ئەڤرۆ نیوز:
رێکخراوا نوشدارێن بێ سنور د راپۆرتەکێ دا ئاماژە ب هندێ کریە کو ئێک ملیۆن ئاوارێن عیراقی ئەوێن کو ژ بەر مەترسیا داعشێ ئاوارە بووینە نها د کەمپان دا دژین لێ رەوشا ژیانا وان گەلەک خرابە و مەترسیا تووشبوونا وان ب کۆرۆیایێ یا هەی.
رێکخراوا نوشدارێن بێ سنور ئاماژە ب هندێ ژی کریە کو کەرەستێن پێدڤی یێن نوشدار ل کەمپان نینن و ل ئالیێ دی هژمارەک زێدە خێزان د خیڤەتەکێ دا دژین و چو پێرابوونێن پێدڤی ژی نەهاتینە وەرگرتن و ژ بەر هندێ ژی مەترسیا تووشبوونا ئێک ملیۆن ئاوارێن عیراقی ب کۆرۆنایێ یا هەی.
ئه‌ڤرۆ نیۆز،عه‌زیز هه‌ورامی:
به‌ڕێوه‌به‌ری گشتی گومرگی هه‌رێمی كوردستان ده‌ڵێ، لیژنه پێكهێندراوه سه‌ردانی ته‌واوی ده‌روازه بازرگانییه‌كانی كردووه، چاكسازی له ده‌روازه‌كانی گومرگ ده‌كرێت، 20% جوڵه‌ی بازرگانی به‌رزبووه‌ته‌وه.
ساماڵ عه‌بدلره‌حمان به‌ڕێوه‌به‌ری گشتی گومرگی كوردستان به ئه‌ڤرۆ نیۆزی وت، جوڵه‌ی بازرگانی له ده‌روازه‌كانی بازرگانی 20% زیادیان كردووه، به‌هۆی كۆرۆنا و دابه‌زینی نه‌وت 50% جوڵه‌ی بازرگانی كه‌می كردبوو.
وتی، جوڵه‌ی بازرگانی له ده‌روازه‌كانه‌وه زیادی كردووه بازاڕی هه‌رێمی كوردستان و عێراق جوڵه‌ی تێكه‌وتووه‌ته‌وه جوڵه‌ی بازرگانی 20% به‌رز بوونه‌وه‌ی به‌خۆیه‌وه بینیوه. ئه‌و دابه‌زینه‌ی جوڵه‌ی بازرگانی ده‌روازه‌كانی بازرگانی هه‌رێمی كوردستانی له‌گه‌ڵ وڵاتان به‌گشتی گرته‌وه، وه سه‌ركه‌وتنه‌وه‌شی جارێكی تر هه‌موو ده‌روازه‌كانی گرتووه‌ته‌وه، بۆیه ئێسته ده‌ڵێن مه‌رزه‌كانی كوردستان بووژانه‌وه بازرگانی به‌خۆیانه‌وه ده‌بینن.
ساماڵ عه‌بدولره‌حمان به‌ڕێوه‌به‌ری گشتی گومرگی كوردستان ده‌ڵێ، هه‌نگاو به‌ره‌و چاكسازی ده‌نرێت له ده‌روازه‌كانی بازرگانی،ئه‌وبه‌رنامه‌ی داندراوه گشتگییره ده‌توانین بڵێن هه‌مووسكته‌ره‌كان ده‌گرێته‌وه ئه‌و كۆمپانیایانه‌ی له ده‌روازه‌كاندان ڕێك ده‌خرێنه‌وه ئه‌گه‌ر كاری نایاسایی هه‌بێت به‌ره‌و كۆتایی پێهێنانی هه‌نگاوده‌ندرێت، لیژنه‌كان سه‌ردانی مه‌رزه‌كانیان كردووه.
ئه‌ڤرۆ نیوز:
وه‌زیرێ كاره‌با هه‌رێما كوردستانێ راگه‌هاند ئیسگه‌هێ كاره‌با هه‌لمی ل خه‌بات دێ 10%یا كاره‌با هه‌رێما كوردستانێ زێده دكه‌ت.
كه‌مال محه‌مه‌د سالح وه‌زیرێ كاره‌با حوكمه‌تا هه‌رێما كوردستانێ راگه‌هاند جڤاتا وه‌زیران پلاانا وه‌زاره‌تێ بۆ چاره‌كرنا ئاریشا كاره‌بێ په‌سندكریه، پرۆژه‌یێ ئیسگه‌هێ هه‌لمی یێ كاره‌با خه‌بات ژ دو ئیسگه‌هان پێك دهێت و باشترین سیسته‌مێ تێدا هاتیه بكار ئینان كۆ دوستێ ژینگه‌هێ یه، ب نه‌فتا ره‌ش كار دكه‌ت، ل گه‌ل پارزینگه‌ها كار كۆ ل ته‌نشت وێ هاتیه دامه‌زراندن.
وه‌زیرێ كاره‌با هه‌رێمێ ئه‌و چه‌نده ژی راگه‌هاند وه‌زاره‌ت هاتبو راسپاردن كۆ پلانا خو بۆ چاره‌كرنا ئاریشه‌یێن كاره‌بێ به‌رهه‌ڤ بكه‌ت، ل ده‌مێ سی هه‌یڤان ئه‌ڤ پلانه هاته پێشكێشكرن بۆ جڤاتا وه‌زیران 90% پلانێ هاته په‌سندكرن و كار تێدا دهێته‌كرن، هنده‌ك پرۆژه كه‌فتینه كاری و هنده‌ك ژی د ته‌نده‌ری دانه، پلانا مه بێ حوداهی ره‌زامه‌ندی ل سه‌ر هاتیه دان، به‌لێ ئه‌و جهێن زۆر ئاریشه هه‌ین، پتر گرنگی ب ئه‌وێرێ هاتیه دان، بو نمونه ل چه‌ند جهه‌كێن گه‌رمیان زێده‌تر گرنگی پێ هاتیه دان بۆ چه‌ند پرۆژه‌یه‌كان.
وه‌زیرێ كاره‌بێ ئه‌و چه‌نده ژی دیاركر ل ده‌ربه‌ندیخان دێ چند ئیسگه‌هه‌ك هێنه دامه‌زراندن و نوژه‌نكرن، ل ده‌ڤه‌را راپه‌رین گرێبه‌ست ل گه‌ل كۆمپانیایه‌كێ هاتیه‌كرن و ل سلیمانێ و بازیان ژی بۆ چه‌مچه‌مال چه‌ند پرۆژه هاتینه بجهكرن.
ئه‌ڤرۆ نیوز:
ب به‌رهه‌ڤبوونا سه‌رۆكێ حوكمه‌تا هه‌رێما كوردستانێ، دێ ئێسگه‌هێ كاره‌با باژێركێ خه‌بات ل توخیبێ پارێزگه‌ها هه‌ولێرێ كه‌ڤته كاری.
ئه‌ڤرۆ دێ د رێورسمه‌كێ دا ب به‌رهه‌ڤ بوونا مه‌سرور بارزانی سه‌رۆكێ حوكمه‌تا هه‌رێما كوردستانێ و قوباد تاله‌بانی جێگرێ سه‌رۆكێ حوكمه‌تێ ئیسگه‌هێ خه‌بات یێ كاره‌بێ كه‌فته كاری.
ئه‌و ئیسگه‌ها نوو یا كاره‌بێ ل باژێركێ خه‌بات، ئیسگه‌هه‌كا به‌رهه‌م ئینانا كاره‌با هه‌لمێ یه.
ئەڤرۆ نیوز:
ل گەرا 36 یا خولا ئیسپانیا، یانا ریال مەدرید سەرکەفتنەکا ب زەحمەت ژ دەرڤەی یاریگەها خوە ل سەر یانا گرانادا تۆمار کر، نوکە ب تنێ پێنگاڤەکا دیتر مایە بۆ هندێ ریال ببیتە قارەمانا خولا ئیسپانی.
ریال مەدرید ل دەرڤەی یاریگەها خوە بۆ مێهڤانا یانا گرانادا، یاری ژی ب ئەنجامێ دو گۆلان بەرامبەر گۆلەکێ ب دووماهی هات، هەردو گولێن یانا مەدریدی ل گێمێ ئێکێ هاتنە تۆمار کرن، نوکە ریال ل سەر لیستا خولا ئیسپانیا ب 83 خالان دهێت ب جۆداهیا چار خالان ژ نێزیکترین هەڤرکا خوە یانا بەرشەلۆنا.
ئەڤرۆ نیوز:
ل رۆژا ئێکێ یا ڤەکرنا بازارێن نەفتێ د ڤێ حەفتیێ دا، بهایێ نەفتێ ب رێژا 2% داکەفت، ئەڤە ژی ژ ئەنجامێ نێزیکبوونا کۆمبوونا کۆمیتا چاڤدێریا ئۆپێک پلەسێ بوویە، کو دهێتە پێشبینی کرن رێککەفتنا کێمکرنا بەرهەمئینانا نەفتێ بۆ هەیڤا تەباخێ درێژنەکەن و ب تنێ 7.7 ملیۆن بەرمیلێن نەفتا رۆژانە کێم بکەن کو پێشتر ل سەر رێککەفتبوون.
ئەڤرۆ دوشەمبی 13-07-2020 جارەکا دی بهایێ نەفتێ داکەفت و بهایێ بەرمیلەکێ نەفتا برێنت گەهشتە 42 دۆلار 60 سەنتان، بهایێ بەرمیلەکێ نەفتا تەکساس هاتە ژێر 40 دۆلار و ب 39 دۆلار و 50 سەنتان مامەلە پێ هاتیە کرن.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند: ئەڤرۆ 13/7/2020، شەش نەخۆشێن دی یێن ڤایرۆسێ کۆرۆنایێ ل دهۆکێ کو د نەخۆشخانێ دا بوون، پشتی هەموو پشکنین بۆ هاتینە کرن، دیاربوویە کو ب تەمامی چارەسەربووینە و ب سلامەتی ژ نەخۆشخانێ هاتنە دەرخستن.
هەروەسا گۆتیە: نوکە هژمارا گشتی یا وان نەخۆشێن چارەسەربووین گەهشتنە 196 کەسان و نوکە 95 نەخۆش ماینە د نەخۆشخانێ دا.
ئەڤرۆ نیوز:
رێكخراوا ساخلەمیا جیهانی رایگەهاند: ئەگەر وەلاتێن جیهانێ پابەندی رێكارێن خۆپارێزیێ نەبن، هندی وێڤەترە مەترسیێن ڤایرۆسێ كۆرۆنایێ زێدەتر لێ دهێن.
د كۆنگرەکێ رۆژنامەڤانیدا تێدرۆس ئەدهانوم، رێڤەبەبەرێ گشتی یێ رێکخراوا ساخلەمیا جیهانی گۆت: من دڤێت ب ئاشکرایی بێژم، گەلەک وەلات ب ئاراستێن خەلەت دا دچن، هەتا نوکە ڤایرۆسێ كۆرۆنایێ دوژمنێ ئێکێ یێ جیهانێ یە.
گۆتیە ژی: هەکە وەلاتێن جیهانێ پابەندی رێكارێن بنەرەتی یێن خۆپارێزیێ نەبن، ئەم دێ ژ ڤێ قۆناغێ چینە ئێکا خرابتر و نابیت ب ڤی رەنگی یا بەردەوام بیت.
ئەڤرۆ نیوز:
هنارتیێ نەتەوێن ئێکگرتی بۆ کاروبارێن عیراقێ دیار کر: پێدڤیە هەلبژارتنێن پاقژ ل عیراقێ بهێنە کرن.
جنین بلاسخارت هنارتیێ نەتەوێن ئێکگرتی بۆ کارۆبارێن عێراقێ راگەهاندیە: ئەم پشتەڤانیێ ل گۆتۆبێژێن د ناڤبەرا کازمی و ئەمریکا دا دکەین، کو رۆل بۆ ئێماهیا عیراقێ هەبیت.
هەروەسا گۆتیە: پێدڤیە بەرهەڤی بۆ ئەنجامدانا هەلبژارتنەکا ئازاد و روون و ڤەگەراندنا باوەریا عێراقیان بۆ دەستهەلاتێ بهێتە کرن، پێدڤیە کۆمسیۆنا بلند یا سەربەخۆیا هەلبژارتنان، وێ هەلبژارتنێ ژ هەر دەستێوەردانەکا سیاسی بپارێزیت.
ناڤهاتی گوت ژی: عیراق روو ب روو چەندین ئاریشێن جڤاکی و سیاسی و ئێمناهیێ و ئابووری و ساخلەمی بوویە، د نوکە دا پێدڤی ب پشتەڤانیێ هەیە داگو ژ ڤێ رەوشا ئالۆز دەرباز ببیت.
نيشاندان