ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ نووترین ئامارێن تووشبوویێن کۆرۆنایێ ل هەرێما کوردستانێ بەلاڤ دکەت.
ل گۆر وەزارەتا ساخلەمیێ ب گشتی هەتا نها ل هەرێما کوردستانێ ١٢٢٢ کەس تووشی ڤایرۆسێ کۆرۆنایێ بووینە و ژ وان ٢٤ کەسان جانێ خوە ژ دەست داینە و ٤٤٨ کەس ژی باش بووینە.
وەزارەتا ساخلەمیێ هەروەسا دیار دکەت کو نها ٧٥٠ تووشبوویێن کۆرۆنایێ ل هەرێما کوردستانێ ل ژێر چاڤدێریێ دانە.
وەزارەتا ساخلەمیێ داخواز ژ هەموو وەلاتیان دکەت کو پێگیریێ ب رێنمایێن ساخلەمیێ بکەن و خوە بپارێزن.
ئەڤرۆ نیوز:
وەزارەتا ناڤخوە یا حوکمەتا هەرێما کوردستانێ راگەهاند کو قەدەغەیا هاتنوچوونێ د ناڤبەرا پارێزگەهان دا هەتا ٢٠٢٠/٦/١٥ هاتە درێژکرن.
وەزارەتا ناڤخوە هەروەسا دیار ژی کریە کو هەموو ئەو جهێن کو دەستووری بۆ وان هاتیە دان دا کار بکەن دڤێت ژ دەمژمێر ١٢ شەڤ هەتا ٦ سپێدێ بهێنە داخستن.
وەزارەتا ناڤخوە هەروەسا داخواز ژ هەموو وەلاتیان ژی دکەت کو بۆ پاراستنا خوە و کەسوکارێن خوە پێگیریێ ب رێنمایێن ساخلەمیێ بکەن.
ئه‌ڤرۆ نیوز، ره‌مه‌زان هه‌رنى:
ل ده‌ڤه‌را ئاكرێ ژماره‌كا زۆر جهێن گه‌شتیارى هه‌یه ژورا ئۆپه‌راسیۆنا ل قه‌زا ئاكرێ ل دووڤ بریارا حكومه‌تا هه‌رێما كوردستانێ بریارا ڤه‌كرنا بنكه و جهێن گه‌شتیارى دایه ل دیف رێنمایێن خۆپارێزیێ ل ڤایرۆسێ كۆرۆنا.
دیدار ره‌مه‌زان، رێڤه‌به‌رێ گه‌شتوگوزارا ئاكرێ بۆ ئه‌ڤرۆ نیوز راگه‌هاند بریارا ڤه‌كرنا بنكه و جهێن گه‌شتیارى كه‌فتیه د بوارێ بجهكرنێ دا ل دیف رێنمایێن خۆپارێزیێ ل ڤایرۆسێ كۆرۆنا و هه‌رجهه‌كێ پێگیریێ ب رێنماو رێكارێن خۆ پارێزیێ نه‌كه‌ت ل گۆر قانۆنێ دێ سه‌ره‌ده‌رى دگه‌ل هێته كرن.
گوتژى دڤێت هه‌ر جهه‌كێ گه‌شتیارى و خارنه‌گ و رێستورانته‌ك پۆسته‌رێ رێنمایێن خۆ پارێزیێ ل جهێ خوه دانێت وبۆ وێ چه‌ندێ هاووڵاتى پابه‌ندبن نابیت هیچ گه‌شتیاره‌ك بێ ده‌مامك و ده‌سته‌وان سه‌ره‌دانا جهێن گه‌شتیارى بكه‌ت و د هه‌مانده‌مدا مه جهێن گه‌شتیارى ئاگه‌هدار كرنه كۆ دڤێت رێژا كۆرسى و مێزا بهێنه لێك دوركرن و كێم كرن بۆ وێ چه‌ندێ هه‌موو وەلاتی دپاراستى بن، نۆكه رێك نینه گه‌شتیارێن بیانى بهێن ده‌ڤه‌رێ ئه‌وێن دهێن گه‌شتیارێن نافخۆیى نه.
ئەڤرۆ نیوز، عەزیز هەورامی:
حكوومه‌تی هه‌رێمی كوردستان له‌سه‌ره‌تایی مانگی 5ی ئه‌مساڵه‌وه بڕیاریداوه ئه‌و هاوڵاتییانه‌ی له ده‌ره‌وه‌ی وڵات ده‌گه‌ڕێنه‌وه له‌سه‌ر تێچووی خۆیان كه‌ره‌نتینه‌ده‌كرێن حكوومه‌ت ته‌نها خزمه‌ت گوزاری ته‌ندروستییان بۆ دابینده‌كات، 1400 كه‌س له كه‌ره‌نتینه‌كاندان.
محه‌ممه‌د قادر وته‌بێژی وه‌زاره‌تی ته‌ندروستنی حكوومه‌تی هه‌رێمی كوردستان، به ئه‌ڤرۆ نیوزی ڕاگه‌یاند، له سه‌ره‌تایی مانگی پێنچ بڕیاردرا هه‌ركه‌س له ده‌ره‌وه‌ی وڵات ده‌گه‌ڕێته‌وه له‌سه‌ر مه‌سروفاتی خۆی كه‌ره‌نتینه‌ده‌كرێت، كه‌ره‌نتینه‌كردن بۆ هه‌ركه‌س ده‌گه‌ڕێته‌وه كوردستان ئیجبارییه، بۆ ماوه‌ی دووهه‌فته وه‌ك ئه‌وه‌ی ڕێكخراوی ته‌ندروستی جیهانی دای ناوه، ئه‌و شوێنانه‌ش وه‌زاره‌ت دیاری كردوون به‌پێ خواستی كه‌سه‌كان ده‌توانن تێدابمێننه‌وه.
هه‌روه‌ها ئاماژه‌ی به‌وه‌شكرد، ته‌نها خه‌رجی مانه‌وه‌ی كه‌ره‌نتینه له‌سه‌ر هاوڵاتییان ده‌بێت چاودێری ته‌ندروستی له‌سه‌ر وه‌زاره‌تی ته‌ندروستییه، وه ئه‌وكه‌سانه‌شی له پارێزگاكانی عێراقیشه‌وه ده‌گه‌ڕێنه‌وه هه‌مان شێوه كه‌ره‌نتینه‌ده‌كرێن به‌ڵام بۆ ماوه‌ی 48 سه‌عات و تێچووی مانه‌وه‌یان له‌سه‌ر خۆیانه.
ئاماژه‌ی به‌وه‌كرد، له پارێزگاكانی دهۆك و هه‌ولێر چوه‌ته‌بواری جێبه‌جێ كردن سلێمانی له‌م ڕۆژانه‌ی دووای بڕیاره‌كه چووه‌ته بواری جێبه‌جێ كردن، كه‌ره‌نتینه‌كردنی ئه‌وكه‌سانه‌ی له ده‌ره‌وه‌ی وڵات ده‌گه‌ڕێنه‌وه ده‌بێت 14 ڕۆژ له كه‌ره‌نتینه بمێننه‌وه.
ئه‌وكه‌سانه‌ی له كه‌ره‌نتینه‌كان ده‌مێننه‌وه له چه‌ندین شوێنه له كوردستان نرخی شوێنه‌كان جیاوازن ئه‌و كه‌سانه‌ی كه‌ره‌نتینه‌ده‌كرێن له‌سه‌ر خواستی خۆیان شوێنه‌كه هه‌ڵده‌بژێرن، ده‌یانه‌وێت تێدابمێننه‌وه ،به‌شێوه‌یه‌كی گشتی ژماره‌ی ئه‌و هاوڵاتییانه‌ی له ده‌ره‌وه‌ی وڵات ده‌گه‌ڕێته‌وه كه‌م بووه‌ته‌وه ته‌نها هه‌فته‌ی ڕابردوو جارێكی تر هاتنه‌وه‌ی هاوڵاتییان زیادی كردبو، له‌لایه‌ن فه‌رمانگه‌ی پێوه‌ندییه‌كانی حكوومه‌تی هه‌رێم كاتی هاتنه‌وه‌یان بۆ ڕێكده‌خات چونكه ئێسته ڕێكاره‌كان له فڕۆكه‌خانه‌كانی دنیا زه‌حمه‌ته، محمه‌د قادر وای گوت.
زانیاری له‌سه‌ر ته‌ندروستی نه‌خۆشه‌كانداو گوتی، له پارێزگای دهۆك هه‌ڵگرانی ڤایرۆسی كۆرۆنا ڕه‌وشی ته‌ندروستی زۆرینه‌یان جێگیره، هه‌ڵه‌بجه‌ش ڕه‌وشیان باشه، له سلێمانی 5 حاڵه‌تمان هه‌یه باری ته‌ندروستییان خه‌راپه 50 حاڵه‌تیشیان پێویستییان به ئۆكسجینه،له هه‌ولێر 2 حاڵه‌تی زۆر خه‌راپمان هه‌یه و 6 حاڵه‌تیشمان هه‌یه له ژێر ئۆكسجینن، ڕێژه‌ی توشبووانیش به‌رده‌وام له زیادبوندایه.
له كوردستان له ئێسته‌دا 1400 هاوڵاتیی له كه‌ره‌نتینه‌كاندان به‌رده‌وامیش هاوڵاتییان له ده‌ره‌وه‌ی وڵات ده‌گه‌ڕێنه‌وه كه‌ره‌نتینه‌ده‌كرێن.
ئه‌ڤرۆ نیوز:
په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند: تانوكه مه‌ترسیا ڤایرۆسێ كورونایێ ل ته‌ڤایا كوردستانێ وه‌ك ئێكه و هه‌كه وه‌لاتی ب هه‌ر ئه‌گه‌ره‌كێ پێگیری رێنمایێن خۆپاراستنێ نه‌بن، دێ كاره‌سات روو ده‌ن.
ئه‌ڤرۆ نیوز:
د.محه‌مه‌د قادر په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند پێدڤیه وه‌لاتێن كوردستانێ پێگیری رێنمایێن ساخله‌میی بن، ئه‌وی ده‌می ب هێسانی ره‌وش دێ هێته كۆنترولكرن، هه‌كه هوسا نه‌بیت و وه‌لاتی ب هه‌ر ئه‌گه‌ره‌كی پێگیری رێنمایێن خۆپاراستنێ نه‌بن ئه‌ڤه دێ بیته ئه‌گه‌رێ سه‌رهلدانا كاره‌ساته‌كێ.
په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده ژی دازانین تا نوكه مه‌ترسیا ڤایرۆسێ كورونا ل هه‌موو كوردستانێ وه‌ك ئێكه و هه‌موو كوردستان زوونا مه‌ترسیداریێ یه، له‌ورا ئه‌م ه‌ك وه‌زاره‌تا ئێك سه‌ره‌ده‌ریێ ل گه‌ل هه‌موو كوردستانێ دكه‌ین بۆ كه‌ره‌نتینه‌كرنێ، به‌لێ هه‌كه ده‌ڤه‌ره‌ك بۆ ده‌ڤه‌ره‌كا دی زۆرترین توشبوو تێدا بهێنه توماركرن ئه‌ڤه ئه‌و ده‌ڤه‌ر دێ هێته گرتن ژ هاتنوچونێ و كه‌ڤنه بن كه‌ره‌نتینه‌كرنێ دا.
په‌یڤدارێ وه‌زاره‌تا ساحله‌میێ ئه‌و چه‌نده ژی گۆت: هه‌ماهه‌نگیه‌كا باش هه‌یه ل گه‌ل رێكخراوا ساخله‌میا جیهانی بۆ پێدا دوماهی رێنمایێن ساخله‌میێ و خۆپارێزی و سه‌ره‌ده‌ریكرن ل گه‌ل توشبوویان و پاراستنا ئه‌ڤێن توش نه‌بووی.
ئه‌ڤرۆ نیوز:
لگۆری نووترین ئامارێن وه‌زاره‌تا ساخله‌میا حكومه‌تا هه‌رێما كوردستانێ به‌لاڤكرین، ئه‌ڤرۆ 26 توشبووێن نوو ب ڤایرۆسێ كورونا كوڤید 19 ل قه‌زا و ناحیێن پارێزگه‌ها هه‌ولێرێ هاتینه توماتركرن.
وه‌زاره‌تا ساخله‌میا حكوه‌تا هه‌رێما كوردستانێ د راگه‌هاندنه‌كێ دا به‌لاڤكر، حه‌فت ژ توشبووییێن نوو ئاكنجیێن باژێرێ هه‌ولێرێ نه، ئه‌ڤێن دی یێن قه‌زا و ناحیا نه.
وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده ژی راگه‌هاند ل به‌رده‌وامیا پشكنین و لێگه‌ریانا گۆمانلێكریێن توشبووی، 26 توشبوویێن ڤایرۆسێ كورونا كوڤید19 ل پارێزگه‌ها هه‌ولێرێ هاتینه توماركرن، پازده زه‌لام و چار ئافره‌ت و سی كچ و چار زارۆك، شازده ژ وان توشبوویان به‌ركه‌تیێن توشبوویێن به‌ری نوكه‌نه و نیشانه‌یێن نه‌خوشیا ڤایرۆسی هه‌نه.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه كۆ ل سلیمانێ چار كه‌سێن دی گیانێ خو ژ ده‌ست دان ب ئه‌گه‌ری ڤایرۆسێ كورونایێ.
ئه‌ڤرۆ 7/6/2020 وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر و تێدا هاتیه كۆ چار توشبوویێن ڤایرۆسێ كورونایێ كوڤید 19 گیانێ خو ژ ده‌ست دان، كۆ زه‌لامه‌ك و سێ ئافره‌ت بوون، هه‌موو ژی ئاكنجیێن ناڤ باژێرێ سلیمانێ بوون، پشتی نڤاندن و مانا وان ل نه‌خوشخانه‌یێ ل پشكا چر ل سه‌ر ئامیرێ هه‌ناسه‌دانا ده‌ستكرد گیانێ خو ژ ده‌ست دان.
هه‌ر د راگه‌هاندنا وه‌زاره‌تا ساخله‌میا حكومه‌تا هه‌رێما كوردستانێ دا هاتیه زێده‌باری سه‌رخوشیێ ل كه‌س و كارێن خودێ ژێ رازیان دكه‌ین، هیڤی دارین وه‌لاتی پێگیری رینمایێن ساخله‌میێ بن.
ئه‌ڤرۆ نیوز:
رێڤه‌به‌رێ گشتی ل وه‌زاره‌تا دارایی و ئابووری یا حكومه‌تا هه‌رێما كوردستانێ راگه‌هاند كۆ ئه‌و د قوناغا فرۆتنا ئه‌وان بارمته‌یا دانه كۆ سه‌رمایه‌داران هه‌مبه‌ر ئه‌و قه‌رێن ژ حكومه‌تێ وه‌رگرتین .
د.كه‌مال ته‌یب ریڤه‌به‌رێ گشتی یێ خویكان ل وه‌زاره‌تا دارای و ئابووری یا حكومه‌تا هه‌رێما كوردستانێ راگه‌هاند تانوكه رێ و ئاوایێن وه‌رگرتنا قه‌رێن لایێن كۆمپانیا و بازرگان و سه‌رمایه‌داران یێن حكومه‌تا هه‌رێمێ، كار ل سه‌ر دكه‌ین، ل هه‌یڤا حه‌فت دا ده‌ست ب بجهكرنا رێكارێن دی هێنه‌كرن هه‌مبه‌ر ئه‌وان كۆمپانیێن كو نه‌شێن قه‌رێن خو بده‌ن، ئه‌و بارمته‌یێن داناین هه‌مبه‌ر ئه‌وی قه‌ری دانای دێ هێنه فرۆتن له‌ورا نوكه گه‌هشتینه ئه‌وێ قوناغێ كۆ بارمته‌یان ب فرۆشین.
ریڤه‌به‌رێ گشتی یێ خویكان ل وه‌زاره‌تا دارای و ئابووری یا حكومه‌تا هه‌رێما كوردستانێ ئه‌و چه‌نده ژی راگه‌هاند ئه‌وان بارمته‌یان دێ ل زێده‌كرنه‌كا ئاشكرا هێنه فرۆتن، ئه‌ڤێ قه‌ردار دڤێت نه‌جار بیت ب فرۆتنێ و یێ پێگیر بیت.
ئه‌ڤرۆ نیوز:
رێكخراوا ساخله‌میا جیهانێ راگه‌هاند ئه‌گه‌رێ بلند بوونا ژماره‌یا توشبووێن كورونایێ ل عیراقێ هێشتا هنده‌ك وه‌لاتیان باوه‌ری ب هه‌بوونا كورونایێ نینه.
ئه‌دهه‌م ئیسماعیل نوونه‌رێن رێكخراوا ساخله‌میا جیهانێ ل عیراقی راگه‌هاند پێگیرنه‌بوونا وه‌لاتیان ب رێكارێن قه‌ده‌غه‌یا هاتنوچونێ و خۆپارستنێ ل هه‌یڤا ره‌مه‌زانێ تا نوكه، نه‌گرتنا هاتنوچونا دناڤبه‌را باژێران، ئه‌گه‌ری سه‌ره‌كی یێ زێده‌بوونا ژماره‌یا توشبوویێن كورونایی یه ل عیراقێ.
رێكخراوا ساخله‌میا جیهانێ ل عیراقێ ئه‌و چه‌نده ژی راگه‌هاند ئه‌گه‌رێ دوێ یێ زێده‌بوونا ژماره‌یا توشبوویان ڤه‌دگه‌ریت بۆ ئه‌وێ چه‌ندێ كۆ هنده‌ك باژێر ل گه‌ل ده‌وروبه‌رێن خۆ هاتبوونه كه‌ره‌نتینه‌كرن لێ ژیان دناڤ دا یا ئاسایی بوو و هێشتا هنده‌ك وه‌لاتیان باوه‌ری ب هه‌بوونا كورونایی نینه ئه‌ڤێ ژی هژمارا توشبوویان زێده‌كر.
نيشاندان