ئەڤرۆ نیوز:
وەزارەتا ساخلەمیا عیراقێ راگەهاند کو د ماوەیێ ٢٤ دەمژمێرێن بۆری دا ٤ هزار و ٣٤٨ کەسێن دی ل عیراقێ تووشی ڤایرۆسێ کۆرۆنایێ بووینە و هەروەسا ٧٥ کەس ژی مرینە.
عیراقێ ئامارا ٢٤ دەمژمێرێن بۆری راگەهاند
نووترين نووچه
- نێچیرڤان بارزانی دوپاتیێ ل بهێزكرنا پێكڤەژیانا ئاشتییانە د ناڤبەرا هەموو پێكهاتەیاندا دكەت
- د. شێرزاد زەكەریا: توركیا و پەكەكێ بۆ ئاشتیێ پێدڤی ب هاریكاریا سەرۆك بارزانی هەیە
- باسكێ سەدری: پشكدارییێ د وێ حوكمەتەكێ دا ناكەین یا کو چارچۆڤەیێ هەماهەنگیێ تێدا بیت
- سەرۆك بارزانی و سەرۆكێ باسكێ (غەد) یێ سووری رەوشا سیاسی و ئەمنی یا دەڤەرێ گەنگەشەكر
- نێچیرڤان بارزانی و بالیۆزێ بریتانیایێ پەیوەندیێن دوقۆلی گەنگەشەكرن
- مەسرور بارزانی: گرنگە حوكمەتەكا ب هێز و ئێكگرتی و خزمەتگوزار بهێتە پێكئینان
- سەرۆكێ حوكمەتا هەرێمێ دوپاتیێ ل دابینكرنا مافێن كوردێن سووریێ دكەت
- د. ڤیان سەبری: هەكە بەغدا پێگیری رێككەفتنا ل گەل هەرێمێ ببیت، ئێدی گرفتا مووچەی دروست نابیت
- هەولێر و بەغدا ل دۆر هنارتنا پەترۆلا هەرێما كوردستانێ رێككەفتن
- بافل تالەبانی ل بەغدا بزاڤێن مەسرور بارزانی سەبارەت پڕۆژەیێ (هەژمارا من) بلند هەلسەنگاندن
سهرهكى Twitter
وەزارەتا چاندنێ: پرۆژەک بۆ باغ و ڤلان هاتیە بەرهەڤ کرن و دێ ب قانوونەکێ هێنە رێکخستن
ئەڤرۆ نیوز ، زنار تۆڤی:
پرۆژەك ل سەرۆكاتیا جڤاتا وەزیرێن هەرێما کوردستانێ یە بۆ ئێكلا كرنا كێشا باغ و ڤلان و مەزرەعان، هەکە جڤاتا وەزیران بریار ل سەر دا، ژنوو دێ ئەو پرۆژە چیتە پەرلەمانێ کوردستانێ داکو دەنگدان ل سەر بهێتە دان و هەکە بریار ل سەر هاتەدان، دێ ئەو باغ و ڤلە ب قانوونەکێ هێنە رێکخستن و دێ كرێ ژی ژێ هێتە وەرگرتن.
حوسێن حەمە كەریم، پەیڤدارێ وەزارەتا چاندنێ بۆ ئەڤرۆ نیوز دیار کریە: وان پڕۆژەك پێشكێش کریە بۆ سەرۆكاتیا جڤاتا وەزیرێن ھەرێما كوردستانێ، بۆ وان زەڤیێن چاندنێ، یێن کو زێدەگاڤی ل سەر هاتینە کرن و كرینە باغ و ڤلە و مەزرەعە، چونكی چێنابیت ئەو بابەتە بمینیت و پێدڤی ب چارەسەركرنێ یە، ژبەرکو گەلەک زەڤیێن چاندنێ بۆ مەبەستێن دیتر بكار ھاتینە و پرانیا وان كرینە باغ و ئاڤاهی.
هەروەسا گۆتیە: حوکمەتا هەرێمێ دڤێت چارەسەریەکا قانوونی بۆ بابەتێ زێدەگاڤیا ل سەر زەڤیێن چاندنێ ب بینیت، هەروەسا كۆمەکا ئەرك و مافان دكەڤیتە سەر وان كەسێن زێدەگاڤی كرین، وەك مافێ دارایی و ژ وان ژی ھندەک رێكارێن قانوونی دێ بەرامبەر خودانێن وان هێنە وەرگرتن، دێ ب قانوونەکێ هێنە رێكخستن بۆ نوکە و ل داھاتی ژی، دیسان دێ هەیڤانە کرێ ژی ژێ هێتە وەرگرتن، بەلێ نوکە ئەڤ پرۆژە د دانوستاندنێ دایە ل سەرۆكاتیا جڤاتا وەزیران.
وەزیرەک: بەغدا دێ مەهانە ٣٢٠ ملیار دیناران بۆ هەرێمێ فرێکەت
ئەڤرۆ نیوز:
خالد شوانی وەزیرێ حوکمەتا هەرێما کوردستانێ بۆ کاروبارێن بەغدا راگەهاند کو پشتی چەندین گەرێن دانوستاندنان دا د دووماهیێ دا سەرۆک وەزیرێن هەرێما کوردستانێ ل گەل سەرۆک وەزیرێن عیراقێ رێککەفتینە کو مەهانە بەغدا ٣٢٠ ملیار دیناران بۆ هەرێما کوردستانێ فرێکەت.
ناڤهاتی راگەهاند ژی هەتا دووماهیا ئەڤسالە دێ رێککەفتن وەسا بیت و ب پەسەندکرنا بۆدجێ سالا ٢٠٢١ دێ رێککەفتنەکا نوو د ناڤبەرا هەرێمێ و بەغدا دا هێتە کرن.
پتر ژ سەد کەسێن دی ل دهۆکێ تووشی کۆرۆنایێ بوون
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ل هەرێما کوردستانێ ٥٣٧ کەسێن دی تووشی ڤایرۆسێ کۆرۆنایێ بووینە و ٢١ کەس ژی مرینە.
ل گۆر داخۆیانیا وەزارەتا ساخلەمیێ ل دهۆکێ ١٣٤ کەسێن دی تووشی ڤایرۆسێ کۆرۆنایێ بووینە و هەروەسا ١٣٥ کەس ژی ژ کۆرۆنایێ باش بووینە و ڤەگەریاینە مالێن خوە.
لقێ ئێک چەندین نوشدار و کارمەندێن ساخلەمیێ خەلات دکەت
ئەڤرۆ نیوز:
ب هەلکەفتا ٧٤ سالیا دامەزراندنا پارتی دیموکراتی کوردستان وەک رێزگرتنەک ژ بۆ جەنگاوەرێن شەرێ کورونایێ دکەن ب شەڤ و رۆژ بۆ پاراستنا ڕوحێن مروڤان، ئەڤرۆ سەربەست تروانشی ئەندامێ جڤاتا سەرکردایەتیا پارتی و بەرپرسێ لقێ ئێک ب ڤێ هەلکەفتێ خەلاتەکێ رێزگرتنێ پێشكێشی نۆژدار و كارمەندێن ساخلەمیێ ل سەنتەرێ كۆرونایێ کر.
ژلایێ خوە ڤە، رێڤەبەرێ گشتی یێ ساخلەمی و سەرپەرشتێن تیمێن چارەسەریا نەخوشێن كۆرونایێ ل پارێزگەھا دھوكێ سوپاسیا بەرپرسێ لقێ ئێک کرن کو هەردەم هاریکار و پشتەڤانێن مە بوویە و ئەڤ رێزگرتنە دێ پشتەڤانیەکا مەزنە ژ بۆ ئێکە ئێک کارمەندێن ساخلەمیێ.
ئیران: ئیمارات ژ هه‌ر ئاریشه‌یه‌كا ل كه‌نداڤی به‌رپرسیاره
ئه‌ڤرۆ نیوز:
وه‌زیرێ به‌ره‌ڤانیا ئیرانێ راگه‌هاند وه‌لاتێ وی به‌رهه‌ڤه پێدڤیێن چه‌كی بۆ لبنانێ دابین بكه‌ت، هه‌كه داخازێ ژ وان بكه‌ت، ئه‌و بژارده‌یه ل ده‌ستێ لبنانێ دایه، هه‌ر ئاریشه‌یه‌كا ل كه‌نداڤی درۆست دبیت و ریب ری مه ب بیت ئیمارات ژێ به‌رپرسه.
محه‌مه‌د حاتمی وه‌زیرێ به‌ره‌ڤانیا ئیرانێ راگه‌هاند گه‌لی ئیرانێ هه‌رتم دبیاڤێ به‌ره‌ڤانیێ دا هه‌ڤكارێن لبنانێ بوون، تاران ژی به‌رهه‌ڤه هه‌ڤكاریا وێ بكه‌ت ژ بو به‌رهنگاروبونا ئیسرائیلێ، دشیێن پێدڤیێن چه‌كی بۆ دابین بكه‌ین.
وه‌زیرێ به‌ره‌ڤانیا ئیرانێ ل سه‌ر رێكه‌تنا ئیمارتێ و ئیسرائیلێ راگه‌هاند ب ئه‌گه‌رێ ئه‌وێ رێكه‌تنێ ئیسرائیل شیا پێخو ب هاڤێژته ناڤ ده‌ڤه‌را كه‌نداڤی و بۆ تێكدانا ئاسایشا ده‌ڤه‌رێ، ئیمزاكرنا ئه‌وێ رێكه‌تنێ دێ زیان بۆ ئیماراتێ ڤه‌دگه‌ریت.
لگۆری رێكه‌تنێ، ئیسرائیل ب ئاوایه‌كێ ده‌مكی پرۆژێن دروستكرنا یه‌كه‌یێن ئاكنجیبوونێ ل رۆژا ئاڤا راوه‌ستینیت،ئیمارات و ئیسرائیل پلان دانایه بالیوز و بالیوزخانه‌یێن خو ڤه‌كه‌ن، بڤێ ژی ئیمارات پشتی مسرێ و ئوردنێ دهێت كۆ وه‌لاتێ سیێ یێ عه‌ره‌بی یه په‌یوه‌ندیێن خوه ل گه‌ل ئیسرائیلی ئاسای كرین.
سه‌رۆك بارزانی: هه‌رده‌م خوازیارێن دانوستاندنێ نه ب ئاوایه‌كێ ئاشتی و لێك تێگه‌هشتن
ئه‌ڤرۆ نیوز:
سه‌رۆك بارزانی ب هه‌لكه‌فتا سالیادا 74 سالیا دامه‌زراندنا پارتی دیموكراتی كوردستان، په‌یامه‌ك به‌لاڤكر و تێدا هاتیه، دامه‌زراندنا پارتی وه‌رچه‌رخانه‌كا گرنگ بوو د دیرۆكا بزاڤا رزگاریخوازیا كوردستانێ و بوویه قوتابخانه‌یه‌كا نیشتمانی بۆ خه‌باتگێر و تێكوشه‌رێن كورد، د ئه‌ڤێ هه‌لكه‌فتێ دا ته‌ئكید ل سه‌ر په‌یاما پێكڤه ژیانێ و فره‌لایه‌نی و ئاشتیخوازیا ناڤ خه‌لكێ كوردستانێ كر، ئه‌ركێ سه‌ره‌كی یێ پارتی پێكڤه ژیانا دناڤبه‌را پێكهاته‌یێن ئایین و نه‌ته‌وه‌یێن كوردستانێ و ئاشتیا سیاسی و جڤاكی یا كوردستانێ ب پارێزیت.
د پشكه‌كا دی یا راگه‌هاندنا سه‌رۆك بارزانی دا هاتیه، ب درێژاهیا خه‌به‌تا سیاسیا خودا، هه‌رده‌م خوازیارێن دانوستاندنێ و چاره‌كرنا ئاریشان بووینه ب ئاوایه‌كێ ئاشتی و لیك تێگه‌هشتن.
وه‌زیرێ ساخله‌میێ: بۆ كونترولكرنا كورونایێ دێ په‌نایێ به‌ینه به‌ر قه‌ده‌غه‌یا گشتی ل عیراقێ
ئه‌ڤرۆ نیوز:
وه‌زیرێ ساخله‌میا عیراقی راگه‌هاند دێ په‌نایێ به‌ینه به‌ر قه‌ده‌غه‌یا گشتی یا هاتنوچونێ، دێ ئه‌وان كه‌سا سزا ده‌ین یێن پێگیر نه‌بن.
حه‌سه‌ن ته‌میمی وه‌زیرێ ساخله‌میا عیراقی راگه‌هاند ته‌ئكید ل سه‌ر جوداكرنا ساخله‌میێ و پێگیربوون ب رێنمایان بۆ كونترۆلكرنا ڤایرۆسێ كورونایێ، بتنێ به‌س نینه، به‌لكۆ په‌نایێ به‌ینه به‌ر توندكرنا رێنماییان ژ وان ژی قه‌ده‌غه‌كرنا گشتی، دیاره وه‌لاتی پێگیر نابن،ره‌وشا ڤایرۆسی و رێنمایی و پێگیربون دیار دكه‌ت، وه‌زاره‌ت به‌رده‌وام دبیت ژ سه‌پاندنا رێنمایان بڤان نێزیكان دێ هنده‌ك بریارێن دی ده‌ركه‌ڤن، ب تایبه‌ت به‌ره‌ڤ هه‌یڤا موحه‌ره‌مێ دچین و خرڤه‌بوونێن مه‌زن و لبه‌رچاڤنه‌گرتنا مه‌ترسیێن ڤایرۆسی .
وه‌زیرێ ساخله‌میا عیراقێ ژی ئه‌و چه‌نده راگه‌هاند جهێ داخێ یه پێگیرنه‌بوون ب رێنمایان بوویه ئه‌گه‌رێ زێده‌بوونا ژماره‌یا توشبوویان، هه‌نه پرۆپاگنده‌یا دكه‌ن كۆ رێكێن تایبه‌ت ل ده‌ڤن بۆ چاره‌كرنا توشبوویێن ڤایرۆسی بێ بكار ئینانا رێنمایێن خو پاراستنێ، ئه‌ڤه‌ژی رێكه‌كا دی یا زێده‌بوونا توشبوویانه، له‌ورا وه‌زاره‌ت رێ و ئاوایێن یاسایی دێ بكار ئینیت بۆ ئه‌وان كه‌سێن پێگیر نابن ب رێنمایان.
ژماره‌یا توشبویێن ڤایرۆسێ كورونایێ ل عیراقێ زێده‌تر بوویه لگۆری داتایێن فه‌رمی، 172 هزار و 583 توشبوویان بلند بوویه، كۆ 5 هزار و 785 كه‌سان ژی گیانێ خوه ژ ده‌ست دایه.
لیۆنێ حنێرەکا مەزن تۆمار کر
ئەڤرۆ نیوز:
د یاریەکا پری هەڤرکی دا، یانا لیۆن یا فرەنسی سەرکەفتنەکا مەزن ل سەر یانا مانچستەر ستی یا ئینگلیزی تۆمار کر.
د قارەمانیا چامیۆنزلیگا ئورۆپی دا، هەردو یانێن لیۆن و مانچستەر ستی گەهشتنە ئێک، یانا لیۆن شیا سەرکەفتنەکا گرنگ ل سەر یانا مانچستەر ستی تۆمار بکەت ب سێ گولان بەرامبەر گولەکێ و ب ڤی ئەنجامی یانا فرەنسی شیا خوە بگەهینیتە یاریا بەری دووماهیێ ژ قارەمانیا چامپیۆنزلیگێ و دێ یاریا خوە بەری دووماهیێ ل گەل یانا بایرن میۆنخ یا ئەلمانی ئەنجام دەت.
بەغدا دێ 320 ملیار دیناران وەکو مووچە بۆ هەرێما کوردستانێ ڤرێکەت
ئەڤرۆ نیوز:
سەرۆک وەزیرێن هەرێما کوردستانێ و عیراقێ پەیوەندیەکا تەلەفۆنی ئەنجامدا و ل سەر چەند پێنگاڤێن سەرەکی بەرەف چارەسەركرنا کێشان رێککەفتن و بریار هاتەدان لدووڤ دۆخێ دارایی یێ نوکە یێ عیراقێ، ل نزیکترین دەمدا 320 ملیار دیناران وەک بەشە مووچەک ژ بەغدا بۆ ھەرێما کوردستانێ ڤرێکەت.
ئەڤرۆ شەمبیێ 15-08-2020 د پەیوەندیەکا تەلەفۆنیدا، مەسرور بارزانی، سەرۆک وەزیرێن ھەرێما کوردستانێ و مستەفا کازمی، سەرۆک وەزیرێ عیراقێ کێشێن دناڤبەرا ھەولێرێ و بەغدا گوتۆبێژ کرینە.
نيشاندان
WP Facebook Auto Publish Powered By : XYZScripts.com