ئەڤرۆ نیوز ، زنار تۆڤی:
موقەدەم بێوار عەبدولعزیز پەیڤدارێ بەرەڤانیا باژێرێ دھۆکێ، بۆ ئەڤرۆ نیوز راگەھاند: ئەڤرۆ شەمبیێ و ل دەمژمێر ١١ سپێدێ ل گوندێ خازیاڤا گەنجەکێ ئاکنجیێ باژێرێ دهۆکێ ب ناڤێ( م، ک) د ژیێ 16 سالیێ دا د ئاڤێ دا خەندقیە.
ناڤهاتی دیار کر ژی: پشتی تەرمێ وی ژ ئاڤێ ئیناینەدەر، بۆ نۆشداریا داد ل دھۆکێ ھاتیە ھنارتن، د ئەڤ سالە دا ١٧ کەس د ئاڤێن سنورێ پارێزگەها دهۆکێ دا خەندقینە.
ئەڤرۆ نیوز:
کەمال کلچدار ئوگلۆ سەرۆکێ گشتی یێ پارتا کۆماریا گەل راگەهاند کو ژ بەر سیاسەتا شاش یا ئەردۆگانی ئەڤرۆ تورکیا تووشی قەیرانەکا گەلەک مەزن بوویە.
ناڤهاتی راگەهاند کو پرسا کوردی پرسا سەرەکی یا تورکیا یە و دڤێت ل پەرلەمانێ تورکیا پرسا کوردی ب رێیێن سیاسی بهێتە چارەسەرکرن و گۆت: (ئێدی دڤێت ئەم رێ نەدەین کو هندەک وەلات پرسا کوردی ل دژی تورکیا بکار بینن، ژ بەر هندێ ژی دڤێت پرسا کوردی و هەموو پرسێن دی یێن تورکیا د چارچۆڤێ دیموکراسیێ و ل پەرلەمانێ تورکیا دا بهێنە چارەسەر کرن).
ئەڤرۆ نیوز:
سەرۆک مەسعود بارزانی پێشوازی ل رۆب والەر کونسولێ گشتی یێ نوو یێ ئەمریکا ل هەولێرێ کر و د روونشتنەکێ دا بەحسێ دووماهیک پێشهاتێن سیاسی ل عیراقێ و کوردستانێ هاتە کرن، ب تایبەتی ژی بابەتێ ڤایرۆسێ کۆرۆنا کو بوویە ئاریشەکا مەزن بۆ هەموو وەلاتان.
سەرۆک بارزانی هەروەسا داخوازا سەرکەفتنێ بۆ کونسولێ نوو یێ ئەمریکا ل هەولێرێ کر.
ئەڤرۆ نیوز:
ژوورا ئۆپەراسیۆنان ل ئیدارا گەرمیان کۆمبوو و ١٣ بریارێن تایبەت سەبارەت ب خوەپاراستنێ و رۆژێن جەژنێ هاتنە دان.
د راگەهاندنەکێ دا کو ژ ئالیێ ژوورا ئۆپەراسیۆنان یا ئیدارا گەرمیان هاتیە بەلاڤکرن تێدا هاتیە دیار کرن کو سپێدێ رۆژا ئێکشەمبیێ دێ دەرگەهێن مزگەفتان هێنە ڤەکرن و رۆژا جەژنێ ئانکۆ رۆژا ٣١/٧/٢٠٢٠ ژ بۆ رێگریکرن ژ بەلاڤبوونا ڤایرۆسێ کۆرۆنا دێ قەدەغا هاتنوچوونێ بیت و دڤێت هەموو وەلاتی ژی پێگیریێ پێ بکەن.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی ب هەلکەفتا ١١مین سالیادا دامەزراندنا بزاڤا گۆڕان د پەیامەکێ دا پیرۆزباهیێ ل رێکخەرێ گشتی، ئەندام و ئالیگرێن بزاڤا گۆڕان دکەت.
سەرۆکێ حوکمەتا هەرێما کوردستانێ هەروەسا دیار دکەت کو بزاڤا گۆڕان وەکو ئێک ژ وان هێزێن کو پشکداری د حوکمەتێ دا کریە، د هەمان دەمی دا رۆلەکێ خوە یێ بەرچاڤ ل بزاڤا سیاسی ل کوردستانێ دا هەیە.
سەرۆکێ حوکمەتێ هەروەسا دیار دکەت کو ئەو هێڤیدارە ب پشتەڤانیا هەموو ئالیێن پشکدار و هێزێن سیاسی ل کوردستانێ حوکمەت بشێت بەرنامێ خوە یێ چاکسازیێ ب رەنگەکێ سەرکەفتی برێڤە ببەت و نها دهێتە خواستن کو ئەم هەموو پێکڤە بەرەڤانیێ ل هەرێما کوردستانێ و هەموو مافێن دستووری یێن خەلکێ کوردستانێ بکەین.
ئەڤرۆ نیوز:
حەسەن رۆحانی سەرۆک کۆمارێ ئیرانێ راگەهاند کو ژ بەر سزایێن ئابووری یێن کو ئەمریکا ل سەر ئیرانێ سەپاندیە و هەروەسا ژ بەر ڤایرۆسێ کۆرۆنایێ رەوشا ئیرانێ گەلەک خرابە.
سەرۆک کۆمارێ ئیرانێ ئەو یەک ژی دیار کر کو وەلاتیێن ئیرانێ نها د رەوشەکا گەلەک خراب دا دژین و گۆت: (لێ گەلێ ئیرانێ هەتا نها ژی ل هەمبەر ئەمریکا خوراگرە و داخوازیێن ئەمریکا و هەڤالبەندێن وێ قەبوول ناکەین).
ئه‌ڤرۆ نیوز:
وه‌زاره‌تا ساخله‌میا عیراقێ راگه‌هاند دوماهیا ئیسال یان ده‌ستپێكا سالا بهێت ڤاكسینا ڤایرۆسێ كورونایێ بێ به‌رامبه‌ر ب سه‌ر وه‌لاتیان دا پارڤه‌كه‌ن.
حازم حومه‌یلی برێكارێ وه‌زاره‌تا ساخله‌میێ و ژینگه‌ها عیراقێ راگه‌هاند وه‌زاره‌ت ل گه‌ل ئه‌وان هه‌موو كۆمپانی و لایه‌نان د دانوستاندنادایه كۆ كار ل سه‌ر به‌رهه‌م ئینانا ڤاكسینێ ڤایرۆسێ كورونایێ دكه‌ن، هه‌ر دوی چارچوڤه‌ی دا ب رێكا ڤیدیو كۆنفرانس ل گه‌ل كۆمپانیا فایزه‌را ئه‌مریك ئاخڤتینه و ده‌ربارێ دابینكرنا ئه‌وێ ڤاكسینێ، رێكه‌تن كرینه ل سه‌ر دوماهی ئاگه‌هدار بووون ژ تاقیكرنێن كۆمپانیێ، هه‌روه‌سا ل گه‌ل چه‌ندین ژێده‌رێن دی ئاخڤتینه ده‌ربارێ جورێ ڤاكسین و بهایێ وی ل ده‌مێ راده‌ستكرنێ بۆ عیراقێ.
ئه‌و چه‌نده ژی راگه‌هاند ل دۆماهیا ئیسال یان ده‌ستپێكا سالانوو بێ هه‌مبه‌ر دێ ب سه‌ر وه‌لاتیێن عیراقی دا هێته پارڤه‌ركرن.
كۆمپانیا فایزه‌را ئه‌مریكی ب هه‌ڤكاریا كۆمپانیا بایونتیكا ئه‌لانی ڤاكسینه‌ك دروستكریه، كۆ ل دو قوناغان دا سه‌ركه‌فتی یه و شیاینه به‌ره‌ڤانیا له‌شێ مرۆڤی دژی ڤایرۆسێ كورونایێ زێده بكه‌ن، بێ كۆ كارتێكرنێن نه‌رینی ل سه‌ر لایه‌نێن ساخله‌میا وی هه‌بن.
نيشاندان