ئه‌ڤرۆنيوز:
ئاهه‌نگا دانه‌نياسينا به‌ربژارێن پارتى ديموكراتى كوردستان ل پارێزگه‌ها دهۆكێ ل هۆلا كونفرانسان ل زانكۆيا دهۆكێ ده‌ستپێكر.
پارتى ئاهه‌نگا دانه‌نياسينا به‌ربژارێن خوه يێن دهۆكێ ده‌ستپێكر
نووترين نووچه
- ب گرنگی دنێڕینە پێگەهێ هەرێما كوردستانێ
- مەسرور بارزانی و بەربژارێ ترەمپی بۆ شیرەتكارییا ئاسایشا نیشتمانییا ئەمریكی دووماهی پێشهاتان گەنگەشە دكەن
- ژ ناڤچوونا رژێما ئەسەدی و دەرئەنجامێن وێ دێ كارتێكرنێن ئەمنی و سیاسی ل سەر ئیراقێ هەبن
- دادگەهەكا بەغدا سكالایەكا وەزارەتا پەترۆلا ئیراقێ دژی هەرێمێ رەتكر
- سەرۆك بارزانی: ئێكەتییا ئافرەتێن كوردستانێ ئەزموونەكا سەركەفتییا پشكدارییا ئافرەتێ یە د ژیانا سیاسی و جڤاكییا كوردستانێ دا
- ئێكەتییا ئافرەتان هەڤپشكەكا سەرەكییە د گەشەپێدانا جڤاكەكێ مەدەنیدا
- ئێكەتییا ئافرەتان قوتابخانەیا پێگەهاندنا چەندین ئافرەتێن خودان شیان و سەركردە یە
- مەسرور بارزانی و وەزیرێ دەرڤەیێ بەحرەینێ پێشڤەبرنا پەیوەندییان د وارێن جۆرا و جۆر دا گەنگەشەكر
- میسال ئالۆسی: سەرۆك بارزانی دشێت هەموو ئالیێن سیاسی كۆمڤەكەت و چارەسەرییا كێشەیان بكەت
- سەرۆك بارزانی و شێخ عەبدوللا حمێدی عەجیل یاوەر رەوشا دەڤەرێن سنۆری یێن ئیراقێ و سووریێ گەنگەشەكر
سهرهكى Twitter
به‌ربژارێن پارتى ل شێلادزێ بایكوتا پروپاكندێن هه‌لبژاردنان كر
ئه‌ڤرۆ نیوز ، نه‌وزاد هلۆرى:
وه‌كو رێزگرتن بو شه‌هیدكرنا سێ وه‌لاتیان ل سه‌نته‌رێ ناحیا شێلادزێ ، به‌ربژارێن پارتى دیموكراتى كوردستان بو ده‌ما چه‌ند رۆژان بایكوتا پروپاكندێن هه‌لبژاردنان كر.
دڤى واریدا ” هه‌یڤا نێروه‌ى ” به‌ربژارا پارتى دییوكراتى كوردستان بو په‌رله‌مانێ عیراقێ بو ئه‌ڤرۆ نیوز گۆت: (ب بریارا كه‌سایه‌تى یا به‌ربژاران ، وه‌كو رێزگرتن بو شه‌هیدكرنا سێ وه‌لاتیێن سه‌نته‌رێ ناحیا شێلادزێ هه‌موو به‌ربژارێن پارتى بایكوتا پروپاكندێن هه‌لباردنان كریه و ناهێته زانین كا دێ سێ رۆژان به‌رده‌وام بیت یان زێده‌تر)
زێده‌تر گۆت: ( بارودوخێ كو نوكه ل سه‌نته‌رێ شێلادزێ درۆست بوى ، نه‌یێ گونجایه بو پروپاكندێن هه‌لبژاردنان و ئه‌م ژى وه‌كو به‌ربژار خوه ب هه‌ڤخه‌مێ وه‌لاتیان دبینین بو ژ ده‌ستدان و شه‌هیدكرنا سێ كه‌سان ل شێلادزێ و دخوازین كو لایه‌نێن شوله‌ژێ ب زوترین ده‌م كار بكه‌ن بو ڤه‌گه‌راندنا ته‌رمێن وان وه‌لاتیان بو ناڤا كه‌س و كارێن وان )
دهێته زانین كو دوهى نوچه‌یێ شه‌هیدبوونا سێ وه‌لاتیێن شێلادزێ كو خه‌لكێ گوندێ نیروه سیتو یا سه‌ر ب ده‌ڤه‌را دوسكى ژورانن هاته به‌لاڤكرن و نوچه‌یێ شه‌هیدكرنا وان ره‌نگڤه‌دانه‌كا خه‌مناك ل شێلادزى َدرۆستكریه و بویه ئه‌گه‌ر كه هه‌موو لیست و قه‌واره‌یێن سیاسیێن هه‌رێما كوردستانێ ژ وانان ژى پارتى بایكوتا پروپاكندێن هه‌لبژاردنان بكه‌ت.
د ده‌ما هه‌شت هه‌یڤێن بورى دا 10 وه‌لاتیێن شێلادزێ ژلایێ فروكێن توركیا هاتینه شه‌هیدكرن و چوار كه‌س ژى برینداركرن و وه‌لاتى دخوازن كو لایه‌نێن شوله‌ژێ كار بكه‌ن كو ئێدى وه‌لاتى نه‌بنه قوربانیێن سیاسه‌تا دناڤبه‌را توركیا و چه‌كدارێن په‌كه‌كێ و دخوازن كو په‌كه‌كه ل جهێن ئاڤه‌دانیێن هه‌رێما كوردستانێ دویر بكه‌ڤن داكو نه‌بنه بهانه بو فروكێن توركیا.
ئه‌مريكا و فره‌نسا و بريتانيا: وه‌ختێ دانوستاندنان نه‌مايه
ئه‌ڤرۆ نيوز:
پشتى كو ئه‌مريكا ب هه‌ڤكاريا بريتانيا و فره‌نسا هێرش كريه سه‌ر كومه‌كا پێگه‌هێن سه‌ربازى يێن حوكمه‌تا سووريا، جاره‌كادى رووسيا داخواز كر جڤاتا ئاسايشا نه‌ته‌وێن يه‌كگرتى ل دۆر ره‌وشا سووريێ كۆم ببيت، د به‌رسڤ دا ئه‌مريكا و فره‌نسا و به‌ريتانيا رژدى ل وێ يه‌كێ كرن كو ده‌مێ دانوستاندنان نه‌مايه.
3314 زیندانیێن سیاسى دێ هێنه قه‌ره‌بووكرن
ئه‌ڤرۆ نيوز، ئه‌میر ئه‌ترووشى:
به‌رپرسێ كۆمه‌لا زیندانیێن سیاسى ل پارێزگه‌ها دهۆكێ راگه‌هاند، 3314 زیندانیێن سیاسى ل پارێزگه‌ها دهۆكێ ب پارچه‌یێن ئه‌ردى دێ هێنه قه‌ره‌بووكرن و هه‌ر ئێك ژ وان دێ پارچه‌یه‌كا ئه‌ردى وه‌رگریت.
كامل یاسین، به‌رپرسێ كۆمه‌لا زیندانیێن سیاسى ل پارێزگه‌ها دهۆكێ، بۆ ئه‌ڤرۆ نیوز دیار كر، ل دووڤ بریارا ئه‌نجوومه‌نێ وه‌زیرێن عیراقێ، 3314 زیندانیێن سیاسى دێ ل پارێزگه‌ها دهۆكێ پارچه‌یێن ئه‌ردى وه‌رگرن و هه‌ر ئێك ژ وان ژى دێ ل گۆره‌ى خۆجهیا خوه ل قه‌زا یا خوه پارچا ئه‌ردى وه‌رگریت و گۆت: نها ئه‌م یێ ل گه‌ل كارگێریا پارێزگه‌ها دهۆكێ گفتۆكۆیا وێ یه‌كێ دكه‌ین كا دێ ل كیرى پارچه ئه‌ردێن خوه وه‌رگرن.
ئاشكراژى كر كو ل پارێزگه‌ها دهۆكێ نێزیكى 7 هزار زیندانیێن سیاسى هه‌نه كو د سه‌رده‌مێ رژێما به‌عس ژ به‌ر كارێ وان یێ سیاسى هاتبوونه ده‌سته‌سه‌ركرن و بریار وه‌رگرتنا پارچێن ئه‌ردى ل سالا 2011 ژلایێ په‌رله‌مانێ كوردستانێ ڤه بریار پێ هاتبوو دان و ئه‌ڤه هه‌موو ئه‌و زیندانیێن سیاسى نه ئه‌وێن خوه ژ سالا 2007ێ ڤه مامه‌لێن خوه پێشكێشى كۆمه‌لا مه كرین.
تزبیحەک ب 182 هزار بەرکێن زەیتونان هاتە نمایشکرن
ئەڤرۆ نیوز ، نەوزاد هلۆری:
ب هەلکەفتا سالروژا ئەنفالێن رەش یێن کوردستانێ ، گەنجەکێ کورد بناڤێ ( هونەر شەرەفانی) ئەڤرۆ ل هەولێرێ تزبحەک ب 182 هزار بەرکێن زەیتونێ نمایشکر. کیڤی دەکانی کەس و کارێ ئەوی گەنجی بو ئەڤرۆ نیوز گۆت: ( ب هەلکەفتا سالروژا ئەنفالێن رەش یێن کو ب سەر گەلێ کوردستانێ دا هاتینە کو تێدا 182 هزار کەس هاتینە شەهیدکرن ئەو تزبح هاتیە چێکرن و د وی تزبحی دا ب هژمارا ئەنفالێن کوردستانێ بەرکێن زەیتونێ هاتینە بکارئینان)
زێدەتر گوت: ( تزبح ئەڤرۆ ل پارکا نیشتمان ل نێزیک قەلا هەولێرێ هاتە نمایشکرن کو درێژاهیا وێ 800م و ماوەیەکێ زورە کار لسەر دهێتەکرن)
رێژا باران بارينا 12 ده‌مژمێرێن بورى
ئه‌ڤرۆ نيوز:
سلێمانى 0.2ملم دهۆك 2.3 ملم زاخۆ 2.5 ملم ئاكرى 0.8 ملم ئامێدی 2.8 ملم بامه‌رنی 2.4 ملم بارزان 6.0 ملم هه‌لشۆ 7.4 ملم حاجی ئومه‌ران 10.0 ملم دوكان2.2 ملم كانى ماسی 4.6 ملم مانكیش 4.0 ملم دینارته 0.2 ملم قه‌لادزه 3.2 ملم پێنجوێن 5.8 ملم شاریا 2.0 ملم ماوه‌ت 3.8 ملم سیده‌كان 5.6 ملم میرگه‌سور 0.2 ملم باتوفە 3.8 ملم سمێلان 44.4 ملم .
حه‌شدا شه‌عبى بنگه‌هه‌كێ له‌شكرێ ئه‌مريكى ل عيراقێ دۆرپێچ دكه‌ت
ئه‌ڤرۆنيوز:
رۆژنامه‌كا عه‌ره‌بى به‌لاڤكر حه‌شدا شه‌عبى يا عيراقى ب چه‌كێ گران ومۆشه‌كان خوه خستيه دئاماده باشيێ دا ددۆرپێچكرنا بنگه‌هه‌كێ ئه‌سمانى يێ له‌شكرێ ئه‌مريكى ل نێزيك به‌غدا.
رۆژناما (الديار) يا لوبنانى دراپۆرته‌كا خوه دا به‌لاڤكر، فه‌رمانده‌كێ حه‌شدا شه‌عبى يا عيراقى نێزيكى ده‌رگه‌هێ بنگه‌هێ ئه‌سمانى يێ له‌شكرێ ئه‌مريكى بوويه وئاگه‌هداريا فه‌رمانده‌يێن ئه‌مريكى كر كو هه‌ر فرۆكه‌كا ئه‌مريكى ژ فرۆكخانا وێ سه‌ربازگه‌هێ رابيت، دێ حه‌شدا شه‌عبى ته‌قێ لێكه‌ت وپێدڤيه ئێدى فرۆكێن ئه‌مريكى ل وى بنگه‌هى نه رابن ونه هێن ژى.
ل دووڤ وێ رۆژنامێ، فه‌رماندێ وى بنگه‌هێ ئه‌سمانى يێ له‌شكرێ ئه‌مريكى ئه‌مريكى به‌رپرسێن خوه ئاگه‌هداركرن وداخواز ژ حوكمه‌تا عيراقێ كر كو هێزه‌كا له‌شكرى ڤريكه‌ت بۆ شكاندنا وێ دۆرپێچا حه‌شدا شه‌عبى ل سه‌ر وى بنگه‌هى، به‌لێ حوكمه‌تا عيراقێ ئه‌و چه‌نده ره‌تكر چونكێ دێ ل گه‌ل 80 هزار چه‌كدارێن حه‌شدا شه‌عبى تووشى شه‌رى بيت.
رۆژناما (الديار) ئاماژه ب وێ چه‌ندێ كر كو دبێت ئيرانێ سه‌رۆك وه‌زيرێن عيراقێ حه‌يده‌ر عه‌بادى ئاگه‌هدار كربيت كو چو پێكدادانان ل گه‌ل حه‌شدا شه‌عبى نه‌كه‌ت، چونكى ئيران حه‌شدا شه‌عبى وه‌كو پشكه‌ك ژ له‌شكرێ پاسدارێن ئيرانى دهه‌ژمێريت وهه‌ر شه‌ره‌كێ دژى حه‌شدا شه‌عبى بهێته كرن دێ بيته ده‌ست درێژى ل سه‌ر ئاسايشا ئيرانێ وئه‌ڤ چه‌نده ژى دێ بيته ئه‌گه‌رێ گرژيێ وئالۆزيه‌كا مه‌زن دناڤبه‌را ئيرانێ وسه‌رۆك وه‌زيرێن عيراقێ وهه‌كه ئه‌و چه‌نده ژى روودا دێ 18 وه‌زيرێن حوكمه‌تا عه‌بادى كو دهه‌ڤسۆزن ل گه‌ل ئيرانێ دێ ده‌ست ژكارى كێشن.
حه‌شدا شه‌عبى داخواز دكه‌ت بنگه‌هێن له‌شكرێ ئه‌مريكى ل عيراقێ بهێنه داخستن وب پێدڤى نابينن زێده‌تر سه‌ربازێن ئه‌مريكى ل عيراقێ بمينن.
وه‌زاره‌تا دارايى خشته‌كێ نوو يێ مووچان به‌لاڤكر
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ، خشته‌كێ نوو يێ مووچه‌ى به‌لاڤكر وتاكو رۆژا پێنجشه‌مبى مووچێ چه‌ند وه‌زاره‌تان وهه‌رسێ سه‌رۆكايه‌تيان دێ هێته به‌لاڤكرن.
ئێكشه‌مبى/ 15/4/2018
- وه‌زاره‌تا ئه‌وقافێ وكاروبارێن ئايينى
- وه‌زاره‌تا ره‌وشه‌نبيرى ولاوان
دوشه‌مبى/ 16/4/2018
- وه‌زاره‌تا چاندنێ
- سه‌رۆكاتيا هه‌رێمێ
- په‌رله‌مان
- جڤاتا وه‌زيران
سێشه‌مبى/ 17/4/2018
- وه‌زاره‌تا كار وكاروبارێن جڤاكى
- خودان پێدڤيێن تايبه‌ت
پێنجشه‌مبى/ 18/4/2018
- ده‌زگه‌هێ ئاسايشێ
وه‌زاره‌تا دارايى وئابوورى راگه‌هاند ژى كو پشتى كوژمێ پارێ به‌غدا دگه‌هيته هه‌رێمێ، دێ مووچێ هه‌موو جهێن دى ل دووڤ سيسته‌مێ نوو يێ پاشكه‌فتا مووچه‌ى هێته به‌لاڤكرن.
ل ده‌مژمێر 12 شه‌ڤێ بانگه‌شا هه‌لبژارتنان ل هه‌رێما كوردستانێ دێ ده‌ستپيكه‌ت
ئه‌ڤرۆنيوز:
كۆمسيۆنا بلند يا هه‌لبژارتنان ل عيراقێ راگه‌هاند، ئه‌ڤ شه‌ڤه بانگه‌شا هه‌لبژارتنێن جڤاتا نوونه‌رين عيراقێ ل هه‌رێما كوردستانێ دێ ده‌ستپێكه‌ت.
زانا گه‌ردى، به‌رپرسێ ده‌سته‌يا هه‌لبژارتنێن هه‌رێما كوردستانێ ل كۆمسيۆنا بلند يا هه‌لبژارتنێن عيراقێ دداخۆيانيه‌كا رۆژنامه‌ڤانى دا راگه‌هاند” ل ده‌مژمێر 12 ئه‌ڤ شه‌ڤه بانگه‌شا هه‌لبژارتنان ل هه‌رێما كوردستانێ دێ ده‌ستپێكه‌ت وهه‌تا 24 ده‌مژمێران به‌رى ده‌ستپێكرنا ده‌نگدانێ دێ يا به‌رده‌وامبيت”.
دياركر ژى”ل چه‌ند رۆژێن بۆرى دا، رێنمايى ورۆهنكرنێن پێدڤى يێن ب قه‌وارێن پشكدار دهه‌لبژارتنان دا هاتينه دان كو پێدڤيه وان رێنمايان بجهبينن وبه‌روڤاژى وێ چه‌ندێ پێرابوونێن قانوونى ل به‌رامبه‌ر هه‌ر به‌ربژاره‌كى وقه‌واره‌كى دێ هێنه وه‌رگرتن”.
دهيته زانين ئه‌ڤرۆ شه‌مبيێ 14/4/2018 بانگه‌شا هه‌لبژارتنان ب شێوه‌كێ فه‌رمى ل عيراقێ ده‌ستپێكر وژبه‌ركو رۆژا 14/4 دبيته سالڤه‌كه‌را پرۆسا ئه‌نفالان ل هه‌ريما كوردستانێ، كۆمسيۆنا بلند يا هه‌لبژارتنان ل عيراقێ بريار دابوو بۆ ده‌مێ رۆژه‌كێ بانگه‌شا هه‌لبژارتنان ل هه‌رێما كوردستانێ بهێته پاشخستن ئانكو بۆ رۆژا ئێكشه‌مبى 15/4/2018.
برياره ل رۆژا 12/5/2018 هه‌لبژارتنێن جڤاتا نوونه‌رێ عيراقێ بهێنه ئه‌نجامدان.
سه‌فين دزه‌يى به‌حسێ ده‌واما فه‌رمانبه‌ران پشتى كێمكرنا پاشكه‌فتا مووچان دكه‌ت
ئه‌ڤرۆنيوز:
په‌يڤدارێ فه‌رمى يێ حوكمه‌تا هه‌رێما كوردستانێ راگه‌هاند، ل به‌ر ره‌وشا پێشتر كو مووچه‌خۆرێن هه‌رێما كوردستانێ تێدا دبۆرين، هه‌موو فه‌رمانگه‌هێن حوكمه‌تێ بارێ دارايى يێ فه‌رمانبه‌ران دكێمكرنا ده‌وامێ دا ل به‌رچاڤ وه‌ردگرت، به‌لێ ئه‌و بريارا وه‌زاره‌تان نه‌بوو، به‌لكو تشته‌كێ ده‌مكى بوو.
سه‌فين دزه‌يى، په‌يڤدارێ فه‌رمى يێ حوكمه‌تا هه‌رێما كوردستانێ بۆ SNN گۆت” نوكه كو گوهۆرين ب سه‌ر مووچێ فه‌رمانبه‌ران دا يێن هاتين كرن، پێدڤيه پێداچوون ب ده‌مێ ده‌وامێ دا بهێته كرن وسستى درێڤه‌برنا كاروبارێن وه‌لاتيان ل فه‌رمانگه‌هێن حوكمه‌تێ دا نه‌مينيت ب گۆره‌ى وان ده‌ستهه‌لاتێن ريڤه‌به‌ران هه‌ين”.
نيشاندان
WP Facebook Auto Publish Powered By : XYZScripts.com