ئەڤرۆ نیوز:
پشتی کو ب بریارا ئەردۆگانی موزەخانا ئایا سۆفیا بوویە مزگەفت گرۆپەک ژ ئەندامێن تالیبانێ وێنەک ب ئالایێ رێکخراوا تالیبانێ ل مزگەفتا ئایا سۆفیا گرتن و ل تۆرێن جڤاکی دا بەلاڤکرن، پشتی بەلاڤبوونا وێنەی ژی وەزارەتا دەرڤە یا ئەفغانستانێ نەرازیبوونا خوە ل هەمبەر تورکیا نیشا دا و دیار کر کو دڤێت تورکیا رێگریێ ل کارێن وەسا بکەت، چونکو تالبیان مەترسیە ل سەر ئەفغانستانێ و گەلەک وەلاتێن دی.
ئەڤرۆ نیوز:
بەرپرسەکێ ساخلەمیا ئەلمانیا راگەهاند کو پێلا دویێ یا ڤایرۆسێ کۆرۆنایێ گەهشتیە ئەلمانیا و رێژا تووشبوونا وەلاتیان ب کۆرۆنایێ نها زێدەتر بوویە.
هەمان بەرپرسی دیار کریە کو نها بەرهەڤیێن تەمام ل هەموو نەخوشخانێن ئەلمانیا دا دهێنە کرن و دڤێت وەلاتی ژی پتر ژ هەر دەمەکێ پێگیریێ ب رێنمایێن ساخلەمیێ بکەن و خوە بپارێزن.
ئەڤرۆ نیوز:
سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركر كو پێنج تووشبوویێن كۆرۆنایێ د ره‌وشه‌كا مه‌ترسیدار دانه و هه‌شت تووشبوویێن دى ژى ره‌وشه‌كا نه‌باش دانه نوكه 13 تووشبوویێن كۆرۆنا ره‌وشه‌كا نه‌باش دانه.
د. موئه‌یه‌د ئه‌غالى سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركر كو ره‌وشا 13 تووشبوویێن كۆرۆرنایێ تێكچوویه وباش نینه ژ وانا ژى ره‌وشا پینج تووشبوویێن كۆرۆنایێ گه‌له‌ك یا مه‌ترسیداره و هه‌شت تووشبوویێن دى ژى ره‌وشه‌كا نه‌باش دانه ژیێ هه‌ر 13 تووشبوویێن كۆرۆنایێ دناڤبه‌را 31 سالى دا هه‌تا 70 سالى دانه پتریا وان ژی هه‌لگریێن نه‌خۆشیێن ده‌مدرێژن ب تایبه‌تێ ژى نه‌خۆشیا شه‌كرێ ل ده‌ڤ گه‌له‌ك تووشبوویێن كۆرۆنایێ هه‌یه و هنده‌ك تووشبوویێ ژى سه‌نگا وان گه‌له‌ك یا زێده‌یه ئه‌ڤه بوویه ئه‌گه‌ر ره‌وشا تووشبوویان تێك بچیت.
ئەڤرۆ نیوز:
ل گۆر راپۆرتەکا وەزارەتا دەرڤە یا ئەلمانیا کو ئەڤرۆ رۆژناما بیلد بەلاڤکریە تێدا هاتیە دیار کرن کو روسیا ل گەل شەش وەلاتێن ئەفریقیا رێککەفتن کریە کو دێ ل وان شەش وەلاتان بنگەهێن سەربازی ئاڤا کەت، ناڤێ هەر ئێک ژ وەلاتێن مسر، مۆزامبیک، ماداگاسکار و سودانێ د راپۆرتێ دا هاتیە دیار کرن و بەحسێ دو وەلاتێن دی نەهاتیە کرن.
ل گۆر راپۆرتا وەزارەتا دەرڤە یا ئەلمانیا ژ سالا ٢٠١٥ هەتا نها روسیا ل گەل ٢١ وەلاتێن جودا جودا کۆمبوون کرینە و داخواز ژ وان کریە کو بنگەهێن سەربازی لێ ئاڤا کەت، ئەو یەک ژی وەکو بزاڤەکێ ل دژی ئەمریکا دهێتە دیتن.
ئه‌ڤرۆ نیوز:
رێڤه‌به‌راتیا ساخله‌میا دهۆكێ راگه‌هاند ئه‌ڤرۆ توشبوویه‌كا دی یا كورونایێ كۆ دژیێ 63 سالیێ دا ئاكنجیا قه‌زا زاخۆیه گیانێ خوه ژ ده‌ست دا، بڤێ ته‌ڤایا گیان ژ ده‌ست دانێ ل دهۆكێ گه‌هشته پێنج كه‌سان.
لگۆری راگه‌هاندنا ساخله‌میا دهۆكێ، توشبوویه‌كا ڤایرۆسێ كورونایێ كۆ دژیێ 63 سالیێ دا بوو ئاكنجیا قه‌زا زاخۆیه ده‌مێ هه‌فتیه‌كێ ره‌وشا وێ تێك چو بوو ل بن ئامیرێ هه‌ناسه‌دانا ده‌ستكرد ڤه بوو، ل نه‌خوشسخانه‌یا تایبه‌ت ب كورونایی ل پارێزگه‌ها دهۆكێ گیانێ خوه ژ ده‌ست دا.
لگۆری دوماهی ئامارا وه‌زاره‌تا ساخله‌میا حوكمه‌تا هه‌ریما كوردستانێ، ل پاریزگه‌ها دهۆك 475 توشبوویێن كورونایێ هاتینه توماركرن، 376 توشبوو ساخ بووینه و پێن كه‌سان ژی گیانێ خوه ژ ده‌ست دایه.
ئه‌ڤرۆ نیوز:
وه‌زاره‌تا كاره‌با عیراقێ راگه‌هاند ل چه‌ند رۆژێن بهێت 200 مێگاواتێن كاره‌بێ ژ توركیا و 450 مێگاوات ژ رێكا خورمه‌له كه‌ركووك دێ گه‌هنه به‌غدایا پایته‌خت و پارێزگه‌هێن دی یێن عیراقێ.
ئه‌حمه‌د موسا عه‌بادی په‌یڤدارێ وه‌زاره‌تا كاره‌با عیراقێ راگه‌هاند ب رێا كۆمپانیا كارله‌وه 450 مێگاوات كاره‌ب ژ رێیا هێلا خورمه‌له كه‌ركوك بۆ به‌غدا و پارێزگه‌هێن ناڤه‌راستا عیراقێ هێته هنارتن، 200 مێگاواتێن دی ژی ژ توركیا ب هێلا سلوپی فایدا بۆ سكرێ موسلێ بۆ ده‌ڤه‌رین عیراقێ ئیته ڤه‌گۆهاستن بۆ ئه‌ڤێ مه‌به‌ستێ ژی د هه‌ماهه‌نگیه‌كا به‌رده‌وام دانه ل گه‌ل توركیا.
په‌یڤدارێ وه‌زاره‌تا كاره‌با عیراقێ ئه‌و چه‌نده ژی راگه‌هاند چه‌ند خاله‌ك بونه ئه‌گه‌ر بۆ كێمبوونا ده‌مژمێرێن دانا كاره‌بێ، ب پله‌یا ئێكێ بلند بوونا پله‌یێن گه‌رماتیێ، كارتێكرن ل سه‌ر به‌رهه‌م ئینانێ دروستكریه، ب ئاوایه‌كی ژ 18 هزار و 600 میگاواتان بوویه 16 هزار و 250 مێگاواتێن به‌رهه‌م ئینانا كاره‌بێ.
ئه‌ڤرۆ نیوز:
په‌یڤدارا وه‌زاره‌تا ده‌رڤه‌یا ئه‌مریكا راگه‌هاند ئه‌و نوچه‌یه‌ێن به‌حسێ كۆمبوونا دناڤبه‌را به‌رپرسێن ئه‌مریكا و به‌رپرسێن په‌كه‌كێ ل نێزیك قه‌ندیلی دكه‌ن دوورن ژ راستیێ.
مورگان ئورتاگوس په‌یڤدارا وه‌زاره‌تا ده‌رڤه‌یا ئه‌مریكا ئه‌و چه‌نده ژی راگه‌هاند ئه‌و نوچه‌یێن به‌حسێ كۆمبوونا به‌رپرسێن ئه‌مریكا و په‌كه‌كێ ل نێزیك قه‌ندیلی دكه‌ت راست نینن و چ كۆمبوونێن ژڤی جوری نه‌هاتینه كرن.
ئەڤرۆ نیوز:
رێڤەبەریا گشتی یا پەروەردا پارێزگەها دهوکێ راگەهاندنەک بەلاڤکریە و تێدا هاتیە: ئەم ئاگەهداریا هەموو قوتابیێن خوشتڤی دکەین، کو ئەزموونێن قۆناغا ۱۲ ئامادەیی و ئەزموونێن دووماهیا وەرزێ دویێ، یێن پولێن ( ٤ ـ ۱۱) دێ هێنە کرن و چ گوهۆرین ب سەر دەم و ژڤانێ ئەنجامدانا ئەزموونان ناهێنە کرن، هەروەسا رێڤەبەریا گشتی یا پەروەردێ داخوازێ ژ هەموو مامۆستا و قوتابیێن خوشتڤی دکەت، کو هەموو پێرابوونێن خوە پاراستنێ وماسک و دەست كێشان ل دەمێ ئەنجامدانا ئەزموونان بکەنە بەرخۆ.
نيشاندان