ئه‌ڤرۆ نيوز:

مه‌كته‌با سياسى يا پارتى ديموكراتى كوردستان و ئێكه‌تى نشتيمانى كوردستان بۆ دانوستاندنێ ل دۆر پێكئينانا حوكمه‌تا نوو يا عيراقێ و چاوانيا پشكداريا كوردان د وێ حوكمه‌تێ كۆم بن.

مه‌ره‌م ژ كۆمبوونا پارتى و ئێكه‌تى دانوستاندنه‌ ل دۆر ئێكلاكرنا خوه‌ كا دێ چنه‌ به‌غدا و پشكداريێ د حوكمه‌تا نوو يا عيراقێ دا كه‌ن يان ژى نه‌ و كيش هه‌ڤپه‌يمانيا شيعان دێ زێده‌تر داخوازيێن كوردان بجهـ ئينن. ژبلى وێ چه‌ندێ ژى دێ ئێكده‌نگيا كوردى گه‌نگه‌شه‌ كه‌ن.

ب گۆره‌يى پێزانينێن ئه‌ڤرۆ نيوز ته‌وه‌ره‌كێ دژى يێ كۆمبوونێ دێ ل دۆر هه‌لبژارتنێن په‌رله‌مانێ كوردستانێ بن كو بڕياره‌ ل 30ى ڤێ هه‌يڤێ بهێنه‌ ئه‌نجام دان.

ئەڤرۆ نيوز:

سکرتێرێ گشتیێ حزبا سوسیالیستا دیموکراتی یا کوردستانی مەحمەد حاجی مەحموود ‏راگەھاند، خولا نوکە یا پەرلەمانێ کوردستانێ یا خرابە و خولەکا باش نینە، شینا کارێن ‏قانوون و ئاڤەدانکرن و پرۆژێن کرنگ بدانن، پشکەکا مەزنا وان 111 پەرلەمانتاران بووینە ‏کێشە بۆ ڤی وەلاتی و ھە چ کێشەکا ھەبیت دئینە سەر جادێ، نوکە کو دەمێ وانا تەمام بوویە، ‏ل سەر حسێبا ڤی مللەتی سەفەرا بۆ دەرڤەی وەلاتی دکەن، پارەی وەردرگن و شوققە و ڤێلایان ‏دکرن.‏

مەحمەد حاجی مەحموود ھەروەسا گۆت:بەری نوکە ھەر وان پەرلەمانتاران دگۆتن، سەرۆکێ ‏ھەرێما گوردستانێ دەمێ وی بەسرڤە چوویە، بەلێ نوکە ھەمان زمان درێژان، یا خوە کەڕ کری ‏و بەرامبەری گەفێن خەلکێ کوردستانێ و تولڤەکرنێ وانا دڤێت ببن ب پاشگۆیێ پارتی و ‏ئێکەتیێ، ھەروەسا وانا دڤێت ئەو حوکمەتا ئەو دژی وێ بوون، بتنێ بۆ ھندێ وەزیر و ‏پەرلەمانتارێن وانا بمینن،ئامادەنە دوو سالێن دیتر ژیێ وێ حوکمەتێ درێژ بکەن، ئەو حوکمەتا ‏وانا دۆتێ حوکمەتەکا گەندەلە.‏

سکرتێرێ حزبا ناڤبری دووپاتکر، ئەو حزبێن کو حوکمەت ب گەندلی ب ناڤکرن، چ دەمەکی ل ‏دووڤ بەرژەوەندیا خەلکێ کوردستانێ نەبووینە، نوکە وانا بتنێ بەرژوەندیا خوە لبەرە، کو ‏جارەکا دیتر دەمێ پەرلەمانێ کوردستانێ درێژ بکەن، لەورا ھیڤیدارم حوکمەتا ھەرێما ‏کوردستانێ ھەلبژارتنان پاش نەئێخیت و نەچێتە ژێر بارێ وان حزبێن خراب.‏

سکرتێرێ حزبا سوسیالیست گۆت: مە بتنێ ئێک کورسی ھەبوو، بەلێ وان حزبان پتر کورسی ‏ھەبوون، بەلێ ئێک رۆژێ ژی نەھاتنە بەروکێن شەڕێ تیرۆرستێن داعشێ، مە سێ سال و نیڤا ‏شەڕێ داعشێ کریە، ئەو ل کیرێ بوون؟، مە سەنگرێن شەڕی ل سەر بەلاڤکرن، وانا وەزارەت ‏ل سەر خوە بەلاڤکرن، وانا دڤێت نوکە ل سەر حسێبا ڤی مللەتی ژیێ پەرلەمانانی درێژ بکەن، ‏لەورا دڤێت خەلکێ کوردستانێ ڤێ چەندێ قەبوول نەکەت و ھەلبژارتن ددەمێ خوەدا بھێنە ‏کرن.‏

ئەڤرۆ نيوز:‏

جڤاتا سەرکرداتیا پارتی دیمۆکراتی کوردستان دوھی ب سەرپەرشتیا سەرۆک ‏مەسعود بارزانی کۆمبوو.‏

پشتی کۆمبوون ب دووماھی ھاتی، نێچیرڤان بارزانی جێگرێ سەرۆکێ پارتی ‏دیمۆکراتی کوردستان دوپاتی ل وێ چەندێ کر کو ھەلبژارتنێن پەرلەمانێ ‏کوردستانێ دێ د دەمێ خوە دا ھێنە ئەنجامدان و گۆت: (لایەنێن دی ژی دوپاتی ل ‏سەر ڤێ چەندێ کریە نە ب تنێ پارتی).‏

ل دۆر دانوستاندنێن لایەنان ژی و شاندێ ھەڤپشکێ پارتی و ئێکەتی بۆ بەغدا، ‏نێچیرڤان بارزانی گۆت: (کۆمبوونێن مە د بەردەوامن و د ناڤ خوە ژی دا ‏کۆمبوونان دکەین دا کو دووماھی بڕیار بدەین، دیسا بڕیارە 15ی ڤێ ھەیڤێ ‏جڤاتا نوونەرێن عیراقێ جارەکا دی کۆم ب بیت و ھیڤیدارین ھەتا وی دەمی لایەن ‏د ناڤ خوە دا بگەھنە ئەنجامەکی و د سەرەدانێن مە دا بۆ لایێن سیاسی یێن دی ‏وان دوپات کریە کو پیدڤیە پێکڤە بچینە بەغدا).‏

نێچیرڤان بارزانی ئاشکرا ژی کر کو ئەڤرۆ دێ ل گەل ئێکەتی نشتیمانی کوردستان ‏کۆم بن و تەوەرەکێ سەرەکی یێ کۆمبوونێ دێ چاوانیا پشکداریکرنێ د حوکمەتا ‏نوو یا عیراقێ دا بیت.‏

ھەروەسا مەحمود محەمەد، ئەندامێ مەکتەبا سیاسی و پەیڤدارێ پارتی ‏دیمۆکراتی کوردستان راگەھاند، ل رۆژا 11 ڤێ ھەیڤێ ل ھەولێرێ ب پەیڤەکا ‏سەرۆک بارزانی، دێ پارتی دەست ب بانگەشا ھەلبژارتنان کەت.‏