ئەڤرۆ نیوز ، زنار تۆڤی:
عەلی سیستانی لێڤه‌گه‌رێ بلند یێ شیعێن عیراقێ راگه‌هاندیە، پێدڤیه کەسەکێ نوو ببیته سه‌رۆك وه‌زیرێن عیراقێ و هەکە ب وی رەنگی نەبیت، سیستانی دێ وەکو جاران یێ به‌رده‌وام بیت ل سه‌ر بایكۆتكرنا به‌رپرسێن حوکمەتێ.
د راگه‌هاندنه‌كا نوو دا كو ل سه‌ر پێگه‌هێ فه‌رمی یێ عه‌لی سیستانی هاتیە بەلاڤەکرن و تێدا هاتیه: پێدڤیه سه‌رۆچاڤه‌كێ نوو، یێ خودان شیان و پاقژ و وێره‌ك بۆ سه‌رۆكاتیا وه‌زیرێن عیراقێ بهێته هه‌لبژارتن، هەکە ئەڤ چەندە چێنەبیت، دێ سیستانی یێ به‌رده‌وام بیت ل سه‌ر په‌یره‌وێ خوه یێ بایكۆتكرنا به‌رپرسێن حكومی و دێ وه‌ك ده‌نگه‌كێ هه‌ژاران مینیت و به‌رگریێ ژ مافێن هەژاران كه‌ت.
هەروەسا سەباح ئەلساعدی پەرلەمانتارێ ھەڤپەیمانیا سائیرون ب سەرۆکاتیا موقتەدا سەدر راگەھاندیە، کو عەلی سیستانی د کۆمبوونا خوە یا ل گەل شاندێ ئیرانێ دا دوپاتی ل هندێ کریە، کو نابیت ھەر ئێک ژ حەیدەر عەبادی و نوری مالکی و ھادی عامری و فالح فەیاز پۆستێ سەرۆک وەزیرێن عیراقێ وەربگرن.
نيشاندان