ئه‌ڤرۆ نیوز:
ئه‌مریكا ژ رێكه‌تنا ئاسمانێ ڤه‌كری په‌شێمان بوو كۆ دناڤبه‌را 35 وه‌لاتان ل 2002 هاتیه ئیمزاكرن.
دونالد تره‌مپ سه‌رۆكێ ئه‌مریكا راگه‌هاند په‌یوه‌ندیه‌كا باش مه ل گه‌ل روسیا هه‌یه، به‌لێ روسیا پێگیر نه‌بوویه ژ رێكه‌تنا ئاسمانێ ڤه‌كری، له‌ورا ئه‌وی ده‌مێ روسیا پێگیر نه‌بیت ب په‌یماننامه‌یێ ئه‌مریكا دێ خۆ ڤه‌كێشینیت ژ وێ رێكه‌تنێ.
به‌رپرسێن كوچكا سپی راگه‌هاندن كۆ روسیا برگه‌یێن رێكه‌تنامه‌یێ بن پێكرینه له‌ورا ب فه‌رمی ژ رێكه‌تنێ ل ماوه‌یێ 6 هه‌یڤان دێ خۆ ژێ ڤه‌كێشین، ئه‌ڤ چه‌نده ژی پشتی دانوستاندن لسه‌ر رێكه‌تێ هاتیه‌كرن، گه‌هشتینه ئه‌وی ئه‌نجامی كۆ دبه‌رژه‌وه‌ندا ئه‌مریكا دا نینه، له‌ورا ژ رێكه‌تنێ په‌شێمان بووین.
هه‌مبه‌ر ئه‌ڤێ چه‌ندێ، وه‌زاره‌تا ده‌رڤه‌یا روسیا راگه‌هاند: وه‌لاتێ وی چ بن پێكرن نه‌كرینه و دشیێن ل سه‌ر ئاریشه‌یێن ته‌كنیكی دانوستاندنێ بكه‌ین، كۆ ئه‌مریكا ب خه‌له‌ت و بن پێكاری دزانیت.
په‌یماننامه‌یا ئاسمانێ ڤه‌كری ل سالا 2002 دناڤبه‌را 35 وه‌لاتێن جیهانێ هاته ئیمزاكرن، ئارمانج ژ ئه‌ڤێ رێكه‌تنێ رێگرتن ژ هێرشان و وه‌لاتێن ئه‌ندام دشیان فرۆكه‌یێن بێ چه‌ك بۆ سیخوریێ بهنێره سه‌ر وه‌لاتێن ئێك.
ئه‌ڤرۆ نیوز:
وه‌زاره‌تا چاندنێ و ژێده‌رین ئاڤێ یین حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه و تیدا هاتیه ده‌رگه‌هێن گومركێن فێقی و كه‌سكاتیێ ل رۆژێن جه‌ژنێ دێ دڤه‌كری بن.
د راگه‌هاندنا وه‌زاره‌تا چاندنێ و ژێده‌رێن ئاڤێ یا حكومه‌تا هه‌رێما كوردستانێ هاتیه كۆ لبه‌رچاڤگرتنا وه‌رزێ پێگه‌هشتنا به‌رهه‌مێ ناڤخویی، پشتی دانوستاندنین وه‌زیرا چاندنێ و وه‌زیرێ ناڤخو، ب تایبه‌ت ب ڤه‌كرنا ده‌رگه‌هێن گومركێن فێقی و كه‌سكاتیێ د رۆژێن چه‌ژنی دا، بریار هاته دان ژبلی رۆژا ئێكێ دێ رێ ب ڤه‌كرنا گومركان هیته‌دان ڤه‌كری بن.
د راگه‌هاندنا وه‌زاره‌تا چاندنێ و ژێده‌رێن ئاێ ئاماژه ب وێ چه‌ندێ دایه كۆ رۆژا دوێ و سیێ یا چه‌ژنێ دێ هه‌موو گومركێن فێقی و كه‌سكاتیێ د ڤه‌كری بن.
ئه‌ڤرۆ نیوز:
رێكخراوا ساخله‌میا جیهانێ ره‌تكر كۆ داخوازیێن سه‌رۆكێ ئه‌مریكا بۆ بجهكرنا چاكسازیێ په‌سند بكه‌ت، ئه‌ڤ سیاسه‌تا تره‌مپی دێ بیته ئه‌گه‌رێ مرنا خه‌لكه‌كێ بێ تاوان.
ئه‌ندامێن رێكخراوا ساخله‌میا جیهانی رێكه‌تن ل سه‌ر ئه‌وێ چه‌ندێ كۆ داخوازیا دونالد تره‌مپ سه‌رۆكێ ئه‌مریكا بۆ ئه‌نجامدانا چاكسازیێ ل ده‌مێ 30 رۆژان ره‌ت بكه‌ن، به‌رده‌وام بن ل سه‌ر ئه‌ركێن خو.
پرانیا وه‌لاتێن جیهانێ به‌رۆڤاژیا ئه‌مریكا هزر دكه‌ن، كۆ رێكخراوا ناڤبری ل گه‌ل چینێ ریكه‌تنه‌كا نه‌په‌نی هه‌بیت.
ڤیرجین هێنریكسون په‌یڤدارا كومسیونا ئێكه‌تیا ئه‌وروپا راگه‌هاند ده‌می هندێ یه جیهان هه‌ڤكاریا ئێك بكه‌ن، نه‌ك تومه‌تا ئاراسته‌ی ئێك بكه‌ن.
ئه‌ڤرۆ نیوز:
به‌نكا ناڤه‌ندا توركیا راگه‌هاند لگۆری گرێبه‌سته‌كێ بۆ ل هه‌ڤگۆهارتنا دراڤی، هه‌فتیا بوری 10 ملیار دۆلار ژ قه‌ته‌رێ گه‌هشتینه به‌نكا ناڤه‌ندی.
د به‌یاننامه‌یه‌كێ دا، به‌نكا ناڤه‌ندا توركیا راگه‌هاند 10 ملیار دۆلار ژ قه‌ته‌رێ گه‌هشتینه به‌نكا ناڤه‌ندی، ئارمانجا هاتنا ئه‌وی پاره‌یی، پشته‌ڤانیكرنه ل لیره و یه‌ده‌كێ دراڤێ توركیا، كۆ به‌ریا نها توركیا ل گه‌ل قه‌ته‌رێ رێكه‌ت بوو، ل هه‌ڤگۆهارتنا دراڤی دناڤبه‌را خۆ ژ پێنج ملیار دۆلاران بلند بكه‌ن بۆ 15 ملیار دۆلاران، بڤێ ژی یه‌ده‌كێ دراڤێ توركیا ژ ئیفلاسبوونێ هاته قورتالكرن.
لگۆری ئه‌وێ رێكه‌تنا دناڤبه‌را قه‌ته‌رێ و توركیا ل سالا 2018 هاتیه ئیمزاكرن، لهه‌ڤگۆهارتنا دناڤبه‌را هه‌ردو وه‌لاتان پێشڤه‌ببه‌ن و ب ئاوایه‌كی قه‌ته‌ر دراڤی لیره‌یێ توركیا ب ریال بگهوریت.
ئەڤرۆ نیوز:
په‌یڤدارێ وه‌زاره‌تا ئه‌وقاف و كاروبارێن ئایینى یا حوکمه‌تا هه‌رێما كوردستانێ دیار کر: ئه‌ڤرۆ لژنا دیتنا هه‌یڤێ دێ كۆم بیت و دێ چاڤدێریا دیتنا هه‌یڤێ كه‌ت بۆ دیار كرنا رۆژا ئێکێ یاجه‌ژنا ره‌مه‌زانێ.
نه‌به‌ز ئیسماعیل په‌یڤدارێ وه‌زاره‌تا ئه‌وقاف و كاروبارێن ئاینى ئاشكرا كر ژی: ل ده‌مژمێر 7 ئێڤاریا ئه‌ڤرۆ ئەینیێ لژنا بلند یا دیتنا هه‌یڤێ ب مه‌ره‌ما دیاركرنا رۆژا ئێکێ یا جه‌ژنا ره‌مه‌زانا پیرۆز دێ كۆم بیت و دێ چاڤدێریا دیتنا هه‌یڤێ كه‌ت.
ناڤهاتی گوت ژى: هەکە ل ئێڤاریا ئه‌ڤرۆ هه‌یڤ هاته دیتن، سۆبه‌هى شه‌مبیێ دێ بیته رۆژا ئێکێ یا جه‌ژنا ره‌مه‌زانا پیرۆز، هەکە هەیڤ نەهاتە دیتن، رۆژا ئێكشه‌مبی دێ بیتە جه‌ژنا ره‌مه‌زانێ.
ئەڤرۆ نیوز:
ئه‌حمه‌د سه‌فار، بریارده‌رێ لژنا دارایى ل په‌رله‌مانێ عیراقێ دیار کریە، کو كورتهێنانا بۆدجێ عیراقێ گه‌هشتیه 69 ترلیۆن دیناران.
هەروەسا لژنا دارایى یا پەرلەمانێ عیراقێ، پێشبینى كریە کو سالا 2020 بێ په‌سه‌ندكرنا بۆدجه‌ى بهێته ده‌ربازكرن.
د هەمان دەمدا، حه‌نین قه‌دۆ ئه‌ندامێ لژنا دارایى ل پەرلەمانێ عیراقێ راگه‌هاندیە: لژنا دارایى داخواز ژ حوکمه‌تا عیراقێ كریه، پشتى جه‌ژنا ره‌مه‌زانێ بۆدجێ سالا 2020 ره‌وانه‌ى په‌رله‌مانى بكه‌ن، داكو گوتۆبێژ ل سه‌ر بهێته كرن و ده‌نگ ل سه‌ر بهێته دان.
ناڤهاتی گوتیە ژى: هەکە هات و پشتى جه‌ژنا رەمەزانێ ژى بۆدجه نه‌گه‌هشت و گیرو بوو، ئه‌ڤه سالا 2020 بێی هه‌بوونا بۆدجه‌ى دێ تمام بیت.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا هاتنوچوونێ دا دو کەس بریندار بوون.
ناڤهاتی زێدەتر ئاشکرا کر: ئەڤرۆ ئەینیێ 2020/5/22 ل دەمژمێر (6:00) سپێدە ل سەر جادا سەرەکی یا دهۆك بۆ زاخۆ، ل نێزیکی تۆنێلا گەلیێ زاخۆ ترومبێلەکا تایبەت ژ جۆرێ BMW یا رەنگ رەش، ژ ئەگەرێ ب لەز هاژوتنێ ل ژێر کونترۆلا شوفێری دەرکەفتیە و خوە ل نیشانەکا هاتنوچوونێ دایە و وەرگەریایە، د ئەنجامدا دو کەس ب گرانی بریندار بووینە و زیانێن مەزن ژی ب ترۆمبێلێ کەفتینە.
ئه‌ڤرۆ نیوز:
دهێته چاڤەرێ کرن ل هاڤینا بهێت یانا به‌رشه‌لۆنا هه‌شت یاریزانێن خوه بفروشیت، داكو به‌رامبه‌ر چوونا ئه‌وان یا مفاداربیت و ب وى گوژمێ پاره‌ى هه‌ڤبه‌ستێ ل گه‌ل دو هه‌تا سێ یاریزانێن نوو ئیمزا بكه‌ت.
ئه‌و یاریزانێن به‌رشه‌لۆنا هزر ل فروتنا وان كرى ئه‌ڤێن خوارێ نه:
راڤینا ب كوژمێ 9.5 ملیون دولار
ئه‌لینا ب 18 ملیون دولارا
راكیتیچ ب 20 ملیون دولارا
فیریبو ب 20 ملیون دولار
سێمیدو ب 32 ملیون دولارا
ئومتێتى 32 ملیون دولار.
ئه‌ڤرۆ نیوز:
دهێته چاڤەرێ کرن ل ڤه‌گوهاستنێن هاڤینا بهێت هه‌ڤبه‌ستا ستێرا ئورگواى و یانا پاریس سانجێرمان ئه‌دیسون كاڤانى ل گه‌ل یانا وى ب دووماهیى بهێت و ماف هه‌یه ب هه‌ڤبه‌سته‌كا سه‌ربه‌ست په‌یوه‌ندیێ ب هه‌ر یانه‌كا وى بڤێت بكه‌ت و نوكه ئه‌و یاریزان بوویه جهێ گرنگیا هژماره‌كا یانێن ئورۆپى.
رۆژناما سكاى سپورت یا ئیتالى دیاركریه: یانا ئه‌نتر میلان دخوازیت هه‌ڤبه‌ستێ ل گه‌ل كاڤانى ئیمزا بكه‌ت ل ڤه‌گوهاستنێن بهێت ل سه‌ر داخوازیا راهێنه‌رێ خوه كونتى پشتى ناڤبرى داخوازى ژ به‌رپرسێن وێ یانێ كرى كو ئه‌و دبینت دێ مفایه‌كێ باش ژ شیانێن ئه‌وى یاریزانى بینن ل وه‌رزێ بهێت.
هه‌ژى گوتنێ یه یانا ئه‌تله‌تیكو مه‌درید ژى ده‌ست ب دانوستاندنان كریه ل گه‌ل وى یاریزانى و یانا نیوكاس ژى هزر ل ئینانا ئه‌وى یاریزانى كریه.
نيشاندان