سه‌رۆك بارزانى پيرۆزباهيا جه‌ژنا جه‌مايێ ل ئێزديان دكه‌ت

05/10/2018 14:33

126

ئه‌ڤرۆ نيوز:

سه‌رۆك بارزانى ب هه‌لكه‌فتا جه‌ژنا جه‌مايا ئێزديان پيرۆزيا هه‌موو ئێزديێن كوردستانێ و جيهانێ دكه‌ت و داخوازا ئاشتى و رحه‌تيێ بۆ دخوازيت.

سه‌رۆك بارزانى د لايه‌كێ دى يێ په‌ياما خوه‌ دا ته‌كستێ ل سه‌ر وێ چه‌ندێ دكه‌ت كو پێدڤيه‌ هه‌موو لايه‌ن بۆ كوورتركرنا فه‌رهه‌نگا پێكڤه‌ژيانێ و برايه‌تيێ و ته‌بايێ د ناڤبه‌را پێكهاتێن ئاينى و نه‌ته‌وه‌يێن كوردستانێ دا بكه‌ن و ب پارێزن.

ئه‌ڤه‌ ژى ده‌قێ وێ يه‌:

بەناوی خودای بەخشندە و میهرەبان

بەبۆنەی هاتنەوەی جەژنی (جەمایێ)ـی ئێزیدی، پیرۆزبایی خۆم ئاراستەی هەموو خوشك و برایانی ئێزیدی لە كوردستان و هەموو جیهان دەكەم. هیوادارم ئەو جەژنە ببێتە هۆی خۆشی و ئارامیی خوشك و برا ئێزیدییەكان و بتوانن هەموو ساڵێك جەژن و خۆشییەكانیان لە ئاشتی و ئاسوودەییدا بكەنەوە.

هەر بەو بۆنەیەوە جەخت لەوە دەكەمەوە كە پێویستە هەموو لایەكمان كار بۆ قووڵتربوونی فەرهەنگی پێكەوەژیان و برایەتی و تەبایی نێوان پێكهاتە ئایینی و نەتەوەییەكانی كوردستان بكەین و بیپارێزین.

مسعود بارزانی

5ـی 10ـی 2018

مه‌سرۆر بارزانى: ناديا موراد ده‌نگه‌كێ دى دا هێزا خه‌لكێ ئێزدى

05/10/2018 14:30

115

ئه‌ڤرۆ نيوز:

مه‌سرۆر بارزانى، شيره‌تكارێ جڤاتا ئاسايشا هه‌رێما كوردستانێ، په‌يامه‌كا پيرۆزباهيێ ئاراسته‌يى سه‌ركه‌فتيا خه‌لاتێ نۆبل بۆ ئاشتيێ، ناديا موراد كر.

مه‌سرۆر بارزانى، د په‌ياما خوه‌ دا، سه‌ره‌رايى پيرۆزباهيكرنێ نڤيسيه‌، “ناديا موراد ده‌نگه‌كێ ب هێز دا خه‌لكێ ئێزدى و ئه‌و مرۆڤێن بازرگانيێ پێ دكه‌ن، بزاڤا پاراستنا مافان دايه‌ و داخوازا دادپه‌روه‌ريێ دكه‌ن”.

نێچيرڤان بارزانى پيرۆزباهيا ناديا موراد كه‌ت

05/10/2018 14:22

117

ئه‌ڤرۆ نيوز:

نێچيرڤان بارزانى، سه‌رۆك وه‌زيرێن هه‌رێما كوردستانێ پيرۆزباهيا وه‌رگرتنا خه‌لاتێ نۆبلێ ئاشتيێ ل ناديه‌ موراد دكه‌ت كو ئه‌ڤرۆ ئه‌و خه‌لات وه‌رگرتيه‌ و راگه‌هانديه‌ كو ئه‌ڤ خه‌لاته‌ ب تنێ بۆ تاكه‌ كه‌سه‌كى نينه‌، به‌لكو بۆ خوراگرى و قوربانيێن ئێزديان و هه‌موو گه‌لێ كوردستانێ يه‌.

مزگينيه‌كا خۆش بۆ قوتابيان

05/10/2018 14:08

2383

ئه‌ڤرۆ نيوز:

عومه‌ر محه‌مه‌د تاهر ژ رێڤه‌به‌ريا په‌روه‌ردا دهۆك/ رۆژئاڤا ل سه‌ر په‌يجێ خوه‌ يێ فه‌يسبۆكێ به‌لاڤكريه‌ كو رێڤه‌به‌ريا وان رابوويه‌ ب توماركرنا وانێن 12 زانستى و وێژه‌يى ب ده‌نگ و ره‌نگ ل سه‌ر ده‌ستێ ستافه‌كێ شاره‌زا و باشترين مامۆستايێن دهۆكێ و كرينه‌ ديارى بو قوتابيێن پولا 12 زانستى و وێژه‌يى و ل سه‌ر هه‌موو په‌روه‌ردا و ئاماده‌يا ل سنورێ پارێزگه‌ها دهۆكێ هاتينه‌ به‌لاڤ كرن.

هيڤى ژى خواستيه‌ كو قوتابى بشێن مفايى ژێ وه‌ربگرن و دايه‌ زانين ژى كو ئه‌ڤ كاره‌ ب پشته‌ڤانيا وه‌زيرێ په‌روه‌ردێ پشتيوان سادق ژبۆ پرۆژه‌يى كريه‌.

ده‌ست خوشيێ ل رێڤه‌به‌رێ په‌روه‌ردا دهوك روژ ئاڤا ماموستا /عمر احمد قاسم دكه‌ين , بو خه‌مخوريا وى .وديف چون وسه‌رپه‌رشتيا ڤى پروژه‌ى كرى بو ماوێ پتر ژ ساله‌كێ .

عومه‌ر محه‌مه‌د تاهر دده‌ته‌ زانين كو وانێن هاتينه‌ تومار كرن ژ كوردى و عه‌ره‌بى و ئنگليزيا پۆلا 12 وێژه‌يى و زانستى و بيركارى بۆ 12ێ وێژه‌يى و هه‌ر ديسان بيركارى و كيميا و فيزيا و زينده‌وه‌رزانى بۆ 12 زانستى.

ئاماژه‌ ب وێ چه‌ندێ ژى كريه‌ كو پرۆژه‌ ژ 123 تراكان پێك دهێت كو پتر ژ 75 ده‌مژمێران ب خوه‌ ڤه‌ دگريت.

بۆ ديتنا لينكێ وانێن دياركرى ڤێره‌ كليك بكه‌

ناديا موراد خه‌لاتێ نۆبل يێ ئاشتيێ وه‌رگرت

05/10/2018 12:06

195

ئه‌ڤرۆ نيوز:

ناديا مۆراد و دێنيس موكوێگا ب هه‌ڤرا بوونه‌ خودانێن خه‌لاتێ نۆبل يێ ئاشتيێ ل وه‌لاتێ سويد.

به‌رى ده‌مه‌كێ كێم ئه‌كاديما شاهانه‌يا يا سويدى بۆ ئاشتيێ خه‌لاتێ نۆبل يێ ئاشتيێ بۆ سالا 2018ێ دا ناديا موراد و دێنيس موكوێگا.

توركيا ده‌مێ ڤه‌كێشانا هێزێن خوه‌ ژ سوريا ئاشكه‌را كر

05/10/2018 11:28

249

ئه‌ڤرۆ نيوز:

ره‌جه‌ب ته‌يب ئه‌ردوگان، سه‌رۆك كۆمارێ توركيا، ڤه‌كێشانا سۆپايێ توركيا ل سوريا ب ئه‌نجامدانا هه‌لبژارتن ل وى وه‌لاتى ڤه‌گرێدايه‌.

ب گۆره‌يى نووچه‌كێ ئاژانسا رويته‌رز، سه‌رۆكێ توركيا د چارچۆڤێ ديداره‌كێ دا ل باژێرێ سته‌مبۆل راگه‌هانديه‌: “هه‌ر ده‌مه‌كێ خه‌لكێ سوريا هه‌لبژارتنه‌ك ئه‌نجامدا، ئه‌م دێ سوريا بۆ خودانێن وان ب جهـ هێلين”.

هه‌يڤا بۆرى ئه‌ردوگان و ڤلاديمێر پۆتن، سه‌رۆكێ رۆسيا، ل سه‌ر دروستكرنا ده‌ڤه‌ره‌كا ب سلامه‌ت د ناڤبه‌را چه‌كدارێن ياخيبوويى و سۆپايێ سوريا ل باژێرێ ئيدلب رێكه‌فتن، ب ڤێ چه‌ندێ ژى هه‌تا نها شه‌رێ ئيدلب روونه‌دايه‌ كو پشكه‌ك ژ چه‌كدارێن ياخيبووى ب ناڤ هه‌ڤسۆزێن توركيانه‌.

هه‌ر وه‌سا د نوكه‌ سۆپايێ توركيا ل باژێرێن عه‌فرين و ده‌وروبه‌رێن ته‌رابلۆس يێن هه‌ين، د به‌رده‌وامن ژى ل دژايه‌تيكرنا هێزێن هه‌ده‌سێ كو يه‌كينێن پاراستنا گه‌ل (يه‌په‌گه‌) سه‌ركردايه‌تيێ دكه‌ت و د سورن ل سه‌ر ئه‌وێ چه‌ندێ كو هێزێن كوردى رۆلێ گرنگ ل سوريا نه‌بيت.

ئه‌مريكا سزايێن نوو ب سه‌ر توركيا دا د سه‌پينيت

05/10/2018 11:22

710

ئه‌ڤرۆ نيوز:

پێگه‌هێ ئه‌لكترۆنى يێ وه‌زاره‌تا گه‌نجينا ئه‌مريكا د به‌ياننامه‌كێ دا به‌لاڤكريه‌ كو سزايێن نوو كو په‌يوه‌ندى ب كوريا باكوور ڤه‌ هه‌يه‌، ب سه‌ر كۆمپانيه‌ك و چه‌ند كه‌سێن توركى دا سه‌پانديه‌.

وه‌زاره‌تا گه‌نجينا ئه‌مريكا ته‌كست ل سه‌ر وێ چه‌ندێ كر كو كۆمپانيا “SIA Falcon International Group”ی يا توركی كو ئه‌گه‌رێ په‌يوه‌نديێ ل گه‌ل كۆمپانيا كوريا باكوور ناڤێ وێ د ناڤ ليستا كه‌س و كۆمپانيان دا هاتيه‌ كو سزايێن ئه‌مريكا ڤه‌دگريت، ل گه‌ل كه‌سه‌كێ دى يێ ب ره‌گه‌ز كوريا باكوور سزايێن نوو ب سه‌ردا سه‌پاندينه‌، بێ كو ئاماژێ ب ناڤ و ناسنامه‌ و ئه‌وان كه‌س و به‌رپرسان بكه‌ت كو سزايان ڤه‌دگريت.

ئه‌ڤه‌ ژى پشتى وێ چه‌ندێ هات كو به‌رى نوكه‌ مايك پۆمپيۆ، وه‌زيرێ ده‌رڤه‌ يێ ئه‌مريكا ته‌كست ل سه‌ر گرنگيا سه‌پاندنا سزايێن خه‌ندقاندنێ ب سه‌ر كوريا باكووردا كربوو.

به‌رى نوكه‌ ئه‌مريكا سزايێن ئابوورى ب سه‌ر چه‌ند كه‌س و كۆمپانيێن توركيا دا سه‌پانديه‌.

ب وێنه‌: عيراقێ پارێ نوو دئێخيته‌ بازارى و هزار ديناريێ سوره‌تا ئيخلاس ل سه‌ر نينه‌

05/10/2018 09:58

4385

ئه‌ڤرۆ نيوز:

به‌نكا ناڤه‌ندى يا عيراقى، رۆژا پێنجشه‌مبى ژماره‌كا پارێ نوو خسته‌ بازارى ل گه‌ل هنده‌ك گوهۆڕينان كو ژ وان ژى ل سه‌ر هزار ديناريێ سوره‌تا قورئانێ هاتيه‌ لادان.

د به‌ياننامه‌كێ دا به‌نكا ناڤه‌ندى يا عيراقى راگه‌هاند كو كۆژمێن پاره‌يى ژ جۆرێ بچووك (هزار دينارى، پێنجسه‌د دينارى و دوسه‌دو پێنجى دينارى) خستينه‌ بازارى و گوهۆڕينێن بچووك لێ كرينه‌”.

ئاشكه‌را ژى كر كو كار دێ ب هه‌ردو ره‌نگان هێته‌ كرن و كاروبارێن رۆژانه‌ دا”.

دا زانين ژى كو د چاپا هزار دينارى دا سوره‌تا ئيخلاس ئه‌وان ل سه‌ر چاپێن به‌رى نوكه‌ هه‌يى، هاتيه‌ لادان.

ئه‌ڤه‌ ژى بۆ وێ چه‌ندێ دزڤريت كو به‌رى نوكه‌ مه‌رجه‌عێ شيعان ل عيراقێ راگه‌هاند بوو كو نابيت هزار ديناريێ ب هه‌لگرن بێى شووشتنا ده‌ستنڤێژى، ژ به‌ر كو سوره‌تا ئيخلاس يا ل سه‌ر.

ئه‌ڤرۆ نيوز دووماهى ئامارا به‌ربژارێن سه‌ركه‌فتى به‌لاڤ دكه‌ت

05/10/2018 09:35

835

ئه‌ڤرۆ نيوز:

دووماهى ئه‌نجامێن دووماهيێ يێن نه‌فه‌رمى ژ لايێ كۆمسيۆنا بلندا سه‌ربه‌خۆيا هه‌لبژارتنان هاتنه‌ راگه‌هاندن، به‌لێ ل گه‌ل هندێ ژى به‌ربژارێن سه‌ركه‌فتى بۆ په‌رله‌مانێ كوردستانێ نه‌هاتنه‌ دياركرن.

هه‌ر چه‌نده‌ هێشتا چو ئامارێن فه‌رمى نه‌هاتينه‌ به‌لاڤكرن، به‌لێ ب گۆره‌يى ئاماره‌كێ كو ژ مه‌كته‌با سكرتاريه‌ت يا هه‌لبژارتنێن پارتى ديموكراتى كوردستان هاتيه‌ به‌لاڤكرن، ئه‌ڤرۆ نيوز ب ده‌ست خوه‌ خستيه‌ و به‌لاڤ دكه‌ت.

به‌لاڤنه‌كرنا به‌ربژارێن سه‌ركه‌فتى بۆ وان 225 سندوقان دزڤريت يێ قردێلا سۆر پێڤه‌ چونكو ل دووڤ گۆتنا كۆمسيۆنێ ئه‌و دێ گوهۆڕينێ ئێخنه‌ ئه‌نجامێن هه‌لبژارتنان و ب تايبه‌ت ژى يێن به‌ربژارێن ليستێن سياسى.