ئەڤرۆ نیوز:
کارگێریا یانا ھەولێر یا بەردەاومە ل سەر ئینانا یاریزان بۆ بھێزخستنا پێکھاتێ تیما خوە بۆ خولا عیراقێ یا تەپاپێ و ھەڤبەستا ھێرشبەرەکێ سووری ئیمزا کر.
د راگەھاندنەکێ دا یانا ھەولێر ئیمزاکرنا ھەڤبەستا ھێرشبەرێ سووری محەمەد رەفەت مەھتدی راگەھاند کو ئەڤ یاریزانێ ٢٢ سالی یاریزانێ ھەلبژارتیێ سووریێ یێ ئولومپی یە و بەری نوکە یاری بۆ یانا ئتیحاد کریە د خولا سووریێ دا و پاش چویە یانا زەفرە یا ئیماراتی لێ نوکە ب شێوێ خواستن بۆ ماوێ ئێک سال پەیوەندی ب یانا ھەولێر کر بێ کو بھایێ ڤێ ھەڤبەستێ بھێتە ئاشکرا کرن.

ئەڤرۆ نیوز:
ستێرا بەرێ یا ئنگلیزی دێڤد بیکھام د خوشترین دەمێن خوە د بورینت پشتی ب فەرمی یانەک ل وەلاتێ ئەمریکا دامەزراندی ب ناڤێ انترناسیونال دی فوتبول میامی، و دێ دەست ب ھەڤرکیێن تەپاپێ کەت ل خولا ئەمریکا دا.
زێدەتر دێڤد بێکھام ل ئەکاونتێ خوە یێ ئنستگرامی وێنەکێ خوە دگەل لوگویێ فەرمی یێ یانا خوە بەلاڤ کریە و تێدا نڤیسایە بۆ وی شەرەفەکا مەزنە ب فەرمی یانەکێ ل وەلاتێ ئەمریکا دامەزرینتو ئاماژە ب وێ چەندێ دایە کو ویلایەتا میامی جھەکێ گونجایە بۆ ڤێ یانێ کارێ خوە بکەت.
بێکھامی ئەو چەندە ژی دیارکر کو پشتی حەفت سالان ئەوان پروژەک پێشکێشکری بۆ دامەزراندنا یانێ و ئەڤرۆ ئەڤ بەرھەمە ھاتە پێش و ل سالا ٢٠٢٠ دێ ب فەرمی دەست ب ھەڤرکیان کەت دخولا ئەمریکا یا تەپاپێ دا.

ئەڤرۆ نیوز:
سێلڤیو بێرلسکونی سەروکێ بەرێ یێ یانا ئەی سی میلان یا ئیتالی و جێگرێ وی ئەدریانو گالیانی گەھشتنە رێککەفتنێ بۆ کرینا یانەکا دی یا ئیتالی.
زێدەتر رۆژنامەیێن ئیتالی ئەڤرۆکە ئاشکرا کر کو برلسکونی و گالیانی ب فەرمی رێژەیا ٧٠% ژ پشکێن یانا مونزا یا پشکدار د خولا پلە سێ یا ئیتالی دا کریە و ٣٠% یا پشکێن مایی دێ بۆ سەروکێ نوکە یێ یانێ نیکولا کولومبو بن.
رۆژنامەیا کویێری دیللو سپورت ئەو چەندە ژی دیارکر کو پەیوەندیێن ناڤبەرا برلسکونی و گالیانی و خێزانا کولومبو یێن بلند بونە ئەگەر ھەردو لا رێککەفتنێ ل سەر ڤێ چەندێ بکەن و ھێشتا رێکاریێن قانوون ماینە بۆ ڤەگوھاستنا ٧٠% ژ پشکێن یانێ بۆ سەر ناڤێ برلسکونی لێ ل رۆژێن بھێت دێ ب فەرمی ئەڤ چەندە ھێتە راگەھاندن.