ئه‌ڤرۆنيوز:
ئێڤاريا ئه‌ڤرۆ ئێكشه‌مبى 16/9/2018 بيڤه‌له‌رزه‌كا ب هێز باژێرێ سلێمانيێ ودهوروبهرێن وێ هه‌ژاند ووهلاتيان ب تمامى ههست پێ كر.
بيڤه‌له‌رزه‌كا ب هێز سلێمانيێ هه‌ژاند
نووترين نووچه
- مە بزاڤێن مەزن یێن كرین گرنگییەكا تایبەت ب كەرتێ چاندنێ و پیشەسازییا خوارنێ بدەین
- هیچ ئالییەكێ سیاسی نەشێت چاوانییا پەیوەندیێن د ناڤبەرا بەغدا و هەولێرێدا دیار بكەت
- تمامبوونا جۆتسایدێ شێخان – لالش، دێ ئاسانكارییەكا مەزن بۆ سەرەدانكەرێن لالش كەت
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
سه‌ره‌كى Twitter
ب وێنه – باژێرڤانیا سۆران وێنێن به‌ربژاران راكرن
ئه‌ڤرۆ نیوز، نه‌وزاد هلۆرى:
ژبه‌ر فشارێن وه‌لاتى و رێكخراوێن ژینگه‌هێ ل سنوورێ قه‌زا سۆران ، باژێرڤانیا سۆران رابوو ب راكرنا هه‌موو وان وێنه و پوسته‌رێن لیست و قه‌وارێن سیاسى و به‌ربژاران ئه‌وێن كو ل جهێن قه‌ده‌غه‌كرى ونه ل دووڤ رێنمايێن كۆمسيۆنا هه‌لبژارتن وراپرسيێ ل هه‌رێما كوردستانێ هاتینه دانان.
باژێرڤانیا سۆران ب هه‌ڤكاریا ژبه‌ر گڤاشتنێن وه‌لاتیان و شوفێر و هنده‌ك رێكخراوێن ژینگه‌هێ ب تایبه‌تى رێكخراوا وار بوۆ پاراستنا ژینگه‌هێ، رابوویه ب راكرنا هه‌موو وێنه و پوسته‌رێن لایه‌نێن سیاسى و به‌ربژاران ب تایبه‌تى ئه‌و وێنه و پوسته‌رێن هاتینه هه‌لاویستن ل سه‌ر دارێن كه‌ڤنه نیڤا جادا سه‌ره‌كى یا سۆران.
رۆنالدۆى دو گۆل تۆماركرن
ئه‌ڤرۆنيوز:
پشتى كريستيانۆ رونالدۆ نه‌شياى دسێ ياريێن خوه يێن ئێكێ دا ل گه‌ل يانا خوه يا نوو يوڤه‌نتوس چو گۆلان دخۆلا ئيتالى يا ته‌پا پێ دا تۆمار بكه‌ت، ئه‌ڤرۆ ئێكشه‌مبى رونالدۆ شيا دو گۆلان تۆمار بكه‌ت ويانا خوه به‌ر ب سه‌ركه‌فتنێ ببه‌ت.
دڤێ ياريێ دا يوڤه‌نتوس ب ئه‌نجامێ 2-1 ب سه‌ركه‌فت وهه‌ردو گۆلێن وێ ژلايێ رونالدوى ڤه ل خۆله‌كێن 50 و65 هاتن تۆماكرن وگۆلا ئێكانه يا سوسولۆ ل خۆله‌كا 91 هاته تۆماركرن.
ب ڤى ئه‌نجامى يوڤه‌نتوس ل سه‌رێ رێزبه‌ندا خۆلا ئيتاليا ب 12 خالان دهێت وساسولۆ ب 7 خالان ل رێزا سيێ دهێت.
ب وێنه.. ژبه‌ر ئينانا ده‌رمانێن قه‌ده‌غه‌كرى 5 كه‌س دهێنه ده‌سته‌سه‌ركرن
ئه‌ڤرۆنيوز:
لژنا دووڤچوون وچاڤدێريا ده‌رمانان ل هه‌ولێرێ شيا ده‌ست ب سه‌ر دو ته‌نێن ده‌رمانێ قه‌ده‌غه‌كرى دا بگريت وپێنج كه‌سان ده‌سته‌سه‌ر بكه‌ت.
قايمقاميا قه‌زا ناڤه‌ندا هه‌ولێرێ د به‌ياننامه‌كێ دا راگه‌هاند” لژنا دووڤچوون وچاڤدێريا ده‌رمانان پشيا پشكنينێ بۆ زێده‌تر ژ 30 ده‌رمانخانان ل هه‌موو جادا 40 مه‌ترى ل باژێرێ هه‌ولێرێ بكه‌ت”.
دياركر ژى كو دوان دووڤچوونان دا 17 ده‌رمانخانه هاتن داخستن وپێنج كه‌س ژى هاتن ده‌سته‌سه‌ركرن، ده‌ست ب سه‌ر چار ترومبێلان ژى هاته گرتن وپه‌رێن ڤه‌كۆلينێ ژى ل دادگه‌هێ بۆ ده‌سته‌سه‌ركريان هاتن ڤه‌كرن، هه‌روه‌سا سزايه‌كێ دراڤى ژى دێ ل سه‌ر هێته سه‌پاندن.
بۆ نوشدارا سالێ ل دهۆكێ
ئه‌ڤرۆ نيوز، له‌زگين جۆقى:
سەرۆکێ لژنا ھەلبژارتنا نوشدارێ سالێ ل دھۆکێ دیارکر کو رێکخراوا ژیان یا ساخلەمیێ ل رۆژا ١-٩-٢٠١٨ نوشدارێ سالێ د ڤيستڤالەکێ دا ل پارێزگەھا دھۆکێ ھەلبژارت.
د. وەلید رەشید، سەرۆکێ لژنا ھەلبژارتنا نوشدارێ سالێ ل دھۆکێ و بەرپرسێ ھۆبا نەخۆشخانه و بنگەھێن ساخلەمیێ ل دھۆکێ بۆ (ئه‌ڤرۆ نیوز) دیارکر کو ل سەر ھژمارەکا پيڤه‌ران نوشدارێ سالێ و نوشدارێن پێشەنگ يێن سالێ ھاتنە ھەلبژارتن ژ وان پيڤەران ژی رێکوپێکيا د کارى دا و پێگیرى ب دەواما فەرمی و ئەو نوشدارێ نشتەرگەریەکا جودا ئەنجام دایى یان کارەکێ جودا کربیت ل دەزگەھێن ساخلەمیێ یان ھەکە کارێن خوەبەخش ھەبن ب تایبەتێ ل بەروکێن شەری ل گەل پێشمەرگێ قەهرەمان خزمەت کربيت د وارێ چارەسەری و دەرمان و پێدڤیێن نوشدارى دا.
ئاشكه‌را ژى كر كو ل سەر ڤان پيڤه‌ران د. مارلین زه‌یا عودیشۆ ھاتە ھەلبژارتن وەکو نوشدارا سالێ ل پارێزگەھا دھۆکێ و د. قەره‌نی سەعید عه‌بدولا رێڤەبەرێ ساخلەمیا زاخۆ وەکو نوشدارێ پیشەنگێ سالێ ھاتە ھەلبژارتن و د. دیار تاھر رەجەب نوشدارێ دەرمانساز ل نەخۆشخانا ئازادی ژی ھاتە دەست نێشانکرن وەکو دکتوری پێشەنگ ئەڤە ھەر سێ نوشدار ل دھۆکێ بوونە نوشدارێن سالێ ھەروەسا ژی د وارێ ھوشیاری و راگەھاندنێ ژی دا ھەر ئێک ژ د. بەختیار و د. ئاری و حەمزە رەزیکی بەرپرسی راگەھاندنی ل ساخلەمیا دھۆکێ ھاتنە ھەلبژارتن.
د. مارلین زه‌یا عودیشۆ، نوشدارا دەڤ و ئەرزنکێ ل دھۆکێ دیارکر کو ھەلبژارتنا وێ وەکو نوشدارا سالی دێ وێ پال ده‌ت پتر خوه ماندۆ بکەت خزمەتا نەخۆشان ل دەزگەھێن ساخلەمیی بکەت، “رۆژانه ژی دەمێ ئەز دھێمە دەوامێ دایکا من دبێژت کچا من ھۆشیار بی چاڤێ خۆ بده‌یە ھەموو نەخۆشان و دەمێ ئەز نەساخەکى چارەسەردکەم ھەست ب ئارامیەکا مەزن دکەم چونکو نەساخ یێ ل سەر بەرپرسیاراتیا مە یا رۆژانه ژی دەمێ دچمە دەوامێ ب چو ره‌نگه‌كى خەمساریێ ناکەم ھندی د شیانێن من دا بیت خزمەتا نەخۆشی دکەم”.
د. دیار تاھر دەرمانساز ل نەخۆشخانا ئازادی یا فێرکرنێ ل دھۆکێ دیارکر کو ئەڤرۆ ھەستەکێ گەلەک خۆش بوو، بۆ من وەکو نوشدار ھاتیمە دەست نیشانکرن وەکو نوشدارێ سالێ زۆر پێ کەیف خۆش بووم دێ بيتە پالدەرک بۆ پتر پێشڤەچوونا کەرتێ ساخلەمیێ ل پارێزگەھا دھۆکێ ئەم پتر بھێينە ھاندان خوه ماندۆ بکەين بۆ خزمەتکرنا نەخۆشان. “ل دەوامێ من مۆلەت وەرنەگرتن پتریا دەمێ خۆە من ل نەخۆشخانێ بۆراند بۆ خزمەتکرنا نەخۆشان”.
د. قەره‌نی سەعید رێڤەبەرێ ساخلەمیا زاخۆ دیارکر کو خەلاتکرنا وى وەکو نوشدارێ سالێ دێ بیتە ئەگەر باشتر خزمەتا کەرتێ ساخلەمیێ ل زاخۆ بھێتە کرن، ئەڤە پێنگاڤەک بوو ل سەر پتر خۆ زەحمەتدانا مە ل دەڤەرا زاخۆ و باشتر مفاداربوونا وەلاتیان ژ دەزگەھێن ساخلەمیێ ل قەزا زاخۆ.
گۆهۆرين دپلێتا ئاهين خوارنێ دا دێ هێته كرن
ئه‌ڤرۆنيوز:
به‌رپرسه‌كێ حوكمه‌تا عيراقێ راگه‌هاند،، پێدڤيه له‌ز بهيته كرن دچاكسازيكرنێ دا دپلێتا ئاهين خوارنێ يا وه‌لاتيان.
ل دووڤ رۆهنكرنه‌كا ئه‌مينداريا گشتى يا جڤاتا وه‌زيرێن عيراقێ، مه‌هدى عه‌لاق ئه‌ميندارێ گشتى يێ جڤاتا وه‌زيران، داخواز كريه له‌ز بهێته كرن دكارێ هه‌ڤپشك دا بۆ نووكرنا پلێتا ئاهێن خوارنێ يا وه‌لاتيان كو پێشتر ژگرنگترين به‌رنامێن چاكسازيا حوكمه‌تێ بوو.
درۆهنكرنێ دا هاتيه ژى” ئه‌ميندارێ گشتيێ جڤاتا وه‌زيران ونوونه‌رێ پرۆگرامێ خوارنا جيهانى دانوستاندن ل دۆر پێشخستن وپه‌ره‌پێدانا پلێتا ئاهين خوارنێ يا وه‌لاتيێن عيراقى كريه” .
بنگەھێ ھاوار یێ پشتەڤانیا دەرونی و فێربوونێ ل کەمپا قادیا ھاتە ڤەکرن
ئه‌ڤرۆنيوز:
ب ئارمانجا پتر گەھاندنا ھاریکاریان و ب تایبەت بۆ رزگار بویێن دەستێ داعشێ، بنگەھێ ھاوار یێ پشتەڤانیا ئافرەتان ل کەمپا قادیان ھاته ڤەکرن، ب ئامادەبوونا هژمارەکا ريسپی یێن کوردێن ئیزدی و ستافێ بۆردێ کاروبارێن مرۆڤایەتی و رێڤەبەرێ کەمپا قادیا، بنگەھێ ھاوار یێ پشتەڤانیا دەرونی و فێربوونێ ب ھەڤکاری دگەل بۆردێ کاروبارێن مرۆڤایەتی BRHA ل کەمپا قادیان ھاته ڤەکرن
ژێده‌ره‌كى ژ بۆردێ كاروبارێن مرۆڤايه‌تى ل دهۆكێ بۆ ئه‌ڤرۆنيوز گۆت”رێ و رەسمێن ڤەکرنا بنگەھێ ھاوار ب چەندین چالاکیان و پەیڤان ھاتن ڤەکرن، ل دەست پێکێ خانم دۆزن تاکال سەرپەرشتا بنگەھێ ناڤبری پەیڤەک پێشکێشکر و ئاماژە دا کو بنگەھێ وان دێ فێربوونێ و ھاریکاریێن دەرونی پێشگێشی ئافرەتان کەن و ب تایبەت رزگاربوویێن دەستێ داعش، نیزیکی ٨٤٠ ئافرەتان دێ ژ بنگەھێ وان مەفاداربن، دیسان دیارکر کو پشتەڤانیەکا راستەوخۆ یا حکومەتا ئەلمانی ل بنگەھی دھێتە کرن، پاشی چەندین پەیڤ دیتر ھاتن گۆتن ژلایێ رێڤەبرێ کەمپێ و کەسایەتیێن کوردێن ئیزدی”.
دياركر” ئارمانجا ڤەکرنا بنگەھێ ھاوار ئەوە گەھاندنا ھاریکاریێن دەرونی و فێرکرنا ئافرەتان ب تایبەت رزگاربوویێن دەستێ داعش پێخەمەت بتر خۆشکرنا ژیانا وان ل ناڤ کەمپان”.
وه‌لاتیێن شێلادزێ داخوازا ڤه‌كرنا فه‌رمانگه‌ها كاروبارێن شارستانى دكه‌ن
شێلادزێ ، نه‌وزاد هلۆرى:
پشتى كو چه‌ند رۆژێن بۆرى هژماره‌كا وه‌لاتیێن سه‌نته‌رێ ناحیا شێلادزێ داخواز ژ لایه‌نێن شوله‌ژێ كرى كو فه‌رمانگه‌ها كاروبارێن شارستانى ل شێلادزێ بهێته ڤه‌كرن، جهێن شوله‌ژێ به‌رسڤا وان دایه و بریاره فه‌رمانگه‌ها ناڤبرى بهێته ڤه‌كرن ، به‌لێ چو بریار ژلایێ عیراقێ بۆ ڤه‌كرنا وێ نینن.
نه‌وزاد عه‌بدوللا، وه‌لاتى و ئه‌و كه‌سێ نڤیسارا خه‌لكێ شێلادزێ گه‌هاندیه وه‌زاره‌تا په‌یوه‌ندیدار بۆ ئه‌ڤرۆ نیوز گۆت: (ل چه‌ند رۆژێن بۆرى مه نڤیساره‌ك كو داخوازیا خه‌لكێ شێلادزێ بوو گه‌هانده وه‌زاره‌تا ناڤخوه، يا هه‌ريما كوردستانێ و ب خوه‌شحالیڤه وه‌زيرى به‌رسڤا مه‌داه وكار بۆ ڤه‌كرنا وێ دهێته كرن).
زێده‌تر گۆت: (شێلادزێ ناحیه‌كا مه‌زنه و نێزیكێ 50 هزار كه‌س تێدا دژین ، به‌لێ هه‌تا نوكه پتريا مامه‌لێن خه‌لكى ل دێره‌لوكێ ب رێڤه‌دچن و كێشه بۆ خه‌لكى دروست كریه ، به‌لێ ئه‌گه‌ر فه‌رمانگه ل شێلادزێ بهێنه ڤه‌كرن، دێ كاروبارێن وه‌لاتیان ب ساناهى بن).
ناڤبرى دیاركر ژى كو ژبلى فه‌رمانگه‌ها كاروبارێن شارستانى، پێدڤیه چه‌ند فه‌رمانگه‌هێن دى ژى ل شێلادزێ بهێنه‌ڤه‌كرن و زێده‌تر گۆت: (خه‌لكێ شێلادزێ قوربانیێن زۆر داینه و نوكه ژى پتريا وان پێشمه‌رگه‌نه و ل سه‌نگه‌رێن شه‌ره‌فێ به‌ره‌ڤانیێ دكه‌ن، ژبه‌رڤێ چه‌ندێ گرنگه حوكمه‌ت و لایه‌نێن شوله‌ژێ ل ئاستێ وێ قوربانیدانا خه‌لكێ شێلادزێ خزمه‌تێ بكه‌ن).
ب گوره‌ى رێنمایێن لایه‌نێن شوله‌ژێ، ڤه‌كرنا فه‌رمانگه‌ها كاروبارێن شارستانى پێدڤى ب مۆله‌تا عیراقێ هه‌یه و هه‌ر جهه‌كێ ئه‌ڤ فه‌رمانگه‌هه لێ دهێته‌ڤه‌كرن پێدڤیه هژمارا ئاكنجيێن وێ ژ 100 هزار كه‌سان كێمتر نه‌بیت، ڤێ یه‌كێ بارگرانى بۆ خه‌لكى درۆستكریه.
ئه‌و په‌رله‌مانتارێ پارتى يێ بوويه جێگرێ دويێ يێ سه‌رۆكێ په‌رله‌مانى كى يه؟
ئه‌ڤرۆ نيوز، نيوار محه‌مه‌د سه‌ليم:
به‌شير حه‌داد په‌رله‌مانتارێ پارتى وبه‌ربژارێ پارتى وئێكه‌تيێ بۆ پۆستێ جێگرێ دويێ يێ سه‌رۆكێ په‌رله‌مانێ عيراقێ ب كۆمكرنا 152 ده‌نگان پۆستێ جێگرێ دويێ يێ سه‌رۆكێ په‌رله‌مانى ب ده‌ستڤه‌ئينا.
به‌شير خه‌ليل ته‌وفيق حه‌داد كى يه؟
- ژ دايكبوويێ هه‌ولێر 1956ێ يه ل سه‌ر فراكسيۆنا پارتى ديموكراتى كوردستان ل هه‌ولێر بوويه ئه‌ندامێ جڤاتا نوونه‌ران.
- به‌كالريوس د زمانێ و ئه‌ده‌بێ عه‌ره‌بى دا هه‌يه.
- ماسته‌ر و دكتورا ژى ب فه‌لسه‌فا شه‌ريعه‌ت و هزرا ئيسلامى هه‌يه.
- ده‌ستووريا زانستى د زانستێ شه‌رعيه‌تێ ڤه‌گوهاستى و مێشكى دا هه‌يه.
- 30 سالێن خزمه‌تێ وه‌كو مامۆستا ل زانكۆ و په‌يمانگه‌هان هه‌نه.
- 25 سال خزمه‌ت د خواندنا گۆتارێ و ده‌عوا ئيسلامى دا هه‌نه.
- سه‌رۆكێ قشكا زمانێ عه‌ره‌بى بوو ل په‌يمانگه‌ها ناڤه‌ندى يا مامۆستايان.
- راگرێ په‌يمانگه‌ها كوردستان يا په‌يمانگه‌ها گۆتاربێژان بوو.
- ئه‌ندامێ بۆردێ شيره‌تكارى يێ وه‌زاره‌تا ئه‌وقافێ بوو ل هه‌رێما كوردستانێ.
- سه‌رۆكێ ده‌سته‌يا هووربينيا شه‌رعى ل به‌نكا جيهان يا ئيسلامى.
- سه‌رۆكێ ده‌سته‌يا ئه‌مينداران ل كوليژا قه‌له‌م يا زانكۆ.
- ئه‌ندامێ خولا سيێ يێ په‌رله‌مانێ كوردستانێ و تێدا سه‌رۆكێ لژنا ئه‌وقافێ بوو.
- ئه‌ندامێ ئێكه‌تيا زانايێن ئيسلامێ يه ل كوردستانێ.
- ئه‌ندامێ سه‌نديكا مامۆستايێن كوردستانێ يه.
- ئه‌ندامێ ئێكه‌تيا په‌رله‌مانتارێن كوردستانێ يه.
- چالاكى و ئاماده‌كارى د چالاكيێن گرێدايى مافێ مرۆڤى و نه‌هێلانا توندوتيژيا خێزانى و پێكڤه‌ژيانێ و ئاشتيا جڤاكى و چاوانيا گۆتنا گۆتارا دينى دا هه‌بووينه.
- پشكدارى د گه‌له‌ك گۆتار و سمينار و كۆر و وركشۆپان دا كريه ل عيراقێ و ژ ده‌رڤه‌يى عيراقێ.
- گه‌له‌ك گۆتار د رۆژانامه و كۆڤار و مالپه‌رێن ئه‌لكترۆنى دا نڤيسينه.
- گه‌له‌ك ڤه‌كۆلين د تايبه‌تمه‌نديا خوه دا به‌لاڤكرينه.
- سێ پرتووك چاپكرينه و هنده‌ك ژى ل بن چاپێ نه.
پلا گه‌رمێ يا ئه‌ڤرۆ وسوباهى ل پارێزگه‌ها دهۆكێ چه‌نده؟
ئه‌ڤرۆنيوز:
ريڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ پلا گه‌رمێ يا ئه‌ڤرۆ وسوباهى ل پاريزگه‌ها دهۆكێ به‌لاڤكر,
رێڤه‌به‌ريا ناڤبرى دياركر كو پلا گه‌رمێ ئه‌ڤرۆ ئێكشه‌مبى 16/9/2018 ل پارێزگه‌ها دهۆكێ 36 پله‌يه.
ئاماژه دا كو پێشبينى دهێته كرن پلا گه‌رمێ سوباهى دوشه‌مبى 17/9/2018 ل پاريزگه‌ها دهۆكێ 37 بيت.
نيشاندان
WP Facebook Auto Publish Powered By : XYZScripts.com