ئه‌ڤرۆ نیوز:
توشبوویێن كورونایێ ل جیهانێ ژ 10 ملیۆن و نیڤا ده‌ربازبوو و رێژه‌یا گیان ژ ده‌ست دانێ ژی گه‌هشته سه‌ر نیڤ ملیۆنێ دا.
لگۆری نووترین ئامارێن ل سه‌ر توشبوویێن ڤایرۆسێ كورونایێ گه‌هشته 10 ملیۆن و 591 هزار و 470 كه‌سان، ژ ئه‌ڤێ ژماره‌یێ ژی 5 ملیۆن و 800 هزار و 659 كه‌س ژی باش بووینه، 514 هزار و 50 توشبوویان ژی گیانێ خوه ژ ده‌ست دایه.
لگۆری نوترین ئامارا وه‌زاره‌تا ساخله‌میا حكومه‌تا هه‌رێما كوردستانێ تانوكه 6144 كه‌س تووشی ڤایرۆسێ كورونایێ بووینه و ژ ئه‌ڤێ ژماره‌یێ ژی 1855 كه‌س ساخ بووینه و 207 كه‌سان ژی گیانێ خوه ژ ده‌ست داینه.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا شۆفێرەک بریندار بوو.
ناڤهاتی زێدەتر ئاشکرا کر: ئه‌ڤرۆ چارشه‌مبی/1/7/2020 ل ده‌مژمێر (10:00) سپێدێ ل سه‌ر جادا گشتی یا دناڤبه‌را قه‌زا به‌رده‌ره‌ش بۆ پرا حسێنیێ و ل نێزیك گوندێ ( دولیجان ) روودانه‌كا ژ جۆری وه‌رگەریان روودایە، د وێ روودانی دا شوفێرێ وێ ترۆمبێلێ ب سڤكی بریندار بوویه و زیانێن مەزن ب ترۆمبێلێ كه‌فتینە.
ئه‌ڤرۆ نیوز:
بهایێ پترۆلێ ل بازارێن جیهانێ ل چاڤ رۆژێن بووری بلند بوویه.
ئاژانسێن جیهانێ به‌لاڤكرینه، ئه‌ڤرۆ 1/7/2020 ب ئاوایه‌كی بهایێ پترۆلا برێنت ب 41.6 سه‌نتان كرین و فرۆتن پێ هاتیه‌كرن ل بازارێن جیهانێ هه‌ڤده‌م بهایێ به‌رمیلا پترۆلا ئه‌مریكی ژی ب 39.69 دۆلاران كرین و فروتن پێ هاتیه‌كرن.
داكه‌تن و بلند بوونا پترۆلێ د ده‌مه‌كی دایه، ژماره‌یه‌ك ژ ئه‌وان وه‌لاتێن بۆ به‌رهنگاربوونا ڤایرۆسێ كورونایێ كۆ ته‌ڤایا كه‌رتێن پیشه‌سازیێ و بازرگانیی راوه‌ستاند بوون، به‌لێ نوكه ب ئه‌گه‌رێ كێمبوونا مه‌ترسیا كورونایێ، پشكه‌كا چالاكیێن ئابووری ده‌ستپێكرنه‌ڤه ئه‌ڤه‌ژی بۆ ئه‌گه‌رێ بلند بوونا بهایێ پترۆلێ.
ئه‌ڤرۆ نیوز:
جێگرێ رێڤه‌به‌رێ گشتی یێ ساخله‌میا سلیمانیێ راگه‌هاند: ل توخیبێ پارێزگه‌ها سلێمانیێ دو توشبوویێن دی ب ڤایرۆسێ كورونایێ گیانێ خوه ژ ده‌ست داینه.
ئه‌ڤرۆ چارشه‌مبی 1/7/2020 عه‌بدولا ئه‌حمه‌د جێگرێ رێڤه‌به‌ری گشتی یێ ساخله‌میا سلێمانیێ راگه‌هاند سپێده‌هیا ئه‌ڤرۆ ئافره‌ته‌كا دی كۆ ژیێ وێ 98 سال بوو و خه‌لكێ پێنجوین بوو، پشتی توشبوونا وێ ب ڤایرۆسێ كورونایێ و چه‌ند رۆژه‌كا ل نه‌خوشخانه‌یێ مایی گیانێ خوه ژ ده‌ست دا.
ژلایه‌كێ دیڤه قائیمقامیه‌تا قه‌زا سه‌یدسادق راگه‌هاند گه‌نجه‌كێ دژیێ 34 سالی ب ئه‌گه‌رێ ڤایرۆسێ كورونایێ گیانێ خوه ژ ده‌ست دا.
ل گۆری دوماهی ئامارێن وه‌زه‌رتا ساخله‌میا حكومه‌تا هه‌رێما كوردستانێ تانوكه ل سلیمانێ چار هزار و 410 كه‌ش توشی كورونایێ بووینه، 179 كه‌سان ژی گیانێ خوه ژ ده‌ست دایه.
ئه‌ڤرۆ نیوز:
ئه‌ڤرۆ دێ جڤاتا وه‌زیرێن حكومه‌تا هه‌رێما كوردستانێ كۆم بیت و دیارترین ته‌وه‌رێن دانوستاندنا وان ل سه‌ر دانوستاندنێن هه‌ولێرێ و به‌غدا و پرسیا چاكسازیێ یه.
جۆتیار عادل په‌یڤدارێ حكومه‌تا هه‌رێما كوردستانێ راگه‌هاند ئه‌ڤرۆ رۆژا چارشه‌مبی جڤاتا وه‌زیرێن حكومه‌تا هه‌رێما كوردستانێ كۆمبوونا خوه یا ئاسایی و هه‌فتانه ب سه‌رۆكایتا مه‌سرور بارزانی سه‌رۆكێ حكومه‌تێ و به‌رهه‌ڤبوونا قوباد تاله‌بانی جێگرێ سه‌رۆك وه‌زیرێ حكومه‌تێ و وه‌زیر ب رێكا ڤیدیو كۆنفرانس ساز كه‌ت.
جۆتیار عادل په‌یڤدارێ حكومه‌تا هه‌رێما كوردستانێ ئه‌و چه‌نده ژی راگه‌هاند د ئه‌ڤێ كۆمبوونێ دا دێ دانوستاندنێ ل سه‌ر ئه‌ڤان بابه‌تان كه‌ن:
ئەڤرۆ نیوز:
جارەکا دیتر فڕۆکێن شەرکەر یێن سوپایێ تورکیا زۆزانێن ده‌ڤه‌را سیده‌كان بۆردومان كرن.
ل دەمژمێر 9:00 ئەڤ شەڤە فرۆکێن سوپایێ تورکیا دناڤبەرا ھەردو گوندێن بێرکم و دەراو و ھەرئێک ژ زۆزانێن سنین و رۆبی و روال ل دەڤەرا سیدەکان ب دژواری بۆردومان کرن.
ئیحسان چەلەبی رێڤه‌بەرێ ناحیا سیدەکان دیار کریە: فرۆکێن سۆپایێ تورکی ل زۆزانێن سنین ل نێزیک رەشمالێن رەوەند و کۆچەران بۆردومان کرینە، هەتا نوکە زیانێن وێ بوردۆمانکرنێ نەهاتینە زانین.
ئەڤرۆ نیوز:
بەری دەمەکێ دو تەقینێن ب هێز ل باکوورێ تەهرانێ روودان، پەیڤدارێ ئاگرڤەمراندنا تەهرانێ گۆت: ئەو تەقینە ل کلینیکەکا دەرمانان بوویە، هەتانوکە هۆکارێن وان تەقینان نەهاتیە زانین.
لدووڤ چەند گرتەیێن ڤیدیۆیی، کو ل تۆرێن جڤاکی بەلاڤبووینە، دو تەقینێن ب هێز دناڤبەرا جادێن شەریعەتی و تەجریش رووداینە و قەرەبالغەکا زۆر ل وان جهان دروستبوویە.
ئەڤرۆ نیوز:
رێڤەبەرێ گشتی یێ ساخلەمیا چەمچەمال گیان ژ دەستدانا تووشبوویەکێ 17 سالی ب ڤایرۆسێ کۆرۆنایێ راگەهاند و گۆت: شەش تووشبوویێن نوو ژی هاتینە تۆمار کرن.
د. فەرهاد محەممەد، رێڤەبەرێ گشتی یێ ساخلەمیا چەمچەمال راگەهاند ژی: وی تووشبوویی نەخۆشیا شەکرێ ژ جۆرێ ئێکێ هەبوویە و پشتی مانا وی بۆ دەمێ 12 دەمژمێران ل نەخۆشخانێ گیانێ خوە ژ دەستدا، ئەو کورێ 17 سالی خەلکێ باژارۆکێ شۆرشە یێ سەر ب قەزا چەمچەمال ڤە.
ئەڤرۆ نیوز:
وه‌زاره‌تا ساخلەمیا هه‌رێما كوردستانێ ئامارێن 24 دەمژمێرێن بوری یێن كۆرۆنایێ راگه‌هاندن و دیار کریە: 240 كه‌سێن دی ل هەرێمێ تووشی ڤایرۆسێ كۆرۆنایێ بووینه و 7 كه‌سێن دی ژی ب کۆرۆنایێ گیانێ خوە ژ ده‌ستداینه، ژ وان تووشبوویان ژی ب تنێ ئێک کەس ل پارێزگەها دهۆکێ یە، 110 ل سلێمانیێ، 58 ل هەولێرێ و 71 کەس ژی ل گەرمیان.
هەروەسا 88 کەس ژێ چێبووینە.
نيشاندان