ئه‌ڤرۆ نیوز:
سه‌رۆكێ فره‌نسا، ئیمانوێل ماكرۆن راگه‌هاند، ئه‌و شیا قه‌ناعه‌تێ بۆ سه‌رۆكێ ئه‌مریكا دۆنالد ترامپ چێبكه‌ت و رازی بكه‌ت كو هێزێن ئه‌مریكی ب ره‌نگه‌كێ ده‌مدرێژ ل سووریێ بمینن.
ئه‌ڤه د ده‌مه‌كی دایه به‌ری نها ترامپی راگه‌هاندبوو كو دێ زووترین ده‌م هێزێن خوه ژ سووریێ ڤه‌كێشیت.
ل گۆری گۆتنا شرۆڤه‌كاران بریارا مانا ئه‌مریكا ل سووریێ د ڤی ده‌می دا د به‌رژه‌وه‌ندییا رۆژئاڤایێ كوردستانێ دایه.
ئه‌ڤرۆ نيوز: عه‌زيز هه‌ورامى:
ل رانيێ ل ده‌مێ بانگه‌هشا نه‌وه‌ى نوێ، شه‌ر دروست دبيت و د ئه‌نجامدا پێنج كه‌س بريندار دبن، ل دووڤ پێزانينێن ئه‌ڤرۆ نيوز، چه‌ند لايه‌نگرێن نه‌وه‌ى نوى ب چه‌قويان هێرش كرينه سه‌ر ئێك و دو، ژ ئاليێ خوه‌ڤه ته‌ها محه‌مه‌د په‌يڤدارێ رێڤه‌به‌ريا ساخله‌ميا راپه‌رتن ئه‌ڤ نوچه‌يه بۆ ئه‌ڤرۆ نيوز پشت راست كر و دياركر كو پێنج لايه‌نگرێن نه‌وه‌ى نوێ ژ ئه‌نجامێ برينداربوونا وان، گه‌هاندينه نه‌خوشخانێ و پشتى هاتينه تيماركرن، دياربوو كو ب چه‌قويان شه‌ر كرينه.
ئه‌ڤرۆ نيوز:
مەسرور بارزانی شیرەتکارێ جڤاتا ئاساییشا ھەرێما کوردستانێ دا د پێشوازيكرنا سەرۆکێ نڤیسینگەھا ھەماھەنگی یا ئاساییشا ئیراقێ ل بالیۆزخانەیا ئەمریکا راگەھاند، ل گۆرەیی دەستووری پێشمەرگە ھێزەکا دەستووریە و پێدڤییە تەڤایا پێدڤیێن وان یێن سەربازی و دارایی بۆ بھێن دابینکرن.
مەسرور بارزانی گۆت: بۆ بدەستڤەئینانا ئاشتی و سەقامگیریێ، پێدڤییە ئێک و دو قەبوول بکەین و دانوستاندنێن راستەوخوە ل سەر گشت پرسا بکەین، ھەروەسا دوپاتی ل ھەماھەنگییا د ناڤبەرا ھێزێن پێشمەرگەی و ھەڤپەیمانان دا کر.
ئه‌ڤرۆ نيوز:
وه‌زاره‌تا ناڤخو يا عيراقێ، ئه‌ڤرۆ راگه‌هاند، ل به‌ره‌يێ راستێ يێ باژێرێ مووسل، كارگه‌هه‌كا بومرێژكرنا ئوتومبێلێن بوم رێژكرى و بومبێن چاندى هاته ديتن كو چه‌ندين ته‌قه‌مه‌نيێن بجه مايى يێن داعش تێدابوون.
وه‌زاره‌تا ناڤخو يا عيراقێ ئاماژه ب وێ يه‌كێ ژى كريه كو ئه‌و كارگه‌هـ ل ئێك ژ بنداڤێن ده‌ڤه‌ره‌كا مووسلا نوو ل به‌ره‌يێ راستێ يێ مووسل هاتيه ديتن.
ئەڤرۆ نیوز،بارزان مزوورى
ئیلیاس خەتاری، چالاكڤانێ ئێزدی ل ئەلمانیا بۆ ئەڤرۆ نیوز گۆت كو ل شەڤا بۆری 14/4/2018 گەنجەكێ ئێزدی بناڤێ “سەربەست شێخ دەرمان” دەمێ ل ئاهەنگەكێ دزڤریت دگەل هەڤالێن خوه، دكەڤيته دبن سكێ شەمەندەفەرێ ل باژێرێ “بوخۆم” ل ئەلمانیا وگيانێ خوه ژده‌ست دده‌ت وتەرمێ وی بۆ ئێك ژ نەخوه‌شخانێن وی باژێری هاتیە ڤەگۆهاستن وڤەكۆلین ژلایێ هێزێن ئەمنی یێن وی باژێری ڤه یا بەردەوامە دا ئەگەرێن روودانێ ب دروستی دیاربن”.
ناڤبری گوت كو “سەربەست شێخ دەرمان” ژیێ وی 22 سالن و خەلكێ كومەلگەها خەتارێ یە يا سەر ب قەزا شێخان ڤە و بەری دو سالان كوچكریە ئەلمانیا .
ئه‌ڤرۆنيوز:
به‌ربژاره‌كێ ليستا (حيكمه) كو عه‌مار حه‌كيم سه‌رۆكاتيا وێ دكه‌ت ب روودانه‌كا هاتنووچونێ ل پارێزگه‌ها واست گيانێ خوه ژده‌ست دا.
محه‌مه‌د جه‌ميل مه‌ياحى، په‌يڤدارێ ليستا (حيكمه) د به‌ياننامه‌كێ دا راگه‌هاند” هادى عقابى به‌ربژارێ ليستا مه ل پارێزگه‌ها واست ل ده‌مێ هاتنا وى بۆ به‌غدا ژبۆ پشكداريێ دئاهه‌نگا ده‌ستپێكرنا هه‌وا هه‌لبژارتنان دا يا ليستا ناڤبرى، ب رێڤه دروودانه‌كا هاتنووچونێ دا گيانێ خوه ژده‌ست دا”.
ئه‌ڤرۆنيوز:
رۆژنامه‌كا عه‌ره‌بى به‌لاڤكر كو داعشێ رێيا نێڤده‌وله‌تى دناڤبه‌را به‌غدا – ديمه‌شقێ دده‌مێ چه‌ند رۆژێن بۆرى دا يا كونترۆل كرى .
رۆژناما (القدس العربي) ژ زارده‌ڤێ چه‌ند ژێده‌رێن سوورى به‌لاڤكر” داعش يا شياى رێيا نێڤده‌وله‌تى به‌غدا – ديمه‌شقێ پشتى شه‌ره‌كێ دژوار ل گه‌ل له‌شكرێ سوورى، كونترۆل بكه‌ت”.
دياركرن ژى كو هژماره‌كا مه‌زن يا كوشتى وبرينداران ژ داعشێ وله‌شكرێ سوورى كه‌فتينه.
ئاماژه دان كو پشتى وێ چه‌ندێ، هێزێن عيراقى ژ چه‌ندين جهان ل رۆژهه‌لاتا باژێرێ حومس يێ سوورى ڤه‌كێشان.
رۆژناما ناڤبرى كو ل له‌نده‌ن دهێته چاپكرن به‌لاڤكر ژى كو داعشێ دده‌مێ حه‌فتيا بۆرى دا، دچه‌ند ده‌ڤه‌رێن ستراتيژى كونترۆل كرينه كو به‌رى نوكه دبن ده‌ستهه‌لاتا حوكمه‌تا سووريێ دابوون”.
خوياكر ژى” داعش دخوازيت ژێده‌رێن په‌ترۆلى كونترۆل بكه‌ت ب مه‌ره‌ما وێ چه‌ندێ دوباره ده‌ست ب چالاكيێن خوه يێن توندره‌و بكه‌ت”.
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ، برياره‌كێ ل دۆر داهاتێ وه‌زاره‌تا خواندنا بلند وڤه‌كۆلينێن زانستى ده‌ردكه‌ت.
ل دووڤ نڤيسارا وه‌زاره‌تا دارايى وئابوورى يا هژمار (3357) كو ل 12/4/2018 ب ئيمزا ريباز حه‌ملان وه‌زيرێ دارايى وئابوورى هاتيه ده‌ركرن وئاراسته‌ى وه‌زاره‌تا خواندنا بلند هاتيه كرن، تێدا چاوانيا مه‌زاختنا داهاتێن وه‌زاره‌تا ناڤبرى وانكۆيان ديار دكه‌ت.
دخالا ئێكێ يا وي نڤيسارێ دا هاتيه” داهاتێ وه‌زاره‌تا هه‌وه ژ 1/3/2018 ووێڤه دێ ب رێژه‌يا 60% بيته داهاتێ دووماهيێ بۆ گه‌نجينا حوكمه‌تێ ورێژا 40% ژ داهاتێ هه‌وه دێ بۆ مه‌زاختى وپێدڤيێن وه‌زاره‌تا هه‌وه هێنه خه‌رجكرن”.
دخاله‌كا دى يا وێ نڤيسارا وه‌زاره‌تا دارايى وئابوورى دا هاتيه” داهاتێ زانكۆيان ژ 1/3/2018 ب رێژه‌يا 50% دێ بيته داهاتێ دووماهيێ بۆ گه‌نجينا حوكمه‌تێ ورێژه‌يا 50% ژداهاتى دێ بۆ مه‌زاختى وپێدڤيێن زانكۆيێن ب سه‌ر وه‌زاره‌تا خواندنا بلند ڤه هێته خه‌رجكرن”.
وه‌زاره‌تا دارايى وئابوورى دنڤيسارا خوه دا دياركريه كو پێدڤيه ئه‌و مه‌زاختيه دچارچۆڤێ قانوونێ ورێنمايێن كار پێ دهيته كرن بيت.
ئه‌ڤرۆنيوز:
به‌رى ده‌مه‌كى ژ ئه‌گه‌رێ روودانه‌كا هاتنووچونێ ل سنورێ قه‌زا زاخۆ دو كه‌سان گيانێ خوه ژ ده‌ست دا وشه‌ش كه‌س ژى برينداربوون.
به‌شير يوسف، به‌رپرسێ راگه‌هاندنا هاتنووچونا زاخۆ راگه‌هاند”ل سه‌ر رێيا دێره‌بوون – گرشين، ل نێزيك كه‌مپا باجد كه‌ندالا دو ترومبێلان ژ جۆرێ هيۆندا ونيسان پێكدادان ودئه‌نجامدا دو وه‌لاتيان گيانێ خوه ژده‌ست دا وشه‌ش ژى برينداربوون”.
به‌شير يوسف زێده‌تر بۆ سه‌ته‌لايتا كوردستان گۆت” ئه‌و دو كه‌سێن گيانێ خوه ژ ده‌ست داى كارمه‌ندێن ئاسايشێ نه ل قه‌زا سێمێلێ وشه‌ش بريندارێن دى ژى پێشمه‌رگه‌نه ونوكه ره‌وشا وان يا ساخله‌مى يا جهگيره ول نه‌خوه‌شخانا زاخۆ چاره‌سه‌ريا پێدڤى بۆ دهيته كرن”.
نيشاندان