێ کورتە فلمێ هاجەر بۆ ئەڤرۆ نیوز راگەهاند: نوکە کارێ وێنەگرتنێ بۆ کورتە فلمێ هاجەر ب دووماهی هاتیە، ئەڤ کورتە فلمە 14 خولەکان یێ درێژە و ل گوندێن (بانی بی و ژالەناو)، ل دەڤەرا دەربەندیخان هاتیە وێنە کرن.
ناڤهاتی گۆت ژی: کورتە فلمێ هاجەر بەحسێ رۆلێ ژنێن کورد دکەت، دیسان بەحسێ وان نەهامەتی و مەرگەسات و نەخۆشیێن ئێک لدووڤ ئێک یێن ب سەرێ ژنا کورد هاتین، هەر ژ ئەنفالێ هەتا دگەهیتە سەر دەمێ داعشێ، ژنا کورد وەکو قارەمان تێدا هاتیە نیشاندان، ئەکتەرا خودان شیان (سازگار تەها) رۆلێ سەرەکی دڤی کورتە فلمی دا گێرایە، دیسان چەند ئەکتەرێن دی ژی پشکداری تێدا کریە، ئەڤ فلمە ب هەڤکاریا رێڤەبەریا رەوشەنبیری یا سلێمانیێ هاتیە بەرهەمئینان.
ئەو ژی گۆتیە: هەتا نوکە وی پێنج فلمێن دکیۆمێنتاری و کورتە فلم بەرهەمئیناینە و پشتی ڤی فلمی وی لبەرە فلمەکێ درێژ ژی بەرهەم بینیت.
ئەڤرۆ نیوز:
کەمال محەمەد وەزیرێ کارەبێ یێ حوکمەتا هەرێما کوردستانێ راگەهاند کو رەوشا کارەبێ ل هەرێما کوردستانێ گەلەک باش بوویە نها پتر ژ ٢٠ دەمژمێرێن کارەبێ بۆ وەلاتیان دهێتە دابینکرن و گۆت: (بۆ وەرزێ زڤستانێ ژی دێ رەوشا کارەبێ باش بیت و دڤێت وەلاتی ژی د هاریکار بن).
ناڤهاتی راگەهاند کو بەری نها چەندین وێستگەهێن کارەبێ هەبوون کو چو مفا ژ وان نەدهاتە وەرگرتن و عیراق نها سوتەمەنیێ بۆ وان وێستگەهان دابین دکەت و ئەو وێستگەه کار دکەن و وەزارەتا کارەبێ ٥٠٠ مێگاواتێن کارەبێ دفرۆشیتە عیراقێ.
ئەڤرۆ نیوز، زنار تۆڤی:
کوردۆ ئیحسان رێڤەبەرێ گشتی یێ وەبەرهێنانێ ل پارێزگەها دهۆکێ، بۆ ئەڤرۆ نیوز دیار کر: کو وان ئاگەهداریا هەموو وەلاتیێن ئاکنجیێن پرۆژێن وەبەرهێنانێ کریە، یێن کو ل شوقە و خانی و ڤیلان دا دژین، ل سەرانسەری پارێزگەها دهۆکێ کو خزمەتگوزاریێن یەکێن ئاکنجیبوونێ هاتینە رێکخستن و کێمکرن لدووڤ لیستێن هەڤپێچ دا، لدووڤ جۆرێ خزمەتێن دهێنە پێشکێشکرن دناڤ سنۆرێ هەر پڕۆژەیەکی دا و لدووڤ رێنمایێن حوکمەتا هەرێما کوردستانێ.
ناڤهاتی دیار کریە ژی: ئەڤ بهایێن نوو یێن خزمەتگوزاریێن یەکێن ئاکنجیبوونێ ژی دی ژ هەیڤا هەشت دەست پێکەن، لەوما داخوازێ ژ وەلاتیان دکەین کو لدووڤ خشتێ هەڤپێچ پارێ خزمەتگوزاریان بدەن، هەر دیسان خودانێن پرۆژان و نڤێسینگەهێن کۆمپانیان ژی دڤێت پێگیر بن ب پێشکێشکرنا خزمەتگوزاریان، هەروەسا هەر پرۆژەیەکێ بەرۆڤاژی گاڤان بهاڤێژیت دێ پێرابوونێن قانوونی ل گەل هێنە کرن.
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ ئامارا ٢٤ دەمژمێرێن بۆری یا کۆرۆنایێ بەلاڤکر و تێدا دیار دبیت کو ل هەرێما کوردستانێ ٤٦٣ کەسێن دی تووشی ڤایرۆسێ کۆرۆنایێ بووینە و ١٧ کەس ژی مرینە.
ل گۆر ئامارا وەزارەتا ساخلەمیێ ل دهۆکێ ٩٠ کەسێن دی تووشی کۆرۆنایێ بووینە و چو کەسەک نەمریە.
١. کەرەنتین: (هیچ هاوڵاتی نوێ کەرەنتین نەکراون)
١٠٩ هاوڵاتی لە کەرەنتینن لە ٣ شوێنی جیاواز لە پارێزگای دهۆك ماونەتەوە.
٢. پشکنین: (٤١٩٩ پشکنینی نوێ)
(١٢٠٨ هەولێر)، (٥٠١ سلێمانی، ١٤٥ گەرمیان)، (٢٢٩٨ دهۆك)، (٤٧ هەڵەبجە)
٣. تووشبوو: (٤٦٣ تووشبووی نوێ)
(٢٦٤ هەولێر)
(٦١ سلێمانی، ٢٤ گەرمیان)
(٩٠ دهۆك)
(٢٤ هەڵەبجە)
٤. چاکبوون: (٣٤٩ چاکبوون)
(٢٨٠ هەولێر)
(٢٠ سلێمانی، ٣٣ گەرمیان)
(١٦ هەڵەبجە)
٥. مردن: (١٤ مردن)
(٨ هەولێر)
(٥ سلێمانی)
(١ گەرمیان)
ئاماری گشتی:
کەڕەنتین هاوڵاتی ٢١٨٣١ (٢١٧٢٢ دەرچوو)
پشکنین ٢٩٠٥٦١ (١١٨٨٦٢ هەولێر، ٨٤١٠٤ سلێمانی، ٨٤٨٤٨ دهۆك، ٢٧٤٧ هەڵەبجە)
تووشبوون ٢٦٣٩٢ (١٠٨٧٠ هەولێر، ١١٢٧٩ سلێمانی، ٣٤١٥ دهۆك، ٨٢٨ هەڵەبجە)
چاکبوون ١٥٨٤٣ (٦٣٤٩ هەولێر، ٧٨١٥ سلێمانی، ٩٤٢ دهۆك، ٧٣٧ هەڵەبجە)
لەژێر چارەسەر ٩٥٨٧ (٤١٦٨ هەولێر، ٢٩٠٢ سلێمانی، ٢٤٤٢ دهۆك، ٧٥ هەڵەبجە)
مردن ٩٦٢ (٣٥٣ هەولێر، ٥٦٢ سلێمانی، ٣١ دهۆك ، ١٦ هەڵەبجە)
بۆ زانیاری زیاتر سەردانی داشبۆردی حکومەتی هەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە ئەرکدان، جارێکی تر داوا دەکەین هاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسك و دەستکێش، وە لەکاتی پێویستدا پەیوەندی بکەن بە هێڵی گەرمی ژمارە (١٢٢).
وەزارەتی تەندروستی
حکومەتی هەرێمی کوردستان
٢٦ی ئاب ٢٠٢٠
ئەڤرۆ نیوز:
مەحمود محەمەد پەیڤدارێ فەرمی یێ پارتی راگەهاند کو کۆمبوونا بەری نها یا د ناڤبەرا پارتی و ئێکەتیێ دا باش بوویە و گۆت: (د دەمەکێ نێزیک دا ژڤان و جهێ کۆمبوونا داهاتی یا د ناڤبەرا پارتی و ئێکەتیێ دا دیار کەین).
ناڤهاتی راگەهاند هەکە پەیوەندیێن پارتی و ئێکەتیێ د باش بن دێ رەوشا سیاسی و ئابووری ل هەرێما کوردستانێ باشتر لێ هێت و ژ بەر هندێ ژی د کۆمبوونا داهاتی یا ل گەل ئێکەتیێ دا دێ بەحسێ گەلەک تەوەران هێتە کرن.
ئه‌ڤرۆ نیۆز، عه‌زیز هه‌ورامی:
له لایه‌ن جێگری سه‌رۆكی ئه‌نجوومه‌نی پارێزگای سلێمانی سه‌ر به بزووتنه‌وه‌ی گۆڕانه به‌بێ پرسی سه‌رۆكی ئه‌نجوومه‌ن له یه‌كێتی له‌گه‌ڵ كۆمه‌ڵێك ئه‌ندامی ئه‌نجوومه‌ن یاداشتیان واژوو كردووه بۆ تۆماركردنی سكاڵا له سه‌ر حكوومه‌ت.
ئه‌ندامێكی ئه‌نجوومه‌نی پارێزگای سلێمانی، نه‌ی ویست ناوی بڵاو بكه‌ینه‌وه به ئه‌ڤرۆ نیۆزی ڕاگه‌یاند، جێگری سه‌رۆكی ئه‌نجوومه‌نی پارێزگای سلێمانی به‌بێ پرسكردن به سه‌رۆكی ئه‌نجوومه‌ن له‌گه‌ڵ چه‌ند ئه‌ندامی ئه‌نجوومه‌ن هه‌ستاون به كۆكردنه‌وه‌ی واژو تۆماركردنی سكاڵا له سه‌ر حكوومه‌ت، له باره‌ی بڕینی 21% مووچه، له كاتێكدا ئه‌وه مووزایده‌یه چونكه ئه‌نجوومه‌نی پارێزگاكان ئه‌و ده‌سه‌ڵاته‌ی نییه.
سه‌رچاوه‌كه وتیشی، ئه‌وه سه‌رۆكی ئه‌نجوومه‌نی پارێزگای نیگه‌ران كرد ئه‌مڕۆ كۆبوونه‌وه‌یه‌ك هه‌بوو له‌و باره‌وه جێگری سه‌رۆكی ئه‌نجوومه‌ن بۆ مزایده ڕاگه‌یاندنه‌كانی بانگێشت كردبوو، سه‌رۆكی ئه‌نجوومه‌ن ڕێگه‌ی نه‌دا ڕاگه‌یاندنه‌كان بێنه ژوره‌وه بۆیه ئیدی ده‌مه‌قاڵی له نێوانیاندا دروست بوو.
سه‌رۆكی ئه‌نجوومه‌نی پارێزگای سلێمانی سه‌ر به یه‌كێتی نیشتیمانی كوردستانه و جێگری سه‌رۆكی ئه‌نجوومه‌نی پارێزگاش سه‌ر به بزووتنه‌وه‌ی گۆڕانه.
ئەڤرۆ نیوز:
ل نەتەوێن ئێکگرتی داخوازەکا ئەمریکا بۆ سزادانا ئیرانێ هاتە رەتکرن و وەزارەتا دەرڤە یا ئەمریکا ژی نەرازیبوونا خوە ل هەمبەر وێ یەکێ دیار کر.
ئەمریکا داخواز کربوو ل هەمبەر زێدەگاڤیێن ئیرانێ و بەرنامێ وێ یێ ئەتۆمی دەست ب سزادانا ئیرانێ بهێتە کرن، لێ ئەو یەک ژ ئالیێ نەتەوێن ئێکگرتی ڤە هاتە رەتکرن و وەزارەتا دەرڤە یا ئەمریکا ژی دیار کر ئەمریکا دێ سزایێ توند ل سەر ئیرانێ و وان وەلاتان ژی سەپینیت یێن کو بزاڤا هندێ بکەن چەکان بفرۆشنە ئیرانێ.
نيشاندان