ئه‌ڤرۆنيوز:
شاره‌زايه‌كێ دبياڤێ هه‌لبژارتنان دا راگه‌هاند، هژمارا كورسيێن پارتى ديموكراتى كوردستان ل په‌رله‌مانێ كوردستانێ دهه‌لبژارتنێن داهاتى دا دێ زێده‌بن بۆ 40 كورسيان.
ياسين مه‌حموود، شاره‌زا دبياڤێ هه‌لبژارتنان دا گۆت” هه‌كه بێژين پارتێن هه‌ڤرك ل كوردستانێ دهه‌لبژارتنێن داهاتى دا يێن په‌رله‌مانێ كوردستانێ دێ هه‌مان ئه‌و ده‌نگێن ڤێ جارێ يين هه‌لبژارتنێن جڤاتا نوونه‌رين عيراقێ بده‌ستڤه‌ئينن، وێ چه‌ندێ ل دووڤ قانوونا هه‌لبژاۆتنا په‌رله‌مانێ كوردستانێ كو سيسته‌مي نوونه‌راتيا رێژه‌يى يه ومه‌زنترين ماوه‌يه دبه‌لاڤكرنا كورسيان ب شێوێ ئێك بازنه، ژ سه‌رجه‌مێ 100 كورسيێن په‌رله‌مانى ژبلى 11 كورسيێن كۆتا، كورسى دێ ب ڤى شێوه‌ى ب سه‌ر پارتێن سياسى يێن كوردستانى دا به‌لاڤبن:
- پارتى ديموكراتى كوردستان 40 كورسى كو نوكه 38 كورسى يێن هه‌ين
- ئێكه‌تى نيشتمانى كوردستان 21 كورسى كو نوكه 19 كورسى يێن هه‌ين
- بزاڤا گۆران 11 كورسى كو نوكه 24 كورسى يێن هه‌ين
- نه‌وه‌ى نوێ 9 كورسى
- هه‌ڤپه‌يمانيا به‌رهه‌م سالح 7 كورسى
- ئێكگرتوو ئيسلامى 6 كورسى كو نوكه 10 كورسى يێن هه‌ين
- كۆمه‌لا ئيسلامى 5 كورسى كو نوكه 7 كورسى يێن هه‌ين
ناڤبرى بۆ باسنيوز دياركر ژى كو حزبا سوشياليستا ديموكراتا كوردستانێ ب وان ده‌نگێن دهه‌لبژارتنين جڤاتا نوونه‌ران دا بده‌ستڤه‌ئيناين نه گه‌هشتنه كورسيه‌كێ وئه‌گه‌رێ سه‌ره‌كى ژبه‌ر سيسته‌مێ ئێك بازنه‌يى بوو، به‌لێ دهه‌لبژارتنێن په‌رله‌مانێ كوردستانێ ب شێوێ ئێك بازنه‌يى دێ كورسيه‌كێ بده‌ستڤه‌ئينيت
نيشاندان