ئەڤرۆ نیوز:

 
لدووڤ دەنگوباسێن (BBC) یا عەرەبی، ٣٠٠ لەشکرێن بریتانی گەھشتنە کۆمارا مالی کو دکەڤیتە رۆژئاڤایێ کیشوەرێ ئەفریقیا، وەسا دھێتە دیارکرن رێکخراوا تیرۆرێ یا داعشێ ناڤەندێن بزاڤێن خۆ ژ رۆژھەلاتا ناڤین ڤەگوھاستیە دناڤ دلێ ئەفریقیا دا.
ئەو لەشکرێن بەریتانی یێن ل مالی ھاتینە بنەجھکرن دچارچۆڤێ ئۆپراسیۆنا بناڤێ (نیوکومب) یە و دێ بۆ دەمێ ٣ سالان بەراەدەم بیت، ئەو ٣٠٠ لەشکر گرۆپە ژ ھێزێن رەزنامێن جودا جودا یێن سەرب نەتەوەیێن ئێکگرتی ڤە کو ژ ١٥ ھزار لەشکری ل ژێر سەرکرادتیا وەلاتێ فەرەنسا پێکدھیتن، ئارمانج ژێ کونترۆلکرنا سەقامگیریا بیابانا مەزنە یا دھێتە بناڤکرن بناڤێ دەڤەرا کەناری.
ل گۆڕ دەنگوباسێن ئاماژەکرنا تیرۆرێ جیھانی یێن ل چریا دوێ یا بوری ھاتینە بەلاڤکرن، رێکخراوا تیرۆری یا داعشێ ناڤەندا سەنگا ھەبوونا خۆ ژ رۆژھەلاتا ناڤین ڤەگوھاستیە دلێ کیشوەرێ ئەفریقیا و ژێریا کیشوەرێ ئاسیا ب پلەکا کێمتر، چونکی دەڤەرا کەناری کریارێن توندێن کوشتنێ ب رێژا ٦٠% ژ سالێن بوری زێدەبووینە.

 
ئەڤرۆ نیۆز:
وەزارەتا بەرگریا تورکیا پشتەڤانیا خۆ بۆ رێککەفتنا شنگالێ یا دناڤبەرا حوکمەتا ھەرێما کوردستانێ و بەغدایێ دا ھاتیە کرن دەربڕی، و ڕاگەھاند توریکا ژ نێزیک ئاگەھداری وێ رێککەفتنێ و پێشھاتێن وێ یە.
فەرماندە نادیا شەبنەم ئاکتۆپ، پەیڤدارا ڕگەھاندنا وەزارەتا بەرڤانیا تورکیا د کۆنگرەکێ رۆژنامەڤانی ڕگەھاند، پشتەڤانیا رێککەفتنا ٩ چریا ئێکێ یا دناڤبەرا ئیراقێ و دەستھەلاتا ھەرێما کوردستانا ئیراقێ دا سەبارەت ڤەگەراندنا ئارمی و تەناھیا رەوشا دەڤەرا شنگالێ دکەین، و ژ نێزیک و ب ھویری ئەم چاڤدێریا پێشھاتێن وێ ڕێککەفتنێ دکەین.
سەبارەت ئۆپراسیۆنێن لەشکرێ تورکیا ل رۆژئاڤا و باکوورێ وەلاتێ سووریا، پەیڤدارا وەزراەتا بەرەڤانیا تورکیا گۆت: ھەیڤا بووری ٢٠٤ شەڕڤانێن یەپەکێ و گەریلایێن پەکەکێ د ئۆپراسێونێن (کانیا ئاشتیێ) و (مەرتالێ فورات) و (چەقێ زەیتونێ) کرینە ئارمانج و ژناڤبرن.
فەرماندا ناڤھاتی دووپاتکر، تورکیا ب توندی دێ روی بروی ھەر رەوشەکا ببیتە جھێ گەفکرنێ ل سە رئاسایشا نشتیمانیا وەلاتێ تورکیا و پاراستنا سنوورێن وەلاتی.

 
ئەڤرۆ نیۆز:
پولیسێن ئیتالیا دەستەسەرکرنا ١٩ گۆمانلێکریان ب تومەتا سەپەرشتیا تۆڕەکا قاچاغجیان کو خەلکێ بۆ وەلاتێن ئەوروپا ڤەگوھێزین ھاتە ڕاگەھاند، پۆلیسێن ئیتالی ئاشکرا کرن ئەو قاچاغچی کورد و ئەفغانێ و ئیتالی ژی تێدا ھەنە.
پۆلیسێن ئیتالی ھەروەسا دیارکر، رێنمایێن چاڤدێریکرنێ و دەستنیشانکرا تومەتباران ب دەمێ دوو سالایە کار ل سەر دھێتە کرن، بۆ پۆلیسێن ئەو کار ھاتیە ئێکلا بوویە کو وان قاچاغچیان دەست ل گەل قاچاغچیێن وەلاتێ تورکیا و یونانێ ژی ھەیە.
ل دویڤ پێزانینێن ھاتینە ئاشکراکر، پۆلیسان چاڤدێرەکا چڕ ل سەر وێ تۆڕا قاچاغچیان کریە، پشتی سالا ٢٠١٨ چەندین جاران ژمارەکا گەشتیێن پڕ پەنابەر گەھشتینە باژێرێن سەرەقوستە ل سەر کنارێ باشوورێ گزیرتا سەقللیە یا ئێتالی.
ھەروەسا پۆلیسان ئاشکراکر ھەر کەسەکێ ب ڕێیا وێ تۆڕێ ھاتبیت ڤەکوھاستن ب کوژمێ (٧٣٠٠) دۆلاران ژێ دھێنە وەرگرتن.