ئه‌ڤرۆنيوز:
ژێده‌ره‌كێ رۆژنامه‌ڤانى ل به‌سرا بۆ ئه‌ڤرۆنيوز راگه‌هاند، خوه‌نيشانده‌ران ده‌رگه‌هه‌كێ به‌نده‌رێ ئه‌م قه‌سر ل پارێزگه‌ها به‌سرا يێ كونترۆل كرى.
عه‌لى سارى، رۆژنامه‌ڤان ژ به‌سرا بۆ ئه‌ڤرۆنيوز گۆت” ئه‌ڤرۆ ئێڤارى ب سه‌دان خوه‌نيشانده‌ران ده‌رگه‌هێ باكوور يێ به‌نده‌رێ ئه‌م قه‌سر ل به‌سرا كونترۆلكر”
گۆت ژى” خوه‌نيشانده‌رێن به‌سرا دبێژن دێ به‌رده‌وام بن دخوه‌نيشاندانێن خوه‌دا تاكو حوكمه‌ت هه‌موو داخوازيێن وان بجهبينيت”.
ئه‌ڤرۆنيوز:
به‌رپرسێ ده‌زگه‌هێ هه‌لبژارتن يێ پارتى ديموكراتى كوردستان راگه‌هاند، هه‌لبژارتن ل ده‌مێ خوه دا دێ هينه ئه‌نجامدان وپاشخستنا بانگه‌شێ په‌يوه‌ندى ب وێ چه‌ندێ هه‌بوو تاكو ئه‌و لايه‌نێن نه‌رازى، خوه رێك بخن وپشكدار ببن.
كۆمسيۆنا بلند يا هه‌لبژارتنان وراپرسيێ ل هه‌رێما كوردستانێ بريار دابوو بانگه‌شا هه‌لبژارتنان ل 5/9/2018 ده‌ست پێبكه‌ت، به‌لێ بۆ ده‌مێ حه‌فتيه‌كێ هاته پاشخستن.
خسرۆ گۆران، به‌رپرسێ ده‌زگه‌هێ هه‌لبژارتن يێ پارتى بۆ مالپه‌رێ فه‌رمى يێ پارتى ديموكراتى كوردستان گۆت” ل سه‌ر داخوازيا هنده‌ك لايه‌نێن سياسى بوو كو بانگه‌شه بۆ چه‌ند رۆژان بهێته پاشخستن تاكو به‌رهه‌ڤيێن خوه بۆ بانگه‌شێ بكه‌ن”.
رۆهنكر ژى” پشتى ڤه‌كۆلينێ ژلايێ كۆمسيۆنێ ڤه، ب پتريا ده‌نگان بانگه‌شه بۆ ده‌مێ حه‌فت رۆژان هاته پاشخستن”.
خسرۆ گۆران، بزاڤا وان لايه‌نێن دخوازن ب پرۆژه‌كى ژيێ په‌رله‌مانى درێژ بكه‌ن وب وێ چه‌ندێ هه‌لبژارتن بهێنه پاشخستن، ب شكه‌ستن دزانيت وئاماژێ ب وێ چه‌ندێ دكه‌ت كو ل دووڤ وێ ده‌ستهه‌لاتا حوكمه‌تا هه‌رێمێ هه‌ى، دشێت هه‌لبژارتنان پاش بێخيت، ده‌م ژى يێ كێمه تاكو لايه‌ن پرۆژه‌كێ وه‌سا ئاراسته‌ى په‌رله‌مانى بكه‌ن، پشكه‌ك ژ لايه‌نێن سياسى ل گه‌ل وێ چه‌ندێ دانه هه‌لبژارتن نه‌هێنه ئه‌نجامدان، ئه‌ڤه‌ژى كارێ وان نينه، پارتى ژى نه‌شێت بريارا ئه‌نجامدانا هه‌لبژارتنان، يان نه ئه‌نجامدانان وان بده‌ت.
دياركر ژى” ده‌مێ بانگه‌شا هه‌لبژارتنان ده‌ست پێ دكه‌ت، چو ده‌ليڤه بۆ پاشخستنا هه‌لبژارتنان نامينيت، ژبه‌ر كو ئه‌م هه‌موو دێ كه‌ڤينه ململانيێيا هه‌لبژارتنان”.
ئه‌ڤرۆنيوز:
رۆژنامه‌كا ئيسپانى به‌لاڤكر كو ياريكه‌ره‌كێ يانا به‌رشه‌لونا تووشى هنگاڤتنێ بوويه.
رۆژناما (سپۆرت) يا ئيسپانى كو ل به‌رشه‌لونا ده‌ردكه‌ڤيت به‌لاڤكر” ياريكه‌رێ هه‌لبژارتيێ شيلى ويانا به‌رشه‌لونا (ئارتورۆ فيدال) ل ده‌مێ ئه‌نجامدانا راهێنانان ل گه‌ل هه‌لبژارتيێ شيلى كو خوه به‌رهه‌ڤ دكه‌ت بۆ ئه‌نجامدانا دو ياريێن هه‌ڤالينى ل گه‌ل هه‌ردو هه‌لبژارتيێن كوريا باشوور وچاپۆنى، هه‌ست ب ئازاران ل چۆكێ خوه كر”.
دياركر” ژئه‌نجامێ وێ چه‌ندێ فيدالى به‌رده‌وامى ب راهێنان نه‌كر ونوكه ب سه‌رپه‌رشتيا بسپۆره‌كێ چاره‌سه‌ريا سروشتى راهێنانێن تايبه‌ت دكه‌ت وبرياره هنده‌ك پشكنينێن نوشدار بكه‌ت بۆ زانينا راده‌يا هنگافتنێ”.
ئه‌ڤرۆنيوز:
چه‌كدارێن داعشێ ئه‌ڤرۆ چارشه‌مبى 5/9/2018 هێرش كره ده‌ڤه‌ره‌كا ب سه‌ر پارێزگه‌ها كه‌ربه‌لا ڤه.
ژێده‌ره‌كى ئه‌منى بۆ مالپه‌رێ بغداد اليوم گۆت” هيزێن ئه‌منى ل ده‌ڤه‌را رزازه كو دكه‌ڤيته دناڤبه‌را هه‌ردو پارێزگه‌هين كه‌ربه‌لا وئه‌نبار هێرشه‌كا داعشێ شكاند.
دياركر” دئه‌نجامێ شه‌ره‌كى دا كو فرۆكێن شه‌ركه‌ر يێن عيراقى پشكدارى تێداكرى چه‌ندين چه‌كدارێن داعشێ هاتنه كوشتن ويێن ماين ژى بۆ دۆلێن وێ ده‌ڤه‌ري ره‌ڤين”.
ئه‌ڤرۆنيوز:
ژێده‌ره‌كى ژ به‌سرا بۆ ئه‌ڤرۆنيوز دياركر كو به‌رى ده‌مه‌كێ كێم خوه‌نيشادانێن به‌سرا جاره‌كادى ده‌ستپێكرن وبريندار يێن هه‌ين.
حه‌سه‌ن داوود، رۆژنامه‌ڤان ژ باژێرێ به‌سرا بۆ ئه‌ڤرۆنيوز گۆت” به‌رى ده‌مه‌كێ كێم خوه‌نيشادان ل به‌سرا ده‌ستپێكرن ڤه وخوه‌نيشانده‌ر ل ده‌وروبه‌رێن ئاڤاهيێ پارێزگه‌هێ كۆمبوون”.
دياركر ژى” هێزه‌كا ئه‌منى يا مه‌زن ل ده‌وروبه‌رين ئاڤاهيێ پارێزگه‌هێ هاتيه كۆمكرن وده‌ست ب هاڤێتنا غازا رۆندكرێژ ب شێوه‌كێ به‌ربه‌لاڤ كر”.
ئاماژه دا” دو خوه‌نيشانده‌ر ب ئه‌گه‌رێ هاڤێتنا غازا روندكرێژ بريندار بووينه”.
ديسا گۆت” ب هزاره‌ها وه‌لاتيێن قه‌زا قورنه ژى ده‌ست ب خوه‌نيشادانان كر وه‌كو پشته‌ڤانيه‌ك بۆ خوه‌نيشادانێن به‌سرا”.
ئه‌ڤرۆنيوز:
پشتى شڤێدى ئالۆزى كه‌فتيه خوه‌نيشادانێن به‌سرا وچه‌ند خوه‌نيشانده‌ره‌ك هاتينه كوشتن وبرينداركرن، حه‌يده‌ر عه‌بادى سه‌رۆك وه‌زيرێن عيراقێ ئه‌ڤرۆ گه‌هشته به‌سرا.
عه‌بادى كۆمبوونه‌كا ب له‌ز ل گه‌ل ئه‌ندامێن په‌رله‌مانێ عيراقێ ژ پارێزگه‌ها به‌سرا وپارێزگارى ئه‌سعه‌د عيدانى سازكر.
نڤيسينگه‌ها سه‌رۆك وه‌زيرێن عيراقێ درۆهنكرنه‌كێ دا به‌لاڤكر” دكۆمبوونێ دا به‌حسێ ره‌وشا خزمه‌تگوزاريان ل به‌سرا ودووماهى پێشهاتێن ل وى باژێرێ هاته كرن”.
دياركر ژى” عه‌بادى دكۆمبوونێ دا ئاماژ دا كو جڤاتا وه‌زيرێن عيراقێ يا رژده ل سه‌ر وێ چه‌ندێ كو قه‌يرانا ئاڤا ڤه‌خوارنێ ل به‌سرا چاره‌سه‌ر بكه‌ت ول ده‌مێ بۆرى دا ژى چه‌ندين بريار بۆ چاره‌سه‌ركرنا كێشه وگرفتێن به‌سرا هاتبوونه ده‌ركرن”.
ئه‌ڤرۆنيوز:
وه‌زيرێ په‌روه‌ردێ، پشتيوان سادق، ئه‌ڤرۆ چارشه‌مبى 5/9/2018 پێشوازى ل كاتسومى مۆرياسۆ كونسۆلێ چاپۆنێ ل هه‌رێما كوردستانێ كر.
دكۆمبوونه‌كێ دا وه‌زيرێ په‌روه‌ردێ وكونسۆلێ چاپۆنێ، به‌حسێ كارێن په‌روه‌رده‌يى يێن رێكخراوێن چاپۆنى ل هه‌رێمێ كر كو نوكه مژوولى نووژه‌نكرنا چه‌ندين قوتابخانانه ل هه‌رێما كوردستانێ كو ل ده‌مه‌كێ نێزيك دێ كارێن وان ب دووماهى هێن وقوتابى دشێت دوان قوتابخانان دا بخوينن.
ئه‌ڤرۆ نیوز:
په‌یڤدارێ وه‌زاره‌تا ئه‌وقاف و كاروبارێن ئاینى یا حوكمه‌تا هه‌رێما كوردستانێ دیاركر كو دوو روژ ڤێ هه‌یڤێ دا بنه بێهنڤه‌دانێن فه‌رمى ل هه‌موو دام و ده‌زگه‌هێن حوكمه‌تا هه‌رێما كوردستانێ.
نه‌به‌ز ئیسماعیل په‌یڤدارێ وه‌زاره‌تا ئه‌وقاف و كاروبارێن ئاینى یا حوكمه‌تا هه‌رێما كوردستانێ دیاركر ، رۆژا ئێكێ موحه‌ره‌مێ كو دبیته 11/9 ب هه‌لكه‌فتا سه‌ر سالا كوچى و روژا 10ێ مه‌حه‌ره‌مێ كو دبیته 20/9 ب هه‌لكه‌فتا روژا عاشورایێ ب گوره‌ى بێهنڤه‌دانێن سالنامه‌یێ ، دێ بیته بێهنڤه‌دانا فه‌رمى ل هه‌موو دام و ده‌زگه‌هێن حومه‌تا هه‌رێما كوردستانێ.
ئه‌ڤرۆنيوز:
سه‌رۆكێ ره‌وتێ سه‌درى، موقته‌دا سه‌در، هوشداريێ ل دۆر شێوێ ره‌فتاركرنا هێزێن ئه‌منى به‌رامبه‌ر خوه‌نيشانده‌رێن به‌سرا دده‌ت وگه‌ف كرن كو دێ كارڤه‌دانێن توند به‌رامبه‌ر كوشتنا خوه‌نيشانده‌ران هه‌بيت.
موقته‌دا سه‌در، كو هه‌ڤده‌م سه‌رۆكێ ليستا سائيرونه، ل دۆر خوه‌نيشادانێن شه‌ڤا بۆرى ل به‌سرا د تويته‌رى به‌لاڤكر” ئه‌وا ل به‌سرا روودده‌ت كاره‌ساته وئه‌م دلگران كرينه، به‌لێ ئه‌وا ئه‌م زێده‌تر ژ هه‌موويێ توره‌كرين ده‌ست درێژيێن وان كه‌سانه يێن چووينه دناڤ خوه‌نيشادانان دا”.
سه‌در دياركر” پێدڤيه بزاڤێن مه ب وى ئاراسته‌ى بن كو به‌سرا ژ شه‌رێ گه‌نده‌ليێ وتائيفگه‌ريێ وميليشيايى رزگار بكه‌ين، چونكى به‌سرا جهێ شانازيێ ودلێ عيراقێ يه”.
موقته‌دا سه‌در گه‌ف ل هيزێن ئه‌منى كرن وراگه‌هاند” شيره‌تا مه ئه‌وه، ئێدى سته‌م وزورداريێ ل به‌رامبه‌ر به‌سرا بكارنه‌ئينن وبێ ده‌نگ بوونا مه تاقى نه‌كه‌ن”.
ئه‌ڤرۆنيوز، له‌زگين جوقى:
رێڤەبەرێ نڤیسینگەها رزگاركرنا رەڤاندیێن ئێزدی یا سەر ب نڤیسینگەها سەرۆكێ حوكمەتا هەرێما كوردستانێ ڤە دیاركر كو ئەڤرۆ چارشه‌مبى 5/9/2018 كچەكا ئێزدی دژیێ 18 سالیی دا خەلكا وەردیە ل قەزا شنگالێ ژدەستێن رێكخراوا تیرۆرستێن داعشێ ل وەلاتی سوريێ هاتە رزگاركرن.
حسێن كورو قائیدی، رێڤەبەرێ نڤیسینگەها رزگاركرنا رەڤاندیێن ئێزدی بۆ ئەڤرۆ نیوز دیاركركو پشتی گەلەك هەولدان وكاركرن ل سەر رزگاركرنا ڤێ كچی ئەڤرۆ مە شیا ڤێ رزگاربكەين كو ل تەباخا سالا 2014ێ ژلایێ تیرۆرستێن داعش ڤە هاتبوو رەڤاندن نوكە ژی جارەكا دێ هاتە رزگاركرن ژ دەستێن تیرۆرستان”.
گۆت ژى” ژ سەرجەمێ 6417 كەسێن ل جینوسایدا شنگال هاتینە گرتن و رەڤاندن، هەتا نوكە مە شیایە 3326 كەسان ژ هەردو رەگەزان رزگاربكەين و ئەم بەردەوامن بۆ رزگاركرنا هەموو رەڤاندیێن ئێزدی كو هەتا نوكە پتر ژ سێ هزاران ماینە”.
نيشاندان