ئەڤرۆ نیوز:
ئیرەج حەریرچی جێگرێ وەزیرێ ساخلەمیا ئیرانێ راگەهاند کو ل ئیرانێ رەوش گەلەک خرابە و کۆرۆنا رۆژ ب رۆژێ پتر د ناڤ وەلاتیان دا بەلاڤ دبیت و نها تەهران بوویە ناڤەندا بەلاڤبوونا کۆرۆنایێ ل ئیرانێ.
ناڤهاتی ئەو یەک ژی دیار کر کو رۆژانە ٢٠٠ کەس و زێدەتر ژی ل ئیرانێ دمرن و هەکە وەلاتی وەکو پێدڤی پێگیریێ ب رێنمایان نەکەن دێ هژمارا مریان زێدەتر لێ هێت.
ئەڤرۆ نیوز، زنار تۆڤی:
ئەڤرۆ ئێکشەمبی، 26/7/2020 وەزیرا كار و كاروبارێن جڤاكی یا حوکمەتا هەرێما کوردستانێ كوێستان محەمەد سەرەدانا پارێزگەھا دھۆكێ كر.
د. شێزاد حەمید رێڤەبەرێ گشتی یێ چاڤدێریا گەشەپێدانا جڤاکی ل پارێزگەها دهۆکێ، بۆ ئەڤرۆ نیوز دیار کر: ئەڤرۆ وەزیرا کار و کاروبارێن جڤاکی سەرەدانا پارێزگەها دهۆکێ کریە و د هەمان دەمدا، سەرەدانا كوچكا پارێزگەھێ كریە و پاشی خانما ناڤهاتی سەرەدانا كۆمەلگەھا كێم ئەندامان كریە و ل وێرێ 12 كورسیكێن كارەبایی و ئاسایی و (317) كارتونێن ئاھێن خوارنێ ل سەر خودان پێدڤیێن تایبەت ل دهۆکێ دابەشكرینە.
ئەڤرۆ نیوز:
ل گور زانیاریان ئەڤرۆ ل پارێزگەھا بەسرا، ب سەدەمێ بلندبوونا پلەیێن گەرمێ کرێکارەکێ ل سەر جادێ جانێ خوە ژ دەست دا.
ل عیراقێ و هەرێما کوردستانێ پلێن گەرمێ گەلەک بلند بووینە و بەری چەند رۆژان ژی بەرپرسیێن ساخلەمیێ ل هەرێما کوردستانێ ل دۆر هندێ هۆشداری دابوونە وەلاتیان کو هەکە پێدڤی نەبیت دەمژمێر ١١ سپێدێ هەتا ٥ ئێڤارێ ل مالێن خوە بن و نەچنە دەرڤە دا تووشی چو ئاریشێن ساخلەمیێ نەبن.
ئەڤرۆ نیوز:
سەرۆک وەزیرێن ئیسرائیلێ بنیامین نەتانیاهۆ راگەهاند کو هەر هێرشەک ژ ئاخا سووریێ و لوبنانێ بهێتە سەر ئیسرائیلێ ئەو هەر دو وەلات بەرپرسن و ئیسرائیل ژی دێ ب هەموو شیانێن خوە بەرسڤا هەر هێرشەکێ دەت.
سەرۆک وەزیرێن ئیسرائیلێ ئەو یەک ژی دیار کر کو وەلاتی وی هەتا نها گەلەک مەترسیێن ل سەر ئیسرائیلێ ژ ئاخا سووریێ ژناڤبرینە و گۆت: (هێزێن مە د ئامادەباشیێ دانە و ناهێلین چو هێزەک ئاخا سووریێ و لوبنانێ ل دژی ئیسرائیلێ بکار بینیت).
ئەڤرۆ نیوز:
دەزگەهێن راگەهاندنا یونانێ دیار دکەن کو پشتی ئالۆزیێن د ناڤبەرا یونانێ و تورکیا ل دۆر دەریا سپی هەر دو وەلاتێن ئەمریکا و بریتانیا پشتەڤانیا خوە بۆ یونانێ دیار کرینە و نها ١٢ گەمیێن شەری یێن ئەمریکا ل گەل سەدان فرۆکێن شەری گەهشتینە دەریا سپی و ل گەل هێزین دەریایی و ئەسمانی یێن یونانێ پێکڤە دەست ب مانورەکا مەزن یا سەبازی دکەن.
ئەو یەک د دەمەکێ دایە کو ئیمانوێل ماکرۆن سەرۆکێ فرەنسا چەندین جاران داخواز ژ وەلاتێن ئێکەتیا ئورۆپا کریە کو دەست ب سزادانا تورکیا بکەن.
ئەڤرۆ نیوز:
ئەیوب رەمەزان رێڤەبەرێ گشتی یێ رەوشەنبیری و هونەری ل دهۆکێ راگەهاند کو ل هۆلا محەمەد عارف جزیری وان پێشوازی ل د. عەلی تەتەر پارێزگارێ دهۆکێ کرینە و ب پشتەڤانیا سەرۆکێ حوکمەتا هەرێما کوردستانێ دێ هۆلا جزیری هێتە نووژەنکرن و گۆت: (سوپاسیا سەرۆکێ حکومەتێ و پارێزگارێ دهۆکێ دکەین بۆ ڤی کاری و بێگومان دێ بیتە جهێ دلخوشیا هەمی هونەرمەند و هونەردوستێت پارێزگەها دهۆکێ).
ئه‌ڤرۆ نیوز:
سه‌رپرشتیارێ چاره‌كرنا نه‌خوشیێن كورونایێ ل پارێزگه‌ها دهۆك دیاركر نوكه 84 توشبوویێن كورونایێ ل ناڤ نه‌خوشخانه‌یی دا هه‌نه و ژوانا ژی ره‌وشا سێ توشبوویان تێك چوویه.
د.موئه‌یه‌د ئه‌غالی سه‌رپرشتیارێ چاره‌كرنا نه‌خوشیێن كورونایێ ل پارێزگه‌ها دهۆكێ راگه‌هاند ره‌وشا سێ توشبوویێن ڤایرۆسێ كورونایێ تێك چوویه، ئه‌و هه‌ر سێ ژی زه‌لامن نوكه دبن چاڤدێریا چردانه، ئێك ژ ئه‌وان هه‌رسێكان نه‌خوشیا په‌نجه‌شێرێ هه‌یه دژیێ 80 سالیێ دایه، توشبوویه‌كێ دی ژی دژیێ60 سالێ دایه و ره‌وشا وی ژی باش نینه وتوشبوویێ دی ژی نه‌خوشیا شه‌كرێ هه‌یه.
نوژدارێ ناڤبری ئه‌و چه‌نده ژی دیاركر هنده‌ك توشبوو هه‌نه ژێده‌رێ ڤه‌گرتنا وان دیار نینه، ئه‌ڤه جهێ مه‌ترسیێ یه، له‌ورا پێدڤیه وه‌لاتی به‌رده‌وام رێنمایێن خوه پاراستنێ بجهـ بینن.
ل پارێزگه‌ها دهۆكێ هه‌تا نوكه 396 توشبوویێن كورونایی هاتینه توماركرن، ژ ئه‌ڤێ ژماره‌یی ژی 312 توشبوویێن هاتینه چاره‌كرن و ساخ بووینه، نوكه 84 توشبوو دناڤ نه‌خوشخانه‌یێ دا ماینه.
نيشاندان