ئه‌ڤرۆ نیوز:
رێكخراوا ساخله‌میا جیهانێ ده‌ربارێ پاش خستنا حه‌جا ئیسال ل گه‌ل سعودیێ د دانوستاندنێ دایه.
رێكخراوا ساخله‌میا جیهانێ ل گه‌ل سعودیێ د دانوستاندنێ دایه ده‌رباری پاش خستنا حه‌جا ئیسال و بریاره ل چه‌ند رۆژێن بهێت براره‌كا پێدڤی بۆ ئه‌ڤێ چه‌ندێ بهێته دان.
سالانه رێژه‌كا زۆر ژ موسلمانان ب مه‌به‌ستا ئه‌نجامدانا حه‌جێ، سه‌ره‌دانا سعودیێ دكه‌ن، به‌لی ب ئه‌گه‌رێ به‌لاڤبوونا ڤایرۆسێ كورونایێ وه‌ك سالێن بوری موسلمان نه‌شێن سه‌ره‌دانا سعودیێ بكه‌ن.
ئه‌ڤرۆ نیوز:
وه‌زیرا چاندنێ و ژێده‌رێن ئاڤێ یا حكومه‌تا هه‌رێما كوردستانێ دروستكرنا بوردێ پێشڤه‌برنا چاندنێ راگه‌هاند.
بێگه‌رد تاله‌بانی وه‌زیرا چاندنێ و ژێده‌رێن ئاڤێ یا حكومه‌تا هه‌رێما كوردستانێ راگه‌هاند جارا ئێكێ یه بورده‌ك ل هه‌رێما كوردستانێ بهێته دروستكرن بۆ پێشڤه‌برنا بیاڤی چاندنێ، گرنگیا ئه‌ڤی بوردی سه‌رۆك وه‌زیر و جێگرێ وی و چه‌ند وه‌زاره‌ته‌كێن په‌یوه‌ندیدار پشكدارن تێدا و ئارمانج ژێ پێشڤه‌برنا بیاڤێ چاندنێ یه ل هه‌رێما كوردستانێ.
وه‌زیرا چاندنێ ئه‌و چه‌نده ژی دازانین ب رێكا ئه‌ڤی بوردی پلان دهێنه دارشتن بۆ گوهورینا كه‌توارێ چاندنێ ل هه‌رێما كوردستانێ و گرنگی دان ب خوارنی و ئاسایشا ئاڤێ.
ئەڤرۆ نیوز،عەلی حاجی:
ئەڤرۆ ل رۆژا پێنچ شەمبێ رێکەڤتی ١١/٦/٢٠٢٠ ل بەرامبەر سایلویا زاخۆ ل سەر وێ پشکا وەرگرتنا گەنمێ جۆتیارێن زاخۆ ژلایێ حکومەتا عێراقێ ڤە خرڤەبوونەکا نەرازی بوونێ ئەنجام دان. ل دەست پێکێ دا جۆتیارەکێ زاخۆ بناڤێ محەمەد یوسڤ گۆت : د ئەڤ سالە دا بتنێ رەزامەندی ل سەر وەرگرتنا ١٢ هزار تەنێن گەنمی وەک پشکا جۆتیارێن زاخۆ هاتیە دەست نیشان کرن و ئەڤە ژی رێژەیەکا گەلەک کێمە بۆ باژێرێ زاخۆ بەرامبەر دا ل باژێرێن دیتر رێژەیەکا زێدەتر هاتیە دەست نیشان کرن و ل سالا بوری ٢١ هزار تەن بون و ئەڤ سالە پشکا زاخۆ هاتیو ب نیڤیکرن لەورا ئەم ئامادەنینن وێ پشکا هاتیە دەست نیشان کرن گەنمێ خوە رادەست بکەین و دێ ترۆمبێلێن خوە هێلینە د سرا ترۆمبێلان دا رێکێ نادەینە چ کەسەکی ژی بەرهەمێ خوە رادەست بکەت، ژبەر کو غەدرەیەکا سور و سور ل زاخۆ دهێتە کرن.
جۆتیارەکێ دیتر بناڤێ خالێ حەسەن دیار کر داخازا مە ژ پارێزگەها دهۆکێ ئەوە پشکا بەرهەمێ مەیێ گەنمی زێدە بکەت هەکە ئەو پشکا هاتیە دەست نیشان کرن ژلایێ حکومەتا عێراقێ ڤە کو رادەستی سایلویێ بکەم ئەو پشکا دیتر یا گەنمێ خوە چ لێبکەم دڤێت پاشی وێ پشکێ باڤێژم لەورا هێڤیدارم د زووترین دەم دا پشکا گەنمێ جۆتیارێن زاخۆ بهێتە زێدە کرن.
ل دور ئاریشەیا جۆتیارێن زاخۆ رێڤەبەرێ چاندنێ گۆت : ئەڤ پشکا هاتیە دەست نیشان کرن نەیا چاڤەرێ کری بوو مە هزر زێدەتر دکر ژ ڤێ پشکا هاتیە دەست نیشان کرن لەورا دێ هەولدەین زووترین دەم دا چارەیەکەکێ بۆ ڤێ کێشەیێ ببینن .
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: 31 کەسێن دی ل پارێزگەها سلێمانیێ تووشی ڤایرۆسێ کۆرۆنا یێ بوون، کو 29 کەس ژ وان خۆجهێن ناڤا شارێ سلێمانیێ نە.
هەروەسا گۆتیە: د بەردەوامیا پشکنین و لێگەریانێ لدووڤ تووشبوویان، 31 تووشبوویێن دی یێن ڤایرۆسێ کۆرۆنا یێ ل پارێزگەها سلێمانیێ هاتنە دەست نیشانکرن، کو 18 زەلام و 10 ژن و سێ زارۆکن.
12 ژ تووشبوویان نیشانێن وێ نەخۆشیێ ھەنە و تووشبوویێن دیتر بەرکەفتیێن تووشبوویێن بەرێنە.
ئەڤرۆ نیوز:
رێڤەبەریا گشتی یا ساخلەمیا دهۆکێ راگەهاند: پێنج نەخۆشێن دی یێن کۆرۆنا یێ ل دهۆکێ، پشتی وەرگرتنا چارەسەریێ ب تەمامی چێبووینە.
هەروەسا گۆتیە: پێنج نەخۆشێن دی یێن ڤایرۆسێ کۆرۆنا یێ ل دهۆکێ کو ئەڤە چەندین رۆژە ل نەخۆشخانێ هاتبوونە نڤاندن، پشتی هەموو پشکنین بۆ هاتینە کرن، دیاربوویە کو ب تەمامی چێبووینە و هاتنە رەوەنەکرن بۆ مال.
ئه‌ڤرۆ نیوز:
یانا چێلسی ده‌ست ب دانوستاندنان کریه ل گه‌ل یانا لیڤه‌رکوزن یا ئه‌لمانی بۆ ڤه‌گوهاستنا ستێرا وێ کای هافیرتز.
راپۆرتێن رۆژنامه‌ڤانی ل ئیتالیا ئاشکراکرینه: کو کارگێریا چێلسی کوژمێ ( 75 مليۆن پاوەند ) به‌رهه‌ڤکرینه بۆ ڤه‌گوهاستنا هافیرتز کو نوکه هژماره‌کا یانێن مه‌زن ل ئورۆپا هه‌ڤرکیا ب ده‌ستڤه ئینانا وی یاریزانی دکه‌ن، لێ هه‌که چێلسی ڤی کوژمێ پاره‌ی پێشکێشی وێ یانا ئه‌لمانی بکه‌ت دبیت ب رێژا هه‌ره مه‌زن یانا لیڤه‌رکوزن ل سه‌ر داخوازیا چێلسی رازی بیت، ژبه‌رکو هه‌تا نوکه چ یانێن دێ ئه‌و کوژمێ پاره‌ی ب ڤه‌گوهاستنا وی یاریزانی نه‌دایه.
هه‌ژی گوتنێ یه هه‌ر ئێک ژ یانێن مانچێسته‌ر یونایتد و لیڤه‌رپول ژی هه‌ڤرکیێ ل سه‌ر ده‌ستڤه ئینانا وی یاریزانێ ٢٠ سالی یێ ئه‌لمانی دکه‌ن، کو نوکه دهێته هژمارتن ئێک ژ ستێرێن هێلا ناڤینا خۆلا ئه‌لمانیا کو ل وه‌رزێ ئه‌ڤ ساله ٢٦ یاری دخۆلا بوندس لیگا دا کرینه و شیایه ١١ گولا تۆمار بکه‌ت و ل گه‌ل پێنج ئه‌سیستان.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: سێ کەسێن دی ل پارێزگەها دهۆکێ تووشی کۆرۆنا یێ بوون.
هەروەسا گۆتیە: د بەردەوامیا پشکنین و لێگەریانێ لدووڤ تووشبوویان، سێ تووشبوویێن دی یێن ڤایرۆسی کۆڕۆنا نوو COVID-19 ل پارێزگەها دھۆكێ هاتنە دەست نیشانکرن، کو هەموو ئەندامێن خێزانەکێ یە، کو زەلامەکێ ٣٦ سالی و ژنەکا ٣٣ سالی و زارۆیەکێ ١٥ هەیڤی، بەرکەفتیێن تووشبوویێن بەرێنە و د کەرەنتینێ دا بوون و ئاکنجیێن ناڤا شارێ دھۆکێ نە.
ئەڤرۆ نیوز:
پەرلەمانێ عیراقێ ب دەنگێن ١٧٤ پەرلەمانتاران، بریار دا کو مووچێ فەرمانبەران و خانەنشینان نەهێتە کێم کرن، لێ ئەو بریارە مووچێ هەرسێ سەرۆکاتیان، وەزیران و پەرلەمانتاران ڤەناگریت.
ئەڤرۆ د روونشتنا پەرلەمانێ عیراقێ دا، دەنگدان ل سەر پرسا کێم کرنا مووچێ فەرمانبەرێن عیراقێ هاتە دان و د ئەنجام دا ب دەنگێ ١٧٤ پەرلەمانتاران ئەو بریارە هاتە رەتکرن، دیسان گۆتیە، ب چو رەنگان بریار ل سەر کێمکرنا مووچێ فەرمانبەرێن دەولەتێ و خانەنشینان ناهێتە دان، ئەو چەند ژی هاتیە رەتکرن، کو چ جۆرە باجەک ل سەر مووچێ فەرمانبەران و خانەنشینێن دەولەتێ نەهێتە دانان.
ئەڤرۆ نیوز، عەلی حاجی :
بەرپرسێ راگەهاندن بەرەڤانیا باژێری ل پارێزگەها دهوکێ بۆ ئەڤرۆ نیوز دیار کر ل دەمژمێر ١٠:٥٥ خولەکێ سپێدێ ل گوندێ دارهوزانێ یا سەر ب قەزا زاخۆ ڤە ئاگر بەر د بیتە گەنمێ جوتیارێن وێ دەڤەرێ و دەراسەیەک ژی ب تەمامی د سوژیت .
زێدەتر موقەدەم بێوار عەبدولعەزیز گۆت: ( ئەو روودان ل سپێدەهیا ئەڤرۆ رۆژا چار شەمبێ ل گوندێ دارهوزانێ دروست بوو دەما ژ ئەگەرەکێ نەدیار ئاگر بەر دبیتە بەرهەمێ گەنمێ جوتیارێن وێ دەڤەرێ و ژ ئەنجامێ وی ئاگری رێژەیەکا زور یا گەنمی د سوژیت و دگەل دا ژی دەراسەیەک ب تەمام دسوژیت،پشتی پەیوەندی ب تیمێن مەیێن ئاگر ڤەمراندنێ ل زاخۆ هاتیە کرن ب هەڤکاریا تیمێن ئاگر ڤەمراندنێ ل دەرکارێ شیان وی ئاگری کونترول بکەن و نەهێلن زیانێن وی ئاگری زێدەتر لێ بهێن، گەلەک جاران مە خودانێن دەراسان ئاگەهدار کرینە کو نابیت دناڤ بەرهەمێن گەنمی دا گازێ بکەنە ترومبێلێن خوە ژبەر کو ئەو ژی رێیەکا ترسناکە و ئێک ژ ئەگەرێن سەرەکیێ پەیدا بونا ئاگری یە دناڤ بەرهەمێن جوتیاران دا ب تایبەتی ژی گەنمی لەورا ل سەر ڤێ چەندێ پێدڤ لی یە جوتیارێ مە زێدەتر ئاگەهـ ژ خوە هەبیت).
نيشاندان